L TIROKSIN 100 BERLIN XEMI tabletkalari 100mkg N50

So'rilishi

Ichga qabul qilingandan so'ng levotiroksin deyarli faqat ingichka ichakning yuqori qismidan so'riladi. Qabul qilingan dozaning 80% gachasi so'riladi. Bir vaqtning o'zida ovqat qabul qilish levotiroksinning so'rilishini kamaytiradi. Qon zardobidagi C_max ga ichga qabul qilingandan taxminan 5-6 soat o'tgach erishiladi.

Taqsimlanishi

Zardob oqsillari (tiroksin bog'lovchi globulin, tiroksin bog'lovchi prealbumin va albumin) bilan 99% dan ortiq bog'lanadi. Turli to'qimalarda levotiroksinning taxminan 80% monodeyodlanishi sodir bo'lib, triyodtironin (T_{) va nofaol mahsulotlar hosil bo'ladi.}

Metabolizmi

Tiroid gormonlari asosan jigar, buyraklar, bosh miya va mushaklarda metabollanadi. Preparatning oz miqdori dezaminlanish va dekarboksillanishga, shuningdek sulfat va glyukuron kislotalari bilan kon’yugatsiyaga (jigarda) uchraydi.

Chiqarilishi

Metabolitlar siydik va safro bilan chiqariladi.

T _{6-7 kunni tashkil qiladi.}

Maxsus klinik holatlarda farmakokinetikasi

Tireotoksikozda T _{3-4 kungacha qisqaradi, gipotireozda esa 9-10 kungacha uzayadi.}

Qalqonsimon bez gormonining sintetik preparati, tiroksinning chapga aylanuvchi izomeri. Qisman (jigar va buyraklarda) triyodtironinga aylangandan va organizm hujayralariga o‘tgandan so‘ng, to‘qimalarning rivojlanishi va o‘sishiga, moddalar almashinuviga ta’sir ko‘rsatadi.

Kichik dozalarda oqsil va yog‘ almashinuviga anabolik ta’sirga ega. O‘rtacha dozalarda o‘sish va rivojlanishni rag‘batlantiradi, to‘qimalarning kislorodga bo‘lgan ehtiyojini oshiradi, oqsillar, yog‘lar va uglevodlar metabolizmini rag‘batlantiradi, yurak-qon tomir tizimi va MNS funksional faolligini oshiradi. Yuqori dozalarda gipotalamus TTRG va gipofiz TTG ishlab chiqarilishini susaytiradi.

Terapevtik samara 7-12 kundan keyin kuzatiladi, preparat bekor qilingandan so‘ng ushbu vaqt davomida ta’siri saqlanib qoladi. Gipotireozda klinik samara 3-5 sutkadan keyin namoyon bo‘ladi. Diffuz bo‘qoq 3-6 oy davomida kichrayadi yoki yo‘qoladi.

Preparat ko'rsatmalar bo'yicha tavsiya etilgan dozalarda shifokor nazorati ostida qo'llanilganda nojo'ya ta'sirlar kuzatilmaydi.

Preparatga yuqori sezuvchanlikda allergik reaksiyalar kuzatilishi mumkin.

Gipofiz shikastlanishi bilan bog'liq gipotireozda, bir vaqtning o'zida buyrak usti bezi po'stlog'i yetishmovchiligi bor-yo'qligini aniqlash kerak. Bunday holda o'tkir buyrak usti bezi yetishmovchiligi rivojlanishining oldini olish uchun GKS bilan o'rin bosuvchi terapiyani gipotireozni tireoid gormonlar bilan davolashni boshlashdan oldin boshlash kerak.

Avtotransportni haydash va mexanizmlarni boshqarish qobiliyatiga ta'siri

Preparat transport vositalarini haydash va diqqatni yuqori jamlashni talab qiluvchi ishga ta'sir qilmaydi.

• preparat tarkibiy qismlariga yuqori sezuvchanlik;
• davolanmagan tireotoksikoz;
• o'tkir miokard infarkti, o'tkir miokardit;
• buyrak usti bezlari funksiyasining davolanmagan yetishmovchiligi.

YIK (ateroskleroz, stenokardiya, anamnezdagi miokard infarkti), arterial gipertenziya, aritmiya, qandli diabet, uzoq vaqt mavjud bo'lgan og'ir gipotireoz, malabsorbsiya sindromida (dozani to'g'irlash talab etilishi mumkin) preparatni ehtiyotkorlik bilan buyurish kerak.

Levotiroksin bilvosita antikoagulyantlar ta’sirini kuchaytiradi, bu ularning dozasini kamaytirishni talab qilishi mumkin.

