PENTOKSIFILLIN SR ZENTIVA 0,6 tabletkalari N20

Ichga qabul qilingandan so'ng peptoksifillin me'da-ichak yo'llaridan deyarli to'liq so'riladi. Preparat jigar orqali "birinchi o'tish"ga uchraydi va 2 ta asosiy farmakologik faol metabolitlar hosil bo'ladi: 1-5-gidroksigeksil-3,7-dimetilksantin (metabolit I) va 1-3-karboksiproiil-3,7-dimetilksantin (metabolit V). Metabolit I va V ning plazmadagi kontsentratsiyasi pentoksifilliinaga qaraganda mos ravishda 5 va 8 baravar yuqori. Metabolit I nentoksifillin bilan qaytar biokimyoviy redoks-muvozanatda bo'ladi. Shuning uchun peptoksifillin va metabolit I birgalikda faol birlik sifatida ko'rib chiqiladi. Shuning hisobiga faol substantsiyaning o'zlashtirilishi ancha yuqori. Yarim chiqarilish davri (T1/2) - 1,6 soatni tashkil qiladi. Peptoksifillin asosan buyraklar orqali – 94 % metabolitlar ko'rinishida (asosan metabolit V), ichak orqali – 4 % chiqariladi, dastlabki 4 soat ichida dozaning 90 % gachasi chiqariladi. Ko'krak suti bilan ajralib chiqadi.

Buyrak funktsiyasi buzilgan bemorlar

Buyrak funktsiyasi og'ir buzilgan hollarda metabolitlarning chiqarilishi sekinlashadi.

Jigar funktsiyasi buzilgan bemorlar

Jigar funktsiyasi buzilganda T1/2 uzayishi va biokiraolishligi oshishi kuzatiladi.

Pentoksifillin SR Zentiva preparati qo‘llanilganda quyida ko‘rsatilgan nojo‘ya effektlar paydo bo‘lishi mumkin, ular MedDRA tasnifiga muvofiq tizim-a’zolar sinflari bo‘yicha taqsimlangan. Nojo‘ya effektlar uchrash tezligini JSST tasnifiga muvofiq aniqlash: juda tez-tez (?10%); tez-tez (?1% va
Asab tizimi tomonidan: tezligi noma’lum - bosh og‘rig‘i, bosh aylanishi, tirishishlar, aseptik meningit.

Ruhiyat tomonidan: tezligi noma’lum - ajitatsiya, uyqu buzilishlari, xavotirlik.

Yurak-qon tomir tizimi tomonidan: tezligi noma’lum - taxikardiya, aritmiya, stenokardiya, AB pasayishi, teri qoplamalariga qon "oqib kelishi", qon ketishlar (sh.j. teri tomirlari, shilliq qavatlardan qon ketishlar, me’da-ichakdan qon ketishlar, burun qonashlari).

Teri va teri osti to‘qimalari tomonidan: tezligi noma’lum - qichishish, eritema (teri qizarishi), eshakemi, shishlar, tirnoqlar sinuvchanligining oshishi.

Ovqat hazm qilish tizimi tomonidan: tezligi noma’lum - anoreksiya, ichak atoniyasi, epigastral sohada diskomfort, qorin dam bo‘lishi (me’da to‘lib ketish hissi), ko‘ngil aynishi, qusish, diareya, og‘iz qurishi, jigar ichi xolestazi, ALT va ACT, IF faolligining oshishi.

Ko‘rish a’zosi tomonidan: tezligi noma’lum - ko‘rish buzilishi, skotoma.

Qon yaratish tizimi tomonidan: tezligi noma’lum - trombotsitopeniya, leykopeniya, pantsitopeniya, gipofibrinogenemiya.

Immun tizimi tomonidan: tezligi noma’lum - anafilaktik/anafilaktoid reaksiyalar, angionevrotik shish, anafilaktik shok, bronxospazm

Past va beqaror AB ga ega bemorlarda Pentoksifillin SR Zentiva preparati dozasini individual tanlash kerak.

Davolash AB nazorati ostida o‘tkazilishi kerak.

