FLUKONAZOL 0,15 kapsulalar N1

Flukonazol ichga qabul qilingandan so'ng yaxshi so'riladi. Ovqat bilan bir vaqtda qabul qilish so'rilishga ta'sir qilmaydi. Biokiraolishligi 90% ni tashkil qiladi. Flukonazol organizm to'qimalari va a'zolarida keng taqsimlanadi. Uning ko'krak suti, bo'g'im suyuqligi, so'lak, balg'am, vaginal sekret va peritoneal suyuqlikdagi kontsentratsiyalari qon plazmasidagiga o'xshash. Orqa miya suyuqligidagi kontsentratsiya, miya qobiqlarida yallig'lanish bor-yo'qligidan qat'i nazar, qon plazmasidagi darajaning 50-90% ini tashkil qiladi. Shox qavat, epidermis, derma va ter suyuqligida kontsentratsiyalar qon plazmasidagi kontsentratsiyadan yuqori qiymatlarga yetadi. T1/2 30 soatni tashkil qiladi. Buyraklar orqali chiqariladi; kiritilgan dozaning 80% i - o'zgarmagan holda.

Ovqat hazm qilish tizimi tomonidan: ko'ngil aynishi, qorinda og'riq, diareya, meteorizm.

MNS tomonidan: bosh og'rig'i, bosh aylanishi.

Allergik reaksiyalar: teri toshmasi, anafilaktik reaksiyalar.

Flukonazolni jigar yoki buyrak funksiyasining yaqqol buzilishlari bo‘lgan bemorlarda ehtiyotkorlik bilan qo‘llash kerak.

Terapiyani ekma va boshqa laboratoriya tekshiruvlari natijalarini olguncha boshlash mumkin. Biroq infeksiyaga qarshi terapiyani ushbu tekshiruvlar natijalari ma'lum bo‘lganda tegishli ravishda to‘g‘irlash zarur.

Homiladorlik, 1 yoshgacha bo‘lgan bolalar, flukonazolga va triazol birikmalariga yuqori sezuvchanlik.

Kumarin antikoagulyantlari bilan bir vaqtda qo'llanilganda protrombin vaqtining oshishi qayd etiladi.

Flukonazol sog'lom odamlarda peroral gipoglikemik vositalar - sulfonilmochil hosilalarining (xlorpropanid, glibenklamid, glipizid, tolbutamid) yarim chiqarilish davrini uzaytiradi. Qandli diabeti bo'lgan bemorlarda flukonazol va peroral gipoglikemik vositalarni bir vaqtda qo'llash joizdir, ammo shifokor gipoglikemiya rivojlanishi mumkinligini yodda tutishi kerak.

Rifampitsin bilan bir vaqtda qo'llanilganda flukonazolning yarim chiqarilish davrining qisqarishi qayd etiladi.