POMPEZO poroshok 40mg N1

Дори шакли: инъекция учун эритма тайёрлаш учун лиофилизация қилинган кукун.

Таркиби

Лиофилизация қилинган кукунли 1 флакон қуйидагиларни сақлайди:

фаол модда: 40 мг эзомепразол (эзомепразол натрий шаклида).

ёрдамчи моддалар: динатрий эдетати, натрий гидроксиди.

Эзомепразол – омепразолнинг S-изомери бўлиб, махсус йўналтирилган таъсир механизми туфайли, меъда шираси секрециясини пасайтиради; меъданинг шиллиқ қаватидаги париетал ҳужайраларнинг протон насоси ингибитори ҳисобланади. Эзомепразол – кучсиз асосдир, у париетал ҳужайралардаги секретор найчаларнинг кислотали муҳитида концентрацияланади ва фаол шаклига ўтади, у ерда протон насоси - Н⁺К⁺-АТФаза ферментини ингибиция қилади, шунингдек базал ҳамда рағбатлантирилган кислота секрециясини сусайтиради.

Гастроэзофагеал рефлюкс касаллиги (ГЭРК) бўлган пациентларда ва эзомепразол 20 мг ёки 40 мг дозада ҳар куни перорал қабул қилингандан сўнг 5 кундан кейин клиник симптомлар бўлган пациентларда меъда шираси рН ни 4 дан юқори қиймати ўртача 13-17 соат давомида (препаратнинг дозасига қараб) ушланиб турган.

Соғлом кўнгиллиларга 80 мг эзомепразол 30 минут давомида вена ичига юбориш фонида, кейинчалик эзомепразол соатига 8 мг дозада 23,5 соат давомида узоқ муддатли инфузия қилинганида меъда ширасининг рН қиймати ўртача 21 соат давомида 4 дан юқори, 11-13 соат давомида 6 дан юқори бўлган.

Кислота секрециясини сусайишини терапевтик самаралари

Рефлюкс-эзофагитни даволашда эзомепразолни 40 мг дозадаги яққол ифодаланган клиник самараси 4 ҳафта давомида даволангандан сўнг 78% пациентларда, 8 ҳафта давомида даволангандан кейин эса – 93% пациентларда кузатилади.

Эзомепразолни мувофиқ антибиотиклар билан бирга бир ҳафта давомида қўллаш Helicobacter pylori самарали эрадикациясини тахминан 90% ҳолларда таъминлайди. Асоратланмаган яра касаллиги бўлган пациентларни бир ҳафталик эрадикацион даволаш курсидан кейин ярани битиши ва симптомларни бартараф қилиш учун кейинчалик меъдадаги безлар секрециясини пасайтирувчи препаратлар билан монотерапия ўтказиш талаб этилмайди.

Пептик ярадан қон кетганида эзомепразолнинг самарадорлиги пептик ярадан қон кетиши эндоскопик усул билан тасдиқланган пациентларда ўтказилган тадқиқотларда кўрсатилган.

Кислота секрециясини сусайиши билан боғлиқ бўлган бошқа самаралар

Антисекретор терапияни ўтказиш вақтида кислота секрециясини пасайиши натижасида қон плазмасида гастриннинг концентрацияси ошади.

Гистамин ишлаб чиқарадиган эндокрин ҳужайраларнинг (ECL-ҳужайралар) миқдорини, айрим пациентларда эзомепразол билан узоқ муддат даволанганда кузатиладиган, ошиши қон плазмасида гастриннинг даражасини ошиши билан боғлиқ бўлиши мумкин.

Тақсимланиши. Соғлом кўнгиллиларда мувозанат ҳолатида тахминий тақсимланиш ҳажми тана вазнига тахминан 0,22 л/кг ташкил этади. Эзомепразол плазма оқсиллари билан тахминан 97% га боғланади.

Метаболизми ва чиқарилиши. Эзомепразол цитохром Р450 ферментлар тизими иштирокида тўлиқ метаболизмга учрайди. Умумий клиренси бир марта қўлланганидан сўнг соатига тахминан 17 л ни ва такроран қўлланганидан сўнг соатига тахминан 9 л ни ташкил этади. Ярим чиқарилиш даври препаратнинг дозаси суткада бир марта такроран қабул қилинганидан сўнг 1,3 соатни ташкил этади. Эзомепразол суткада 1 марта қабул қилинганида организмда кумуляция бўлишига тенденциясиз дозалар орасидаги вақт давомида қон плазмасидан бутунлай чиқарилади

Эзомепразолнинг асосий метаболитлари меъда секрециясига таъсир қилмайди. Кекса ёшдаги (71-80 ёш) пациентларда эзомепразолнинг метаболизми аҳамиятли даражада ўзгармайди.

Жигар функциясини оғир даражадаги бузилишлари бўлган пациентларда препаратнинг метаболизм тезлиги пасаяди, бу “концентрация-вақт” эгри чизиғи остидаги майдони (AUC) ни икки марта ошишига олиб келади. Шунинг учун бундай пациентлар учун препаратнинг максимал дозаси суткада 20 мг дан ошмаслиги керак.

Инъекция учун эритма тайёрлаш учун лиофилизация қилинган кукун рангсиз шиша флаконда, бромбутил тиқин ва Flip Off белгили қалпоқча билан беркитилган.

1 флакон қўллаш бўйича йўриқномаси билан бирга картон қутига жойланган.

