LEVOFLOKSASIN 0,5 tabletkalari N10

Absorbsiya

Peroral qabul qilingandan so'ng levofloksatsin me'da-ichak yo'lidan tez va deyarli to'liq so'riladi. Ovqat qabul qilish absorbsiya tezligi va to'liqligiga kam ta'sir qiladi. Ichga qabul qilinganda mutlaq biokiraolishligi 99-100 % ni tashkil qiladi. Plazmadagi maksimal konsentratsiyaga 1-2 soatdan keyin erishiladi va levofloksatsinning 250 mg, 500 mg va 750 mg dozasi uchun mos ravishda 2,8 mkg/ml, 5,2 mkg/ml va 8.0 mkg/ml ga teng. Levofloksatsin farmakokinetikasi 50 dan 1000 mg gacha bo'lgan diapazonda chiziqli xususiyatga ega. Bir martalik yoki ko'p martalik doza qabul qilingandan so'ng so'rilgan preparat miqdori qabul qilingan dozaga to'g'ridan-to'g'ri proporsionaldir. Plazmadagi muvozanat konsentratsiyasiga 500 mg levofloksatsin sutkada I yoki 2 marta qabul qilinganda 48 soatdan keyin erishiladi.

Taqsimlanishi

Levofloksatsinning o'rtacha taqsimlanish hajmi 74 dan 112 l gacha o'zgarib turadi. Plazma oqsillari bilan bog'lanishi 30-40 %. Organlar va to'qimalarga yaxshi kirib boradi: bronxlar shilliq qavati, epitelial qoplam suyuqligi, alveolyar makrofaglar (o'pka to'qimalaridagi konsentratsiya plazmadagi konsentratsiyadan 2-5 baravar oshadi), o'pka to'qimasi, suyak to'qimasi, siydik-tanosil tizimi organlari, polimorf yadroli leykotsitlar.

Metabolizmi

Levofloksatsin arzimas darajada metabolizmga uchraydi (qabul qilingan dozaning 5 %). Uning metabolitlari demetillevofloksatsin va N-oksid levofloksatsin bo'lib, ular buyraklar orqali chiqariladi. Levofloksatsin stereokimyoviy barqaror hisoblanadi va xiral o'zgarishlarga uchramaydi.

Chiqarilishi

Ichga qabul qilingandan so'ng levofloksatsin plazmadan nisbatan sekin chiqariladi (yarim chiqarilish davri 6-8 soat). Organizmdan asosan buyraklar orqali kalavachalar filtratsiyasi va naychalar sekretsiyasi yo'li bilan chiqariladi. Buyraklar orqali o'zgarmagan holda ichga qabul qilingan dozaning 70 % 24 soat ichida va 87 % - 48 soat ichida chiqariladi. Ichga qabul qilingan dozaning 4 % 72 soat ichida ichak orqali chiqariladi.

Alohida guruh pasientlar farmakokinetikasi

Levofloksatsin farmakokinetikasi erkaklar va ayollarda farq qilmaydi.

Buyrak yetishmovchiligida levofloksatsin farmakokinetikasi o'zgaradi. Buyrak funksiyasi pasayishi bilan buyraklar orqali chiqarilish va buyrak klirensi pasayadi, yarim chiqarilish davri esa ortadi.

Keksa yoshdagi pasientlarda farmakokinetika yosh pasientlardagidan farq qilmaydi, kreatinin klirensi bilan bog'liq farqlar bundan mustasno.

Quyidagi nojo‘ya ta'sirlar ularning yuzaga kelish tez-tezligining quyidagi gradatsiyalariga muvofiq taqdim etilgan: juda tez-tez (≥ 1/10), tez-tez (≥ 1/100 dan < 1/10 gacha), tez-tez emas (≥ 1/1 000 dan < 1/100 gacha), kam hollarda (≥ 1/10 000 dan < 1/1 000 gacha), juda kam hollarda (< 1/10 000), tez-tezligi aniqlanmagan (mavjud ma'lumotlar asosida baholab bo‘lmaydi).

