FLUKONAZOL 0,05 kapsulalar N7
FLUKONAZOL 0,05 kapsulalar N7 o'xshash dorilari
FLUKONAZOL 0,05 kapsulalar N7 qo'llanmasi
So'rilishi
Ichga qabul qilingandan so'ng flukonazol yaxshi so'riladi. Ovqat bilan bir vaqtda qabul qilish ichga qabul qilinganda preparatning absorbtsiya (so'rilish) tezligiga ta'sir qilmaydi. 150 mg flukonazol och qoringa ichga qabul qilingandan so'ng maksimal kontsentratsiyaga erishish vaqti (TСshax) - 0,5-1,5 soat va 2,5-3,5 mg/l dozada vena ichiga yuborilganda plazmadagi kontsentratsiyaning 90% ini tashkil qiladi.
Taqsimlanishi
Plazmadagi kontsentratsiya dozaga to'g'ridan-to'g'ri bog'liq. Plazmada preparatning muvozanatli kontsentratsiyasi (Css) qabul qilishning 4-5-kuniga kelib erishiladi (sutkada 1 marta qabul qilinganda). Odatdagi sutkalik dozadan 2 baravar yuqori bo'lgan "zarba" dozasini yuborish (birinchi kuni), 2-kunga kelib 90% Css ga mos keladigan kontsentratsiyaga erishish imkonini beradi. Organizmning barcha suyuqliklariga yaxshi kirib boradi. Faol moddaning ko'krak suti, bo'g'im suyuqligi, so'lak, balg'am va peritoneal suyuqlikdagi kontsentratsiyasi plazmadagi shunday ko'rsatkichlarga o'xshash. Vaginal secretdagi doimiy qiymatlar ichga qabul qilingandan 8 soat o'tgach erishiladi va bu darajada kamida 24 soat ushlab turiladi. Orqa miya suyuqligiga (OMS) yaxshi kirib boradi, zamburug'li meningitda OMS dagi kontsentratsiya plazmadagining taxminan 85% ini tashkil qiladi. Ter suyuqligi, derma va shox qavatda (selektiv to'planish) zardobdagidan yuqori bo'lgan yuqori kontsentratsiyalar erishiladi. Sutkada 1 marta 50 mg dozada qabul qilinganda flukonazol kontsentratsiyasi 12 kundan keyin 73 mkg/g ni tashkil qilgan, davolash to'xtatilgandan 7 kun o'tgach esa u 5,8 mkg/l ni tashkil qilgan. Haftada 1 marta 150 mg ichga qabul qilingandan so'ng - 7-kuni terining shox qavatidagi flukonazol kontsentratsiyasi 23,4 mkg/g ni tashkil qilgan, ikkinchi doza qabul qilingandan 7 kun o'tgach esa - 7,1 mkg/g.
Haftada 1 marta 150 mg dozada 4 oy qo'llanilgandan so'ng tirnoqlardagi kontsentratsiya: sog'lom tirnoqlarda - 4,05 mkg/g, shikastlanganlarida - 1,8 mkg/g. Terapiya tugagandan 6 oy o'tgach, flukonazol hamon tirnoqlarda aniqlangan.
Taxminiy taqsimlanish hajmi (Vd) organizmdagi hujayradan tashqari suyuqlikning umumiy miqdoriga yaqinlashadi. Plazma oqsillari bilan bog'lanishi past - 11-12%. Metabolizmi va chiqarilishi
Yarim chiqarilish davri (T1/2) - 30 soat. Jigarda CYP2C9 izofermenti ingibitori hisoblanadi. Asosan buyraklar orqali chiqariladi (80% - o'zgarmagan holda, 11% - metabolitlar ko'rinishida). Flukonazol klirensi kreatinin klirensiga mutanosibdir. Flukonazol farmakokinetikasi buyraklarning funktsional holatiga sezilarli darajada bog'liq, bunda T1/2 va kreatinin klirensi (KK) o'rtasida teskari bog'liqlik mavjud. Gemodializdan so'ng, 3 soat ichida, plazmada flukonazol kontsentratsiyasi 50% ga pasayadi.
