SITRAMON P tabletkalari N20

Ma'lumotlar yo'q.

Asetilsalitsil kislotasi, paratsetamol va kofein uchun xos bo‘lgan nojo‘ya reaksiyalar kuzatilishi mumkin: anoreksiya, ko‘ngil aynishi, qusish, gastralgiya (trombositlar agregatsiyasining pasayishi), me'da-ichak yo‘llarining eroziv-yarali shikastlanishlari, me'da-ichakdan qon ketishlar, allergik reaksiyalar, bronxospazm, multiform ekssudativ eritema (sh.j. Stivens-Djonson sindromi), toksik epidermal nekroliz (Layell sindromi), buyrak yetishmovchiligi, jigar yetishmovchiligi, bosh aylanishi, taxikardiya, qon bosimining oshishi.

Uzoq vaqt qo‘llanilganda bosh aylanishi, bosh og‘rig‘i, ko‘rishning buzilishi, quloqlarda shovqin, trombositlar agregatsiyasining pasayishi, gipokoagulyatsiya, gemorragik sindrom (burun qonashi, milklarning qonashi, purpura va boshq.), papillyar nekroz bilan buyrak shikastlanishi; karlik, bolalarda Reye sindromi (giperpireksiya, metabolik asidoz, nerv tizimi va ruhiyat tomonidan buzilishlar, qusish, jigar funktsiyasining buzilishi) bo‘lishi mumkin.

Atsetilsalitsil kislotasi qon ivishini sekinlashtiradi. Agar bemorda jarrohlik aralashuvi kutilayotgan bo'lsa, shifokorni preparat qabul qilayotganligi haqida ogohlantirish kerak.

Preparat uzoq muddat qo'llanilganda periferik qon va jigar funktsional holatini nazorat qilish zarur.

Yuqori sezuvchanligi bo'lgan yoki salitsil kislotasi va uning hosilalariga, shu jumladan atsetilsalitsil kislotasiga astmasimon reaktsiyalari bo'lgan bemorlarga faqat maxsus ehtiyotkorlik choralariga rioya qilgan holda (shoshilinch yordam xizmati sharoitida) tayinlash mumkin.

Siydik kislotasi to'planishiga moyilligi bo'lgan bemorlarda preparatni qabul qilish podagra xurujini qo'zg'atishi mumkin.

Qabul qilish vaqtida alkogol iste'mol qilishdan saqlanish kerak (oshqozon-ichakdan qon ketish va jigarning toksik shikastlanishi xavfi oshadi).

Atsetilsalitsil kislotasi teratogen ta'sirga ega; I trimestrda qo'llanilganda rivojlanish nuqsoniga - tanglay yorig'iga olib keladi; III trimestrda - tug'ruq faoliyatini tormozlanishiga (Pg sintezi ingibitsiya qilinishi), homilada arterial yo'lning yopilishiga olib keladi, bu o'pka tomirlari giperplaziyasini va kichik qon aylanish doirasi tomirlarida gipertenziyani chaqiradi.

Ko'krak suti bilan ajraladi, bu trombotsitlar funktsiyasi buzilishi oqibatida bolada qon ketishlar yuzaga kelishi xavfini oshiradi.

15 yoshgacha bo'lgan bolalarga atsetilsalitsil kislotasi saqlagan dori vositalarini tayinlash mumkin emas, chunki virusli infektsiya bo'lgan taqdirda ular Rey sindromi yuzaga kelishi xavfini oshirishi mumkin. Rey sindromining simptomlari uzoq muddatli qusish, o'tkir entsefalopatiya, jigar kattalashishi hisoblanadi.

Transport vositalarini va boshqa mexanizmlarni boshqarish qobiliyatiga ta'siri:

Transport vositalarini boshqarish va diqqatni jamlashni talab qiluvchi mashina va mexanizmlarga xizmat ko'rsatishga ta'siri haqida ma'lumotlar yo'q.

- Preparat komponentlariga yuqori sezuvchanlik;

- oshqozon-ichak traktining eroziv-yarali shikastlanishlari (zo'rayish bosqichida);

- oshqozon-ichakdan qon ketishlar (shu jumladan anamnezda);

- bronxial astma, burun va burun yondosh bo'shliqlarining qaytalanuvchi polipozi va atsetilsalitsil kislotasi yoki nosteroid yallig'lanishga qarshi vositalarni o'zlashtira olmaslikning to'liq yoki to'liq bo'lmagan kombinatsiyasi (shu jumladan anamnezda);

- jigar va/yoki buyrak funksiyasining yaqqol buzilishlari;

- gemorragik diatizlar, gipokoagulyatsiya, gemofiliya, gipoprotrombinemiya;

- homiladorlik (I va III trimestrlar);

- ko'krak suti bilan emizish davri;

- ko'p qon ketish bilan kechuvchi jarrohlik aralashuvlari;

- glyukoza-6-fosfatdegidrogenaza yetishmovchiligi;

- glaukoma;

- yaqqol arterial gipertenziya;

- portal gipertenziya;

- yurak ishemik kasalligining og'ir kechishi;

- K avitaminozi;

- 15 yoshgacha bo'lgan bolalar (virusli kasallik fonida gipertermiya bo'lgan bolalarda Reye sindromi rivojlanish xavfi);

- yuqori qo'zg'aluvchanlik, uyqu buzilishi.

Ehtiyotkorlik bilan:

Yengil va o'rtacha darajadagi buyrak yetishmovchiligi, jigar kasalliklari, alkogolizm, epilepsiya va talvasa xurujlariga moyillik, keksa yosh, podagra, homiladorlik (II trimestr).

Homiladorlik va laktatsiya:

Homiladorlikda (I va III trimestrlar) va ko'krak suti bilan emizish davrida preparatni qo'llash mumkin emas. Homiladorlikning II trimestrida preparatni ona uchun kutilayotgan foyda va homila uchun potentsial xavfni o'zaro taqqoslagan holda ehtiyotkorlik bilan qo'llash kerak.

Geparin, bevosita bo'lmagan antikoagulyantlar, rezerpin, steroid gormonlar va gipoglikemik dori vositalarining ta'sirini kuchaytiradi.

Boshqa nosteroid yallig'lanishga qarshi preparatlar, metotreksat bilan bir vaqtda qo'llash nojo'ya ta'sirlar rivojlanish xavfini oshiradi.

Spironolakton, furosemid, gipotenziv dori vositalari, shuningdek siydik kislotasining chiqarilishiga yordam beruvchi podagraga qarshi dori vositalarining samaradorligini kamaytiradi.

Barbituratlar, rifampitsin, salitsilamid, tutqanoqqa qarshi dori vositalari va boshqa mikrosomal oksidlanish stimulyatorlari jigar funktsiyasiga ta'sir qiluvchi paratsetamolning toksik metabolitlari hosil bo'lishiga yordam beradi.

Metoklopramid paratsetamolning so'rilishini tezlashtiradi.

Paratsetamol ta'siri ostida xloramfenikolning yarim chiqarilish davri (T1/2) 5 baravar ortadi.

Qayta qabul qilinganda paratsetamol antikoagulyantlar (dikumarin hosilalari) ta'sirini kuchaytirishi mumkin.

Kofein ergotaminning so'rilishini tezlashtiradi.

Preparat va spirt saqlovchi suyuqliklar bir vaqtda qabul qilinganda jigar toksik shikastlanishi xavfi ortadi.