Nerv tizimi tomonidan: tez-tez - bosh og‘rig‘i, bosh aylanishi; tez-tez emas - uyquchanlik, tremor, disgevziya (ta'mning buzilishi); kam hollarda - paresteziya, talvasalar ("Maxsus ko‘rsatmalar" bo‘limiga qarang); tez-tezligi aniqlanmagan - periferik sensor neyropatiya, periferik sensor-motor neyropatiya, diskineziya, ekstrapiramidal buzilishlar, ta'm bilishning yo‘qolishi, parosmiya (hid sezishning buzilishi, ayniqsa ob'ektiv mavjud bo‘lmagan hidni sub'ektiv sezish), shu jumladan hid bilishning yo‘qolishi, hushdan ketish, xavfsiz bosh miya ichki gipertenziyasi.

Ruhiy buzilish: tez-tez - uyqusizlik; tez-tez emas - bezovtalik hissi, xavotir, ongning chalkashishi; kam hollarda - ruhiy buzilishlar (masalan, gallyutsinatsiyalar, paranoyya), depressiya, ajitatsiya, uyquning buzilishi, tungi dahshatlar; tez-tezligi aniqlanmagan - o‘ziga zarar yetkazish bilan kechuvchi xulq-atvor buzilishi bilan ruhiyatning buzilishi, shu jumladan o‘z joniga qasd qilish fikrlari va o‘z joniga qasd qilishga urinishlar.

Ko‘rish a'zosi tomonidan: juda kam hollarda - ko‘rishning buzilishi, masalan ko‘rinayotgan tasvirning xiralashishi; tez-tezligi aniqlanmagan - ko‘rishning o‘tkinchi yo‘qolishi.

Eshitish a'zosi va labirint buzilishlari: tez-tez emas - vertigo (o‘z tanasining yoki atrofdagi narsalarning og‘ishi yoki aylanishi hissi); kam hollarda - quloqlarda jaranglash; tez-tezligi aniqlanmagan - eshitishning pasayishi, eshitishning yo‘qolishi.

Yurak-qon tomir tizimi tomonidan: kam hollarda - sinusli taxikardiya, yurak urishini his qilish, qon bosimining pasayishi; tez-tezligi aniqlanmagan - QT intervalining uzayishi, qorincha ritmining buzilishi, qorincha taxikardiyasi, "piruet" turidagi qorincha taxikardiyasi, ular yurak to‘xtashiga olib kelishi mumkin ("Dozadan oshib ketish", "Maxsus ko‘rsatmalar" bo‘limlariga qarang).

Qon va limfa tizimi tomonidan: tez-tez emas - eozinofiliya, leykopeniya; kam hollarda - neytropeniya, trombositopeniya; tez-tezligi aniqlanmagan - pantsitopeniya, agranulotsitoz, gemolitik anemiya.

Me'da-ichak yo‘llari tomonidan: tez-tez - ko‘ngil aynishi, qusish, diareya; tez-tez emas - qorinda og‘riq, dispepsiya, meteorizm, qabziyat; tez-tezligi aniqlanmagan - gemorragik diareya, u juda kam hollarda enterokolit, shu jumladan soxtamembranoz kolit ("Maxsus ko‘rsatmalar" bo‘limiga qarang), pankreatit belgisi bo‘lishi mumkin.

Jigar va o‘t chiqarish yo‘llari tomonidan: tez-tez - alaninaminotransferaza, aspartataminotransferaza, ishqoriy fosfataza, gamma-glutamiltransferaza faolligining oshishi; tez-tez emas - bilirubin kontsentratsiyasining oshishi; tez-tezligi aniqlanmagan - og‘ir jigar yetishmovchiligi, shu jumladan o‘tkir jigar yetishmovchiligi rivojlanishi holatlari, ba'zida fatal oqibat bilan, ayniqsa og‘ir asosiy kasalligi bo‘lgan bemorlarda (masalan, sepsisli bemorlarda); gepatit, sariqlik.

Nafas olish tizimi, ko‘krak qafasi a'zolari va ko‘ks oralig‘i tomonidan: tez-tez emas - hansirash; tez-tezligi aniqlanmagan - bronxospazm, allergik pnevmonit.

