MONEKS sprey 50mkg N140

Mometazon furoatining nazal sprey shaklida qo'llanilgandagi biokiraolishligi ahamiyatsiz (≤0,1%), u hatto 50 pg/ml ga teng sezgirlik chegarasiga ega bo'lgan sezgir aniqlash usuli qo'llanilganda ham qon plazmasida deyarli aniqlanmaydi. Shu munosabat bilan, ushbu dori shakli uchun tegishli farmakokinetik ma'lumotlar mavjud emas. Mometazon furoati suspenziyasi MITYda juda kuchsiz so'riladi, oshqozonga tushishi va so'rilishi mumkin bo'lgan oz miqdori esa ekskretsiyadan oldin ham faol birlamchi metabolizmga uchraydi, asosan metabolitlar ko'rinishida siydik bilan va ma'lum darajada – safro bilan.

Mometazon furoati – mahalliy qo'llash uchun sintetik kortikosteroid, yaqqol yallig'lanishga qarshi ta'sirga ega. Mometazon furoatining mahalliy yallig'lanishga qarshi ta'siri tizimli samaralar yuzaga kelmaydigan dozalarda namoyon bo'ladi. Asosan, mometazon furoatining yallig'lanishga qarshi va allergiyaga qarshi ta'sir mexanizmi uning allergik reaktsiyalar mediatorlari ajralishini susaytirish qobiliyati bilan bog'liq. Mometazon furoati allergik kasalliklardan aziyat chekuvchi bemorlarning leykotsitlaridan leykotrienlar sintezini / ajralib chiqishini sezilarli darajada kamaytiradi. Mometazon furoati hujayra kulturasida IL-1, IL-6 TNFα sintezi / ajralib chiqishini susaytirishda boshqa steroidlarga, shu jumladan beklometazon dipropionati, betametazon, gidrokortizon va deksametazonga qaraganda 10 baravar katta faollikni namoyish etdi. U shuningdek inson CD4+ T-hujayralaridan Th2 sitokinlari, IL-4 va IL-5 ishlab chiqarilishining kuchli ingibitori hisoblanadi. Mometazon furoati IL-5 ishlab chiqarilishini susaytirish bo'yicha beklometazon dipropionati va betametazonga qaraganda 6 baravar faolroq.

Mavsumiy va yil bo'yi davom etadigan allergik rinitlarda, o'tkir sinusitda, nazal poliplari bo'lgan bemorlarda preparatni qo'llash bilan bog'liq quyidagi nojo'ya hodisalar qayd etiladi: bosh og'rig'i, burundan qon ketishlar (ya'ni aniq qon ketishi, shuningdek qonli shilliq yoki qon quyqalari ajralishi), faringit, burunda achishish hissi, ta'sirlanish va burun shilliq qavatining yarali o'zgarishlari. Bunday nojo'ya hodisalarning rivojlanishi kortikosteroidlar saqlovchi har qanday boshqa nazal spreyni qo'llashda tipik hisoblanadi. Bolalarda burundan qon ketishi, bosh og'rig'i, burunda ta'sirlanish hissi va aksirish kabi nojo'ya hodisalar qayd etiladi. Mometazon furoat intranazal qo'llanilgandan so'ng ba'zida darhol tipdagi allergik reaksiya (masalan, bronxospazm, dispnoe) kuzatilishi mumkin. Juda kam hollarda anafilaktik reaksiya va angionevrotik shish rivojlanishi mumkin. Kortikosteroidlar intranazal qo'llanilganda juda kam hollarda burun to'sig'i perforatsiyasi yoki ko'z ichki bosimining oshishi holatlari qayd etilgan. Tizimli effektlar nazal kortikosteroidlar qo'llanilganda, ayniqsa yuqori dozalarda va uzoq muddat qo'llanilganda yuzaga kelishi mumkin. Bu effektlar oral kortikosteroidlar qo'llanilgandagiga qaraganda kamroq ehtimolli va turli bemorlarda, shuningdek turli kortikosteroid vositalar ishlatilganda farq qilishi mumkin. Potentsial tizimli effektlar o'z ichiga Kushing sindromini, buyrak usti bezi faoliyatining susayishini, bolalar va o'smirlarda o'sishning kechikishini, kataraktani, glaukomani va kamroq hollarda psixiatrik yoki xulq-atvor buzilishlarini, shu jumladan psixomotor qo'zg'alish, giperfaollik, uyqu buzilishi, xavotir, depressiya yoki agressiyani (ayniqsa bolalarda) olishi mumkin.

