FLUKONAZOL 0,15 kapsulalar N4
FLUKONAZOL 0,15 kapsulalar N4 qo'llanmasi
Farmakokinetikasi
So'rilishi
Ichga qabul qilingandan so'ng flukonazol yaxshi so'riladi. Bir vaqtda ovqat qabul qilish ichga qabul qilinganda preparatning absorbtsiya (so'rilish) tezligiga ta'sir qilmaydi. Och qoringa 150 mg flukonazol ichga qabul qilingandan so'ng maksimal kontsentratsiyaga erishish vaqti (TSshax) - 0,5-1,5 soat va 2,5-3,5 mg/l dozada vena ichiga yuborilgandagi plazma kontsentratsiyasining 90% ini tashkil qiladi.
Taqsimlanishi
Plazmadagi kontsentratsiya dozaga to'g'ridan-to'g'ri bog'liq. Plazmadagi preparatning muvozanatli kontsentratsiyasiga (Css) qabul qilishning 4-5 kuniga kelib erishiladi (sutkada 1 marta qabul qilinganda). Odatiy sutkalik dozadan 2 baravar yuqori bo'lgan "zarb" dozasini (birinchi kuni) yuborish 2-kunga kelib 90% Css ga mos keladigan kontsentratsiyaga erishish imkonini beradi. Organizmning barcha suyuqliklariga yaxshi kirib boradi. Faol moddaning ko'krak suti, bo'g'im suyuqligi, so'lak, balg'am va peritoneal suyuqlikdagi kontsentratsiyasi plazmadagiga o'xshash. Vaginal sekretdagi doimiy qiymatlarga ichga qabul qilingandan 8 soat o'tgach erishiladi va bu darajada kamida 24 soat davomida saqlanib turadi. Orqa miya suyuqligiga (OMS) yaxshi kirib boradi, zamburug'li meningitda OMS dagi kontsentratsiya plazmadagining taxminan 85% ini tashkil qiladi. Ter suyuqligida, derma va shox qavatda (tanlab to'planish) zardobdagidan yuqori bo'lgan yuqori kontsentratsiyalarga erishiladi. Sutkada 1 marta 50 mg dozada qabul qilinganda 12 kundan keyin flukonazol kontsentratsiyasi 73 mkg/g ni tashkil etdi, davolash to'xtatilgandan 7 kun o'tgach esa u 5,8 mkg/l ni tashkil etdi. Haftada 1 marta 150 mg ichga qabul qilingandan so'ng - 7-kuni terining shox qavatidagi flukonazol kontsentratsiyasi 23,4 mkg/g ni, ikkinchi doza qabul qilingandan 7 kun o'tgach esa - 7,1 mkg/g ni tashkil etdi.
Haftada 1 marta 150 mg dozada 4 oy davomida qo'llanilgandan so'ng tirnoqlardagi kontsentratsiya: sog'lom tirnoqlarda - 4,05 mkg/g, zararlanganlarda - 1,8 mkg/g. Terapiya tugaganidan 6 oy o'tgach, flukonazol hali ham tirnoqlarda aniqlangan.
Ko'rinadigan taqsimlanish hajmi (Vd) organizmdagi hujayradan tashqari suyuqlikning umumiy miqdoriga yaqinlashadi. Plazma oqsillari bilan bog'lanishi past - 11-12%. Metabolizmi va chiqarilishi
Yarim chiqarilish davri (Т1/2) - 30 soat. Jigarda CYP2C9 izofermenti ingibitori hisoblanadi. Asosan buyraklar orqali chiqariladi (80% - o'zgarmagan holda, 11% - metabolitlar ko'rinishida). Flukonazol klirensi kreatinin klirensiga proportsional. Flukonazol farmakokinetikasi buyraklar funktsional holatiga sezilarli darajada bog'liq, bunda Т1/2 va kreatinin klirensi (KK) o'rtasida teskari bog'liqlik mavjud. Gemodializdan so'ng, 3 soat ichida, plazmadagi flukonazol kontsentratsiyasi 50% ga kamayadi.
Flukonazolning farmakokinetikasi vena ichiga yuborilganda va ichga qabul qilinganda o'xshash, bu qabul qilishning bir turidan boshqasiga oson o'tish imkonini beradi.