Moddalar almashinuvi va oziqlanish tomonidan: tez-tez emas - anoreksiya; kam hollarda - gipoglikemiya (ishtahaning oshishi, terlash, qaltirash, asabiylik); tez-tezligi aniqlanmagan - giperglikemiya, gipoglikemik koma ("Maxsus ko‘rsatmalar" bo‘limiga qarang).

Skelet-mushak tizimi va biriktiruvchi to‘qima tomonidan: tez-tez emas - artralgiya, mialgiya; kam hollarda - paylarning shikastlanishi (masalan, axill payi), shu jumladan tendinit, soxtaparalitik miasteniyasi bo‘lgan bemorlarda xavfli bo‘lishi mumkin bo‘lgan mushak zaifligi ("Ehtiyotkorlik bilan" bo‘limiga qarang); tez-tezligi aniqlanmagan - rabdomioliz, payning uzilishi (masalan, axill payi). Bu nojo‘ya ta'sir davolash boshlanganidan keyin 48 soat ichida kuzatilishi mumkin va ikki tomonlama xarakterga ega bo‘lishi mumkin), boylamlarning uzilishi, mushaklarning yorilishi, artrit ("Maxsus ko‘rsatmalar" bo‘limiga qarang).

Buyrak va siydik chiqarish yo‘llari tomonidan: tez-tez emas - giperkreatininemiya; kam hollarda - o‘tkir buyrak yetishmovchiligi (masalan, interstitsial nefrit rivojlanishi oqibatida).

Teri va teri osti to‘qimalari tomonidan: tez-tez emas - toshma, qichishish, eshakemi, gipergidroz; tez-tezligi aniqlanmagan - xavfli ekssudativ eritema (Stivens-Djonson sindromi), toksik epidermal nekroliz (Layell sindromi), fotosensibilizatsiya reaksiyalari, leykotsitoklastik vaskulit, stomatit, ekssudativ ko‘p shaklli eritema. Teri va shilliq qavatlar tomonidan reaksiyalar, anafilaktik va anafilaktoid reaksiyalar ba'zida preparatning birinchi dozasidan keyin ham rivojlanishi mumkin.

Infektsion va parazitar kasalliklar: tez-tez emas - zamburug‘li infektsiyalar, patogen mikroorganizmlar rezistentligining rivojlanishi.

Immun tizimi tomonidan: kam hollarda - angionevrotik shish; tez-tezligi aniqlanmagan - anafilaktik shok, anafilaktoid shok.

Anafilaktik va anafilaktoid reaksiyalar ba'zida preparatning birinchi dozasidan keyin ham rivojlanishi mumkin.

Umumiy buzilishlar: tez-tez emas - asteniya; kam hollarda - pireksiya (tana haroratining ko‘tarilishi); tez-tezligi aniqlanmagan - og‘riq (shu jumladan bel, ko‘krak va oyoq-qo‘llarda og‘riq).

Barcha ftorxinolonlarga tegishli boshqa mumkin bo‘lgan noxush ta'sirlar: juda kam hollarda - porfiriyasi bo‘lgan bemorlarda porfiriya xurujlari.

Ko'k yiringli tayoqcha (Pseudomonas aeruginosa) chaqirgan gospital infektsiyalar majmuaviy terapiyani talab qilishi mumkin.

Ajratib olinadigan mikroorganizmlar shtammlarining orttirilgan rezistentligi tarqalishi geografik mintaqaga qarab va vaqt o'tishi bilan o'zgarishi mumkin. Shu munosabat bilan muayyan mamlakatda preparatga rezistentlik haqida ma'lumot talab etiladi. Og'ir infektsiyalarni davolash uchun yoki davolash samarasiz bo'lganda qo'zg'atuvchini ajratib olish va uning levofloksatsinga sezgirligini aniqlash bilan mikrobiologik tashxis qo'yilishi kerak.

Metitsillin-rezistent oltin stafilokokk

Metitsillin-rezistent oltin stafilokokk ftorxinolonlarga, shu jumladan levofloksatsinga rezistent bo'lishi ehtimoli yuqori. Shuning uchun levofloksatsin metitsillin-rezistent oltin stafilokokk chaqirgan aniqlangan yoki taxmin qilingan infektsiyalarni davolash uchun tavsiya etilmaydi, agar laboratoriya tahlillari ushbu mikroorganizmning levofloksatsinga sezgirligini tasdiqlamagan bo'lsa.