Mometazon nazal spreyi nafas yo'llarining faol yoki latent sil infeksiyasi; zamburug'li, bakterial, tizimli virusli infeksiyalarda; oddiy gerpes virusi chaqirgan oftalmologik infeksiyalarda ehtiyotkorlik bilan ishlatilishi yoki bemorlarga tayinlanmasligi kerak.
Har qanday uzoq muddatli davolashda bo'lgani kabi, mometazon nazal spreyini bir necha oy va undan ko'proq vaqt davomida ishlatayotgan bemorlar burun bo'shlig'i shilliq qavatining ehtimoliy o'zgarishlarini aniqlash maqsadida davriy ko'rikdan o'tishlari kerak. (Mometazon nazal spreyi bilan 12 oylik davolashdan keyin burun bo'shlig'i shilliq qavati atrofiyasi yuzaga kelmagan; bundan tashqari, u qo'llanilganda burun bo'shlig'i shilliq qavati bioptatlarini tekshirishda gistologik manzaraning normallashishiga tendensiya qayd etilgan). Burun yoki halqumning mahalliy zamburug'li infeksiyasi rivojlanganda mometazon bilan terapiyani to'xtatish va maxsus terapiya o'tkazish talab qilinishi mumkin. Burun bo'shlig'i va halqum shilliq qavatining uzoq vaqt davomida saqlanib qoladigan ta'sirlanishi ham mometazon bilan davolashni to'xtatish uchun ko'rsatma bo'lishi mumkin.
Garchi mometazon nazal spreyi ko'pchilik bemorlarda burun simptomlarini nazorat qilsa-da, tegishli qo'shimcha terapiyadan birga foydalanish boshqa simptomlarning, ayniqsa ko'z simptomlarining qo'shimcha yengillashishini ta'minlashi mumkin.

- Faol moddaga yoki preparatning har qanday yordamchi komponentlariga yuqori sezuvchanlik.
- Mometazon burun spreyini burun bo'shlig'i shilliq qavatida infeksiya jarayonlari bo'lganda qo'llash mumkin emas.
- Kortikosteroidlarning yara bitishiga to'sqinlik qiluvchi ta'siri tufayli, yaqinda burun bo'shlig'ida jarrohlik amaliyotini o'tkazgan yoki jarohat olgan bemorlar bitish sodir bo'lmaguncha burun kortikosteroidini ishlatmasliklari kerak.

Loratadin bilan klinik tadqiqotlarda hech qanday o'zaro ta'sirlar kuzatilmagan. Boshqa preparatlar bilan o'zaro ta'siri to'g'risida ma'lumotlar taqdim etilmagan.

Preparatning yangi flakonini ishlatishdan oldin uni kalibrlash kerak. Kalibrlash dozalash moslamasini taxminan 5 marta bosish orqali amalga oshiriladi, bunda dori moddasining bir xil uzatilishi o'rnatiladi, har bir bosishda tarkibida 50 mkg mometazon bo'lgan taxminan 100 mg suspenziya (bir doza) otilib chiqadi. Agar burun spreyi 14 kun yoki undan ko'proq vaqt davomida ishlatilmagan bo'lsa, qayta kalibrlash talab etiladi.