Tritsiklik antidepressantlarni levotiroksin bilan qo‘llash antidepressantlar ta’sirining kuchayishiga olib kelishi mumkin.

Tireoid gormonlar insulin va peroral gipoglikemik preparatlarga bo‘lgan ehtiyojni oshirishi mumkin. Qon glyukoza darajasini tez-tez nazorat qilish levotiroksin bilan davolash boshlangan davrlarda, shuningdek preparat dozasi o‘zgarganda tavsiya etiladi.

Levotiroksin yurak glikozidlari ta’sirini kamaytiradi. Bir vaqtda qo‘llanilganda kolestiramin, kolestipol va alyuminiy gidroksidi ichakda uning so‘rilishini tormozlash hisobiga levotiroksinning plazmadagi konsentratsiyasini kamaytiradi.

Anabolik steroidlar, asparaginaza, tamoksifen bilan bir vaqtda qo‘llanilganda oqsil bilan bog‘lanish darajasida farmakokinetik o‘zaro ta’sir bo‘lishi mumkin.

Fenitoin, salitsilatlar, klofibrat, yuqori dozalarda furosemid bilan bir vaqtda qo‘llanilganda qon plazmasi oqsillari bilan bog‘lanmagan levotiroksin va T _{miqdori oshadi.}

Somatotropin levotiroksin bilan bir vaqtda qo‘llanilganda epifizar o‘sish zonalarining yopilishini tezlashtirishi mumkin.

Fenobarbital, karbamazepin va rifampitsin qabul qilish levotiroksin klirensini oshirishi va dozani oshirishni talab qilishi mumkin.

Estrogenlar tireoglobulin bilan bog‘langan fraksiya konsentratsiyasini oshiradi, bu preparat samaradorligining pasayishiga olib kelishi mumkin.

Amiodaron, aminoglutetimid, PASK, etionamid, tireoidga qarshi dori vositalari, beta-adrenoblokatorlar, karbamazepin, xloralgidrat, diazepam, levodopa, dofamin, metoklopramid, lovastatin, somatostatin preparatning sintezi, sekretsiyasi, taqsimlanishi va metabolizmiga ta’sir ko‘rsatadi.

Sutkalik doza ko'rsatmalarga qarab individual ravishda belgilanadi.

L-Tiroksin Berlin-Xemi sutkalik dozada ertalab och qoringa, ovqatlanishdan kamida 30 daqiqa oldin, tabletkani chaynamasdan va oz miqdordagi suyuqlik (yarim stakan suv) bilan ichish orqali qabul qilinadi.

Gipotireozda o'rinbosar terapiyani o'tkazishda yurak-qon tomir kasalliklari bo'lmagan 55 yoshgacha bo'lgan bemorlarga L-Tiroksin Berlin-Xemi 1,6-1,8 mkg/kg tana vazni sutkalik dozasida; 55 yoshdan oshgan yoki yurak-qon tomir kasalliklari bo'lgan bemorlarga - 0,9 mkg/kg tana vazni dozasida buyuriladi. Jiddiy semizlikda hisoblash "ideal tana vazni"ga qarab amalga oshirilishi kerak.

Preparatni aniq dozalash uchun L-Tiroksin Berlin-Xemi preparatining eng mos dozasini (50, 75, 100, 125 yoki 150 mkg) ishlatish kerak.

Og'ir uzoq vaqt mavjud bo'lgan gipotireozda davolashni alohida ehtiyotkorlik bilan, kichik dozalardan - 25 mkg/sut dan boshlash kerak, dozani uzoqroq vaqt oralig'ida - har 2 haftada 25 mkg/sut ga tutib turuvchi dozagacha oshiriladi va qonda TTG darajasi tez-tez aniqlanadi. Gipotireozda L-Tiroksin Berlin-Xemi odatda butun umr davomida qabul qilinadi.

Tireotoksikozda L-Tiroksin Berlin-Xemi tireostatiklar bilan kompleks terapiyada eutireoid holatga erishilgandan so'ng qo'llaniladi. Barcha hollarda preparat bilan davolash davomiyligini shifokor belgilaydi.

Emizikli bolalar va 3 yoshgacha bo'lgan bolalarga L-Tiroksin Berlin-Xemi preparatining sutkalik dozasi birinchi ovqatlantirishdan 30 daqiqa oldin bir qabulda beriladi. Tabletka suvda yupqa suspenziyagacha eritiladi, u bevosita preparatni qabul qilishdan oldin tayyorlanadi.