L TIROKSIN tabletkalari 50mkg N50

So'rilishi

Ichga qabul qilingandan so'ng levotiroksin deyarli faqat ingichka ichakning yuqori qismidan so'riladi. Qabul qilingan dozaning 80% gachasi so'riladi. Bir vaqtda ovqat qabul qilish levotiroksin so'rilishini pasaytiradi. Qon zardobida Cmax ga ichga qabul qilingandan taxminan 5-6 soat o'tgach erishiladi.

Taqsimlanishi

Zardob oqsillari (tiroksin bog'lovchi globulin, tiroksin bog'lovchi prealbumin va albumin) bilan 99% dan ortiq bog'lanadi. Turli to'qimalarda levotiroksinning taxminan 80% monodeyodlanishi sodir bo'lib, triyodtironin (T3) va faol bo'lmagan mahsulotlar hosil bo'ladi.

Metabolizmi

Tireoid gormonlar asosan jigar, buyraklar, bosh miya va mushaklarda metabolizmga uchraydi. Preparatning oz miqdori dezaminlanish va dekarboksillanishga, shuningdek sulfat va glyukuron kislotalari bilan konyugatsiyalanishga (jigarda) uchraydi.

Chiqarilishi

Metabolitlar siydik va safro bilan chiqariladi.

T1/2 6-7 kunni tashkil qiladi.

Maxsus klinik holatlarda farmakokinetikasi

Tireotoksikozda T1/2 3-4 kungacha qisqaradi, gipotireozda esa 9-10 kungacha uzayadi.

L-tiroksin shifokor nazorati ostida to'g'ri qo'llanilganda nojo'ya ta'sirlar kuzatilmaydi.

Preparatga yuqori sezuvchanlik bo'lganda allergik reaksiyalar kuzatilishi mumkin. Boshqa nojo'ya ta'sirlarning rivojlanishi preparat dozasining oshirib yuborilishi bilan bog'liq («Dozani oshirib yuborish» bo'limiga qarang).

Gipofiz zararlanishi oqibatida kelib chiqqan gipotireozda, buyrak usti bezining yetishmovchiligi ham mavjudligini aniqlash kerak. Bunday holda o‘tkir buyrak usti bezi yetishmovchiligi rivojlanishining oldini olish uchun, gipotireozni tireoid gormonlar bilan davolashni boshlashdan oldin GKS bilan o‘rinbosar davolashni boshlash lozim.

Avtotransportni va mexanizmlarni boshqarish qobiliyatiga ta‘siri

Preparat transport vositalarini boshqarish va mexanizmlarni idora etish bilan bog‘liq kasbiy faoliyat qobiliyatiga ta‘sir qilmaydi.

— preparatga yuqori individual sezuvchanlik;

— davolanmagan tireotoksikoz;

— o'tkir miokard infarkti, o'tkir miokardit;

— davolanmagan buyrak usti bezi yetishmovchiligi;

— irsiy galaktoza o'zlashtiraolmaslik, laktaza yetishmovchiligi yoki glyukoza va laktoza so'rilishining buzilishi.

Ehtiyotkorlik bilan: yurak-qon tomir tizimi kasalliklari: yurak ishemik kasalligi (ateroskleroz, stenokardiya, anamnezda miokard infarkti), arterial gipertenziya, aritmiyada; qandli diabetda, uzoq vaqt davom etgan og'ir gipotireozda, malabsorbtsiya sindromida (dozani tuzatish talab qilinishi mumkin) preparatni ehtiyotkorlik bilan buyurish kerak.

Levotiroksin bilvosita antikoagulyantlar ta'sirini kuchaytiradi, bu ularning dozasini kamaytirishni talab qilishi mumkin.

Tritsiklik antidepressantlarni levotiroksin bilan qo'llash antidepressantlar ta'sirining kuchayishiga olib kelishi mumkin.



Tireoid gormonlar insulinga va peroral gipoglikemik preparatlarga bo'lgan ehtiyojni oshirishi mumkin. Levotiroksin bilan davolashni boshlash davrlarida, shuningdek preparat dozasi o'zgartirilganda qonda glyukoza darajasini tez-tez nazorat qilish tavsiya etiladi.



Levotiroksin yurak glikozidlari ta'sirini kamaytiradi. Bir vaqtda qo'llanilganda kolestiramin, kolestipol va alyuminiy gidroksidi ichakda so'rilishini tormozlashi hisobiga levotiroksinning plazmadagi konsentratsiyasini kamaytiradi.

Anabolik steroidlar, asparaginaza, tamoksifen bilan bir vaqtda qo'llanilganda oqsil bilan bog'lanish darajasida farmakokinetik o'zaro ta'sir bo'lishi mumkin.