Mavsumiy yoki yil davomidagi allergik rinit
Kattalar (shu jumladan keksa bemorlar) va 12 yoshdan oshgan bolalar: Odatdagi tavsiya etilgan doza – har bir burun yo'liga 2 purkashdan (har biri 50 mkg dan) sutkasiga 1 marta (umumiy sutkalik doza - 200 mkg). Davolash samarasiga erishilgandan so'ng, tutib turuvchi terapiya uchun dozani har bir burun yo'liga 1 purkashgacha kamaytirish maqsadga muvofiqdir (umumiy sutkalik doza – 100 mkg). Agar preparatni tavsiya etilgan terapevtik dozada qo'llash orqali kasallik simptomlarining kamayishiga erishib bo'lmasa, sutkalik doza maksimalgacha oshirilishi mumkin: har bir burun yo'liga 4 purkashdan sutkasiga 1 marta (umumiy sutkalik doza – 400 mkg). Kasallik simptomlari susaygandan keyin dozani kamaytirish tavsiya etiladi. 6 yoshdan 11 yoshgacha bo'lgan bolalar: Bolalar uchun preparatning odatdagi tavsiya etilgan terapevtik dozasi har bir burun yo'liga 1 purkashdan (50 mkg) sutkasiga 1 martani tashkil qiladi (umumiy sutkalik doza – 100 mkg). Klinik simptomlarning ijobiy dinamikasi, qoida tariqasida, mavsumiy rinitdan aziyat chekadigan bemorlarda preparat birinchi marta qo'llanilgandan keyin dastlabki 12 soat ichida kuzatiladi; shunga qaramay, davolash samarasi dastlabki 48 soat ichida erishilmasligi mumkin. Shuning uchun, ijobiy terapevtik samaraga erishish uchun bemor preparatni muntazam ravishda ishlatishi kerak.

O'tkir rinosinusit
Kattalar va 12 yosh va undan katta bolalar uchun tavsiya etilgan terapevtik doza har bir burun yo'liga 2 purkashdan (50 mkg) kuniga 2 martani tashkil qiladi (umumiy sutkalik doza – 400 mkg).

Burun bo'shlig'idagi poliplar
Poliplarda odatdagi tavsiya etilgan boshlang'ich doza har bir burun yo'liga 2 purkashdan (50 mkg) sutkasiga 1 martani tashkil qiladi (umumiy sutkalik doza – 200 mkg). Agar 5-6 haftadan so'ng preparatni tavsiya etilgan terapevtik dozada qo'llash orqali kasallik simptomlarining kamayishiga erishib bo'lmasa, preparat dozasi har bir burun yo'liga 2 purkashgacha kuniga 2 martagacha oshirilishi mumkin (umumiy sutkalik doza – 400 mkg). Kasallik simptomlari kamaygandan keyin dozani kamaytirish tavsiya etiladi. Agar kuniga ikki marta qo'llash orqali 5-6 haftadan so'ng yaxshilanish kuzatilmasa, muqobil terapiyani ko'rib chiqish kerak.

Qo'llash usuli
Flakonni ushlang, purkagich uchini ko'rsatkich va o'rta barmoqlar orasiga o'rnating, bosh barmog'ingiz bilan esa flakonning pastki qismini ushlab turing.
Agar spreyi birinchi marta ishlatayotgan bo'lsangiz, uni yuzdan uzoqlashtirib, sprey purkagichdan erkin chiqmaguncha bir necha marta bosib sinab ko'ring.
Foydalanish vaqtida boshni biroz oldinga egib, purkagich uchini burun yo'llaridan biriga kiriting. Burun spreyini vertikal holatda ushlab turishga harakat qiling. Dozalash moslamasini kuch bilan bosing.
Purkagich uchini burun yo'lidan chiqaring va preparatni burunda ushlab turish uchun burun orqali chuqur nafas oling.
3 va 4-qadamlarni burun yo'llarini almashtirib, har kuni takrorlang. Qo'llanilgandan so'ng uchni toza salfetka yoki ro'molcha bilan arting va flakonni himoya qopqog'i bilan yoping.
Burun spreyini parvarish qilish: Uch va qopqoqni kamida haftada bir marta yuvish kerak. Buning uchun quyidagilarni bajaring: Uchni yuqoriga tortib, flakondan ajrating. Uch va himoya qopqog'ini iliq suvda yuving. Ortiqcha suvni olib tashlang va uch va qopqoqni xona haroratida qurishiga imkon bering, so'ngra ularni joyiga o'rnating. Eslatma: Agar uch tiqilib qolgan bo'lsa, uni yechib oling va iliq suvga solib qo'ying. Uchni sovuq suv oqimi ostida yuving. Joyiga o'rnatishdan oldin uchning qurishiga imkon bering. Uch teshigini tozalash uchun to'g'nog'ich yoki boshqa o'tkir narsalarni ishlatmang, chunki bu purkash mexanizmini ishdan chiqarishi mumkin.