LEVOFLOKSASIN ko'z tomchilari 5ml 0,5%

Ko'zga tomizilgandan so'ng levofloksatsin ko'z yoshi pardasida yaxshi saqlanib qoladi.

Bir martalik doza (1 tomchi) dan keyin ko'z yoshi suyuqligidagi levofloksatsin konsentratsiyasi tezda yuqori qiymatlarga yetadi va kamida 6 soat davomida ko'pchilik sezgir ko'z patogenlari uchun minimal ingibitsiya qiluvchi konsentratsiyadan (2 mkg/ml dan kam yoki teng) yuqori darajada ushlanib turadi. Sog'lom ko'ngillilarda o'tkazilgan tadqiqotlarda ko'rsatilishicha, mahalliy qo'llanilgandan 4 va 6 soat o'tgach o'lchangan ko'z yoshi pardasidagi levofloksatsinning o'rtacha konsentratsiyalari mos ravishda 17,0 mkg/ml va 6,6 mkg/ml ni tashkil qilgan. Olti nafar sinaluvchidan beshtasida tomizilgandan 4 soat o'tgach levofloksatsin konsentratsiyalari 2 mkg/ml va undan yuqorini tashkil qilgan. Olti nafar sinaluvchidan to'rttasida bu konsentratsiya tomizilgandan 6 soat o'tgach saqlanib qolgan.

Qo'llanilgandan 1 soat o'tgach qon plazmasidagi levofloksatsinning o'rtacha konsentratsiyasi - 1-sutkada 0,86 ng/ml dan 2,05 ng/ml gacha. 2,25 ng/ml ga teng bo'lgan plazmadagi levofloksatsinning maksimal konsentratsiyasi preparatni ikki kun davomida har 2 soatda sutkada 8 martagacha qo'llagandan so'ng 4-sutkada aniqlangan. 15-kuni erishilgan levofloksatsinning maksimal konsentratsiyalari levofloksatsinning standart dozalari ichga qabul qilingandan so'ng qayd etiladigan konsentratsiyalardan 1000 martadan ko'proqqa past.

Levofloksatsin terapiyasi davomida noxush reaksiyalarning uchrash tezligi taxminan 10% ni tashkil etdi. Ko‘pincha noxush reaksiyalarning ifodalanish darajasi yengildan o‘rtacha darajagacha o‘zgargan; noxush reaksiyalar asosan ko‘rish a'zosi tomonidan qayd etilgan. Noxush hodisalar haqidagi ma'lumotlar klinik tadqiqotlar va postregistratsion qo‘llash davomida olingan.

Immun tizimi tomonidan buzilishlar:

Kam hollarda (>1/10000, <1/1000) - tizimli allergik reaksiyalar, shu jumladan teri toshmasi.

Juda kam hollarda (<1/10000) - anafilaktik shok.

Nerv tizimi tomonidan buzilishlar:

Tez-tez emas (>1/1000, <1/100) - bosh og‘rig‘i.

Ko‘rish a'zosi tomonidan buzilishlar:

Tez-tez (>1/100, <1/10) - ko‘zda achishish, ko‘rishning pasayishi, kon'yunktiva bo‘shlig‘ida ipsimon shilliq ajralmalar.

Tez-tez emas (>1/1000, <1/100) - xemoz, kon'yunktival in'ektsiya, papillyar kon'yunktivit, qovoqlar shishi, qovoqlar eritemasi, ko‘zda noqulaylik, ko‘zda qichishish, ko‘zda og‘riq, «quruq» ko‘z sindromi, yorug‘likdan qo‘rqish.

Nafas olish organlari, ko‘krak qafasi va ko‘ks oralig‘i tomonidan buzilishlar:

Tez-tez emas (>1/1000, <1/100) - rinit.

Juda kam hollarda (<1/10000) - hiqildoq shishi.

Pediartik populyatsiyada preparat qo‘llanilganda noxush hodisalar profili kattalar populyatsiyasi bilan solishtirib bo‘ladigan darajada.

Agar yo‘riqnomada ko‘rsatilgan har qanday nojo‘ya ta'sirlar kuchaysa yoki Siz yo‘riqnomada ko‘rsatilmagan har qanday boshqa nojo‘ya ta'sirlarni sezsangiz, bu haqda shifokorga xabar bering.

Preparatni subkonyunktival va ko'zning old kamerasiga yuborish mumkin emas.

