EUFILLIN POLITVIST 0,024/ML inyeksiya uchun eritma 5ml N10
EUFILLIN POLITVIST 0,024/ML inyeksiya uchun eritma 5ml N10 qo'llanmasi
Farmakokinetikasi
Suyuq dori shakllari uchun biokiraolishligi - 90-100 %. Maksimal kontsentratsiyasi (7 mkg/ml) 300 mg vena ichiga yuborilganda 15 daqiqadan so'ng erishiladi.
Eufillinning 60 % (sog'lom kattalarda) va 36 % (yangi tug'ilgan chaqaloqlarda) plazma oqsillari bilan bog'lanadi va qonda, hujayradan tashqari suyuqlikda va mushak to'qimasida taqsimlanadi. Eufillin ko'krak sutiga (qabul qilingan dozaning 10 %), platsenta to'sig'i orqali (homila qon zardobidagi kontsentratsiyasi ona qon zardobiga qaraganda bir oz yuqoriroq), yog' to'qimasida to'planmaydi. Preparatning 90 % jigarda metabollanadi. Metabolitlar buyraklar orqali chiqariladi, preparatning 7-13 % o'zgarmagan holda chiqariladi. Yarim chiqarilish davri chekmaydigan kattalarda 5 dan 10 soatgacha, 10 oylikdan katta bolalarda 2,5 dan 5 soatgacha tashkil qiladi. Chekish va spirtli ichimliklar preparatning metabolizmi va chiqarilishiga sezilarli ta'sir qiladi, xususan chekuvchilarda bu davr sezilarli darajada qisqaradi va 4 dan 5 soatgacha tashkil qiladi. Nafas yetishmovchiligi, buyrak va yurak yetishmovchiligi, virusli infektsiyalar va gipertermiyada preparatning chiqarilishi uzayadi.
Nojo'ya samaralari
Asab tizimi tomonidan: bosh aylanishi, bosh og'rig'i, uyqusizlik, qo'zg'alish, xavotir, asabiylik, tremor, tirishishlar, ko'ngil aynishi, qusish.
Yurak-qon tomir tizimi tomonidan: yurak urishini his qilish, taxikardiya (shu jumladan homilador ayol III trimestrda qabul qilganda homilada), aritmiyalar, vena ichiga tez yuborilganda - arterial qon bosimining pasayishi, hatto kollapsgacha, kardialgiya, stenokardiya xurujlari tezligining oshishi.
Ovqat hazm qilish tizimi tomonidan: gastroezofageal reflyuks, jig'ildon qaynashi,
me'da va o'n ikki barmoqli ichak yara kasalligining zo'rayishi.
Allergik reaksiyalar: teri toshmasi, teri qichishishi, isitma
Boshqalar: ko'krakda og'riq, taxipnoe, yuzga qon «quyilishini» his qilish, albuminuriya, gematuriya, gipoglikemiya, diurezning kuchayishi, ko'p terlash.
Mahalliy reaksiyalar: yuborish joyida qattiqlashuv, giperemiya, og'riq.
Maxsus saqlash sharoitlari
Parenteral yuborishdan oldin eritmani tana haroratigacha isitish kerak. Keksa bemorlarga preparatning organizmdan chiqarilishi sekinlashganligi sababli dozani kamaytirish tavsiya etiladi. Chekuvchi bemorlarga preparatning organizmdan chiqarilishi tezlashganligi sababli dozani oshirish tavsiya etiladi.
Davolash davrida kofein saqlovchi mahsulotlar yoki ichimliklarni ko'p miqdorda iste'mol qilishdan saqlanish kerak.
Transport vositalarini va mexanizmlarni boshqarish qobiliyatiga ta'siri
Preparat bosh aylanishi va boshqa nojo'ya ta'sirlarni chaqirishi mumkin. Davolash davrida avtotransportni haydash va diqqatni yuqori jamlash va psixomotor reaksiyalar tezligini talab qiluvchi potensial xavfli faoliyat turlari bilan shug'ullanishdan saqlanish zarur.
