KLOTRIMAZOL AKRIXIN eritma 15ml 1%
KLOTRIMAZOL AKRIXIN eritma 15ml 1% haqida qo'llanma
Farmakokinetikasi
Klotrimazol teri va shilliq qavatlar orqali yomon so'riladi va deyarli tizimli ta'sir ko'rsatmaydi. Kirib borish qobiliyatiga ega, epidermisning shox qavatida to'planadi, tirnoq keratiniga kiradi. Sirtqi qo'llanilganda klotrimazolning konsentratsiyasi epidermisda dermadagiga va teri osti kletchatkasidagiga qaraganda yuqori.
Nojo'ya samaralari
Kamdan-kam hollarda allergik reaksiyalar (eshakemi, shish, toshma, eritema) va mahalliy reaksiyalar (preparat surtilgan joylarda achishish, qichishish, teri po‘st tashlashi, paresteziyalar, ta'sirlanish) kuzatiladi.
Maxsus ko‘rsatmalari
Preparatni ko'z sohasidagi teriga surtish tavsiya etilmaydi.
O'ta yuqori sezuvchanlik yoki ta'sirlanish belgilari paydo bo'lganda to'xtatiladi.
4 hafta davomida samara bo'lmaganda tashxisni tasdiqlash kerak
Qo'llanilishi mumkin bo'lmagan holatlar
-Klotrimazolga yoki preparatning yordamchi moddalariga yuqori sezuvchanlik;
-Homiladorlikning I trimestri.
Ehtiyotkorlik bilan: laktatsiya davri.
Homiladorlik vaqtida va emizish davrida qo'llanilishi
Klinik va eksperimental tadqiqotlarda klotrimazolni homiladorlik davrida yoki emizish davrida qo'llash ayol yoki homila (bola) salomatligiga salbiy ta'sir ko'rsatishi aniqlanmagan. Biroq, preparatni homiladorlikning II va III trimestrlarida tayinlash maqsadga muvofiqligi masalasi shifokor maslahatidan so'ng individual ravishda hal qilinishi kerak.
Ko'krak suti bilan emizishda preparatni bevosita sut beziga surtish tavsiya etilmaydi.
Dori vositalarining o'zaro ta'siri
Amfoteritsin B, nistatin, natamitsin bir vaqtda qo'llanilganda klotrimazol samaradorligini pasaytiradi.
Eritmani qo'llashda boshqa vositalar bilan salbiy o'zaro ta'sirlar noma'lum va ularni kutmaslik kerak, chunki klotrimazolning rezorbsion qobiliyati juda past.
Dozirovkasi
Eritma yupqa qatlam bilan oldindan tozalangan (pH neytral qiymatga ega sovun yordamida) va quruq zararlangan teri joylariga kuniga 2 marta (ertalab va kechqurun) surtiladi va ehtiyotkorlik bilan ishqalanadi.
Davolash davomiyligi kasallikning og'irligi, patologik o'zgarishlarning lokalizatsiyasi va terapiya samaradorligiga bog'liq.
Dermatomikozlarni davolash kamida 4 hafta, kepaklanuvchi temiratkini - 1-3 hafta davomida o'tkaziladi.
Oyoq terisining zamburug'li kasalliklarida terapiyani kasallik simptomlari bartaraf etilgandan keyin yana kamida 2 hafta davom ettirish tavsiya etiladi.Dozani oshirib yuborishKlotrimazol sirtqi qo'llanilganda dozani oshirib yuborish holatlari to'g'risida ma'lumotlar mavjud emas.
Hajm/og'irlik
KLOTRIMAZOL AKRIXIN eritma 15ml 1% o'xshash dorilari
Klotrimazol boshqa chiqarish shakllari
KLOTRIMAZOL AKRIXIN eritma 15ml 1% analoglari