Flukonazol farmakokinetikasi vena ichiga yuborilganda va ichga qabul qilinganda o'xshash, bu bir qabul qilish turidan boshqasiga oson o'tish imkonini beradi.
Ovqat hazm qilish tizimi tomonidan: ta'm bilishning o'zgarishi, qusish, ko'ngil aynishi, diareya, meteorizm, qorinda og'riq, jigar funksiyasining buzilishi (sariqlik, giperbilirubinemiya, alaninaminotransferaza, aspartataminotransferaza, ishqoriy fosfataza faolligining oshishi, gepatit,
gepatotsellyular nekroz), shu jumladan o'lim bilan yakunlanuvchi.
Nerv tizimi tomonidan: bosh og'rig'i, bosh aylanishi, talvasalar.
Yurak-qon tomir tizimi tomonidan: Q-T intervali davomiyligining oshishi, qorinchalar hilpillashi/titrashi.
Qon yaratish a'zolari tomonidan: leykopeniya, trombotsitopeniya, neytropeniya, agranulotsitoz. Allergik reaksiyalar', teri toshmasi, ko'p shaklli ekssudativ eritema (shu jumladan Stivens-Jonson sindromi), toksik epidermal nekroliz (Layell sindromi), anafilaktoid reaksiyalar (shu jumladan angionevrotik shish, yuz shishi, eshakemi, teri qichishishi).
Boshqalar: buyrak funksiyasining buzilishi, alopesiya, giperxolesterinemiya, gipertriglitseridemiya, gipokaliemiya.
Davolashni klinik-gematologik remissiya paydo bo‘lguncha davom ettirish kerak. Davolashni muddatidan oldin to‘xtatish qaytalanishlarga olib keladi.
Davolashni ekma yoki boshqa laboratoriya tahlillari natijalari bo‘lmaganda boshlash mumkin, ammo ular mavjud bo‘lganda fungitsid terapiyani tegishli ravishda to‘g‘irlash tavsiya etiladi.
Davolash jarayonida qon ko‘rsatkichlari, buyrak va jigar funksiyasini nazorat qilish zarur. Buyrak va jigar funksiyasi buzilishlari yuzaga kelganda preparatni qabul qilishni to‘xtatish kerak. Kamdan-kam hollarda flukonazolni qo‘llash jigarning toksik o‘zgarishlari bilan kechgan. Flukonazol bilan bog‘liq gepatotoksik samaralar holatida ularning umumiy sutkalik doza, terapiya davomiyligi, bemorning jinsi va yoshiga aniq bog‘liqligi qayd etilmagan. Flukonazolning gepatotoksik ta'siri odatda qaytuvchan; uning belgilari terapiya to‘xtatilgandan so‘ng yo‘qolgan. Flukonazol bilan bog‘liq bo‘lishi mumkin bo‘lgan jigar shikastlanishining klinik belgilari paydo bo‘lganda, preparatni bekor qilish kerak.
OITS bilan og‘rigan bemorlar ko‘pchilik preparatlarni qo‘llashda og‘ir teri reaksiyalari rivojlanishiga ko‘proq moyil bo‘ladilar. Yuzaki zamburug‘li infeksiyasi bo‘lgan bemorlarda toshma rivojlangan va u flukonazol bilan aniq bog‘liq deb baholangan hollarda preparatni bekor qilish kerak. Invaziv/tizimli zamburug‘li infeksiyalari bo‘lgan bemorlarda toshma paydo bo‘lganda, ularni sinchkovlik bilan kuzatish va bullyoz o‘zgarishlar yoki ko‘p shaklli eritema paydo bo‘lganda flukonazolni bekor qilish kerak.
Transport vositalarini va mexanizmlarni boshqarish qobiliyatiga ta'siri:
Asab tizimi tomonidan nojo‘ya reaksiyalar yuzaga kelgan taqdirda bemorlarga avtomobil va boshqa mexanizmlarni boshqarishdan saqlanish, shuningdek diqqatni yuqori jamlash va psixomotor reaksiyalar tezligini talab qiluvchi faoliyat turlari bilan shug‘ullanishda ehtiyotkorlikka rioya qilish tavsiya etiladi.
