NIMESIM tabletkalari 100mg N20

QO‘LLASH BO‘YICHA YO‘RIQNOMA

NIMESIM

NIMESIM

Preparatning savdo nomi: Nimesim

Ta‘sir etuvchi modda (XPN): nimesulid

Dori shakli: tabletkalar

Tarkibi:

1 tabletka quyidagilarni saqlaydi:

faol modda: nimesulid – 100 mg;

yordamchi moddalar: tozalangan suv, povidon K30, magniy stearati, talk, mikrokristall sellyuloza, natriy krosskarmelloza, kolloid kremniy dioksidi, kraxmal.

Ta‘rifi: och sariq rangli, dumaloq, ikki tomonlama qavariq, bir tomonidan tabletkani bo‘lish uchun chizig‘i bo‘lgan tabletkalar

Farmakoterapevtik guruhi: Nosteroid yallig‘lanishga qarshi vosita (NYAQV).

ATX kodi: M01AX17

Farmakologik hususiyatlari

Yallig‘lanishga qarshi, og‘riq qoldiruvchi, isitmani tushiruvchi, antiagregant ta‘sir ko‘rsatadi. Boshqa NYAQP dan farqli ravishda, siklooksigenaza-2 (SOG-2) ni selektiv bostiradi, yallig‘lanish o‘chog‘ida prostaglandinlar sintezini tormozlaydi; siklooksigenaza-1 (SOG-1) ga kamroq ifodalangan susaytiruvchi ta‘sir ko‘rsatadi (sog‘lom to‘qimalarda prostaglandinlar sintezini susayishi bilan bog‘liq bo‘lgan nojo‘ya samaralarni kamroq chaqiradi).

Farmakokinetikasi

Ichga qabul qilinganida so‘rilishi – yuqori (ovqat qabul qilish so‘rilish tezligini pasaytiradi, bunda so‘rilish darajasiga ta‘sir qilmaydi). Maksimal konsentrasiyasiga C_max erishish vaqti 1,5-2 soatni tashkil etadi. Plazma oqsillari bilan bog‘lanishi – 95%, eritrositlar bilan – 2%, lipoproteinlar bilan – 1%, nordon alfa-1-glikoproteid bilan 1% ni tashkil etadi. Dozasini o‘zgartirish bog‘lanish darajasiga ta‘sir qilmaydi. C_max – 3,5-6,5 mg/l. Vd – 0,19-0,35 l/kg. Yallig‘lanish o‘chog‘ining nordon muhitiga (40%), sinovial suyuqlikka (43%) yaxshi o‘tadi. Gistogematik to‘siqlar orqali oson o‘tadi. Jigarda to‘qima monooksigenazalari bilan metabolizmga uchraydi. 4-gidroksinimesulid asosiy metaboliti (25%), o‘xshash farmakologik faollikka ega, ammo molekulalar o‘lchamini kichrayishi oqibatida SOG-2 ning gidrofob kanali bo‘ylab metil guruhining faol bog‘lanish markaziga tez duffuziya qilishi mumkin. 4-gidroksinimesulid suvda eruvchan birikma hisoblanadi, uni chiqarilishi uchun glutation va metabolizmning II bosqich kon‘yugasiya reaksiyasi (sulfat guruhini birikishi, glyukuron kislotasini birikishi va boshq.) talab etilmaydi. Nimesulidni T_1/2 – 1,56-4,95 soat, 4-gidroksinimesulidniki – 2,89-4,78 soatni tashkil etadi. 4-gidroksinimesulid buyraklar orqali (65%) va safro bilan (35%) chiqariladi, enterogepatik resirkulyasiyaga uchraydi.

Qo‘llanilishi

Revmatoid artrit, osteoartroz, turli etiologiyali artritlar, artralgiyalar, mialgiyalar, operasiyadan va jarohatdan keyingi og‘riqlar, bursit, tendinit, algodismenoreya, tish og‘rig‘i va bosh og‘rig‘ida qo‘llanadi. Preparat simptomatik davolash uchun mo‘ljallangan, og‘riq va yallig‘lanishni preparatni qo‘llash vaqtida kamaytiradi, kasallikni zo‘rayishiga ta‘sir qilmaydi.

Qo‘llash usuli va dozalari

Kattalar uchun nimesulidning odatdagi dozasi 100 mg dan kuniga ikki marta qabul qilishni tashkil etadi. 12 yoshgacha bo‘lgan bolalarga qo‘llash mumkin emas. O‘smirlar (12-18 yosh): dozasiga tuzatish kiritish talab etilmaydi. Nojo‘ya reaksiyalarni rivojlanish havfini minimal darajaga yetkazish uchun, minimal samarali dozasi imkon boricha qisqa vaqt davomida buyurilishi kerak. Nimesulidni maksimal qabul qilish davomiyligi 15 kundan oshmasligi kerak.

Nojo‘ya ta‘sirlari

Eshakemi, leykopeniya, qichishish, bosh og‘rig‘i, ko‘ngil aynishi, trombositopeniya. Preparatni qabul qilish to‘xtatilganidan so‘ng nojo‘ya samaralarning simptomlari kamayadi. Agar simptomlari saqlanib tursa, shifokor bilan maslahatlashing.

