SEFTRIAKSON KABI 1,0 poroshok N10

Biokiraolishligi - 100%, m/i yuborilgandan so'ng Cmax ga erishish vaqti - 2-3 soat, v/i yuborilgandan so'ng - in'ektsiya oxirida. 0,5 va 1 g dozalarda m/i yuborilgandan so'ng Cmax - mos ravishda taxminan 38 va 76 m kg/ml. 0,5; 1 va 2 g dozalarda v/i yuborilganda Cmax - mos ravishda o'rtacha 82, 151 va 257 mkg/ml. Kattalarda 50 mg/kg dozada yuborilgandan 2-24 soat o'tgach orqa miya suyuqligidagi (OMS) kontsentratsiya meningitning eng keng tarqalgan qo'zg'atuvchilari uchun minimal bostiruvchi kontsentratsiyadan (MPK) ko'p marotaba oshadi. Miya qobiqlari yallig'langanda OMS ga yaxshi kirib boradi. Plazma oqsillari bilan bog'lanishi - 83-96%. Vd – 0,12-0,14 l/kg (5,78-13,5 l), bolalarda - 0,3 l/kg. plazma klirensi - 0,58-1,45 l/soat. buyrak klirensi 0,32-0,73 l/soat.



M/i yuborilgandan so'ng T1/2 — 5,8-8,7 soat, meningiti bo'lgan bolalarda 50-75 mg/kg dozada v/i yuborilgandan so'ng – 4,3-4,6 soat; gemodializda bo'lgan bemorlarda (kreatinin klirensi (KK) 0-5 ml/daq), -14,7 soat, kreatinin klirensi 5-15 ml/daq bo'lganda – 15,7 soat, 16-30 ml/daq – 11,4 soat, 31-60 ml/daq – 12,4 soat.



O'zgarmagan holda - 33-67% buyraklar orqali; 40-50% - safro bilan ichakka chiqariladi, u yerda inaktivatsiya sodir bo'ladi. Yangi tug'ilgan chaqaloqlarda buyraklar orqali preparatning taxminan 70% i chiqariladi. Gemodializ samarasiz.

Allergik reaksiyalar: toshma, qichishish, isitma yoki titroq.



Mahalliy reaksiyalar: v/i yuborilganda - flebitlar, vena bo'ylab og'riq; m/i yuborish - og'riq, issiqlik hissi, yuborish joyida taranglik yoki qattiqlashuv.



Markaziy asab tizimi tomonidan: bosh og'rig'i, bosh aylanishi.



Jinsiy tizim tomonidan: qin kandidozi, vaginit.



Ovqat hazm qilish tizimi tomonidan: diareya, ko'ngil aynishi, qusish, ta'm bilishning buzilishi, soxtamembranoz kolit.



Qon yaratish organlari tomonidan: anemiya (shu jumladan gemolitik), leykopeniya, limfopeniya, neytropeniya, trombotsitopeniya, trombotsitoz, eozinofiliya.

Batafsil yo'riqnomaga qarang

Bir vaqtning o‘zida og‘ir buyrak va jigar yetishmovchiligi bo‘lganda, shuningdek gemodializdagi bemorlarda plazmadagi preparat konsentratsiyasini muntazam aniqlab turish kerak.

Uzoq muddatli davolashda periferik qon manzarasini, jigar va buyrak funksional holati ko‘rsatkichlarini muntazam nazorat qilish zarur. Kamdan-kam hollarda o‘t pufagi ultratovush tekshiruvida (UTT) qorayishlar (tseftriakson kalsiy tuzi pretsipitatlari) qayd etiladi, ular davolash to‘xtatilgandan keyin yo‘qoladi. O‘t pufagi kasalligi ehtimolini ko‘rsatuvchi simptomlar yoki belgilar rivojlanganda, yoki UTTda «slanj-fenomen» belgilari mavjud bo‘lganda preparat yuborishni to‘xtatish tavsiya etiladi. Preparat qo‘llanilganda, ehtimol o‘t yo‘llari obstruksiyasi oqibatida rivojlangan pankreatitning kamdan-kam holatlari tasvirlangan (preparat bilan oldingi davolash, og‘ir yo‘ldosh kasalliklar, to‘liq parenteral oziqlantirish), bunda o‘t yo‘llarida tseftriakson ta'sirida pretsipitatlar hosil bo‘lishining ishga tushiruvchi rolini istisno qilib bo‘lmaydi. Tarkibida N-metiltiotetrazol guruhi yo‘q, bu guruh etanol bilan bir vaqtda qo‘llanilganda disulfiramsimon effektlar va qon ketishga moyillik chaqiradi va ba'zi tsefalosporinlarga xosdir. Preparat qo‘llanilganda protrombin vaqti o‘zgarishining kamdan-kam holatlari tasvirlangan.

