POMPEZO

QO‘LLASH BO‘YICHA YO‘RIQNOMA

POMPEZO

POMPEZO

Preparatning savdo nomi: Pompezo

Ta‘sir etuvchi modda (XPN): ezomeprazol

Dori shakli: ajralib chiqishi sekinlashtirilgan kapsulalar

Tarkibi:

Pompezo 20 mg

Ajralib chiqishi sekinlashtirilgan har bir kapsula quyidagilarni saqlaydi:

faol modda: 20 mg ezomeprazol (ezomeprazol magniy digidrati shaklida);

yordamchi moddalar: mannit, saxaroza, povidon K30, dinatriy gidrofosfati, natriy karbonati, natriy laurilsulfati, krospovidon, gipromelloza Ye5, metakril kislotasining dispersiya sopolimeri L30D, titan dioksidi, talk, polisorbat 80, trietilsitrat, natriy gidroksidi, gipromelloza ftalati, setil spirti;

kapsula qobig‘ini tarkibi: temir (III) oksidi, titan dioksidi, jelatin.

Pompezo 40 mg

Ajralib chiqishi sekinlashtirilgan har bir kapsula quyidagilarni saqlaydi:

faol modda: 40 mg ezomeprazol (ezomeprazol magniy digidrati shaklida).

yordamchi moddalar: mannit, saxaroza, povidon K30, dinatriy gidrofosfati, natriy karbonati, natriy laurilsulfati, krospovidon, gipromelloza Ye5, metakril kislotasining dispersiya sopolimeri L30D, titan dioksidi, talk, polisorbat 80, trietilsitrat, natriy gidroksidi, gipromelloza ftalati, setil spirti.

kapsula qobig‘ini tarkibi: temir (II) oksidi, temir (III) oksidi, titan dioksidi, jelatin.

Ta‘rifi:

Pompezo 20 mg: oq yoki deyarli oq rangli sferik pelletlarni saqlovchi, korpusi och-pushti rangli, qopqoqchasi xira oq rangli, №2 o‘lchamli, qattiq jelatin kapsulalar.

Pompezo 40 mg: oq yoki deyarli oq rangli sferik pelletlarni saqlovchi, korpusi och-jigarrang rangli, qopqoqchasi xira oq rangli, №2 o‘lchamli, qattiq jelatin kapsulalar.

Farmakoterapevtik guruhi: Me‘da-ichak yarasiga qarshi vosita. Proton pompa ingibitori.

ATX kodi: A02VS05

Farmakologik hususiyatlari

Farmakodinamikasi

Ezomeprazol – omeprazolning S-izomeri bo‘lib, maxsus yo‘naltirilgan ta‘sir mexanizmi tufayli, me‘da shirasi sekresiyasini pasaytiradi; me‘daning shilliq qavatidagi parietal hujayralarning proton nasosi ingibitori hisoblanadi. Ezomeprazol – kuchsiz asosdir, u parietal hujayralardagi sekretor naychalarning kislotali muhitida konsentrasiyalanadi va faol shakliga o‘tadi, u yerda proton nasosi – N⁺K⁺-ATFaza fermentini ingibisiya qiladi, shuningdek bazal hamda rag‘batlantirilgan kislota sekresiyasini susaytiradi.

Ezomeprazolning ta‘siri peroral qabul qilinganidan so‘ng bir soat davomida rivojlanadi. Preparat 20 mg dan sutkada 1 marta 5 kun davomida har kuni qabul qilinganida xlorid kislotasining o‘rtacha maksimal konsentrasiyasi pengastrin ta‘sirida rag‘batlantirilgandan keyin 90% ga pasayadi. Gastroezofageal reflyuks kasalligi (GERK) bo‘lgan pasientlarda va ezomeprazol 20 mg yoki 40 mg dozada har kuni peroral qabul qilingandan so‘ng 5 kundan keyin klinik simptomlar bo‘lgan pasientlarda me‘da shirasi rN ni 4 dan yuqori qiymati o‘rtacha 13-17 soat davomida (preparatning dozasiga qarab) ushlanib turgan.