Nojo'ya samaralari
Ovqat hazm qilish tizimi tomonidan: tizimi: ta'mning o'zgarishi, qusish, ko'ngil aynishi, diareya, meteorizm, qorinda og'riq, jigar funktsiyasining buzilishi (sariqlik, giperbilirubinemiya, faollikning oshishi
alaninaminotransferazalar, aspartataminotransferazalar, ishqoriy fosfataza, gepatit,
gepatotsellyulyar nekroz), shu jumladan o'lim bilan yakunlangan.
Asab tizimi tomonidan: bosh og'rig'i, bosh aylanishi, tirishishlar.
Yurak-qon tomir tizimi tomonidan: Q-T oralig'i
davomiyligining oshishi, qorinchalar hilpillashi/titrashi.
Qon yaratish a'zolari tomonidan: leykopeniya, trombotsitopeniya,
neytropeniya, agranulotsitoz. Allergik reaksiyalar', teri toshmasi, ko'p shaklli ekssudativ
eritema (shu jumladan Stivens- Djonson sindromi), toksik
epidermal nekroliz (Layell sindromi), anafilaktoid reaksiyalar (shu jumladan angionevrotik shish, yuz shishi, eshakemi, teri qichishishi).
Boshqalar: buyrak funktsiyasining buzilishi, alopetsiya, giperxolesterinemiya, gipertriglitseridemiya, gipokaliemiya.
Maxsus saqlash sharoitlari
Davolashni klinik-gematologik remissiya paydo bo'lguniga qadar davom ettirish kerak. Davolashning muddatidan oldin to'xtatilishi retsidivlarga olib keladi.
Davolashni ekma yoki boshqa laboratoriya tahlillari natijalari bo'lmaganda boshlash mumkin, ammo ular mavjud bo'lganda fungitsid terapiyaga tegishli tuzatish kiritish tavsiya etiladi.
Davolash davomida qon ko'rsatkichlari, buyrak va jigar funksiyasini nazorat qilish kerak. Buyrak va jigar funksiyasi buzilishlari yuzaga kelganda preparat qabul qilishni to'xtatish kerak. Kamdan-kam hollarda flukonazolni qo'llash jigarning toksik o'zgarishlari bilan kechgan. Flukonazol bilan bog'liq gepatotoksik samaralar hollarida ularning umumiy sutkalik dozaga, terapiya davomiyligiga, bemorning jinsi va yoshiga aniq bog'liqligi qayd etilmagan. Flukonazolning gepatotoksik ta'siri odatda qaytuvchan; uning belgilari terapiya to'xtatilgandan so'ng yo'qolgan. Flukonazol bilan bog'liq bo'lishi mumkin bo'lgan jigar shikastlanishining klinik belgilari paydo bo'lganda, preparatni bekor qilish kerak.
OITS bilan og'rigan bemorlar ko'plab preparatlarni qo'llashda og'ir teri reaksiyalari rivojlanishiga ko'proq moyil bo'ladilar. Yuzaki zamburug'li infeksiyasi bo'lgan bemorlarda toshma rivojlangan va u flukonazol bilan aniq bog'liq deb baholangan hollarda, preparatni bekor qilish kerak. Invaziv/tizimli zamburug'li infeksiyalari bo'lgan bemorlarda toshma paydo bo'lganda, ularni sinchkovlik bilan kuzatish va bullyoz o'zgarishlar yoki ko'p shaklli eritema paydo bo'lganda flukonazolni bekor qilish kerak.
Transport vositalarini va mexanizmlarni boshqarish qobiliyatiga ta'siri:
Asab tizimi tomonidan nojo'ya reaksiyalar yuzaga kelgan taqdirda bemorlarga avtomobil va boshqa mexanizmlarni boshqarishdan saqlanish, shuningdek yuqori diqqatni jamlash va psixomotor reaksiyalar tezligini talab qiluvchi faoliyat turlari bilan shug'ullanishda ehtiyot bo'lish tavsiya etiladi.
Qo'llanilishi mumkin bo'lmagan holatlar
- terfenadinni (flukonazolni sutkada 400 mg va undan ortiq dozada doimiy qabul qilish fonida), astemizol va QT oralig'ini uzaytiruvchi boshqa preparatlarni bir vaqtda qabul qilish.