- terfenadinni (flukonazolni sutkada 400 mg va undan ortiq dozada doimiy qabul qilish fonida), astemizolni va QT intervalini uzaytiruvchi boshqa preparatlarni bir vaqtda qabul qilish.
- sizapridni bir vaqtda qabul qilish.
- preparatga yoki tuzilishi bo‘yicha yaqin azol birikmalariga yuqori sezuvchanlik.
- laktozani o‘zlashtira olmaslik, laktaza yetishmovchiligi yoki glyukoza-galaktoza malabsorbtsiyasi.
- 3 yoshgacha bo‘lgan bolalar (ushbu dori shakli uchun).
Ehtiyotkorlik bilan:
Jigar va/yoki buyrak yetishmovchiligi, yuzaki zamburug‘li infeksiyasi va invaziv/tizimli zamburug‘li infeksiyalari bo‘lgan bemorlarda flukonazol qo‘llanilganda toshma paydo bo‘lishi, ko‘plab xavf omillari (yurak organik kasalliklari, elektrolitlar muvozanatining buzilishi, aritmiya chaqiruvchi dori vositalarini bir vaqtda qabul qilish) bo‘lgan bemorlarda potensial proaritmogen holatlar, potensial gepatotoksik dori vositalarini bir vaqtda qabul qilish, alkogolizm. Terfenadin va flukonazolni sutkasiga 400 mg dan kam dozada bir vaqtda qabul qilish.
Homiladorlik va laktatsiya:
Homiladorlarda preparatni qo‘llash maqsadga muvofiq emas, og‘ir yoki hayotga xavf soluvchi zamburug‘li infeksiyalar shakllaridan tashqari, agar preparatni qo‘llashdan ona uchun kutilayotgan foyda homila uchun ehtimoliy xavfdan ustun bo‘lsa.
Flukonazol ko‘krak sutida plazmadagi kabi konsentratsiyada bo‘ladi, shuning uchun laktatsiya davrida uni tayinlash tavsiya etilmaydi.
Antikoagulyantlar. Flukonazol kumarin antikoagulyantlarining (masalan, varfarin) protrombin vaqtini o'rtacha 12% ga oshiradi, shuning uchun flukonazol va kumarin antikoagulyantlarini qabul qilayotgan bemorlarda protrombin vaqtini qattiq nazorat qilish zarur.
Sulfonilmochil preparatlari. Flukonazol va peroral sulfonilmochil preparatlari (xlorpropamid, glibenklamid, glipizid va tolbutamid) bir vaqtda qabul qilinganda oxirgilarining yarim chiqarilish davri uzayadi, bu gipoglikemiya rivojlanishiga olib kelishi mumkin. Qondagi glyukoza kontsentratsiyasini vaqti-vaqti bilan nazorat qilish va zarurat bo'lganda gipoglikemik dori vositalari dozasini to'g'irlash kerak.
Gidroxlorotiazid plazmada flukonazol kontsentratsiyasini 40% ga oshiradi, ammo bu bir vaqtda diuretiklar qabul qilayotgan bemorlarda flukonazolning dozalash tartibini o'zgartirishni talab qilmaydi.
Fenitoin. Flukonazol va fenitoinni bir vaqtda qabul qilish oxirgisining kontsentratsiyasini klinik ahamiyatli darajada oshishi bilan kechadi. Shuning uchun fenitoin darajasini monitoring qilish va zardobda terapevtik kontsentratsiyani ta'minlash uchun uning dozasini tanlash zarur.
Peroral kontratseptivlar. Flukonazolni ko'p marta qo'llash (50-200 mg dozalarda) kombinatsiyalangan homiladorlikka qarshi vosita samaradorligiga ta'sir qilmaydi. Rifampitsin. Flukonazol va rifampitsinni bir vaqtda qo'llash "kontsentratsiya - vaqt" egri chizig'i ostidagi maydonni 25% ga va flukonazolning yarim chiqarilish davri davomiyligini 20% ga kamayishiga olib keldi. Ularni bir vaqtda tayinlashda flukonazol dozasini oshirish zarur.
Siklosporin. Flukonazol bilan 200 mg/sut. dozada davolashda qonda siklosporin kontsentratsiyasi oshadi.
