SITRAMON P tabletkalari N20

Og'riq qoldiruvchi, isitmani tushiruvchi va yallig'lanishga qarshi ta'sir ko'rsatadi.
Asetilsalitsil kislotasi og'riq qoldiruvchi, isitmani tushiruvchi va yallig'lanishga qarshi ta'sirga ega.
Paratsetamol isitmani tushiruvchi va og'riq qoldiruvchi ta'sir ko'rsatadi.
Kofein uyquchanlik va charchoq hissini kamaytiradi, yurak-qon tomir tizimiga ta'sir ko'rsatadi: yurak qisqarishlari chastotasini oshiradi, gipotoniyada arterial bosimni oshiradi.

Kamdan-kam hollarda bo'lishi mumkin
- terida allergik reaksiyalar (toshma, qichishish, eshakemi),
- yurak urishi,
- bosh aylanishi,
- ko'ngil aynishi,
- me'da sohasida og'riqlar.
Yuqori dozalarda uzoq muddat qabul qilinganda jigar va buyrak faoliyatining buzilishi yuzaga kelishi mumkin.

Keksa yoshdagi shaxslarda, jigar va buyrak funksiyalari buzilgan bemorlarda ehtiyotkorlik bilan qo'llaniladi.

- Preparat komponentlariga yuqori individual sezuvchanlik.
- Oshqozon va o‘n ikki barmoqli ichak yara kasalligi, oshqozon-ichak qon ketishlari, jigar va buyrak funksiyasining yaqqol buzilishlari.
- Glyukoza-6-fosfatdegidrogenazaning genetik yo‘qligi.
- Qon quyilishlarga va qon ketishlarga moyillik bilan kechuvchi qon kasalliklari.
- Glaukoma, bronxial astma.
- Homiladorlik va emizish davri.
- Preparat Reye sindromi rivojlanishi xavfi tufayli virusli infeksiyalar (O‘RVI, gripp) chaqirgan o‘tkir respirator kasalliklari bo‘lgan 15 yoshgacha bo‘lgan bolalarga tayinlanmaydi.

Preparat qon ivishini va trombotsitlar agregatsiyasini pasaytiruvchi vositalar ta'sirini, shuningdek glyukokortikoidlar, sulfonilmochil hosilalari, metotreksat, narkotik bo'lmagan analgetiklar va nosteroid yallig'lanishga qarshi vositalarning nojo'ya ta'sirlarini kuchaytiradi.
Preparatni barbituratlar, tirishishga qarshi vositalar, rifampitsin va alkogolli ichimliklar bilan kombinatsiyalashdan qochish kerak.

Ichga, ovqatdan keyin, 1-2 tabletkadan kuniga 2-3 marta.
Maksimal sutkalik doza - 6 tabletka. Qabullar orasidagi tanaffus kamida 4 soat.
Buyrak yoki jigar funksiyasi buzilishida preparat qabullari orasidagi tanaffus kamida 8 soat bo‘lishi kerak.
Preparatni shifokor tayinlovisiz va kuzatuvisiz og‘riq qoldiruvchi vosita sifatida 5 kundan ortiq va isitma tushiruvchi sifatida 3 kundan ortiq qabul qilmaslik kerak.