Tirishishlar rivojlanishiga moyilligi bo'lgan bemorlar

Boshqa xinolonlar kabi, levofloksatsin tirishishlarga moyilligi bo'lgan bemorlarda katta ehtiyotkorlik bilan qo'llanilishi kerak. Bunday bemorlarga MNTning oldingi shikastlanishlari, masalan insult, og'ir kalla-miya travmasi bo'lgan bemorlar; bosh miyaning tirishishga tayyorgarligi bo'sag'asini pasaytiruvchi preparatlar, masalan fenbufen va unga o'xshash boshqa nosteroid yallig'lanishga qarshi preparatlarni yoki tirishishga tayyorgarlik bo'sag'asini pasaytiruvchi boshqa preparatlarni, masalan teofillinni bir vaqtda olayotgan bemorlar kiradi ("Boshqa dori vositalari bilan o'zaro ta'siri" bo'limiga qarang).

Soxtamembranoz kolit

Levofloksatsin bilan davolash vaqtida yoki undan keyin rivojlangan diareya, ayniqsa og'ir, o'jar va/yoki qon aralash diareya Clostridiumdifficile chaqirgan soxtamembranoz kolit simptomi bo'lishi mumkin. Soxtamembranoz kolit rivojlanishiga shubha qilinganda levofloksatsin bilan davolashni darhol to'xtatish va darhol spesifik antibiotikoterapiyani (ichga vankomitsin, teykoplanin yoki metronidazol) boshlash kerak. Ichak peristaltikasini tormozlovchi preparatlar mumkin emas.

Tendinit

Xinolonlar, shu jumladan levofloksatsin qo'llanilganda kamdan-kam kuzatiladigan tendinit paylarning uzilishiga, shu jumladan axill payining uzilishiga olib kelishi mumkin. Ushbu nojo'ya ta'sir davolash boshlangandan keyin 48 soat ichida rivojlanishi mumkin va ikki tomonlama bo'lishi mumkin. Keksa yoshdagi bemorlar tendinit rivojlanishiga ko'proq moyil bo'ladilar. Paylar uzilishi xavfi glyukokortikosteroidlarni bir vaqtda qabul qilishda ortishi mumkin. Tendinitga shubha qilinganda Levofloksatsin preparati bilan davolashni darhol to'xtatish va shikastlangan payni tegishli davolashni boshlash, masalan, uning yetarli immobilizatsiyasini ta'minlash kerak ("Qo'llash mumkin emas" va "Nojo'ya ta'siri" bo'limlariga qarang).

O'ta yuqori sezuvchanlik reaktsiyalari

Levofloksatsin jiddiy, potentsial fatal o'ta yuqori sezuvchanlik reaktsiyalarini (angionevrotik shish, anafilaktik shok), hatto boshlang'ich dozalar qo'llanilganda ham chaqirishi mumkin ("Nojo'ya ta'siri" bo'limiga qarang). Bemorlar preparat qabul qilishni darhol to'xtatishlari va shifokorga murojaat qilishlari kerak.

Og'ir bullyoz reaktsiyalar

Levofloksatsin qabul qilinganda Stivens-Jonson sindromi yoki toksik epidermal nekroliz kabi og'ir bullyoz teri reaktsiyalari kuzatilgan ("Nojo'ya ta'siri" bo'limiga qarang). Teri yoki shilliq qavatlar tomonidan qandaydir reaktsiyalar rivojlanganda bemor darhol shifokorga murojaat qilishi va uning maslahatigacha davolashni davom ettirmasligi kerak.

Jigar va o't chiqarish yo'llari tomonidan buzilishlar

Levofloksatsin qo'llanilganda jigar nekrozi rivojlanishi, shu jumladan fatal jigar yetishmovchiligi rivojlanishi holatlari haqida xabar berilgan, asosan og'ir asosiy kasalliklari, masalan, sepsisi bo'lgan bemorlarda ("Nojo'ya ta'siri" bo'limiga qarang). Bemorlar anoreksiya, sariqlik, siydikning to'q rangga kirishi, qichishish va qorinda og'riq kabi jigar shikastlanishi belgilari va simptomlari paydo bo'lganda davolashni to'xtatish va shoshilinch shifokorga murojaat qilish zarurligi haqida ogohlantirilgan bo'lishlari kerak.

