ERSEFURIL kapsulalar 200mg

Ichga qabul qilingandan so'ng nifuroksazid ovqat hazm qilish traktidan deyarli so'rilmaydi va o'zining antibakterial ta'sirini faqat ichak bo'shlig'ida ko'rsatadi.

Nifuroksazid ichak orqali chiqariladi: 20% o'zgarmagan holda, nifuroksazidning qolgan miqdori esa - kimyoviy o'zgargan holda.

Nifuroksazid - mikroblarga qarshi vosita, nitrofuran hosilasi. Degidrogenazalar faolligini bloklaydi va nafas olish zanjirlarini, uch karbon kislotalar siklini va mikrob hujayrasidagi bir qator boshqa biokimyoviy jarayonlarni susaytiradi. Mikrob hujayrasi membranasini buzadi, mikroorganizmlar tomonidan toksinlar ishlab chiqarilishini kamaytiradi.

Campylobacter jejuni, Escherichia coli, Salmonella spp., Shigella spp., Clostridium perfringens, Vibrio cholerae, patogen Vibrions va Vibrio parahaemolytique, Staphylococcus spp. ga nisbatan yuqori faol.

Nifuroksazidga kuchsiz sezgir: Citrobacter spp., Enterobacter cloacae va Proteus indologenes.

Nifuroksazidga rezistent: Klebsiella spp., Proteus mirabilis, Providencia spp., Pseudomonas spp.

Ichak mikroflorasi muvozanatini buzmaydi. O'tkir bakterial diareyada ichak eubiozini tiklaydi. Enterotrop viruslar bilan infektsiyalanganda bakterial superinfektsiya rivojlanishiga to'sqinlik qiladi.

Allergik reaksiyalar: bo'lishi mumkin - teri toshmalari, eshakemi, Kvinke shishi, anafilaktik shok.

Agar yo'riqnomada ko'rsatilgan har qanday nojo'ya ta'sirlar kuchaysa yoki yo'riqnomada ko'rsatilmagan boshqa nojo'ya ta'sirlar qayd etilsa, bemor bu haqda shifokorga xabar berishi kerak.

Diareyani davolashda nifuroksazid bilan terapiya bilan bir vaqtda regidratatsion terapiya o'tkazish zarur. Tizimli shikastlanish belgilari (umumiy holat yomonlashishi, tana harorati ko'tarilishi, intoksikatsiya yoki infeksiya simptomlari) bilan kechuvchi bakterial diareya holatida bemor tizimli ta'sir etuvchi antibakterial preparatlarni qo'llash masalasini hal qilish uchun shifokorga murojaat qilishi kerak.

O'ta yuqori sezuvchanlik simptomlari (hansirash, teri toshmasi, teri qichishishi) paydo bo'lganda preparat qabul qilishni to'xtatish kerak.

Nifuroksazid bilan terapiya vaqtida alkogol iste'mol qilish taqiqlanadi.

Qandli diabeti bo'lgan bemorlar uchun ko'rsatma: Ersefuril^® preparatining bitta bir martalik dozasi (1 kaps.) 72 mg saxaroza saqlaydi, bu 0,00072 NB ga to'g'ri keladi. Maksimal sutkalik doza (4 kaps.) 288 mg saxaroza saqlaydi, bu 0,0288 NB ga to'g'ri keladi.

Avtotransportni haydash va mexanizmlarni boshqarish qobiliyatiga ta'siri

Ersefuril^® preparati transport vositalarini va mexanizmlarni boshqarish qobiliyatiga ta'sir qilmaydi.

• nifuroksazidga, nitrofuran hosilalariga yoki preparatning boshqa komponentlariga yuqori sezuvchanlik;
• 3 yoshgacha bo‘lgan bolalar;
• homiladorlik;
• fruktozani o‘zlashtira olmaslik, glyukoza-galaktoza malabsorbtsiyasi sindromi yoki saxaraza va izomaltaza yetishmovchiligi (preparat tarkibida saxaroza mavjudligi sababli).

Disulfiramsimon reaktsiyalar rivojlanishini keltirib chiqaruvchi preparatlar, MAT funktsiyasini susaytiruvchi dori preparatlari bilan bir vaqtda qo'llash tavsiya etilmaydi.

Agar bemor boshqa dori preparatlarini (shu jumladan retseptsiz) qabul qilayotgan bo'lsa, Ersefuril^В® preparatini qo'llashdan oldin shifokor bilan maslahatlashish kerak.

Preparat ichga qabul qilinadi.

Kattalarga 200 mg dan (1 kaps.) sutkasiga 4 marta (qabullar orasidagi interval 6 soat); 6 dan 18 yoshgacha bo‘lgan bolalarga - 200 mg dan (1 kaps.) sutkasiga 3-4 marta (qabullar orasidagi interval 6-8 soat); 3 dan 6 yoshgacha bo‘lgan bolalarga 200 mg dan (1 kaps.) sutkasiga 3 marta (qabullar orasidagi interval 8 soat) tayinlanadi.

Davolash kursi davomiyligi 5-7 kunni, lekin 7 kundan ko‘p bo‘lmagan muddatni tashkil qiladi.

Agar qabul qilishning dastlabki 3 kunida yaxshilanish kuzatilmasa, bemor shifokorga murojaat qilishi kerak.

Preparatni faqat yo‘riqnomada ko‘rsatilgan qo‘llash usuli va dozalarga muvofiq qo‘llash kerak. Zarurat bo‘lganda preparatni qo‘llashdan oldin bemor shifokor bilan maslahatlashishi kerak.