KETOPROFEN ORGANIKA 0,1 tabletkalari N20

Ichga qabul qilinganda va rektal kiritilganda ketoprofen MIY dan yaxshi so'riladi. Cmax ga plazmada ichga qabul qilinganda 1-5 soatdan keyin (dori shakliga qarab), rektal kiritilganda - 45-60 daqiqadan so'ng, m/i yuborilganda - 20-30 daqiqadan so'ng, v/i yuborilganda - 5 daqiqadan so'ng erishiladi.

Plazma oqsillari bilan bog'lanishi 99% ni tashkil qiladi. Yaqqol lipofilligi tufayli GET orqali tez o'tadi. Css qon plazmasi va orqa miya suyuqligida 2 dan 18 soatgacha saqlanadi. Ketoprofen sinovial suyuqlikka yaxshi kirib boradi, u yerda qabul qilinganidan 4 soat o'tgach uning konsentratsiyasi plazmadagidan oshadi.

Glyukuron kislotasi bilan bog'lanish va kamroq darajada gidroksillanish hisobiga metabolizmga uchraydi.

Asosan buyraklar orqali va ancha kam darajada ichak orqali chiqariladi. Ichga qabul qilingandan so'ng plazmadan ketoprofenning T1/2 1.5-2 soatni, rektal kiritilgandan so'ng - taxminan 2 soatni, m/i yuborilgandan so'ng - 1.27 soatni, v/i yuborilgandan so'ng - 2 soatni tashkil qiladi.

Og'riq qoldiruvchi Yallig'lanishga qarshi

Ovqat hazm qilish tizimi tomonidan: epigastral sohada og‘riqlar, ko‘ngil aynishi, qusish, qabziyat yoki diareya, anoreksiya, gastralgiya, jigar funktsiyasining buzilishi; kam hollarda - MIY eroziv-yarali shikastlanishlari, MIY dan qon ketishlar va perforatsiyalar.

MNS tomonidan: bosh og‘rig‘i, bosh aylanishi, quloqlarda shovqin, uyquchanlik.

Siydik chiqarish tizimi tomonidan: buyrak funktsiyasining buzilishi.

Allergik reaksiyalar: teri toshmasi; kam hollarda - bronxospazm.

Mahalliy reaksiyalar: shamchalar shaklida qo‘llanilganda to‘g‘ri ichak shilliq qavatining ta'sirlanishi, og‘riqli defekatsiya bo‘lishi mumkin; gel shaklida qo‘llanilganda - surtilgan joyda qichishish, teri toshmasi.

Jigar va buyrak kasalliklari, anamnezida OIT kasalliklari, dispeptik simptomlar bo'lgan bemorlarda, jiddiy jarrohlik amaliyotlaridan so'ng bevosita alohida ehtiyotkorlik bilan qo'llaniladi. Davolash jarayonida jigar va buyrak funktsiyasini muntazam nazorat qilish zarur.

Ichga qabul qilish uchun: MIY eroziv-yarali shikastlanishlari zo'rayish bosqichida, "aspirin triadasi", jigar va/yoki buyrak funksiyasining yaqqol buzilishlari; homiladorlikning III trimestri; 15 yoshgacha bo'lganlar (retard tabletkalar uchun); ketoprofenga va salitsilatlarga yuqori sezuvchanlik.

Rektal qo'llash uchun: anamnezda proktit va to'g'ri ichakdan qon ketishi.

Tashqi qo'llash uchun: namlanuvchi dermatozlar, ekzema, infeksiyalangan shilinishlar, yaralar.

Ketoprofenni boshqa NYQVS bilan bir vaqtda qo'llanilganda OIT eroziv-yarali shikastlanishlari va qon ketish rivojlanish xavfi ortadi; antigipertenziv vositalar bilan (shu jumladan beta-adrenoblokatorlar, AO'F ingibitorlari, diuretiklar bilan) - ularning ta'siri kamayishi mumkin; trombolitiklar bilan - qon ketish rivojlanish xavfining oshishi.

Atsetilsalitsil kislotasi bilan bir vaqtda qo'llanilganda ketoprofenning qon plazmasi oqsillari bilan bog'lanishi kamayishi va uning plazma klirensi oshishi mumkin; geparin, tiklopidin bilan - qon ketish rivojlanish xavfining oshishi; litiy preparatlari bilan - litiyning buyrak ekskretsiyasi pasayishi hisobiga qon plazmasida litiy kontsentratsiyasi toksik darajagacha oshishi mumkin.

Diuretiklar bilan bir vaqtda qo'llanilganda prostaglandinlar sintezi ingibirlanishi bilan bog'liq bo'lgan buyrak qon oqimi kamayishi oqibatida va gipovolemiya fonida buyrak yetishmovchiligi rivojlanish xavfi ortadi.