SITRAMON P tabletkalari N10

Gastralgiya, ko'ngil aynishi, qusish, gepatotoksiklik, nefrotoksiklik, me'da-ichak traktining eroziv-yarali shikastlanishi, allergik reaksiyalar (shu jumladan Stivens-Jonson, Layell sindromi), taxikardiya, AB oshishi, bronxospazm.

Uzoq muddat qo'llanilganda - bosh aylanishi, bosh og'rig'i, ko'rishning buzilishi, quloqlarda shovqin, trombotsitlar agregatsiyasining pasayishi, gipokoagulyatsiya, gemorragik sindrom (burundan qon ketishi, milklarning qonashi, purpura va boshqalar), buyraklarning papillyar nekroz bilan shikastlanishi; karlik; bolalarda Reye sindromi (giperpireksiya, metabolik atsidoz, asab tizimi va ruhiyat tomonidan buzilishlar, qusish, jigar faoliyatining buzilishi).

Bolalarga atsetilsalitsil kislotasi saqlovchi dori vositalarini tayinlash mumkin emas, chunki virusli infeksiya holatida ular Rey sindromi paydo bo‘lishi xavfini oshirishga qodir. Rey sindromi simptomlari uzoq davom etuvchi qusish, o‘tkir ensefalopatiya, jigar kattalashishi hisoblanadi.

Preparat uzoq muddat qo‘llanilganda periferik qon va jigar funksional holati nazorati zarur.

Atsetilsalitsil kislotasi qon ivishini sekinlashtirishi sababli, agar bemorda jarrohlik aralashuvi rejalashtirilgan bo‘lsa, u oldindan shifokorni preparat qabul qilinayotgani haqida ogohlantirishi kerak.

Salitsilatlarga yoki ularning hosilalariga yuqori sezuvchanligi yoki astmoid reaksiyalari bo‘lgan bemorlarga atsetilsalitsil kislotasini faqat maxsus ehtiyotkorlik choralariga rioya qilgan holda (shoshilinch yordam xizmati sharoitida) tayinlash mumkin.

Atsetilsalitsil kislotasi past dozalarda siydik kislotasi chiqarilishini kamaytiradi. Tegishli moyilligi bo‘lgan bemorlarda bu ba'zi hollarda podagra xurujini qo‘zg‘atishi mumkin.

Davolash vaqtida etanol iste'mol qilishdan voz kechish kerak (oshqozon-ichakdan qon ketish xavfi oshishi).

Atsetilsalitsil kislotasi teratogen ta'sirga ega; homiladorlikning I trimestrida qo‘llanilganda rivojlanish nuqsoniga - yuqori tanglay yorig‘iga olib keladi; III trimestrda - tug‘ruq faoliyatini tormozlashga (prostaglandinlar sintezini ingibirlash), homilada arterial yo‘lning yopilishiga olib keladi, bu o‘pka tomirlari giperplaziyasini va kichik qon aylanish doirasi tomirlarida gipertenziyani chaqiradi.

Ko‘krak suti bilan ajralib chiqadi, bu trombotsitlar funksiyasi buzilishi oqibatida bolada qon ketishlar paydo bo‘lishi xavfini oshiradi.

— o‘ta yuqori sezuvchanlik;

— MITY eroziv-yarali shikastlanishlari (zo‘rayish bosqichida);

— oshqozon-ichak qon ketishi;

— "aspirin" astmasi;

— gemofiliya;

— gemorragik diatiz;

— gipoprotrombinemiya;

— portal gipertenziya;

— K avitaminozi;

— buyrak yetishmovchiligi;

— homiladorlik (I va III uchoyliklar);

— laktatsiya davri (emizish);

— glyukoza-6-fosfatdegidrogenaza yetishmovchiligi;

— yaqqol arterial gipertenziya;

— YIK og‘ir kechishi;

— glaukoma;

— yuqori qo‘zg‘aluvchanlik;

— uyqu buzilishi;

— qon ketish bilan kechuvchi jarrohlik aralashuvlari;

— bolalar yoshi (15 yoshgacha - virusli kasalliklar fonida gipertermiya bo‘lgan bolalarda Reye sindromi rivojlanishi xavfi).

Ehtiyotkorlik bilan: podagra, jigar kasalliklari.

Geparin, bilvosita antikoagulyantlar, rezerpin, steroid gormonlar va gipoglikemik dori vositalari ta'sirini kuchaytiradi.

Boshqa NYQV, metotreksat bilan bir vaqtda tayinlash nojo'ya ta'sirlar rivojlanish xavfini oshiradi.

Spironolakton, furosemid, gipotenziv dori vositalari, shuningdek siydik kislotasi chiqarilishiga yordam beruvchi podagraga qarshi dori vositalari samaradorligini kamaytiradi.

Barbituratlar, rifampitsin, salitsilamid, tutqanoqqa qarshi dori vositalari va mikrosomal oksidlanishning boshqa stimulyatorlari jigar funktsiyasiga ta'sir qiluvchi paratsetamolning toksik metabolitlari hosil bo'lishiga yordam beradi.

Metoklopramid paratsetamol so'rilishini tezlashtiradi.

Paratsetamol ta'siri ostida xloramfenikolning T1/2 davri 5 baravar oshadi. Takroriy qabul qilinganda paratsetamol antikoagulyantlar (dikumarin hosilalari) ta'sirini kuchaytirishi mumkin.

Paratsetamol va etanolni bir vaqtda qabul qilish gepatotoksik samaralar rivojlanish xavfini oshiradi.