Kislota sekresiyasini susayishini terapevtik samaralari

Reflyuks-ezofagitni davolashda ezomeprazolni 40 mg dozadagi yaqqol ifodalangan klinik samarasi 4 hafta davomida davolangandan so‘ng 78% bemorlarda, 8 hafta davomida davolangandan keyin esa – 93% bemorlarda kuzatiladi.

Ezomeprazolni muvofiq antibiotiklar bilan birga bir hafta davomida qo‘llash Helicobacter pylori samarali eradikasiyasini taxminan 90% hollarda ta‘minlaydi. Asoratlanmagan yara kasalligi bo‘lgan pasientlarni bir haftalik eradikasion davolash kursidan keyin yarani bitishi va simptomlarni bartaraf qilish uchun keyinchalik me‘dadagi bezlar sekresiyasini pasaytiruvchi preparatlar bilan monoterapiya o‘tkazish talab etilmaydi.

Kislota sekresiyasini susayishi bilan bog‘liq bo‘lgan boshqa samaralar

Antisekretor terapiyani o‘tkazish vaqtida kislota sekresiyasini pasayishi natijasida qon plazmasida gastrinning konsentrasiyasi oshadi.

Gistamin ishlab chiqaradigan endokrin hujayralarning (ECL-hujayralar) miqdorini, ayrim pasientlarda ezomeprazol bilan uzoq muddat davolanganda kuzatiladigan, oshishi qon plazmasida gastrinning darajasini oshishi bilan bog‘liq bo‘lishi mumkin.

Farmakokinetikasi

So‘rilishi va taqsimlanishi. Ezomeprazol kislotali muhitda barqaror emas. Preparat ichakda tez so‘riladi, qon plazmasida maksimal konsentrasiyasiga ichga qabul qilingandan so‘ng taxminan 1-2 soatdan keyin erishiladi. Ichga 40 mg dozada bir marta qabul qilinganidan so‘ng mutloq biokiraolishligi 64% ni tashkil etadi va takroran qabul qilinganida 89% gacha oshadi. Muvozanatli konsentrasiyada taqsimlanish hajmi sog‘lom odamlarda tana vazniga taxminan 0,22 l/kg ni tashkil etadi. Ezomeprazolning taxminan 97% plazma oqsillari bilan bog‘lanadi. Ovqatlanish ezomeprazolning so‘rilishini sekinlashtiradi va pasaytiradi, biroq bu preparatning antisekretor samarasini pasaytirmaydi.

Metabolizmi va chiqarilishi. Ezomeprazol sitoxrom R450 fermentlar tizimi ishtirokida to‘liq metabolizmga uchraydi.

Umumiy klirensi – bir marta qabul qilinganidan so‘ng soatiga taxminan 17 l ni va takroran qabul qilinganidan so‘ng soatiga taxminan 9 l ni tashkil etadi. Yarim chiqarilish davri preparatning dozasi sutkada bir marta takroran qabul qilinganidan so‘ng 1,3 soatni tashkil etadi. Ezomeprazol sutkada 1 marta qabul qilinganida organizmda kumulyasiya bo‘lishiga tendensiyasiz dozalar orasidagi vaqt davomida qon plazmasidan butunlay chiqariladi

Ezomeprazolning asosiy metabolitlari me‘da sekresiyasiga ta‘sir qilmaydi. Ezomeprazolning taxminan 80% siydik bilan metabolitlar shaklida, qolgan qismi axlat bilan chiqariladi. 1% dan kamroq qismi siydik bilan o‘zgarmagan ko‘rinishda chiqariladi. Keksa yoshdagi (71-80 yosh) pasientlarda ezomeprazolning metabolizmi ahamiyatli darajada o‘zgarmaydi.