Teofillin. Flukonazol teofillinning yarim chiqarilish davrini uzaytiradi va intoksikatsiya rivojlanish xavfini oshiradi (uning dozasini to'g'irlash zarur).
Terfenadin. Flukonazolni 400 mg/sut. va undan ortiq dozalarda terfenadin bilan bir vaqtda qabul qilish mumkin emas. Flukonazol bilan 400 mg/sut. dan kam dozalarda davolashni terfenadin bilan birgalikda shifokorning qattiq nazorati ostida o'tkazish kerak.
Sisaprid. Flukonazol va sisaprid bir vaqtda qabul qilinganda - yurak tomonidan nojo'ya reaktsiyalar, shu jumladan qorinchalar paroksizmal taxikardiyasi (torsades de pointes).
Nifabutin. Uveit holatlari tasvirlangan.
Takrolimus. Takrolimus kontsentratsiyasini oshiradi, shu munosabat bilan nefrotoksik ta'sir xavfi ortadi.
Zidovudin. Flukonazol va zidovudin kombinatsiyasini qabul qilayotgan bemorlarda zidovudin kontsentratsiyasining oshishi kuzatiladi, bu oxirgisining o'zining asosiy metabolitiga aylanishining pasayishi bilan chaqirilgan, shuning uchun zidovudinning nojo'ya ta'sirlari ko'payishini kutish kerak.
Midazolam. Midazolam kontsentratsiyasini oshiradi, shu munosabat bilan psixomotor samaralar rivojlanish xavfi ortadi (flukonazol tomir ichiga yuborilgandan ko'ra ichga qabul qilinganda ko'proq namoyon bo'ladi).
Kattalarga kriptokokkli meningit va boshqa lokalizatsiyadagi kriptokokkli infeksiyalarda birinchi kuni odatda 400 mg tayinlanadi, so'ngra davolashni 200 mg - 400 mg dozada 1 marta/sut davom ettiradilar. Kriptokokkli infeksiyalarda davolash davomiyligi mikologik tekshiruv bilan tasdiqlangan klinik samaradorlikka bog'liq; kriptokokkli meningitda u odatda kamida 6-8 hafta davom ettiriladi.
OITS bilan og'rigan bemorlarda kriptokokkli meningit qaytalanishini oldini olish uchun, birlamchi davolashning to'liq kursi tugagandan so'ng, flukonazol 200 mg/sut dozada uzoq vaqt davomida tayinlanadi.
Kandidemiya, tarqalgan kandidoz va boshqa invaziv kandidoz infeksiyalarida doza odatda birinchi sutkada 400 mg ni, keyin esa - 200 mg ni tashkil qiladi. Klinik samaradorlik yetarli bo'lmaganda preparat dozasi 400 mg/sut gacha oshirilishi mumkin. Terapiya davomiyligi klinik samaradorlikka bog'liq.
Orofaringeal kandidozda preparat odatda 50- 100 mg dan 1 marta/sut tayinlanadi; davolash davomiyligi - 7-14 kun. Zarurat bo'lganda, immuniteti yaqqol pasaygan bemorlarda davolash uzoqroq bo'lishi mumkin. OITS bilan og'rigan bemorlarda orofaringeal kandidoz qaytalanishini oldini olish uchun birlamchi terapiyaning to'liq kursi tugagandan so'ng preparat 150 mg dan haftasiga 1 marta tayinlanishi mumkin.
Tish protezlarini taqish bilan bog'liq og'iz bo'shlig'i atrofik kandidozida flukonazol odatda 50 mg dan 1 marta/sut 14 kun davomida protezga ishlov berish uchun mahalliy antiseptik vositalar bilan birgalikda tayinlanadi. Kandidozning boshqa lokalizatsiyalarida (genital kandidozdan tashqari), masalan ezofagit, noinvaziv bronxo-o'pka shikastlanishi, kandiduriya, teri va shilliq qavatlar kandidozi va h.k.larda, samarali doza odatda 50-100 mg/sut ni tashkil qiladi, davolash davomiyligi 14-30 kun.