Qo'llanilishi mumkin bo'lmagan holatlar
Preparatga, shuningdek ksantin hosilalariga: kofein, pentoksifillin, teobrominga yuqori sezuvchanlik. Yaqqol arterial gipotenziya yoki gipertenziya, paroksizmal taxikardiya, ekstrasistoliya, yurak ritmi buzilishlari bilan kechuvchi miokard infarkti, epilepsiya, yuqori talvasaga tayyorgarlik, gipertrofik obstruktiv kardiomiopatiya, tireotoksikoz, o‘pka shishi, og‘ir koronar yetishmovchilik, jigar va/yoki buyrak yetishmovchiligi, gemorragik insult, ko‘z to‘r pardasiga qon quyilishi, yaqin anamnezda qon ketish, o‘tkir porfiriya.
Ehtiyotkorlik bilan
55 yoshdan katta yosh va nazorat qilib bo‘lmaydigan gipotireoz (kumulyatsiya ehtimoli), tarqalgan tomir aterosklerozi, sepsis, uzoq muddatli gipertermiya, gastroezofageal reflyuks, oshqozon va o‘n ikki barmoqli ichak yara kasalligi (anamnezda), prostata bezi giperplaziyasi. Jigar va buyrak funksiyasining yaqqol buzilishlari bo‘lgan bemorlarga preparat ehtiyotkorlik bilan tayinlanadi.
14 yoshgacha bo‘lgan bolalar (mumkin bo‘lgan nojo‘ya hodisalar tufayli).
Homiladorlik va emizish davrida qo‘llash
Homiladorlik va laktatsiya davrlarida preparatni qo‘llash zarurati tug‘ilganda ona uchun kutilayotgan foyda va homila yoki bola uchun potensial xavfni solishtirish kerak. Laktatsiya davrida preparatni qo‘llash zarurati tug‘ilganda emizishni to‘xtatish kerak.
Dori vositalarining o'zaro ta'siri
Preparat glyukoza, fruktoza eritmasi bilan nomutanosib. Aralashtiriladigan eritmalarning pH qiymatini hisobga olish kerak: kislotalar eritmalari bilan farmatsevtik jihatdan nomutanosib. Glyukokortikosteroidlar, mineralokortikosteroidlar (gipernatriemiya), umumiy anesteziya uchun vositalar (qorinchalar aritmiyalari paydo bo'lish xavfi ortadi), markaziy asab tizimini qo'zg'atuvchi vositalar (neyrotoksiklikni oshiradi) ning nojo'ya ta'sirlari rivojlanish ehtimolini oshiradi.
Doksapram eufillin bilan bir vaqtda qo'llanilganda markaziy asab tizimida nafas olish markazi stimulyatsiyasini oshiradi.
Eufillin efedrin va boshqa simpatomimetiklar bilan sinergik toksiklikni namoyon qiladi. Ular birga qo'llanilganda aritmiyalar paydo bo'lish xavfi ortadi. Eufillin va ksantin hosilalarini, shu jumladan pentoksifillinni birga qo'llash toksiklik rivojlanish xavfi tufayli mumkin emas.
Enoksatsin P4501A2 sitoxromini susaytirish hisobiga eufillin chiqarilishini kamaytiradi; bunda eufillin samarasi 300% ga oshadi, bu tirishishlar rivojlanish xavfining oshishiga olib keladi.
Eufillin va fluvoksaminni birga qo'llashdan qochish kerak. Agar ularni birga qo'llash zarur bo'lsa, eufillin dozasini ikki baravar kamaytirish va qon plazmasida eufillin kontsentratsiyasini diqqat bilan kuzatish kerak.
Rifampitsin, fenobarbital, fenitoin, izoniazid, karbamazepin, sulfinpirazon, aminoglutetimid, peroral estrogen saqlovchi kontratseptivlar va moratsizin mikrosomal oksidlanish induktorlari sifatida eufillin klirensini oshiradi, bu uning dozasini oshirishni talab qilishi mumkin.
Makrolidlar guruhidan antibiotiklar, linkomitsin, ftorxinolonlar, etanolning kichik dozalari, allopurinol, beta-adrenoblokatorlar, simetidin, disulfiram, ichish uchun gormonal kontratseptivlar, rekombinant interferon alfa, izoprenalin, viloksazin, metotreksat, propafenon, verapamil bilan bir vaqtda qo'llanilganda va grippga qarshi emlashda eufillin ta'sirining intensivligi oshishi mumkin, bu uning dozasini kamaytirishni talab qilishi mumkin.