Jigar faoliyatini og‘ir darajadagi buzilishlari bo‘lgan pasientlarda preparatning metabolizm tezligi pasayadi, bu “konsentrasiya-vaqt” egri chizig‘i ostidagi maydoni (AUC) ni ikki marta oshishiga olib keladi. Shuning uchun bunday pasientlarda preparatning maksimal dozasi sutkada 20 mg dan oshmasligi kerak.

Qo‘llanilishi

• Gastroezofageal reflyuks kasalligi (GERK) (eroziv reflyuks-ezofagitni davolash va uzoq muddat samarasini tutib turuvchi davolash;
• me‘da va o‘n ikki barmoq ichak yara kasalligida Helicobacter pylori eradikasiyasi majmuaviy davolash tarkibida;
• me‘da va o‘n ikki barmoq ichakni, nosteroid yallig‘lanishga qarshi preparatlar (NYAQP) ni qabul qilish bilan bog‘liq bo‘lgan, yarasini oldini olish;

• patologik gipersekresiya (shu jumladan Zollinger-Ellison sindromi) bilan xarakterlanadigan holatlarda qo‘llanadi.

Qo‘llash usuli va dozalari

Ichga qabul qilish uchun kapsulalarni ovqatlanishdan qat‘iy nazar, istalgan vaqtda qabul qilinishi mumkin. Kapsulani butun holda, bir stakan suv bilan yutish kerak. Kapsulani chaynash yoki shikastlash mumkin emas, chunki u me‘da shirasidagi kislota ta‘sirida o‘zining davolovchi hususiyatlarini yo‘qotishi mumkin bo‘lgan qobiq bilan qoplangan granulalarni saqlaydi.

Kapsulani butun holda yutaolmaydigan pasientlar uchun kapsulani ochish va uning ichidagisini bir stakan gazlanmagan suvga to‘kish kerak. Boshqa suyuqliklardan foydalanish mumkin emas. Stakanning ichidagisini aralashtirish va tayyor bo‘lgan aralashmani tayyorlangandan so‘ng ko‘pi bilan 30 minutdan keyin ichish kerak. Kapsulaning ichidagisi oxirigacha ichilganligiga ishonch hosil qilish kerak. Agar pasient yuta olmasa, u holda kapsulaning ichidagisi ko‘p bo‘lmagan miqdordagi suvda aralashtirilishi va nazogastral zond orqali shpris yordamida yuborilishi kerak.

Preparatni nazogastral zond orqali yuborish

1. Kapsulaning ichidagisi shprisga solinadi va shpris 25 ml suv va taxminan 5 ml xavo bilan to‘ldiriladi. Zondni tiqilib qolishini oldini olish maqsadida, ayrim zondlar uchun preparatni 50 ml ichimlik suvi bilan suyultirish talab etilishi mumkin.
2. Kapsulaning ichidagisi erishi uchun shprisni taxminan 2 minut davomida darhol chayqatiladi.
3. Shprisning uchligi yuqoriga qaratib ushlanadi va uchligi tiqilib qolmaganligiga ishonch hosil qilinadi.
4. Shprisning uchligi yuqoriga qaratilgan holda, uning uchligi zondga kiritiladi.
5. Shpris chayqatiladi va uning uchligini pastga qaratib to‘ntariladi. 5-10 ml eritilgan preparat darhol zondga yuboriladi. Yuborilgandan so‘ng shpris dastlabki holatiga qaytariladi va yana chayqatiladi (shprisning uchligi tiqilib qolishidan saqlanish maqsadida uning uchligi yuqoriga qaratilgan holatda ushlanishi kerak).
6. Shprisning uchligi pastga qaratib to‘ntariladi va yana 5-10 ml preparat zondga yuboriladi. Ushbu jarayon shpris bo‘shamagunicha takrorlanadi.
7. Shprisda preparatning bir qismi cho‘kma holida qolganida, shpris 25 ml suv va 5 ml havo bilan to‘ldiriladi va 5 punktda ta‘riflangan jarayon takrorlanadi. Ushbu maqsadda ayrim zondlar uchun 50 ml ichimlik suvi talab etilishi mumkin.