Vaginal kandidozda flukonazol bir marta ichga 150 mg dozada qabul qilinadi. Vaginal kandidoz qaytalanishi chastotasini kamaytirish uchun preparat 150 mg dozada oyiga 1 marta ishlatilishi mumkin. Terapiya davomiyligi individual belgilanadi; u 4 dan 12 oygacha o'zgarib turadi. Ba'zi bemorlarga tez-tez qo'llash talab qilinishi mumkin.
Candida spp. chaqirgan balanitda flukonazol bir marta 150 mg dozada ichga tayinlanadi.
Kandidozni oldini olish uchun flukonazolning tavsiya etilgan dozasi zamburug'li infeksiya rivojlanish xavfi darajasiga qarab 50-400 mg 1 marta/sut ni tashkil qiladi. Umumlashgan infeksiya xavfi yuqori bo'lganda, masalan kutilayotgan yaqqol yoki uzoq vaqt saqlanib turuvchi neytropeniya bo'lgan bemorlarda, tavsiya etilgan doza 400 mg 1 marta/sut ni tashkil qiladi. Flukonazol neytropeniya kutilayotgan paydo bo'lishidan bir necha kun oldin tayinlanadi; neytrofillar soni 1000/mm3 dan oshgandan keyin davolash yana 7 sutka davomida davom ettiriladi.
Teri mikozlarida, shu jumladan oyoq panjalari mikozlari, chov sohasi terisi va teri kandidozlarida tavsiya etilgan doza 150 mg haftasiga 1 marta yoki 50 mg 1 marta/sut ni tashkil qiladi. Davolash davomiyligi odatdagi hollarda 2-4 haftani tashkil qiladi, ammo oyoq panjalari mikozlarida uzoqroq terapiya talab qilinishi mumkin (6 haftagacha).
Kepaksimon temiratkida - 300 mg
haftasiga 1 marta 2 hafta davomida, ba'zi bemorlarga haftasiga uchinchi doza 300 mg talab qilinadi, holbuki qisman hollarda 300 mg - 400 mg bir martalik qabul qilish yetarli bo'ladi; muqobil davolash sxemasi 50 mg dan kuniga 1 marta 4 hafta davomida qo'llash hisoblanadi.
Onixomikozda tavsiya etilgan doza 150 mg haftasiga 1 marta. Davolashni infeksiyalangan tirnoq almashguncha (infeksiyalanmagan tirnoq o'sib chiqquncha) davom ettirish kerak. Qo'l va oyoq barmoqlarida tirnoqlarning qayta o'sishi uchun mos ravishda 6 oy va 6-12 oy talab qilinadi. Biroq o'sish tezligi turli odamlarda, shuningdek yoshga qarab keng chegaralarda o'zgarib turishi mumkin.
Chuqur endemik mikozlarda preparatni 200 - 400 mg/sut dozada 2 yilgacha davomida qo'llash talab qilinishi mumkin. Terapiya davomiyligi individual belgilanadi; u koksidioidomikozda 11-24 oy; parakoksidioidomikozda 2-17 oy; sporotrixozda 1-16 oy va gistoplazmozda 3-17 oyni tashkil qilishi mumkin.
Bolalarda, kattalardagi o'xshash infeksiyalarda bo'lgani kabi, davolash davomiyligi klinik va mikologik samaraga bog'liq. Bolalarda preparatni kattalardagidan oshadigan sutkalik dozada qo'llash mumkin emas, ya'ni sutkasiga 400 mg dan ko'p emas. Preparat har kuni 1 marta/sut qo'llaniladi.
Bolalarda qizilo'ngach kandidozida flukonazol bir marta sutkalik 3 mg/kg dozada, quyidagi o'rtacha dozalarda tayinlanadi: 3-6 yoshda (tana vazni 15-20 kg) - 50 mg; 7-9 yoshda (tana vazni 21-29 kg) - 50-100 mg; 10-12 yoshda (tana vazni 30-40 kg) - 100-150 mg; 12-15 yoshda (tana vazni 40- 50 kg) - 100-150 mg. Terapiya davomiyligi - kamida 3 hafta va simptomlar regressiyasidan keyin yana 2 hafta davomida.