Qandli diabeti bo‘lgan, gipoglikemik vositalarni qabul qilayotgan bemorlarda Pentoksifillin SR Zentiva preparatini yuqori dozalarda qabul qilish gipoglikemiyani chaqirishi mumkin (dozani to‘g‘irlash talab etiladi).

Pentoksifillin SR Zentiva preparatini antikoagulyantlar bilan bir vaqtda tayinlanganda qon ivish tizimi ko‘rsatkichlarini sinchkovlik bilan kuzatish zarur.

Yaqinda jarrohlik amaliyotini o‘tkazgan bemorlarda gemoglobin va gematokrit konsentratsiyasini muntazam nazorat qilish zarur.

Keksa yoshdagi bemorlarda dozani kamaytirish talab qilinishi mumkin (biokiraolishlikning oshishi va chiqarilish tezligining pasayishi).

Jigar funksiyasining og‘ir darajali buzilishi bo‘lgan bemorlarda va buyrak funksiyasining yaqqol buzilishlari (KK 30 ml/daq dan past) bo‘lgan bemorlarda Pentoksifillin SR Zentiva preparatini ehtiyotkorlik bilan va sinchkov shifokor nazorati ostida qo‘llash kerak.

Agar preparatni qo‘llash davrida bemorlarda ko‘zning to‘r pardasiga qon quyilishlar yuzaga kelsa, preparatni darhol bekor qiladilar.

Chekish preparatning terapevtik samaradorligini pasaytirishi mumkin.

Pediatriyada qo‘llanilishi

Pentoksifillin SR Zentiva preparatini 18 yoshgacha bo‘lgan bolalar va o‘smirlarda qo‘llash mumkin emas. Ushbu yosh guruhida Pentoksifillin SR Zentiva preparatini qo‘llash xavfsizligi va samaradorligi aniqlanmagan.

Dozani oshirib yuborish

Belgilari: bosh aylanishi, ko‘ngil aynishi, "qahva quyqumi" ko‘rinishidagi qusish, AB ning yaqqol pasayishi, taxikardiya, aritmiya, teri qoplamalarining qizarishi, hushdan ketish, titroq, arefleksiya, tonik-klonik tirishishlar.

Yuqorida tavsiflangan buzilishlar yuzaga kelgan taqdirda bemor zudlik bilan shifokorga murojaat qilishi kerak.

Davolash: simptomatik terapiya o‘tkazish. Dozani oshirib yuborishning birinchi belgilari (terlash, ko‘ngil aynishi, sianoz) paydo bo‘lganda preparatni qabul qilishni darhol to‘xtatadilar. Agar preparat yaqinda qabul qilingan bo‘lsa, uni chiqarib tashlash (oshqozonni yuvish) yoki so‘rilishini sekinlashtirish (masalan, faollashtirilgan ko‘mir qabul qilish) yo‘li bilan preparatning keyingi so‘rilishini oldini olishga qaratilgan choralarni ta'minlash kerak. AB va nafas olish funksiyasini saqlab turishga alohida e'tibor qaratish kerak. Tirishish xurujlarida diazepam yuboriladi. Maxsus antidot noma'lum.

— o‘tkir miokard infarkti;

— massiv qon ketishlar (qon ketishining kuchayishi xavfi);

— ko‘z to‘r pardasiga qon quyilishi (qon ketishining kuchayishi xavfi);

— o‘tkir gemorragik insult;

— homiladorlik;

— emizish davri;

— 18 yoshgacha bo‘lganlar (samaradorligi va xavfsizligi aniqlanmagan);

— pentoksifillinga, boshqa metilksantin hosilalariga yoki preparat tarkibiga kiruvchi boshqa komponentlarga yuqori sezuvchanlik.