K vitamini tanqisligi (sintez buzilishi, ovqatlanish buzilishi) bo‘lgan bemorlarda davolash vaqtida protrombin vaqtini nazorat qilish va davolash boshlanishidan oldin yoki davolash vaqtida protrombin vaqti uzayganda K vitamini (10 mg/haftasiga) tayinlash talab qilinishi mumkin.

Yangi tug‘ilgan chaqaloqlarning o‘pkasi va buyragida tseftriakson-kalsiy pretsipitatlari to‘planishi natijasida o‘lim bilan yakunlangan reaksiyalar holatlari tasvirlangan. Nazariy jihatdan tseftriaksonning kalsiy saqlovchi vena ichiga yuboriladigan eritmalar bilan o‘zaro ta'siri ehtimoli boshqa yosh guruhidagi bemorlarda ham mavjud, shuning uchun tseftriakson kalsiy saqlovchi eritmalar (shu jumladan parenteral oziqlantirish uchun) bilan aralashtirilmasligi, shuningdek bir vaqtda, shu jumladan turli sohalardagi infuziya uchun alohida kirish yo‘llari orqali yuborilmasligi kerak. Nazariy jihatdan tseftriaksonning 5 ta yarim chiqarilish davri hisob-kitobiga asoslanib, tseftriakson va kalsiy saqlovchi eritmalar yuborilishi orasidagi interval kamida 48 soatni tashkil qilishi kerak.



Tseftriakson bilan davolashda Kumbs sinamasi, galaktozemiyaga sinama, siydikda glyukozani aniqlashda (glyukozuriyani faqat fermentativ usulda aniqlash tavsiya etiladi) soxta musbat natijalar qayd etilishi mumkin.

Avtotransportni haydash va mexanizmlarni boshqarish qobiliyatiga ta'siri. Tseftriakson qo‘llayotgan bemorlar avtomobil haydashda va diqqatni yuqori jamlash va psixomotor reaksiyalar tezligini talab qiluvchi boshqa potensial xavfli faoliyat turlari bilan shug‘ullanishda ehtiyot bo‘lishlari kerak.

Dozani oshirib yuborish

Plazmadagi tseftriaksonning haddan tashqari yuqori konsentratsiyasini gemodializ yoki peritoneal dializ yordamida pasaytirib bo‘lmaydi. Dozani oshirib yuborish hollarini davolash uchun simptomatik choralar tavsiya etilgan. Maxsus antidoti yo‘q.

O‘ta yuqori sezuvchanlik (shu jumladan boshqa sefalosporinlarga, penitsillinlarga, karbapenemlarga); yangi tug‘ilgan chaqaloqlarda giperbilirubinemiya; kalsiy saqlovchi eritmalarni v/i yuborish ko‘rsatilgan yangi tug‘ilgan chaqaloqlar; laktatsiya davri.



Ehtiyotkorlik bilan. Chala tug‘ilgan bolalar, buyrak va/yoki jigar yetishmovchiligi, yarali kolit, antibakterial dori vositalarini qo‘llash bilan bog‘liq enterit yoki kolit.



Homiladorlik va emizish davrida qo‘llash. Homiladorlikda preparat faqat ona uchun kutilayotgan foyda homila uchun potensial xavfdan ustun bo‘lgan holdagina qo‘llaniladi. Preparat qo‘llanilganda emizishni to‘xtatish kerak.

Bakteriostatik antibiotiklar seftriaksonning bakteritsid samarasini pasaytiradi. Kaltsiy saqlovchi eritmalar (shu jumladan Xartman va Ringer eritmasi), shuningdek amsakrin, vankomitsin, flukonazol va aminoglikozidlar bilan farmatsevtik jihatdan nomutanosib.