Bolalarda shilliq qavatlar kandidozida flukonazol bir marta sutkalik 3 mg/kg dozada, quyidagi o'rtacha dozalarda tayinlanadi: yoshida
3-6 yosh (tana vazni 15-20 kg) - 1-kuni 100-150 mg, keyin - 50 mg dan; 7-9 yoshda (tana vazni 21-29 kg) - 1-kuni 100-200 mg, keyin - 100 mg dan; 10-12 yoshda (tana vazni 30-40 kg) - 1-kuni 100-150 mg, keyin - 50-100 mg dan; 12-15 yoshda (tana vazni 40-50 kg) - 1-kuni 250-300 mg, keyin - 100-150 mg dan. Terapiya davomiyligi - kamida 3 hafta.
Bolalarda umumlashgan kandidoz va kriptokokkli infeksiyada (shu jumladan meningitda) flukonazol bir marta sutkalik 6-12 mg/kg dozada, quyidagi o'rtacha dozalarda tayinlanadi: 3-6 yoshda (tana vazni 15-20 kg) - 100-250 mg; 7-9 yoshda (tana vazni 21-29 kg) - 100-300 mg; 10-12 yoshda (tana vazni 30-40 kg) - 200-350 mg; 12-15 yoshda (tana vazni 40-50 kg) - 250-400 mg. Terapiya davomiyligi - 10-12 hafta davomida (laboratoriya tasdig'igacha
likvorda qo'zg'atuvchilar yo'qligi). Sitotoksik kimyoterapiya yoki nur terapiyasi natijasida rivojlanadigan neytropeniya bilan bog'liq infeksiya rivojlanish xavfi bo'lgan immuniteti pasaygan bolalarda zamburug'li infeksiyalarni oldini olish uchun flukonazol induksiyalangan neytropeniyaning yaqqolligi va saqlanish davomiyligiga qarab 3-12 mg/kg/sut dan, quyidagi o'rtacha dozalarda tayinlanadi: 3-6 yoshda (tana vazni 15-20 kg) - 50-250 mg; 7-9 yoshda (tana vazni 21-29 kg) - 50-300 mg; 10-12 yoshda (tana vazni 30-40 kg) - 100-350 mg; 12-15 yoshda (tana vazni 40- 50 kg) - 100-400 mg. Terapiya davomiyligi - induksiyalangan neytropeniya bartaraf etilguncha.
Buyrak funksiyasi buzilgan bolalarda preparatning sutkalik dozasini (kattalardagi kabi xuddi shunday proportsional bog'liqlikda) buyrak yetishmovchiligining yaqqollik darajasiga muvofiq kamaytirish kerak.
Keksa yoshdagi bemorlarda buyrak funksiyasi buzilmagan taqdirda preparatni odatdagi dozalash rejimiga rioya qilish kerak. Buyrak yetishmovchiligi bo'lgan bemorlarga (kreatinin klirensi 50 ml/daq dan kam) dozalash rejimini
quyida ko'rsatilganidek to'g'rilash kerak. Buyrak funksiyasi buzilgan bemorlarda preparatni qo'llash. Flukonazol asosan siydik bilan o'zgarmagan holda chiqariladi. U bir marta qabul qilinganda dozani o'zgartirish talab etilmaydi. Buyrak funksiyasi buzilgan bemorlarga preparat takroran tayinlanganda avval 50 mg dan 400 mg gacha "zarb" dozani yuborish kerak. Agar kreatinin klirensi (KK) 50 ml/daq ni tashkil qilsa, preparatning odatdagi dozasi (tavsiya etilgan dozaning 100%) sutkasiga bir marta qo'llaniladi. KK 11 dan 50 ml/daq gacha bo'lganda tavsiya etilgan dozaning 50% ga teng doza qo'llaniladi. Muntazam dializda bo'lgan bemorlarga preparatning bitta dozasi har bir gemodializ seansidan keyin qo'llaniladi.Dozani oshirib yuborishSimptomlari: gallyutsinatsiyalar, paranoid xulq-atvor.
Davolash: simptomatik, oshqozonni yuvish, jadallashtirilgan diurez. Gemodializ 3 soat davomida plazmadagi konsentratsiyani taxminan 50% ga kamaytiradi.
Flukonazol boshqa chiqarish shakllari
FLUKONAZOL 0,05 kapsulalar N7 analoglari