Preparatni gidrofil (yumshoq) kontakt linzalarni taqib yurish vaqtida qo'llamaslik kerak, chunki unda benzetoniya xlorid konservanti mavjud bo'lib, u kontakt linzalar tomonidan so'rilishi va ko'z to'qimalariga noxush ta'sir ko'rsatishi, shuningdek kontakt linzalar rangini o'zgarishini chaqirishi mumkin.

Tomizgich uchi va eritmaning ifloslanishini oldini olish uchun tomizishda qovoqlar va ko'z atrofi to'qimalariga tegmaslik kerak.

Levofloksatsin bilan uzoq muddat davolaganda (boshqa antibiotiklar kabi) sezgir bo'lmagan mikroorganizmlar, shu jumladan zamburug'li floraning ortiqcha o'sishi mumkin.

Kasallik kechishi yomonlashganda yoki levofloksatsin qo'llanilganda yaxshilanish bo'lmaganda, levofloksatsin bilan terapiyani bekor qilish va biomikroskopiya va flyuorestsein testini o'z ichiga olgan kengaytirilgan oftalmologik tekshiruv o'tkazish bilan boshqa guruh antibakterial preparatlari bilan terapiyaga o'tish zarur.

Levofloksatsinni shox parda yaralarini davolashda qo'llash samaradorligi va xavfsizligi to'g'risida ma'lumotlar yo'q.

Preparatning transport vositalarini va boshqa mexanizmlarni boshqarish qobiliyatiga ta'siri:

Preparat transport vositalarini, mexanizmlarni boshqarish qobiliyatiga sezilarli ta'sir ko'rsatmaydi. Bevosita tomizilgandan so'ng ko'rishning vaqtinchalik xiralashishi mumkin. Ko'rish idroki tiniqligi tiklanmaguncha transport vositalarini boshqarish va yuqori diqqatni hamda psixomotor reaktsiyalar tezligini talab qiluvchi boshqa potentsial xavfli faoliyat turlari bilan shug'ullanish tavsiya etilmaydi.

Levofloksatsinga yoki dori vositasining har qanday komponentiga, boshqa xinolonlarga yuqori sezuvchanlik.

Agar Sizda sanab o'tilgan kasalliklardan biri bo'lsa, preparatni qabul qilishdan oldin albatta shifokor bilan maslahatlashing.

Ehtiyotkorlik bilan:

Bolalar yoshi.

Agar preparat bolalarni davolash uchun qo'llanilsa, preparatni qabul qilishdan oldin albatta shifokor bilan maslahatlashing.

Homiladorlik va laktatsiya:

Homiladorlik

Homilador ayollarda levofloksatsinni qo'llash bo'yicha yetarli ma'lumotlar yo'q. Klinik oldi tadqiqotlari natijalari reproduktiv funksiyaga va homilaning bachadon ichida rivojlanishiga toksik ta'sir bo'yicha bevosita yoki bilvosita noxush samarani ko'rsatmaydi. Odamlar uchun preparatning potentsial xavfi noma'lum. Levofloksatsin ko'z tomchilarini homiladorlik davrida ona uchun potentsial foyda homila uchun mumkin bo'lgan xavfdan yuqori bo'lgan hollarda qo'llash mumkin.

Ko'krak suti bilan emizish

Levofloksatsin ko'krak sutiga o'tadi. Biroq levofloksatsin terapevtik dozalarda qo'llanilganda emizikli bolaga ta'siri kutilmaydi. Levofloksatsin ko'z tomchilarini ko'krak suti bilan emizish davrida ona uchun potentsial foyda emizikli bola uchun har qanday mumkin bo'lgan xavfdan yuqori bo'lgan hollarda qo'llash mumkin.

Fertillik

Levofloksatsin mahalliy qo'llanilganda kalamushlarda odam uchun maksimal dozadan sezilarli darajada yuqori ta'sirda fertillikning yomonlashishini keltirib chiqarmadi.

Preparatning o'zaro ta'siri bo'yicha maxsus tadqiqotlar o'tkazilmagan.

Ko'zga mahalliy qo'llanilgandan keyin plazmadagi levofloksatsinning maksimal kontsentratsiyasi ichga standart dozalar qabul qilingandan keyin kamida 1000 baravar past bo'lganligi sababli, tizimli qo'llash uchun xos bo'lgan boshqa dori vositalari bilan o'zaro ta'sir, katta ehtimol bilan, klinik ahamiyatga ega emas.