- sizapridni bir vaqtda qabul qilish.
- preparatga yoki tuzilishi bo'yicha yaqin azol birikmalariga yuqori sezuvchanlik.
- laktozaga toqat qilolmaslik, laktaza yetishmovchiligi yoki glyukoza-galaktoza malabsorbsiyasi.
- 3 yoshgacha bo'lgan bolalar (ushbu dori shakli uchun).
Ehtiyotkorlik bilan:
Jigar va/yoki buyrak yetishmovchiligi, yuzaki zamburug'li infeksiyasi va invaziv/tizimli zamburug'li infeksiyalari bo'lgan bemorlarda flukonazolni qo'llash fonida toshmalar paydo bo'lishi, ko'plab xavf omillari (yurakning organik kasalliklari, elektrolitlar muvozanatining buzilishi, aritmiyalarni keltirib chiqaruvchi dori vositalarini bir vaqtda qabul qilish) bo'lgan bemorlarda potensial proaritmogen holatlar, potensial gepatotoksik dori vositalarini bir vaqtda qabul qilish, alkogolizm. Terfenadin va flukonazolni sutkada 400 mg dan kam dozada bir vaqtda qabul qilish.
Homiladorlik va laktatsiya:
Homilador ayollarda preparatni qo'llash maqsadga muvofiq emas, zamburug'li infeksiyalarning og'ir yoki hayotga xavf soladigan shakllari bundan mustasno, agar ona uchun preparatni qo'llashdan kutilayotgan foyda homila uchun mumkin bo'lgan xavfdan yuqori bo'lsa.
Flukonazol ko'krak sutida plazmadagi kabi konsentratsiyada bo'ladi, shuning uchun uni laktatsiya davrida buyurish tavsiya etilmaydi.
Dori vositalarining o'zaro ta'siri
Antikoagulyantlar. Flukonazol kumarinli antikoagulyantlar (masalan, varfarin) protrombin vaqtini o'rtacha 12% ga oshiradi, shuning uchun flukonazol va kumarinli antikoagulyantlar olayotgan bemorlarda protrombin vaqtini sinchkovlik bilan nazorat qilish zarur.
Sulfonilmochevina preparatlari. Flukonazol va oral sulfonilmochevina preparatlari (xlorpropamid, glibenklamid, glipizid va tolbutamid) bir vaqtda qabul qilinganda oxirgilarining yarim chiqarilish davri uzayadi, bu gipoglikemiya rivojlanishiga olib kelishi mumkin. Qonda glyukoza konsentratsiyasini vaqti-vaqti bilan nazorat qilish va zarurat bo'lganda gipoglikemik dori vositalari dozasini to'g'irlash kerak.
Gidroxlorotiazid plazmada flukonazol konsentratsiyasini 40% ga oshiradi, ammo bu bir vaqtning o'zida diuretiklar olayotgan bemorlarda flukonazol dozalash tartibini o'zgartirishni talab etmaydi.
Fenitoin. Flukonazol va fenitoinni bir vaqtda qabul qilish oxirgisining konsentratsiyasini klinik ahamiyatli darajada oshishi bilan kechadi. Shuning uchun fenitoin darajasini monitoring qilish va zardobda terapevtik konsentratsiyani ta'minlash uchun uning dozasini tanlash zarur.
Oral kontratseptivlar. Flukonazolni (50-200 mg dozalarda) ko'p marta qo'llash kombinatsiyalangan homiladorlikka qarshi vosita samaradorligiga ta'sir ko'rsatmaydi. Rifampitsin. Flukonazol va rifampitsinni bir vaqtda qo'llash "konsentratsiya - vaqt" egri chizig'i ostidagi maydonning 25% ga va flukonazolning yarim chiqarilish davri davomiyligining 20% ga pasayishiga olib kelgan. Ular bir vaqtda tayinlanganda flukonazol dozasini oshirish zarur.
Siklosporin. Flukonazol bilan 200 mg/sut. dozada davolashda qonda siklosporin konsentratsiyasi oshadi.
