KLOTRIMAZOL TEVA 30,0 krem 1%
KLOTRIMAZOL TEVA 30,0 krem 1% haqida qo'llanma
Farmakokinetikasi
Klotrimazol teri va shilliq qavatlar orqali yomon so'riladi va deyarli tizimli ta'sir ko'rsatmaydi. Epidermisning chuqur qavatlaridagi konsentratsiyasi dermatofitlar uchun minimal bostiruvchi konsentratsiyadan yuqori. Sirtqi qo'llanilganda klotrimazolning konsentratsiyasi epidermisda dermadagiga va teri osti kletchatkasidagiga qaraganda yuqori.
Nojo'ya samaralari
Krem surtilgan joylarda qichishish, achishish, sanchish, eritema, pufakchalar paydo bo‘lishi, shish, terining ta'sirlanishi va po‘st tashlashi. Allergik reaksiyalar (qichishish, eshakemi).
Maxsus ko‘rsatmalari
Preparatni ko'z sohasidagi teriga surtish tavsiya etilmaydi. Onixomikozlarni davolashda faol moddaning yaxshiroq kirib borishi uchun ishlov beriladigan tirnoq plastinkalari qisqa qilib olingan yoki g'adir-budur yuzaga ega bo'lishini kuzatib borish kerak. Bunday hollarda eritmani afzal ko'rish kerak, chunki u yaxshiroq kirib borish xususiyatlariga ega. Jigar yetishmovchiligi bo'lgan bemorlarda jigar funktsional holatini davriy nazorat qilish kerak.
O'ta yuqori sezuvchanlik yoki ta'sirlanish belgilari paydo bo'lganda davolash to'xtatiladi.
4 hafta davomida samara bo'lmaganda tashxisni tasdiqlash kerak.
Qo'llanilishi mumkin bo'lmagan holatlar
Klotrimazolga yoki yordamchi moddalarga yuqori sezuvchanlik, homiladorlikning I trimestri. Ehtiyotkorlik bilan - laktatsiya davri.
Homiladorlik vaqtida va emizish davrida qo'llanilishi
Klinik va eksperimental tadqiqotlarda preparatni homiladorlik davrida yoki emizish davrida qo'llash ayol yoki homila (bola) salomatligiga salbiy ta'sir ko'rsatishi aniqlanmagan. Biroq, preparatni tayinlash maqsadga muvofiqligi masalasi shifokor maslahatidan so'ng individual ravishda hal qilinishi kerak.
Preparatni bevosita laktatsiyadagi ko'krak beziga surtish mumkin emas.
Dori vositalarining o'zaro ta'siri
Boshqa dori vositalari bilan o'zaro ta'siri
Amfoteritsin B, nistatin, natamitsin bir vaqtda qo'llanilganda klotrimazol samaradorligini pasaytiradi.
Kremni qo'llashda boshqa vositalar bilan salbiy o'zaro ta'sirlar noma'lum va ularni kutmaslik kerak, chunki klotrimazolning rezorbsion qobiliyati juda past.
Dozirovkasi
Davolash davomiyligi kasallikning og'irligi, patologik o'zgarishlarning lokalizatsiyasi va terapiya samaradorligiga bog'liq.
Dermatomikozlarni davolash kamida 4 hafta, kepaklanuvchi temiratkini -1-3 hafta davomida o'tkaziladi.
Oyoq terisining zamburug'li kasalliklarida terapiyani kasallik simptomlari bartaraf etilgandan keyin yana kamida 2 hafta davom ettirish tavsiya etiladi.
KLOTRIMAZOL TEVA 30,0 krem 1% o'xshash dorilari
KLOTRIMAZOL TEVA 30,0 krem 1% xususiyatlari
Klotrimazol boshqa chiqarish shakllari
KLOTRIMAZOL TEVA 30,0 krem 1% analoglari