Buyrak yetishmovchiligi bo'lgan bemorlar

Levofloksatsin asosan buyraklar orqali chiqarilishi sababli, buyrak funktsiyasi buzilgan bemorlarda buyrak funktsiyasini majburiy nazorat qilish, shuningdek dozalash rejimini to'g'irlash talab etiladi ("Qo'llash usuli va dozalari" bo'limiga qarang). Keksa yoshdagi bemorlarni davolashda ushbu guruhdagi bemorlar ko'pincha buyrak funktsiyasi buzilishlaridan aziyat chekishini yodda tutish kerak.

Fotosenzibilizatsiya reaktsiyalari rivojlanishini oldini olish

Garchi levofloksatsin qo'llanilganda fotosenzibilizatsiya juda kam uchrasa-da, uning rivojlanishini oldini olish uchun bemorlarga davolash vaqtida va levofloksatsin bilan davolash tugagandan so'ng 48 soat davomida alohida zaruratsiz kuchli quyosh yoki sun'iy ultrabinafsha nurlanishga (masalan, solyariylarga tashrif buyurish) duchor bo'lmaslik tavsiya etiladi.

Superinfektsiya

Boshqa antibiotiklar qo'llanilganda bo'lgani kabi, levofloksatsinni qo'llash, ayniqsa uzoq vaqt davomida, unga sezgir bo'lmagan mikroorganizmlar (bakteriyalar va zamburug'lar)ning kuchli ko'payishiga olib kelishi mumkin, bu odamda normal sharoitda mavjud bo'lgan mikroflora o'zgarishini chaqirishi mumkin, bu esa superinfektsiya rivojlanishiga olib kelishi mumkin. Shuning uchun davolash jarayonida bemorning holatini takroran baholash va davolash vaqtida superinfektsiya rivojlanganda tegishli choralar ko'rish shart.

QT intervalining uzayishi

Ftorxinolonlar, shu jumladan levofloksatsin olgan bemorlarda QT intervalining uzayishi juda kam holatlari haqida xabar berilgan. Ftorxinolonlar, shu jumladan levofloksatsin qo'llanilganda QT intervali uzayishining ma'lum xavf omillari bo'lgan bemorlarda ehtiyotkorlikka rioya qilish kerak: to'g'irlanmagan elektrolit buzilishlari (gipokaliemiya, gipomagniemiya) bo'lgan bemorlarda; tug'ma QT intervali uzayishi sindromi bo'lgan; yurak kasalliklari (yurak yetishmovchiligi, miokard infarkti, bradikardiya) bo'lgan; QT intervalini uzaytirishi mumkin bo'lgan dori vositalarini, masalan IA va III sinf antiaritmik vositalar, tritsiklik antidepressantlar, makrolidlar, neyroleptiklarni bir vaqtda qabul qilayotgan bemorlarda.

Keksa yoshdagi bemorlar va ayol jinsidagi bemorlar QT intervalini uzaytiruvchi preparatlarga sezgirroq bo'lishlari mumkin. Shuning uchun ularda ftorxinolonlarni, shu jumladan levofloksatsinni ehtiyotkorlik bilan qo'llash kerak ("Ehtiyotkorlik bilan", "Qo'llash usuli va dozalari", "Nojo'ya ta'siri", "Dozani oshirib yuborilishi" va "Boshqa dori vositalari bilan o'zaro ta'siri" bo'limlariga qarang).

Glyukoza-6-fosfatdegidrogenaza yetishmovchiligi bo'lgan bemorlar

Glyukoza-6-fosfatdegidrogenaza latent yoki namoyon bo'lgan tanqisligi bo'lgan bemorlarda xinolonlar bilan davolashda gemolitik reaktsiyalarga moyillik mavjud, buni levofloksatsin bilan davolashda e'tiborga olish kerak.