Teofillin. Flukonazol teofillinning yarim chiqarilish davrini uzaytiradi va intoksikatsiya rivojlanish xavfini oshiradi (uning dozasini to'g'irlash zarur).
Terfenadin. Flukonazolni 400 mg/sut. va undan ortiq dozalarda terfenadin bilan bir vaqtda qabul qilish mumkin emas. Flukonazol bilan 400 mg/sut. dan kam dozalarda terfenadin bilan birgalikda davolashni shifokorning sinchkov nazorati ostida o'tkazish kerak.
Sizaprid. Flukonazol va sizaprid bir vaqtda qabul qilinganda - yurak tomonidan noxush reaksiyalar, shu jumladan qorinchalar taxikardiyasi paroksuzmlari (torsades de pointes).
Nifabutin. Uveit holatlari ta'riflangan.
Takrolimus. Takrolimus konsentratsiyasini oshiradi, shu munosabat bilan nefrotoksik ta'sir xavfi ortadi.
Zidovudin. Flukonazol va zidovudin kombinatsiyasini olayotgan bemorlarda zidovudin konsentratsiyasi oshishi kuzatiladi, bu oxirgisining uning asosiy metabolitigacha aylanishi pasayishi bilan chaqirilgan, shuning uchun zidovudinning nojo'ya samaralari oshishini kutish kerak.
Midazolam. Midazolam konsentratsiyasini oshiradi, shu munosabat bilan psixomotor samaralar rivojlanish xavfi ortadi (eng ko'p flukonazol tomir ichiga qo'llanilgandagiga qaraganda ichga qo'llanilganda yaqqol namoyon bo'ladi).
Dozirovkasi
Kattalarga kriptokokkli meningitda va boshqa joylashuvdagi kriptokokkli infeksiyalarda birinchi kuni odatda 400 mg, keyin esa davolash 200 mg - 400 mg dan kuniga 1 marta dozada davom ettiriladi. Kriptokokkli infeksiyalarda davolash davomiyligi mikologik tekshiruv bilan tasdiqlangan klinik samaradorlikka bog'liq; kriptokokkli meningitda u odatda kamida 6-8 hafta davom ettiriladi.
OITS bilan og'rigan bemorlarda kriptokokkli meningit qaytalanishining oldini olish uchun, birlamchi davolashning to'liq kursi tugagandan so'ng, flukonazol uzoq vaqt davomida kuniga 200 mg dozada buyuriladi.
Kandidemiya, tarqalgan kandidoz va boshqa invaziv kandidoz infeksiyalarida doza odatda birinchi sutkada 400 mg ni, keyin esa - 200 mg ni tashkil qiladi. Klinik samaradorlik yetarli bo'lmaganda preparat dozasi kuniga 400 mg gacha oshirilishi mumkin. Terapiya davomiyligi klinik samaradorlikka bog'liq.
Orofaringeal kandidozda preparat odatda 50-100 mg dan kuniga 1 marta buyuriladi; davolash davomiyligi - 7-14 kun. Zarurat bo'lganda, immuniteti yaqqol pasaygan bemorlarda davolash uzoqroq bo'lishi mumkin. OITS bilan og'rigan bemorlarda orofaringeal kandidoz qaytalanishining oldini olish uchun birlamchi terapiyaning to'liq kursi tugagandan so'ng preparat haftada 1 marta 150 mg dan buyurilishi mumkin.
Tish protezlarini taqish bilan bog'liq bo'lgan og'iz bo'shlig'i atrofik kandidozida flukonazol odatda protezga ishlov berish uchun mahalliy antiseptik vositalar bilan birgalikda 14 kun davomida kuniga 1 marta 50 mg dan buyuriladi. Kandidozning boshqa joylashuvlarida (genital kandidozdan tashqari), masalan ezofagitda, noinvaziv bronx-o'pka shikastlanishida, kandiduriyada, teri va shilliq qavatlar kandidozida va boshqalarda samarali doza odatda 14-30 kunlik davolash davomiyligida kuniga 50-100 mg ni tashkil qiladi.
Vaginal kandidozda flukonazol 150 mg dozada bir marta ichishga qabul qilinadi. Vaginal kandidoz qaytalanishi chastotasini kamaytirish uchun preparat oyiga 1 marta 150 mg dozada ishlatilishi mumkin. Terapiya davomiyligi individual ravishda belgilanadi; u 4 dan 12 oygacha o'zgarib turadi. Ba'zi bemorlarga tez-tez qo'llash talab qilinishi mumkin.
