SITRAMON P tabletkalari N20

Ichga qabul qilinganda atsetilsalitsil kislotasi asosan ingichka ichakning proksimal qismidan va kamroq darajada me'dadan tez so'riladi. Me'dada ovqatning bo'lishi atsetilsalitsil kislotasining so'rilishini sezilarli darajada o'zgartiradi.

Jigarda gidroliz yo'li bilan salitsil kislotasini hosil qilib, keyinchalik glitsin yoki glyukuronid bilan kon'yugatsiyalanib metabolizmga uchraydi. Qon plazmasida salitsilatlar kontsentratsiyasi o'zgaruvchan.

Asosan buyrak kanalchalarida faol sekretsiya yo'li bilan o'zgarmagan holda (60 %) va metabolitlar ko'rinishida chiqariladi. O'zgarmagan salitsilatning chiqarilishi siydikning pH siga bog'liq (siydik ishqoriy bo'lganda salitsilatlarning ionlanishi ortadi, ularning reabsorbtsiyasi yomonlashadi va chiqarilishi sezilarli darajada oshadi). Atsetilsalitsil kislotasining yarim chiqarilish davri taxminan 15 daqiqani tashkil qiladi. Salitsilatning yarim chiqarilish davri yuqori bo'lmagan dozalarda qabul qilinganda 2-3 soatni tashkil qiladi, doza oshirilganda 15-30 soatgacha ortishi mumkin. Paratsetamol me'da-ichak traktidan tez va to'liq so'rilishi, to'qimalarda bir tekis taqsimlanishi, nisbatan qisqa yarim chiqarilish davri bilan tavsiflanadi. Plazmadagi maksimal kontsentratsiya odatda ichga qabul qilingandan 30-60 daqiqa o'tgach hosil bo'ladi. Bir marta qabul qilingandan so'ng 5 soat davomida aniqlanadi. Preparatning biokiraolishligi juda yuqori, 90 % ga yaqinlashadi. Oqsillar bilan bog'lanish darajasi - 25-50 %. Paratsetamol (80 % gacha) jigar mikrosomal fermentlari tomonidan glyukuronidlanish va sulfotlanish yo'li bilan metabolizmga uchraydi, faqat 3 % i buyraklar orqali o'zgarmagan holda ajralib chiqadi.

Ichga qabul qilinganda kofein ichakning butun uzunligi bo'ylab yaxshi so'riladi. Maksimal kontsentratsiya - 1,58-1,76 mg/l. Yarim chiqarilish davri - 3,9-5,3 soat. 5 ta metabolit hosil qilib jigarda biotransformatsiyalanadi. Buyraklar orqali eliminatsiya qilinadi.

Gastralgiya, ko'ngil aynishi, qusish, gepatotoksiklik, nefrotoksiklik, me'da-ichak traktining eroziv-yarali shikastlanishi, allergik reaksiyalar (shu jumladan Stivens-Jonson, Layell sindromi), taxikardiya, arterial qon bosimining oshishi, bronxospazm. Bolalarda Reye sindromi (giperpireksiya, metabolik atsidoz, asab tizimi va ruhiyat tomonidan buzilishlar, qusish, jigar faoliyatining buzilishi).

Uzoq muddat qabul qilinganda - bosh aylanishi, bosh og'rig'i, ko'rishning buzilishi, quloqlarda shovqin, trombotsitlar agregatsiyasining pasayishi, gipokoagulyatsiya, gemorragik sindrom (burundan qon ketishi, milklarning qonashi, purpura va boshqalar), buyraklarning papillyar nekroz bilan shikastlanishi; karlik.

O‘ta yuqori sezuvchanlik; oshqozon-ichak traktining eroziv-yarali shikastlanishlari (zo‘rayish bosqichida), oshqozon-ichak qon ketishi, bronxial astma, burun va burun yondosh bo‘shliqlari retsidivlanuvchi polipozi va atsetilsalitsil kislotasi va boshqa nosteroid yallig‘lanishga qarshi preparatlarni o‘zlashtira olmaslikning to‘liq yoki to‘liq bo‘lmagan birgalikda kelishi (shu jumladan anamnezda), gemofiliya, gemorragik diatiz, gipoprotrombinemiya, portal gipertenziya; K avitaminozi; buyrak yetishmovchiligi; homiladorlik (I va III uchoyliklar), laktatsiya davri; glyukoza-6-fosfatdegidrogenaza yetishmovchiligi, yaqqol arterial gipertenziya, yurak ishemik kasalligining og‘ir kechishi, glaukoma, yuqori qo‘zg‘aluvchanlik, uyqu buzilishi; qon ketish bilan kechuvchi jarrohlik aralashuvlari, bolalar yoshi (15 yoshgacha - virusli kasalliklar fonida gipertermiya bo‘lgan bolalarda Reye sindromi rivojlanishi xavfi).

Ehtiyotkorlik bilan:

Podagra, jigar kasalliklari, homiladorlik (II uchoylik), keksa yosh.

Homiladorlik va laktatsiya:

Preparatni homiladorlikning I va III uchoyliklarida va emizish davrida qo‘llash mumkin emas.

Geparin, bilvosita antikoagulyantlar, rezerpin, steroid gormonlar va gipoglikemik dori vositalari ta'sirini kuchaytiradi.

Boshqa nosteroid yallig'lanishga qarshi preparatlar, metotreksat bilan bir vaqtda qo'llash nojo'ya ta'sirlar rivojlanish xavfini oshiradi.

Spironolakton, furosemid, gipotenziv dori vositalari, shuningdek siydik kislotasi chiqarilishiga yordam beruvchi podagraga qarshi dori vositalari samaradorligini kamaytiradi.

Barbituratlar, rifampitsin, salitsilamid, tutqanoqqa qarshi dori vositalari va mikrosomal oksidlanishning boshqa stimulyatorlari jigar funktsiyasiga ta'sir qiluvchi paratsetamolning toksik metabolitlari hosil bo'lishiga yordam beradi.

Metoklopramid paratsetamol so'rilishini tezlashtiradi.

Paratsetamol ta'siri ostida xloramfenikolning yarim chiqarilish davri 5 baravar oshadi. Takroriy qabul qilinganda paratsetamol antikoagulyantlar (kumarin hosilalari) ta'sirini kuchaytirishi mumkin. Paratsetamol va etanolni bir vaqtda qabul qilish gepatotoksik samaralar rivojlanish xavfini oshiradi. Kofein ergotamin so'rilishini tezlashtiradi.