Gipo- va giperglikemiya (disglikemiya)

Boshqa xinolonlar qo'llanilganda bo'lgani kabi, levofloksatsin qo'llanilganda gipo- va giperglikemiya rivojlanishi holatlari kuzatilgan, odatda peroral gipoglikemik preparatlar (masalan, glibenklamid) yoki insulin preparatlari bilan bir vaqtda davolanayotgan qandli diabeti bo'lgan bemorlarda. Gipoglikemik koma rivojlanishi holatlari haqida xabar berilgan. Qandli diabeti bo'lgan bemorlarda qondagi glyukoza kontsentratsiyasining sinchkov monitoringi talab etiladi ("Nojo'ya ta'siri" bo'limiga qarang).

Periferik nevropatiya

Ftorxinolonlar, shu jumladan levofloksatsin olayotgan bemorlarda sensor va sensor-motor periferik nevropatiya qayd etilgan, uning boshlanishi tez bo'lishi mumkin. Agar bemorda nevropatiya simptomlari paydo bo'lsa, levofloksatsinni qo'llash to'xtatilishi kerak. Bu qaytmas o'zgarishlar rivojlanishi mumkin bo'lgan xavfni minimallashtiradi.

Soxta paralitik miasteniya (myasthenia gravis) zo'rayishi

Ftorxinolonlar, shu jumladan levofloksatsin nerv-mushak o'tkazuvchanligini bloklovchi faollik bilan tavsiflanadi va soxta paralitik miasteniyasi bo'lgan bemorlarda mushak kuchsizligini kuchaytirishi mumkin. Ro'yxatdan o'tkazilgandan keyingi davrda noxush reaktsiyalar, shu jumladan o'pkaning sun'iy ventilyatsiyasini o'tkazishni talab qilgan o'pka yetishmovchiligi va o'lim holati kuzatilgan, ular soxta paralitik miasteniyasi bo'lgan bemorlarda ftorxinolonlarni qo'llash bilan assotsiatsiyalangan. Aniqlangan soxta paralitik miasteniya tashxisi bo'lgan bemorda levofloksatsinni qo'llash tavsiya etilmaydi ("Nojo'ya ta'siri" bo'limiga qarang).

Sibir yarasini havo-tomchi yo'li bilan yuqtirishda qo'llanilishi

Levofloksatsinni odamda ushbu ko'rsatma bo'yicha qo'llash Bacillus anthracis ning unga sezgirligi bo'yicha in vitro tadqiqotlarda va hayvonlarda o'tkazilgan eksperimental tadqiqotlarda olingan ma'lumotlarga, shuningdek odamda levofloksatsinni qo'llashning cheklangan ma'lumotlariga asoslangan. Davolovchi shifokorlar sibir yarasini davolash bo'yicha umumiy harakatlar bilan ishlab chiqilgan nuqtai nazarni aks ettiruvchi milliy va/yoki xalqaro hujjatlarga murojaat qilishlari kerak.

Psixotik reaktsiyalar

Xinolonlar, shu jumladan levofloksatsin qo'llanilganda psixotik reaktsiyalar rivojlanishi haqida xabar berilgan, ular juda kam hollarda suitsidal fikrlar va o'ziga zarar yetkazish bilan xulq-atvor buzilishlarigacha rivojlangan (ba'zan levofloksatsinning bir martalik dozasini qabul qilgandan keyin ("Nojo'ya ta'siri" bo'limiga qarang)). Bunday reaktsiyalar rivojlanganda levofloksatsin bilan davolashni to'xtatish va tegishli terapiyani tayinlash kerak. Psixozlari bo'lgan bemorlarga yoki anamnezida ruhiy kasalliklari bo'lgan bemorlarga preparatni ehtiyotkorlik bilan tayinlash kerak.

Ko'rish buzilishlari

Har qanday ko'rish buzilishlari rivojlanganda darhol oftalmolog maslahati zarur ("Nojo'ya ta'siri" bo'limiga qarang).

Laboratoriya testlariga ta'siri

Levofloksatsin qabul qilayotgan bemorlarda siydikda opiatlarni aniqlash soxta musbat natijalarga olib kelishi mumkin, ularni spesifikroq usullar bilan tasdiqlash kerak.

Levofloksatsin Mycobacterium tuberculosis o'sishini ingibitsiya qilishi va keyinchalik silning bakteriologik tashxisi soxta manfiy natijalariga olib kelishi mumkin.