Candida spp. chaqirgan balanitda flukonazol 150 mg dozada bir marta ichishga buyuriladi.
Kandidoz profilaktikasi uchun flukonazolning tavsiya etilgan dozasi zamburug'li infeksiya rivojlanish xavfi darajasiga qarab kuniga 1 marta 50-400 mg ni tashkil qiladi. Tarqalgan infeksiya xavfi yuqori bo'lganda, masalan, kutilayotgan yaqqol yoki uzoq vaqt saqlanib turuvchi neytropeniya bo'lgan bemorlarda tavsiya etilgan doza kuniga 1 marta 400 mg ni tashkil qiladi. Flukonazol kutilayotgan neytropeniya paydo bo'lishidan bir necha kun oldin buyuriladi; neytrofillar soni 1000/mm3 dan oshgandan so'ng davolash yana 7 sutka davom ettiriladi.
Teri mikozlarida, shu jumladan oyoq panjalari, chov sohasi mikozlarida va teri kandidozlarida tavsiya etilgan doza haftada 1 marta 150 mg yoki kuniga 1 marta 50 mg ni tashkil qiladi. Davolash davomiyligi odatdagi holatlarda 2-4 haftani tashkil qiladi, ammo oyoq panjalari mikozlarida uzoqroq terapiya (6 haftagacha) talab qilinishi mumkin.
Kepaksimon temiratkida - 2 hafta davomida haftada 1 marta 300 mg, ba'zi bemorlarga haftada uchinchi 300 mg doza talab qilinadi, ayni paytda ba'zi hollarda 300-400 mg bir martalik qabul qilish yetarli bo'ladi; muqobil davolash sxemasi 4 hafta davomida kuniga 1 marta 50 mg dan qo'llash hisoblanadi.
Onixomikozda tavsiya etilgan doza haftada 1 marta 150 mg ni tashkil qiladi. Davolashni zararlangan tirnoq almashinguniga qadar (zararlanmagan tirnoq o'sib chiqquncha) davom ettirish kerak. Qo'l va oyoq barmoqlarida tirnoqlarning qayta o'sishi uchun mos ravishda 6 oy va 6-12 oy talab qilinadi. Biroq, o'sish tezligi turli odamlarda, shuningdek yoshga qarab keng chegaralarda o'zgarishi mumkin.
Chuqur endemik mikozlarda preparatni 2 yilgacha bo'lgan muddatda kuniga 200-400 mg dozada qo'llash talab qilinishi mumkin. Terapiya davomiyligi individual ravishda belgilanadi; u koksidioidomikozda 11-24 oyni; parakoksidioidomikozda 2-17 oyni; sporotrixozda 1-16 oyni va gistoplazmozda 3-17 oyni tashkil qilishi mumkin.
Bolalarda, xuddi kattalardagi shunga o'xshash infeksiyalarda bo'lgani kabi, davolash davomiyligi klinik va mikologik samaraga bog'liq. Bolalarda preparatni kattalardagidan oshadigan sutkalik dozada qo'llash mumkin emas, ya'ni sutkada 400 mg dan ko'p bo'lmagan. Preparat har kuni, kuniga 1 marta qo'llaniladi.
Bolalarda qizilo'ngach kandidozida flukonazol 3 mg/kg sutkalik dozada bir marta, quyidagi o'rtacha dozalarda buyuriladi: 3-6 yoshda (tana vazni 15-20 kg) - 50 mg; 7-9 yoshda (tana vazni 21-29 kg) - 50-100 mg; 10-12 yoshda (tana vazni 30-40 kg) - 100-150 mg; 12-15 yoshda (tana vazni 40-50 kg) - 100-150 mg. Davolash davomiyligi - kamida 3 hafta va simptomlar yo'qolgandan keyin yana 2 hafta.