Qo‘llash mumkin bo‘lmagan holatlar

Nimesulidga va preparatning boshqa komponentlariga o‘ta yuqori sezuvchanlik, asetilsalisil kislotasiga va boshqa NYAQV ga o‘ta yuqori sezuvchanlik (shu jumladan anamnezida), jumladan bronxial astma, eshakemi yoki rinit kabi ko‘rinishlar, anamnezida qaytalanuvchi yara kasalligi yoki MIY dan qon ketishi, anamnezida serebrovaskulyar qon quyilishlari, qon ivishini og‘ir darajadagi buzilishlari, og‘ir darajadagi buyrak yetishmovchiligi, og‘ir darajadagi yurak yetishmovchiligi, me‘da va o‘n ikki barmoq ichakni zo‘rayish bosqichidagi yara kasalligi, jigar yetishmovchiligi, alkogolizm, dorilarga qaramlik, anamnezida nimesulidga nisbatan gepatotoksik reaksiyalar, boshqa gepatotoksik dori vositalari bilan bir vaqtda buyurish, tana haroratini ko‘tarilishi va/yoki grippsimon simptomlar, homiladorlik va emizish davrida, 12 yoshgacha bo‘lgan bolalarga qo‘llash mumkin emas.

Dorilarning o‘zaro ta‘siri

Nimesulid litiy preparatlari bilan bir vaqtda qo‘llanganida litiyning klirensini oshishi bilan uning plazmadagi konsentrasiyasi va toksikligi oshadi; monitoring o‘tkazish talab etiladi; diuretiklar bilan, xususan furosemid bilan – nimesulid furosemidning natriyuretik ta‘sirini vaqtinchalik kuchaytiradi va kaliyni chiqarilishiga kamroq darajada ta‘sir qiladi; metotreksat bilan – agar nimesulid metotreksatni qo‘llashdan 24 soat oldin yoki 24 soat davomida ishlatilsa, ehtiyotkorlikka rioya qilish kerak, chunki metotreksatning zardobdagi darajasi oshishi mumkin, bu o‘z navbatida uning toksikligini muvofiq ravishda oshishiga olib keladi. Nimesulid CYP2C9 ni ingibisiya qiladi. Ushbu ferment ta‘sirida metabolizmga uchraydigan quyida keltirilgan dori vositalar: antikoagulyantlar (asenokumarol, varfarin); tutuqanoqqa qarshi dori vositalar (tolbutamid, glipizid, gliburid, glimepirid, nateglipid); NYAQP (diklofenak, naproksen, meloksikam, piroksikam, flurbiprofen, selekoksib); N₁-reseptorlarning blokatorlari (kandesartan, lozartan, irbesartan); boshqalar (fluvastatin, torsemid) larning konsentrasiyasi nimesulid bilan birga qo‘llanganida oshishi mumkin.

Maxsus ko‘rsatmalar

Homiladorlik va laktasiya davrida qo‘llash tavsiya etilmaydi. Buyrak faoliyatini buzilishi: yengil va o‘rtacha darajadagi buyrak yetishmovchiligida (kreatinin klirensi minutiga 30-80 ml) preparatning dozasiga tuzatish zaruriyati yo‘q. Og‘ir darajadagi buyrak yetishmovchiligida (kreatinin klirensi < 30 ml/min) nimesulidni qo‘llash mumkin emas. Jigar faoliyatini buzilishi: preparatni qo‘llash mumkin emas.

Preparat bolalar ololmaydigan joyda saqlansin va o‘ramida ko‘rsatilgan yaroqlilik muddati tugaganidan so‘ng ishlatilmasin.

Dozani oshirib yuborilishi

Nimesulid tavsiya etilgan dozadan ancha yuqori dozada qabul qilinganida NYAQV ning barcha vakillari uchun xos bo‘lgan dozani oshirib yuborilish simptomlari: bosh aylanishi, ko‘ngil aynishi, qusish, epigastriyda og‘riqni kutish mumkin, ular odatda tutib turuvchi davolashda orqaga qaytuvchan bo‘ladi. Me‘da-ichakdan qon ketishi mumkin. Kam hollarda gipertenziya va o‘tkir buyrak yetishmovchiligi kuzatiladi. Anafilaktik reaksiyalar rivojlanishi mumkin.

Davolash: simptomatik va tutib turuvchi davolash o‘tkaziladi; spesifik antidotlari yo‘q. Gemodializ, shuningdek jadallashtirilgan diurez, siydikning rN ni kislotali muhitga o‘zgarishi yoki gemoperfuziya nimesulidni qon oqsillari bilan bog‘lanish darajasi yuqori (97,5% gacha) bo‘lganligi sababli samarasiz bo‘lishi mumkin.

Chiqarilish shakli

10 tabletkadan blisterda tibbiyotda qo‘llash bo‘yicha yo‘riqnomasi bilan birga karton qutiga joylangan.

Saqlash sharoiti

Quruq, yorug‘likdan himoyalangan joyda, 25°S dan yuqori bo‘lmagan haroratda saqlansin.

Yaroqlilik muddati

3 yil.

Dorixonalardan berish tartibi

Resept bo‘yicha.