AZITROMISIN DALXIMFARM kapsulalar 250mg N6

Azitromitsin MITYdan tez so'riladi, bu uning kislotali muhitga chidamliligi va lipofilligi bilan bog'liq. Ichga 500 mg qabul qilingandan so'ng qon plazmasidagi azitromitsinning maksimal kontsentratsiyasiga 2,5 - 2,96 soatdan keyin erishiladi va 0,4 mg/l ni tashkil qiladi. Biologik kira olishligi 37% ni tashkil qiladi.

Azitromitsin nafas yo'llariga, urogenital trakt organlari va to'qimalariga (xususan prostata beziga), teri va yumshoq to'qimalarga yaxshi kirib boradi. To'qimalardagi yuqori kontsentratsiya (qon plazmasidagiga qaraganda 10-50 baravar yuqori) va uzoq yarim chiqarilish davri azitromitsinning qon plazmasi oqsillari bilan past darajada bog'lanishi, shuningdek, uning eukariotik hujayralarga kirish va lizosomalar atrofidagi past pH muhitida to'planish qobiliyati bilan bog'liq. Bu, o'z navbatida, katta ko'rinadigan taqsimlanish hajmini (31,1 l/kg) va yuqori plazma klirensini belgilaydi. Azitromitsinning asosan lizosomalarda to'planish qobiliyati hujayra ichidagi qo'zg'atuvchilarni yo'q qilish uchun ayniqsa muhimdir. Fagotsitlar azitromitsinni infektsiya lokalizatsiyasi joylariga yetkazib berishi, u yerda u fagotsitoz jarayonida ajralib chiqishi isbotlangan. Infektsiya o'choqlarida azitromitsin kontsentratsiyasi sog'lom to'qimalarga qaraganda ishonchli darajada yuqori (o'rtacha 24-34% ga) va yallig'lanish shishi darajasi bilan korrelyatsiya qiladi. Fagotsitlarda yuqori kontsentratsiyaga qaramay, azitromitsin ularning funktsiyasiga sezilarli ta'sir ko'rsatmaydi. Azitromitsin yallig'lanish o'chog'ida oxirgi doza qabul qilinganidan keyin 5-7 kun davomida bakteritsid kontsentratsiyalarda saqlanib turadi, bu esa qisqa (3 kunlik va 5 kunlik) davolash kurslarini ishlab chiqishga imkon berdi.

Jigarda demetillanadi, hosil bo'lgan metabolitlar faol emas.

Azitromitsinning qon plazmasidan chiqarilishi 2 bosqichda o'tadi: yarim chiqarilish davri preparat qabul qilingandan keyin 8 dan 24 soatgacha bo'lgan oraliqda 14-20 soatni va 24 dan 72 soatgacha bo'lgan oraliqda - 41 soatni tashkil qiladi, bu preparatni sutkada 1 marta qo'llash imkonini beradi.

Ovqat hazm qilish tizimi tomonidan: diareya (5 %), ko'ngil aynishi (3 %), abdominal og'riqlar (3 %); 1 % va undan kam - dispepsiya, meteorizm, qusish, melena, xolestatik sariqlik, "jigar" transaminazalari faolligining oshishi; bolalarda - qabziyat, anoreksiya, gastrit, ta'mning o'zgarishi, og'iz bo'shlig'i shilliq qavati kandidozi.

Yurak-qon tomir tizimi tomonidan: yurak urishi, ko'krak qafasida og'riq (1 % va undan kam).

Asab tizimi tomonidan: bosh aylanishi, bosh og'rig'i, uyquchanlik; bolalarda - bosh og'rig'i (o'rta otitni davolashda), giperkineziya, xavotirlik, nevroz, uyqu buzilishi (1 % va undan kam).

Siydik-tanosil tizimi tomonidan: vaginal kandidoz, nefrit (1 % va undan kam).

Allergik reaksiyalar: toshma, Kvinke shishi, qichishish, eshakemi. Bolalarda - kon'yunktivit, qichishish, eshakemi.

Boshqalar: yuqori toliqish.

Doza qabuli o'tkazib yuborilgan taqdirda o'tkazib yuborilgan dozani imkon qadar tezroq, keyingilarini esa - 24 soatlik interval bilan qabul qilish kerak.

Antatsidlar bilan bir vaqtda qo'llanilganda 2 soatlik tanaffusga rioya qilish kerak.

Davolash bekor qilingandan so'ng ba'zi bemorlarda yuqori sezuvchanlik reaksiyalari saqlanib qolishi mumkin, bu shifokor nazorati ostida maxsus terapiyani talab etadi.

Yuqori sezuvchanlik (shu jumladan boshqa makrolidlarga); jigar va/yoki buyrak yetishmovchiligi; laktatsiya davri;

12 yoshdan kichik bolalarga (vazni 45 kg dan kam).

Ehtiyotkorlik bilan:

Aritmiya.

Homiladorlik va laktatsiya:

Homiladorlik vaqtida qo'llanilishi mumkin, qachonki undan foydalanishdan keladigan foyda homiladorlik davrida har qanday preparatni qo'llashda har doim mavjud bo'lgan xavfdan sezilarli darajada ustun bo'lsa.

Laktatsiya davrida tayinlash zarur bo'lganda emizishni to'xtatish masalasini hal qilish kerak.

Antatsidlar (alyuminiy va magniy saqlovchi), etanol va ovqat so'rilishni sekinlashtiradi va kamaytiradi.

Varfarin va azitromitsin birga tayinlanganda (oddiy dozalarda) protrombin vaqti o'zgarishi aniqlanmagan, biroq makrolidlar va varfarin o'zaro ta'sirlashganda antikoagulyatsion samara kuchayishi mumkinligini hisobga olib, bemorlarga protrombin vaqtini sinchkovlik bilan nazorat qilish zarur.

Digoksin: digoksin konsentratsiyasi oshishi.

Ergotamin va digidroergotamin: toksik ta'sir kuchayishi (vazospazm, dizesteziya).

Triazolam: klirens pasayishi va triazolamning farmakologik ta'siri oshishi.

Sikloserin, bilvosita antikoagulyantlar, metilprednizolon, felodipinning, shuningdek mikrosomal oksidlanishga uchraydigan dori vositalarining (karbamazepin, terfenadin, siklosporin, geksobarbital, sporinya alkaloidlari, valproat kislotasi, dizopiramid, bromokriptin, fenitoin, peroral gipoglikemik vositalar, teofillin va b. ksantin hosilalari) chiqarilishini sekinlashtiradi va plazmadagi konsentratsiyasini va toksikligini oshiradi - gepatotsitlarda azitromitsin tomonidan mikrosomal oksidlanish ingibitsiya qilinishi hisobiga.

Linkozaminlar samaradorlikni susaytiradi, tetratsiklin va xloramfenikol - kuchaytiradi.