KLOTRIMAZOL krem vaginalniy 20g 2%

Klotrimazol intravaginal qo'llanilganda absorbsiya kiritilgan dozaning 3 - 10 % ini tashkil qiladi. Vaginal sekretdagi yuqori konsentratsiyalar va qondagi past konsentratsiyalar 48 - 72 soat davomida saqlanib turadi. Jigarda organizmdan buyraklar orqali va ichak orqali chiqariladigan nofaol metabolitlargacha metabolizmga uchraydi.

Jahon sog‘liqni saqlash tashkiloti (JSST) ma'lumotlariga ko‘ra, nojo‘ya ta'sirlar rivojlanish tez-tezligiga qarab quyidagicha tasniflangan: juda tez-tez (> 1/10), tez-tez (> 1/100, <1/10), tez-tez emas (> 1/1000, <1/100), kam hollarda (> 1/10000, <1/1000), juda kam hollarda (< 1/10000), tez-tezligi noma'lum (mavjud ma'lumotlar bo‘yicha tez-tezlikni baholab bo‘lmaydi).

Immun tizimi tomonidan buzilishlar:

tez-tezligi noma'lum: eshakemi, hushdan ketish, arterial gipotenziya, hansirash kabi simptomlar bilan allergik reaksiyalar.

Me'da-ichak yo‘llari tomonidan buzilishlar: tez-tezligi noma'lum: qorinda og‘riq.

Teri va teri osti to‘qimalari tomonidan buzilishlar:

tez-tezligi noma'lum: faol moddaga yoki setostearil spirti kabi preparatning boshqa komponentiga yuqori sezuvchanlik bo‘lganda, allergik reaksiyalar yuzaga kelishi mumkin.

Buyrak va siydik chiqarish yo‘llari tomonidan buzilishlar:

tez-tezligi noma'lum: tez-tez siydik chiqarish, interkurrent tsistit.

Jinsiy a'zolar tomonidan buzilishlar:

tez-tezligi noma'lum: qin shilliq qavatining qichishishi, achishishi, giperemiyasi va shishi, qin shilliq qavatining yaralanishi, toshma, kichik tos sohasida og‘riq.

Boshqalar:

tez-tezligi noma'lum: bosh og‘rig‘i, gastralgiya.

Agar yo‘riqnomada ko‘rsatilgan har qanday nojo‘ya ta'sirlar kuchaysa yoki Siz yo‘riqnomada ko‘rsatilmagan har qanday boshqa nojo‘ya ta'sirlarni sezsangiz, bu haqda shifokorga xabar bering.

Preparatni qo'llashni boshlashdan oldin qo'llash bo'yicha yo'riqnomani diqqat bilan o'qib chiqing. Yo'riqnomani saqlab qo'ying, u yana kerak bo'lib qolishi mumkin. Agar sizda savollar tug'ilsa, shifokorga murojaat qiling.

Siz davolanayotgan dori vositasi shaxsan sizga mo'ljallangan va uni boshqa shaxslarga bermaslik kerak, chunki u hatto sizdagi kabi simptomlar bo'lsa ham, ularga zarar yetkazishi mumkin.

Allergik reaktsiyalar yoki preparat yuborilgan joyda ta'sirlanish paydo bo'lganda davolash to'xtatiladi.

Preparatni hayz ko'rish vaqtida qo'llash mumkin emas, davolashni hayz ko'rishdan keyin boshlash maqsadga muvofiq.

Jinsiy lablar va yondosh sohalarning bir vaqtda infektsiyasi (kandidozli vulvit) bo'lganda qo'shimcha ravishda klotrimazol preparati bilan mahalliy davolash o'tkazish kerak.

Homiladorlik davrida vaginal krem bilan davolash applikatorsiz o'tkaziladi.

Infektsiyalanishni oldini olish uchun jinsiy sheriklarni bir vaqtda davolash zarur.

Davolash davrida jinsiy aloqalardan saqlanish tavsiya etiladi.

Davolash vaqtida kontratseptsiya vositalaridan foydalanish tavsiya etiladi. Prezervativ yoki diafragmaning yorilish xavfi ular preparatni qo'llash bilan bir vaqtda ishlatilganda ortadi. Ishonchli kontratseptsiya usullaridan foydalanish zarur.

Reinfektsiyalanishni oldini olish uchun gigiena qoidalariga rioya qilish kerak.

Agar davolash tugagandan so'ng infektsiyaning klinik belgilari saqlanib qolsa, tashxisni tasdiqlash maqsadida takroriy mikrobiologik tekshiruv o'tkazish kerak. Transport vositalarini va mexanizmlarni boshqarish qobiliyatiga ta'siri Preparat transport vositalarini boshqarish va diqqatni yuqori jamlashni hamda psixomotor reaktsiyalar tezligini talab qiluvchi boshqa potentsial xavfli faoliyat turlari bilan shug'ullanish qobiliyatiga ta'sir ko'rsatmaydi.

- klotrimazolga yoki preparatning boshqa komponentlariga, ayniqsa setostearil spirtiga yuqori sezuvchanlik;

- hayz ko'rish davri;

- homiladorlikning I trimestri.

Ehtiyotkorlik bilan

Ko'krak suti bilan emizish davri.

Homiladorlikda va ko'krak suti bilan emizish davrida qo'llanilishi

Homiladorlikning I trimestrida qo'llash mumkin emas. Preparatni homiladorlikning II-III trimestrlarida qo'llash maqsadga muvofiqligi masalasi shifokor maslahatidan so'ng individual ravishda hal qilinishi kerak.

Preparatni ko'krak suti bilan emizish davrida qo'llashga faqat shifokor fikriga ko'ra ona uchun kremni qo'llashdan kutilayotgan potentsial foyda bola uchun mumkin bo'lgan xavfdan ustun bo'lgan holdagina yo'l qo'yiladi.

Vaginal yuborilganda klotrimazol amfoteritsin B va boshqa polien antibiotiklarining faolligini pasaytiradi.

Natamitsin va nistatin bilan bir vaqtda qo'llanilganda klotrimazol faolligi pasayishi mumkin.

Klotrimazolni intravaginal va takrolimus, sirolimusni peroral bir vaqtda qo'llash qon plazmasida oxirgilarining kontsentratsiyasi oshishiga olib kelishi mumkin, shuning uchun bemorlarni ularning dozasini oshirib yuborish simptomlari rivojlanishi yuzasidan kuzatish, zarurat tug'ilganda qon plazmasida kontsentratsiyasini o'lchash kerak.