GERK

Eroziv reflyuks-ezofagitni davolash uchun Pompezo preparati 40 mg bir martalik dozada sutkada bir marta 4 hafta davomida buyuriladi. Qo‘shimcha 4-haftalik davolash kursini dastlabki davolash kursidan so‘ng ezofagitni davolanishi kuzatilmagan yoki kasallikning simptomlari saqlanib turgan hollarda o‘tkazish tavsiya etiladi.

Eroziv ezofagit davolangan pasientlarni samarani tutib turuvchi uzoq muddatli davolash: qaytalanishini oldini olish uchun preparat 20 mg dan sutkada bir marta buyuriladi.

Ezofagitsiz GERK simptomatik davolash: preparat 20 mg dozada sutkada 1 marta buyuriladi. Agar 4 hafta davomida davolashdan so‘ng simptomlar yo‘qolmasa, pasientni qo‘shimcha tekshirish kerak. Simptomlar yo‘qolganidan so‘ng preparatni “zarurat bo‘lganida” qabul qilish tartibiga o‘tish kerak, ya‘ni simptomlar paydo bo‘lganida Pompezo preparatini 20 mg dan sutkada bir marta ular yo‘qolgunicha qabul qilish kerak.

Me‘da va o‘n ikki barmoq ichak yara kasalligini Helicobacter pylori eradikasiyasi uchun majmuaviy davolash tarkibida, shuningdek o‘n ikki barmoq ichakni Helicobacter pylori tomonidan assosiasiyalangan yarasini davolash uchun, va Helicobacter pylori tomonidan assosiasiyalangan peptik yaralarni qaytalanishlarini oldini olish uchun: yara kasalligi bo‘lgan pasientlarga Pompezo preparati 20 mg bir martalik dozada sutkada ikki marta 7 kun davomida buyuriladi.

NYAQP uzoq muddat qabul qilish bilan bog‘liq bo‘lgan me‘da yarasini bitishi uchun: Pompezo preparati 20 mg dozada sutkada bir marta buyuriladi. Davolash davomiyligi 4-8 haftani tashkil etadi.

Patologik gipersekresiya, shu jumladan Zollinger-Ellison sindromi va idiopatik gipersekresiya bilan xarakterlanadigan holatlar: Pompezo 40 mg boshlang‘ich dozada sutkada ikki marta buyuriladi. Keyinchalik dozasi individual ravishda tanalanadi, davolash davomiyligi kasallikning klinik manzarasiga qarab aniqlanadi. Klinik tadqiqotlarning ma‘lumotlariga muvofiq, ko‘pchilik pasientlar ezomeprazolni sutkada 80-160 mg dozada qabul qilish tartibida bo‘lishlari mumkin. Sutkada 80 mg dan ortiq dozalarda qabul qilinganida ikki marta qabul qilishga bo‘linishi kerak. Pompezo yengil va o‘rtacha og‘irlik darajasidagi jigar yetishmovchiligi bo‘lgan pasientlarga buyurilganida dozaga tuzatish kiritish talab etilmaydi. Og‘ir darajadagi jigar yetishmovchiligi bo‘lgan pasientlarga preparatning dozasi sutkada 20 mg dan oshmasligi kerak. Keksa yoshdagi pasientlar uchun dozalash tartibiga tuzatish kiritish talab etilmaydi.

Nojo‘ya ta‘sirlari

Quyida keltirilgan nojo‘ya samaralar preparatning dozasiga bog‘liq emas.

Nojo‘ya samaralarni uchrash tezligini quyida keltirilgan ko‘rsatkichlari quyidagi tarzda aniqlangan: tez-tez (≥ 1/100, < 1/10); tez-tez emas (≥ 1/1000, < 1/100); kam hollarda (≥1/10000, < 1/1000); juda kam hollarda (< 1/10000), uchrash tezligi noma‘lum.

Qon tizimi: kam hollarda – leykopeniya, trombositopeniya; juda kam hollarda – agranulositoz, pansitopeniya.