Bolalarda shilliq qavatlar kandidozida flukonazol 3 mg/kg sutkalik dozada bir marta, quyidagi o'rtacha dozalarda buyuriladi: 3-6 yoshda (tana vazni 15-20 kg) - 1-kuni 100-150 mg, keyin - 50 mg dan; 7-9 yoshda (tana vazni 21-29 kg) - 1-kuni 100-200 mg, keyin - 100 mg dan; 10-12 yoshda (tana vazni 30-40 kg) - 1-kuni 100-150 mg, keyin - 50-100 mg dan; 12-15 yoshda (tana vazni 40-50 kg) - 1-kuni 250-300 mg, keyin - 100-150 mg dan. Davolash davomiyligi - kamida 3 hafta.
Bolalarda tarqalgan kandidoz va kriptokokkli infeksiyada (shu jumladan meningitda) flukonazol 6-12 mg/kg sutkalik dozada bir marta, quyidagi o'rtacha dozalarda buyuriladi: 3-6 yoshda (tana vazni 15-20 kg) - 100-250 mg; 7-9 yoshda (tana vazni 21-29 kg) - 100-300 mg; 10-12 yoshda (tana vazni 30-40 kg) - 200-350 mg; 12-15 yoshda (tana vazni 40-50 kg) - 250-400 mg. Davolash davomiyligi - 10-12 hafta davomida (likvorda qo'zg'atuvchilar yo'qligi laboratoriya tasdiqlanguniga qadar). Immuniteti pasaygan bolalarda zamburug'li infeksiyalarning oldini olish uchun, infeksiya rivojlanish xavfi sitotoksik kimyoterapiya yoki nur terapiyasi natijasida rivojlanadigan neytropeniya bilan bog'liq bo'lsa, flukonazol induksiyalangan neytropeniyaning yaqqolligi va saqlanish davomiyligiga qarab 3-12 mg/kg/sutka dozada, quyidagi o'rtacha dozalarda buyuriladi: 3-6 yoshda (tana vazni 15-20 kg) - 50-250 mg; 7-9 yoshda (tana vazni 21-29 kg) - 50-300 mg; 10-12 yoshda (tana vazni 30-40 kg) - 100-350 mg; 12-15 yoshda (tana vazni 40-50 kg) - 100-400 mg. Davolash davomiyligi - induksiyalangan neytropeniya bartaraf etilgunga qadar.
Buyrak funksiyasi buzilgan bolalarda preparatning sutkalik dozasini buyrak yetishmovchiligi yaqqolligi darajasiga muvofiq kamaytirish kerak (kattalardagi kabi proporsional bog'liqlikda).
Keksa yoshdagi bemorlarda buyrak funksiyasi buzilishi bo'lmaganda preparatni dozalashning odatdagi tartibiga rioya qilish kerak. Buyrak yetishmovchiligi bo'lgan bemorlarga (kreatinin klirensi 50 ml/daq dan kam) dozalash tartibini quyidagicha to'g'rilash kerak. Buyrak funksiyasi buzilgan bemorlarda preparatni qo'llash. Flukonazol asosan siydik bilan o'zgarmagan holda chiqariladi. Uni bir marta qabul qilganda dozani o'zgartirish talab qilinmaydi. Buyrak funksiyasi buzilgan bemorlarga preparatni takroran buyurganda avval 50 mg dan 400 mg gacha bo'lgan "zarb" dozani yuborish kerak. Agar kreatinin klirensi (KK) 50 ml/daq ni tashkil qilsa, preparatning odatdagi dozasi (tavsiya etilgan dozaning 100%) sutkada bir marta qo'llaniladi. KK 11 dan 50 ml/daq gacha bo'lganda tavsiya etilgan dozaning 50% ga teng doza qo'llaniladi. Muntazam dializda bo'lgan bemorlarga preparatning bitta dozasi har bir gemodializ seansidan keyin qo'llaniladi.Dozani oshirib yuborishSimptomlari: gallyusinatsiyalar, paranoid xulq-atvor.
Davolash: simptomatik, me'dani yuvish, jadallashtirilgan diurez. 3 soat davomidagi gemodializ plazmadagi konsentratsiyani taxminan 50% ga kamaytiradi.
FLUKONAZOL 0,15 kapsulalar N4 o'xshash dorilari
Flukonazol boshqa chiqarish shakllari
FLUKONAZOL 0,15 kapsulalar N4 analoglari