Diuretiklar ta'sirini kuchaytiradi (shu jumladan kalava filtratsiyasini oshirish hisobiga), litiy preparatlari va beta-adrenoblokatorlar samaradorligini pasaytiradi. Spazmolitiklar bilan mutanosib. Antiagregantlar (tiklopidin) bilan bir vaqtda ehtiyotkorlik bilan tayinlanadi - trombotsitlar agregatsiyasini bostiradi.
Dozirovkasi
Kattalarga sekin (4-6 daqiqa davomida) 5-10 ml 24 mg/ml (0,12-0,24 g) eritma yuboriladi, u oldindan 10-20 ml 0,9% natriy xlorid eritmasida suyultiriladi. Yurak urishi, bosh aylanishi, ko‘ngil aynishi hissi paydo bo‘lganda - yuborish tezligi sekinlashtiriladi yoki tomchilab yuborishga o‘tiladi, buning uchun 10-20 ml 24 mg/ml eritma (0,24-0,48 g) 100-150 ml 0,9% natriy xlorid eritmasida suyultiriladi; daqiqasiga 30-50 tomchi tezlikda yuboriladi.
Parenteral eufillin sutkasiga 3 martagacha, ko‘pi bilan 14 kun yuboriladi.
Vena ichiga yuborilganda kattalar uchun eufillinning yuqori dozalari: bir martalik - 0,25 g, sutkalik - 0,5 g.
Zarurat bo‘lganda bolalarga eufillin bir martalik doza 2-3 mg/kg hisobidan vena ichiga tomchilab yuboriladi. Vena ichiga yuborilganda bolalar uchun yuqori dozalar: bir martalik - 3 mg/kg, sutkalik - 3 oylikkacha bo‘lgan yoshda - 0,03-0,06 g, 4 dan 12 oygacha - 0,06-0,09 g, 2 dan 3 yoshgacha - 0,09-0,12 g, 4 dan 7 yoshgacha - 0,12-0,24 g, 8 dan 18 yoshgacha - 0,25-0,5 g.
Polimer ampula bilan ishlash tartibi:
1. Ampulani olish va bo‘yni qismidan ushlab silkitish.
2. Ampulani qo‘l bilan qisish, bunda preparat ajralib chiqmasligi kerak, va aylanma harakatlar bilan klapanni burash va ajratish.
3. Hosil bo‘lgan teshik orqali darhol shpritsni ampula bilan ulash.
4. Ampulani ag‘darish va uning tarkibini sekin shpritsga tortib olish.
5. Ignani shpritsga kiygizish.Dozani oshirib yuborishSimptomlari: ishtahaning pasayishi, gastralgiya, diareya, ko‘ngil aynishi, qusish (shu jumladan qon bilan), oshqozon-ichakdan qon ketishi, taxipnoe, yuz terisi giperemiyasi, taxikardiya, qorinchalar aritmiyalari, uyqusizlik, harakat qo‘zg‘alishi, xavotir, yorug‘likdan qo‘rqish, tremor, talvasalar. Og‘ir zaharlanishda epileptoid xurujlar (ayniqsa bolalarda hech qanday darakchilarsiz), gipoksiya, metabolik atsidoz, giperglikemiya, gipokaliyemiya, qon bosimining pasayishi, skelet mushaklari nekrozi, ongning chalkashishi, mioglobinuriya bilan buyrak yetishmovchiligi rivojlanishi mumkin.
Davolash: preparatni bekor qilish, jadallashtirilgan diurez, gemosorbsiya, plazmosorbsiya, gemodializ (samaradorligi yuqori emas, peritoneal dializ samarasiz), simptomatik terapiya (shu jumladan qusishda metoklopramid va ondansetron). Talvasalar yuzaga kelganda nafas yo‘llari o‘tkazuvchanligini ta’minlash va oksigenoterapiya o‘tkazish. Xurujni bartaraf etish uchun - vena ichiga diazepam, 0,1-0,3 mg/kg (lekin 10 mg dan ko‘p emas).
EUFILLIN POLITVIST 0,024/ML inyeksiya uchun eritma 5ml N10 o'xshash dorilari
EUFILLIN POLITVIST 0,024/ML inyeksiya uchun eritma 5ml N10 xususiyatlari
Eufillin boshqa chiqarish shakllari
EUFILLIN POLITVIST 0,024/ML inyeksiya uchun eritma 5ml N10 analoglari