Yurak qon-tomir tizimi: uchrash tezligi noma‘lum – yuzni qizib ketishi, gipertoniya, taxikardiya.

Immun tizimi: kam hollarda – o‘ta yuqori sezuvchanlik reaksiyalari, anafilaktik reaksiyalar, limfadenopatiya.

Moddalar almashinuvi tomonidan: tez-tez emas – periferik shishlar; kam hollarda – giponatriemiya; uchrash tezligi noma‘lum – gipomagniemiya. Og‘ir darajadagi gipomagniemiya gipokalsemiya bilan qo‘shilishi mumkin. Gipomagniemiya gipokaliemiya bilan assosiasiya bo‘lishi mumkin.

Endokrin tizimi tomonidan: uchrash tezligi noma‘lum – buqoq.

Ruhiy buzilishlar: tez-tez emas – uyqusizlik; kam hollarda – qo‘zg‘aluvchanlik, ongni chalkashishi, depressiya; juda kam hollarda – agressiya, gallyusinasiyalar.

Nerv tizimi tomonidan: tez-tez – bosh og‘rig‘i; tez-tez emas – bosh aylanishi, paresteziyalar, uyquchanlik.

Ko‘rish a‘zolari tomonidan: kam hollarda – ko‘rishni noaniqligi.

Eshitish a‘zolari tomonidan: tez-tez emas – bosh aylanishi.

Nafas a‘zolari tomonidan: kam hollarda – bronxospazm.

Me‘da-ichak yo‘llari tomonidan: tez-tez – qorinda og‘riq, qabziyat, diareya, meteorizm, ko‘ngil aynishi, qusish; tez-tez emas – og‘izni qurishi; kam hollarda – stomatit, me‘da-ichak yo‘llari kandidozi; uchrash tezligi noma‘lum – mikroskopik kolit.

Gepatobiliar tizimi: tez-tez emas – jigar fermentlarining darajasini oshishi; kam hollarda – sariqlik bilan yoki usiz kechuvchi gepatit; juda kam hollarda – jigar faoliyatini buzilishi, anamnezida jigar kasalliklari bo‘lgan pasientlarda ensefalopatiya.

Teri va teri osti yog‘ kletchatkasi tomonidan: tez-tez emas – dermatit, terini qichishishi, toshma, eshakemi; kam hollarda – alopesiya, fotosensibilizasiya; juda kam hollarda – ko‘p shaklli eritema, Stivens-Djonson sindromi, toksik epidermal nekroliz.

Suyak-mushak tizimi va bog‘lam apparati tomonidan: tez-tez emas – son suyagi, bilak suyaklari, umurtqa pog‘onasini sinishi; kam hollarda – artralgiya, mialgiya; juda kam hollarda – mushaklarni kuchsizligi.

Buyrak va siydik chiqarish tizimi tomonidan: juda kam hollarda – interstisial nefrit. Ayrim pasientlarda bir vaqtda buyrak yetishmovchiligi rivojlangan.

Reproduktiv tizimi tomonidan: juda kam hollarda – ginekomastiya.

Tizimli reaksiyalar: kam hollarda – qorin bo‘shlig‘ini shishi, asteniya, belda og‘riq, ko‘krakda og‘riq, yuzni shishi, periferik shishlar, yuzni qizib ketishi, toliqish, isitma, grippga o‘xshash simptomlar, qaltirash bo‘lishi mumkin.

Qo‘llash mumkin bo‘lmagan holatlar

Proton pompa ingibitorlariga yuqori sezuvchanlikda preparatni qo‘llash mumkin emas.

Dorilarning o‘zaro ta‘siri

Ezomeprazol bilan davolanish fonida me‘da shirasining kislotaligini pasayishi, so‘rilishi kislotalik muhitga bog‘liq bo‘lgan preparatlarning so‘rilishini o‘zgarishiga olib kelishi mumkin.

