PENTOKSIFILLIN 0,02/ML konsentrat 5ml N10

Ichga qabul qilingandan so'ng MITYdan yaxshi so'riladi. Jigar orqali "birinchi o'tishda" biroz metabolizm qayd etiladi. Eritrotsitlar membranalari bilan bog'lanadi. Avval eritrotsitlarda, keyin jigarda biotransformatsiyaga uchraydi. Ba'zi metabolitlar faol hisoblanadi. O'zgarmagan moddaning plazmadan T1/2 - 0,4-0,8 soatni, metabolitlarniki - 1-1,6 soatni tashkil qiladi. 24 soatdan keyin dozaning katta qismi metabolitlar ko'rinishida siydik bilan, kichik qismi (taxminan 4%) - ichak orqali chiqariladi.

Pentoksifillinning chiqarilishi keksa yoshdagi bemorlarda va jigar kasalliklarida kamayadi.

MNS tomonidan: bosh og‘rig‘i, bosh aylanishi; xavotirlik, uyqu buzilishlari; tirishishlar.

Dermatologik reaksiyalar: yuz terisi giperemiyasi, yuz terisi va ko‘krak qafasining yuqori qismiga qon "oqib kelishi", shishlar, tirnoqlar sinuvchanligining oshishi.

Ovqat hazm qilish tizimi tomonidan: og‘iz qurishi, ishtaha pasayishi, ichak atoniyasi, xoletsistit zo‘rayishi, xolestatik gepatit, jigar transaminazalari va IF faolligining oshishi.

Ko‘rish a’zosi tomonidan: ko‘rish buzilishi, skotoma.

Yurak-qon tomir tizimi tomonidan: taxikardiya, aritmiya, kardialgiya, stenokardiya progressivlanishi, AB pasayishi.

Qon yaratish tizimi tomonidan: trombotsitopeniya, leykopeniya, pantsitopeniya.

Qon ivish tizimi tomonidan: gipofibrinogenemiya; teri tomirlari, shilliq qavatlar, me’da, ichakdan qon ketishlar.

Allergik reaksiyalar: qichishish, teri giperemiyasi, eshakemi, angionevrotik shish, anafilaktik shok.

AB labilligi (arterial gipotenziyaga moyillik), surunkali yurak yetishmovchiligi, oshqozon va o‘n ikki barmoqli ichak yara kasalligi (ichga qabul qilish uchun), yaqinda o‘tkazilgan jarrohlik amaliyotlaridan keyin, jigar va/yoki buyrak yetishmovchiligi, 18 yoshgacha bo‘lgan bolalar va o‘smirlarda (samaradorlik va xavfsizlik o‘rganilmagan) ehtiyotkorlik bilan qo‘llash kerak.

Buyrak funksiyasi buzilishlarida yoki jigar funksiyasining og‘ir buzilishlarida pentoksifillinni dozalash rejimini to‘g‘irlash talab etiladi.

Davolash davrida AB darajasini nazorat qilish kerak.

Antigipertenziv vositalar, insulin, peroral gipoglikemik preparatlar bilan bir vaqtda qo‘llanilganda pentoksifillin dozasini kamaytirish talab etilishi mumkin.

Antikoagulyantlar bilan bir vaqtda qo‘llanilganda qon ivish ko‘rsatkichlarini sinchkovlik bilan nazorat qilish kerak.

O‘tkir miokard infarkti, porfiriya, massiv qon ketish, gemorragik insult, ko‘z to‘r pardasiga qon quyilishi, homiladorlik, laktatsiya davri. V/i yuborish uchun (qo‘shimcha ravishda) - aritmiyalar, koronar yoki miya arteriyalarining yaqqol aterosklerozi, nazorat qilib bo‘lmaydigan arterial gipotenziya.



Pentoksifillinga va boshqa ksantin hosilalariga yuqori sezuvchanlik.

Pentoksifillin antigipertenziv preparatlarning ta'sirini potensiyalashi mumkin.

Pentoksifillin yuqori dozalarda parenteral qo'llanilishi fonida qandli diabeti bo'lgan bemorlarda insulinning gipoglikemik ta'siri kuchayishi mumkin.

Ketorolak bilan bir vaqtda qo'llanilganda qon ketishlar rivojlanishi va/yoki protrombin vaqtining oshishi xavfi; meloksikam bilan - qon ketishlar rivojlanishi xavfi oshishi; simpatolitiklar, ganglioblokatorlar va vazodilatatorlar bilan - AQB pasayishi mumkin; geparin, fibrinolitik preparatlar bilan - qon ivishiga qarshi ta'sir kuchayishi mumkin.

Simetidin qon plazmasida pentoksifillin konsentratsiyasini sezilarli darajada oshiradi, shu munosabat bilan bir vaqtda qo'llanilganda nojo'ya ta'sirlar rivojlanishi ehtimoli ortishi mumkin.