Transport vositalarini va mexanizmlarni boshqarish qobiliyatiga ta'siri:

Transport vositalarini boshqarishda va boshqa potentsial xavfli faoliyat turlari bilan shug'ullanishda ehtiyotkorlikka rioya qilish kerak, chunki levofloksatsinning ba'zi nojo'ya ta'sirlari, masalan bosh aylanishi, uyquchanlik va ko'rish buzilishlari transport vositalarini boshqarish va yuqori diqqatni hamda psixomotor reaktsiyalar tezligini talab qiluvchi potentsial xavfli faoliyat turlarini bajarish qobiliyatiga salbiy ta'sir ko'rsatishi mumkin.

- anamnezda levofloksatsinga, boshqa ftorxinolonlarga yoki preparatning boshqa komponentlariga yuqori sezuvchanlik;

- epilepsiya;

- soxta paralitik miasteniya (myasthenia gravis);

- anamnezda ftorxinolonlarni qabul qilish bilan bog'liq paylarning shikastlanishi;

- 18 yoshgacha bo'lgan bolalar va o'smirlar (skelet o'sishi tugallanmaganligi sababli, chunki o'sish tog'aylarining shikastlanish xavfini butunlay istisno qilib bo'lmaydi);

- homiladorlik (homilada o'sish tog'aylarining shikastlanish xavfini butunlay istisno qilib bo'lmaydi);

- laktatsiya davri (bolada suyak o'sish tog'aylarining shikastlanish xavfini butunlay istisno qilib bo'lmaydi).

Ehtiyotkorlik bilan:

- talvasa reaktsiyalariga moyillik (markaziy asab tizimi (MNS) oldindan shikastlangan bemorlarda, bosh miyaning talvasaga tayyorgarlik bo'sag'asini pasaytiruvchi preparatlarni (fenbufen, teofillin) bir vaqtda qabul qilayotgan bemorlarda);

- glyukoza-6-fosfatdegidrogenazaning latent yoki namoyon bo'lgan yetishmovchiligi (xinolonlar bilan davolashda gemolitik reaktsiyalar xavfi ortadi);

- buyrak funksiyasining buzilishi (buyrak funksiyasini nazorat qilish, shuningdek dozalash tartibini to'g'irlash talab etiladi, "Qo'llash usuli va dozalari" ga qarang);

- QT oralig'i uzayishining ma'lum xavf omillari bo'lgan bemorlarda: keksa yoshdagi bemorlarda (65 yoshdan katta), ayol jinsidagi bemorlarda, to'g'irlanmagan elektrolit buzilishlari (gipokaliemiya, gipomagniemiya) bo'lgan bemorlarda; tug'ma QT oralig'i uzayishi sindromi bilan; yurak yetishmovchiligi, miokard infarkti, bradikardiyasi bo'lgan bemorlarda; QT oralig'ini uzaytiruvchi dori vositalarini (IA va III sinf antiaritmik vositalar, tritsiklik antidepressantlar, neyroleptiklar, makrolidlar) bir vaqtda qabul qilishda;

- peroral gipoglikemik preparatlarni qabul qilayotgan qandli diabeti bo'lgan bemorlarda (gipoglikemiya xavfi ortadi);

- boshqa ftorxinolonlarga og'ir noxush reaktsiyalari, masalan og'ir nevrologik reaktsiyalari bo'lgan bemorlarda (levofloksatsinni qo'llashda shunga o'xshash noxush reaktsiyalar yuzaga kelish xavfi yuqori);

- psixozlari bo'lgan yoki anamnezida ruhiy kasalliklari bo'lgan bemorlarda.

Homiladorlik va laktatsiya:

Levofloksatsinni homilador ayollarda va ko'krak suti bilan emizish davridagi ayollarda qo'llash mumkin emas.

Ehtiyotkorlikka rioya qilishni talab qiluvchi o'zaro ta'sirlar

Magniy, alyuminiy, temir va rux saqlovchi preparatlar, didanozin bilan

Rux yoki temir tuzlari (anemiyani davolash uchun dori preparatlari), magniy va/yoki alyuminiy saqlovchi preparatlar (antatsidlar kabi), didanozin (bufer sifatida alyuminiy yoki magniy saqlovchi dori shakllari faqat) kabi ikki valentli yoki uch valentli kationlar saqlovchi preparatlarni Levofloksatsin preparatini qabul qilishdan kamida 2 soat oldin yoki 2 soat keyin qabul qilish tavsiya etiladi.