Ezomeprazol, antasidlar va me‘dada kislota sekresiyasini pasaytiruvchi boshqa preparatlar kabi, ketokonazol va itrakonazolning so‘rilishini pasayishiga olib kelishi mumkin. Ezomeprazol, uning metabolizmida ishtirok etuvchi asosiy ferment – CYP2C19 ni ingibisiya qiladi. Shunga muvofiq, ezomeprazolni metabolizmida CYP2C19 izofermenti ishtirok etadigan boshqa preparatlar (masalan, diazepam, sitalopram, imipramin, klomipramin, fenitoin) bilan birga qo‘llash, plazmada ushbu preparatlarning konsentrasiyasini oshishiga olib kelishi mumkin, bu o‘z navbatida dozani pasaytirish zaruriyatiga olib keladi. Bu holat Pompezo preparati “zaruratga qarab” davolash tartibida ishlatilganida ayniqsa yaqqol ifodalangan bo‘ladi.

Tutqanoq bilan xastalangan bemorlarning plazmasida fenitoinning minimal konsentrasiyalari, u 40 mg ezomeprazol bilan birga qo‘llanganida 13% ga oshgan. Shu sababli, ezomeprazol bilan davolash boshlanishida va u bekor qilinganida plazmada fenitoinning konsentrasiyasini nazorat qilish tavsiya etiladi.

Varfarinni 40 mg ezomeprazol bilan birga qabul qilish varfarinni uzoq muddat qabul qilayotgan pasientlarda koagulyasiya vaqtini o‘zgarishiga olib kelmaydi. Ushbu preparatlarni birga qo‘llashni boshlashda va tugaganida pasientlarni kuzatish tavsiya etiladi.

Sizapridni 40 mg ezomeprazol bilan birga qo‘llash sizapridning farmakokinetik ko‘rsatkichlarini: AUC – 32% ga va yarim chiqarilish davrini 31% ga oshishiga olib keladi, biroq bunda plazmada sizapridning konsentrasiyasi ahamiyatli darajada o‘zgarmagan. Sizaprid bilan monoterapiyada QT intervalini biroz oshishi, Pompezo preparati qo‘shilganida oshmagan.

Pompezo amoksisillin va xinidinning farmakokinetikasini klinik ahamiyatli o‘zgarishini chaqirmaydi.

Ezomeprazol va naproksenni birga qo‘llashni baholash yuzasidan o‘tkazilgan tadqiqotda klinik ahamiyatli farmakokinetik o‘zaro ta‘siri aniqlanmagan.

Ezomeprazolning metabolizmida CYP2C19 va CYP3A4 izofermentlari ishtirok etadi. Ezomeprazolni CYP3A4 ingibisiya qiladigan klaritromisin (500 mg dan sutkada ikki marta) birga qo‘llash ezomeprazolning AUC ekspozisiyasini ikki marta oshishiga olib keladi. Ezomeprazol va CYP3A4 hamda CYP2C19 ni majmuaviy ingibitori, masalan vorikonazolni birga qo‘llash ezomeprazol uchun AUC qiymatini ikki martadan ortiq oshishiga olib kelishi mumkin. Bunday holatlarda ezomeprazolning dozasiga tuzatish kiritish talab etilmaydi.

Maxsus ko‘rsatmalar

Og‘ir darajadagi buyrak yetishmovchiligida preparatni ehtiyotkorlik bilan buyurish kerak (qo‘llash tajribasi cheklangan).

Har qanday havotirli simptomlar bo‘lganida, shu jumladan tana vaznini to‘satdan ahamiyatli darajada yo‘qolishi, qayta qusish, disfagiya, qon aralash qusish yoki melena, shuningdek me‘da yarasi bo‘lganida yoki me‘da yarasiga shubha qilinganida, havfli o‘smalar borligini istisno qilish kerak, chunki Pompezo bilan davolash simptomlarni yaxshilanishiga va tashxis qo‘yishni kechikishiga olib kelishi mumkin.