Ehtiyotkorlik bilan preparatni AQB yaqqol pasayishi (AQB yanada pasayish xavfi) va gemodinamik ahamiyatli yurak ritmi buzilishlari bo‘lgan; surunkali yurak yetishmovchiligi (SYuE); jigar funksiyasining yaqqol buzilishlari (kumulyatsiya xavfi va nojo‘ya ta’sirlar rivojlanish xavfi ortishi); KK 30 ml/daq dan kam bo‘lgan buyrak funksiyasi buzilishlari (kumulyatsiya xavfi va nojo‘ya ta’sirlar rivojlanish xavfi ortishi); me’da va o‘n ikki barmoqli ichak yara kasalligi; qonashga yuqori moyillik, masalan, bilvosita antikoagulyantlarni [K vitamini antagonistlari] qo‘llash natijasida yoki qon ivish tizimidagi buzilishlarda (yanada og‘ir qon ketishlar rivojlanish xavfi); yaqinda o‘tkazilgan jarrohlik amaliyotidan keyin (qon ketish xavfi); proliferativ diabetik retinopatiya; gipoglikemik vositalar (insulin va ichga qabul qilish uchun gipoglikemik vositalar) va siprofloksatsin bilan bir vaqtda qo‘llanilganda ehtiyotkorlik bilan qo‘llash kerak.





Homiladorlik va emizish davrida qo‘llanishi





Pentoksifillin SR Zentiva preparatini homiladorlikda qo‘llash mumkin emas.



Pentoksifillin SR Zentiva preparatini emizish davrida qo‘llash mumkin emas, chunki faol modda ko‘krak suti bilan ajraladi. Preparatni qabul qilish zarurati tug‘ilganda emizishdan saqlanish kerak.

Pentoksifillin SR Zentiva gipotenziv vositalar (masalan, APF ingibitorlari) yoki potensial gipotenziv samaraga ega boshqa dori vositalari (masalan, nitratlar) bilan bir vaqtda qo'llanilganda AQB pasayishini kuchaytirishi mumkin.

Pentoksifillin SR Zentiva qon ivish tizimiga ta'sir qiluvchi dori vositalari (bevosita va bilvosita antikoagulyantlar, trombolitiklar, sefalosporinlar kabi antibiotiklar) ta'sirini kuchaytirishi mumkin. Pentoksifillin va bilvosita antikoagulyantlarni (K vitamini antagonistlari) birga qo'llashda postmarketing tadqiqotlarda antikoagulyant ta'sirning kuchayishi (qon ketishlar rivojlanishi xavfi) holatlari qayd etilgan. Shuning uchun pentoksifillin qabul qilish boshlanganda yoki uning dozasi o'zgartirilganda ushbu preparatlar kombinatsiyasini qabul qilayotgan bemorlarda antikoagulyant ta'sirning yaqqollik darajasini nazorat qilish (masalan, muntazam ravishda XNN nazoratini o'tkazish) tavsiya etiladi.

Simetidin qon plazmasida pentoksifillin konsentratsiyasini oshirishi mumkin (nojo'ya reaksiyalar paydo bo'lishi xavfi).

Boshqa ksantinlar bilan birga buyurish asabning haddan tashqari qo'zg'alishiga olib kelishi mumkin.

Insulin yoki ichga qabul qilish uchun gipoglikemik vositalarning gipoglikemik ta'siri Pentoksifillin SR Zentiva preparati bir vaqtda qo'llanilganda kuchayishi mumkin (gipoglikemiya rivojlanishi xavfi yuqori). Bunday bemorlarning holatini qat'iy nazorat qilish, shu jumladan muntazam glikemik nazorat zarur.

Birga qo'llanilganda Pentoksifillin SR Zentiva valproat kislotasi ta'sirini kuchaytirishi mumkin.

Ba'zi bemorlarda Pentoksifillin SR Zentiva preparati va teofillin bir vaqtda qo'llanilganda qon plazmasida teofillin konsentratsiyasining oshishi kuzatiladi. Keyinchalik bu teofillin bilan bog'liq nojo'ya reaksiyalar paydo bo'lishi chastotasining oshishiga olib kelishi mumkin.

Ba'zi bemorlarda Pentoksifillin SR Zentiva preparati va siprofloksatsin bir vaqtda qo'llanilganda qon plazmasida pentoksifillin konsentratsiyasining oshishi kuzatiladi. Keyinchalik bu ushbu kombinatsiyani qo'llash bilan bog'liq nojo'ya reaksiyalar kuchayishiga yoki oshishiga olib kelishi mumkin.