Kaltsiy tuzlari levofloksatsin ichga qabul qilinganda uning so'rilishiga minimal ta'sir ko'rsatadi.

Sukralfat bilan

Levofloksatsin ta'siri sukralfat bilan bir vaqtda qo'llanilganda sezilarli darajada susayadi. Levofloksatsin va sukralfat olayotgan bemorlarga sukralfatni levofloksatsin qabul qilgandan 2 soat o'tgach qabul qilish tavsiya etiladi.

Teofillin, fenbufen yoki bosh shilliq pardasi tirishish faolligi chegarasini pasaytiruvchi nosteroid yallig'lanishga qarshi preparatlar guruhidagi shunga o'xshash dori preparatlari bilan.

Levofloksatsinning teofillin bilan farmakokinetik o'zaro ta'siri aniqlanmagan. Biroq, xinolonlar va teofillin, nosteroid yallig'lanishga qarshi preparatlar va bosh shilliq pardasi tirishishga tayyorgarligi chegarasini pasaytiruvchi boshqa preparatlar bir vaqtda qo'llanilganda bosh miya tirishishga tayyorgarligi chegarasining yaqqol pasayishi mumkin. Fenbufen bilan bir vaqtda qabul qilinganda levofloksatsin kontsentratsiyasi faqat 13% ga oshadi.

Bevosita bo'lmagan antikoagulyantlar bilan

Levofloksatsin bilan bevosita bo'lmagan antikoagulyantlar (masalan, varfarin) kombinatsiyasida davolangan bemorlarda protrombin vaqti/xalqaro normallashtirilgan nisbatning oshishi va/yoki qon ketish, shu jumladan og'ir qon ketish kuzatilgan. Shuning uchun bevosita bo'lmagan antikoagulyantlar va levofloksatsin bir vaqtda qo'llanilganda qon ivish ko'rsatkichlarini muntazam nazorat qilish zarur.

Probenetsid va simetidin bilan

Buyrak naychalar sekretsiyasini buzuvchi dori preparatlari, masalan probenetsid va simetidin, va levofloksatsin bir vaqtda qo'llanilganda ehtiyotkorlikka rioya qilish kerak, ayniqsa buyrak yetishmovchiligi bo'lgan bemorlarda. Simetidin va probenetsid levofloksatsin chiqarilishini mos ravishda 24% va 34% ga sekinlashtiradi. Buyrak funktsiyasi normal bo'lganda bu klinik ahamiyatga ega bo'lishi ehtimoli kam.

Siklosporin bilan

Levofloksatsin siklosporinning yarim chiqarilish davrini 33% ga oshiradi. Ushbu oshish klinik ahamiyatsiz bo'lganligi sababli, siklosporin levofloksatsin bilan bir vaqtda qo'llanilganda uning dozasini to'g'irlash talab etilmaydi.

Glyukokortikosteroidlar bilan

Glyukokortikosteroidlarni bir vaqtda qabul qilish paylar uzilishi xavfini oshiradi.

QT oralig'ini uzaytiruvchi dori preparatlari bilan

Levofloksatsin, boshqa ftorxinolonlar kabi, QT oralig'ini uzaytiruvchi preparatlarni (masalan, IA va III sinf antiaritmik vositalari, tritsiklik antidepressantlar, makrolidlar, neyroleptiklar) olayotgan bemorlarda ehtiyotkorlik bilan qo'llanilishi kerak.

Boshqalar

Levofloksatsinning digoksin, glibenklamid, ranitidin, varfarin bilan ehtimoliy farmakokinetik o'zaro ta'sirlarini o'rganish bo'yicha o'tkazilgan klinik-farmakologik tadqiqotlar natijalari shuni ko'rsatdiki, levofloksatsin farmakokinetikasi ushbu preparatlar bilan bir vaqtda qo'llanilganda bu klinik ahamiyatga ega bo'ladigan darajada o'zgarmaydi.