Ezomeprazol, proton pompa ingibitorlari kabi, atazanavir va ritonavir bilan birga qo‘llanishi mumkin emas. Agar pasientlarda ushbu majmuani qo‘llashdan saqlanish imkoni bo‘lmasa, u holda uni klinik nazorat ostida buyurish tavsiya etiladi, atazanavirning dozasini 400 mg gacha va ritonavirning dozasini 100 mg gacha oshiriladi, ezomeprazolning dozasi esa 20 mg dan oshmasligi kerak.

Kislotalikni pasaytiruvchi barcha preparatlar kabi, ezomeprazol ham gipo- va axlorgidriya oqibatida V₁₂ vitamini (sianokobalamin) ning so‘rilishini kamaytiradi.

Preparatni uzoq vaqt davomida, ayniqsa bir yildan ortiq vaqt davomida qabul qilayotgan pasientlar shifokorning muntazam nazorati ostida bo‘lishlari kerak.

Pompezo Helicobacter pylori eradikasiyasi uchun buyurilganida, uchlamchi davolashning barcha komponentlari uchun o‘zaro ta‘sir qilish ehtimoli hisobga olinishi kerak. Klaritromisin CYP3A4 ning kuchli ingibitori hisoblanadi, shuning uchun CYP3A4 ishtirokida metabolizmga uchraydigan boshqa preparatlar (masalan, sizaprid) ni qabul qilayotgan pasientlarga eradikasion davolash uchun buyurilganida kuzatilishi mumkin bo‘lgan qarshi ko‘rsatmalar va klaritromisinni ushbu dori vositalari bilan o‘zaro ta‘sirini hisobga olish kerak.

Homiladorlik va laktasiya davrida qo‘llanishi

Ezomeprazol bilan o‘trkazilgan klinik tadqiqotlar yo‘qligi sababli, homilador ayollarga preparatni, ona uchun davolashdan kutiladigan foyda homila uchun kuzatilishi mumkin bo‘lgan havfdan ustun bo‘lgan holatdagina buyurish kerak.

Ezomeprazolni ko‘krak suti bilan ajralib chiqishi yuzasidan ma‘lumotlar yo‘q, shuning uchun Pompezo preparatini emizish vaqtida buyurish mumkin emas.

Pediatriyada qo‘llanishi

Ezomeprazol bir oylikdan katta bolalarda o‘rganilgan. 12 yoshgacha bo‘lgan bolalarga bolalar uchun dori shaklini ishlatish kerak.

Avtotransportni haydash va mexanizmlarni boshqarish qobiliyatiga ta‘siri

Pompezo preparati avtomobilni haydash va psixomotor reaksiyalarning yuqori tezligini talab etuvchi ishlarni bajarish qobiliyatiga ta‘sir qilmaydi.

Preparat bolalar ololmaydigan joyda saqlansin va yaroqlilik muddati tugaganidan so‘ng ishlatilmasin.

Dozani oshirib yuborilishi

Simptomlari: ezomeprazol 280 mg dozada ichga qabul qilinganida umumiy holsizlik va me‘da-ichak yo‘llari tomonidan ko‘rinishlar kuzatilgan. Pompezo 80 mg dozada ichga bir marta qabul qilish biror-bir salbiy oqibatlarni chaqirmagan.

Davolash: zarurat bo‘lganida simptomatik va samarani tutib turuvchi davolash o‘tkaziladi. Spesifik antidoti noma‘lum. Dializni samarasi kam, chunki ezomeprazol plazma oqsillari bilan bog‘lanadi.

Chiqarilish shakli

Ajralib chiqishi sekinlashtirilgan qattiq jelatin kapsulalar. 7 kapsula blisterda.

4 blister qo‘llash bo‘yicha yo‘riqnomasi bilan birga karton qutiga joylangan.

Saqlash sharoiti

25°S dan yuqori bo‘lmagan haroratda saqlansin.

Yaroqlilik muddati

3 yil.

Dorixonalardan berish tartibi

Resept bo‘yicha.