Нохуш реакцияларни учраш тезлигини қуйида келтирилган кўрсаткичлари қуйидаги тарзда аниқланган: тез-тез (≥ 1/100, аммо < 1/10); тез-тез эмас (≥ 1/1000, аммо < 1/100); кам ҳолларда (≥1/10000, аммо < 1/1000); жуда кам ҳолларда (< 1/10000), учраш тезлиги номаълум (маълумотлар етарли бўлмаганлаги туфайли, учраш тезлигини аниқлаш мумкин эмас.

Қуйида келтирилган нохуш реакциялар препаратнинг дозасига боғлиқ эмас.

Қон тизими: кам ҳолларда – лейкопения, тромбоцитопения; жуда кам ҳолларда – агранулоцитоз, панцитопения.

Юрак қон-томир тизими: учраш тезлиги номаълум – юзни қизиб кетиши, гипертония, тахикардия.

Иммун тизими: кам ҳолларда – ўта юқори сезувчанлик реакциялари, анафилактик реакциялар, лимфаденопатия.

Моддалар алмашинуви томонидан: тез-тез эмас – периферик шишлар; кам ҳолларда – гипонатриемия; учраш тезлиги номаълум – гипомагнезиемия. Оғир даражадаги гипомагнезиемия, гипокальцемия билан қўшилиши мумкин. Гипомагнезиемия гипокалиемия билан ассоциация бўлиши мумкин.

Эндокрин тизими томонидан: учраш тезлиги номаълум – буқоқ.

Руҳий бузилишлар: тез-тез эмас – уйқусизлик; кам ҳолларда – қўзғалувчанлик, онгни чалкашиши, депрессия; жуда кам ҳолларда – агрессия, галлюцинациялар.

Нерв тизими томонидан: тез-тез – бош оғриғи; тез-тез эмас – бош айланиши, парестезиялар, уйқучанлик.

Кўриш аъзолари томонидан: кам ҳолларда – кўришни ноаниқлиги.

Эшитиш аъзолари томонидан: тез-тез эмас – вертиго.

Нафас аъзолари томонидан: кам ҳолларда – бронхоспазм.

Меъда-ичак йўллари томонидан: тез-тез – қоринда оғриқ, қабзият, диарея, метеоризм, кўнгил айниши, қусиш; тез-тез эмас – оғизни қуриши; кам ҳолларда – стоматит, меъда-ичак йўллари кандидози; учраш тезлиги номаълум – микроскопик колит.

Гепатобилиар тизими: тез-тез эмас – жигар ферментларининг даражасини ошиши; кам ҳолларда – сариқлик билан ёки усиз кечувчи гепатит; жуда кам ҳолларда – жигар фаолиятини бузилиши, анамнезида жигар касалликлари бўлган пациентларда энцефалопатия.

Тери ва тери ости ёғ клетчаткаси томонидан: тез-тез эмас – дерматит, терини қичишиши, тошма, эшакеми; кам ҳолларда – алопеция, фотосенсибилизация; жуда кам ҳолларда – кўп шаклли эритема, Стивенс-Джонсон синдроми, токсик эпидермал некролиз.

Суяк-мушак тизими ва боғлам аппарати томонидан: тез-тез эмас – сон суяги, билак суяклари, умуртқа поғонасини синиши; кам ҳолларда – артралгия, миалгия; жуда кам ҳолларда – мушакларни кучсизлиги.

Буйрак ва сийдик чиқариш тизими томонидан: жуда кам ҳолларда – интерстициал нефрит, айрим пациентларда бир вақтда буйрак етишмовчилиги ривожланган.

Репродуктив тизими томонидан: жуда кам ҳолларда – гинекомастия.

Тизимли реакциялар: кам ҳолларда – қорин бўшлиғини катталашиши, астения, белда оғриқ, кўкракда оғриқ, юзни шиши, периферик шишлар, юзни қизиб кетиши, толиқиш, иситма, гриппга ўхшаш симптомлар, қалтираш бўлиши мумкин.

Шубҳа қилинган нохуш реакциялар хақида хабарлар

Дори воситаси қайд этилганидан сўнг шубҳа қилинган нохуш реакциялар хақида хабарлар муҳим ҳисобланадилар. Пациентда дори воситасига нисбатан жиддий нохуш реакциялар аниқланганида ёки ушбу бўлимда таърифланмаган янги нохуш реакциялар пайдо бўлганида, Миллий фармакогоҳлик тизимига мувофиқ ахборот беришни сўраймиз.

Препарат фақат вена ичига юбориш учун мўлжалланган. Уни бирон-бир бошқа усуллар билан юбориш мумкин эмас.

Картон қутиси бўлмаган хона ёруғлигида турган флаконни 24 соатдан ортиқ сақлаш мумкин эмас.

Оғир даражадаги буйрак етишмовчилигида препаратни эҳтиёткорлик билан буюриш керак (қўллаш тажрибаси чекланган).

Ҳар қандай ҳавотирли симптомлар бўлганида, шу жумладан тана вазнини тўсатдан аҳамиятли даражада йўқолиши, қайта қусиш, дисфагия, қон аралаш қусиш ёки мелена, шунингдек меъда яраси бўлганида ёки меъда ярасига шубҳа қилинганида, ҳавфли ўсмалар борлигини истисно қилиш керак, чунки Помпезо билан даволаш симптомларни яхшиланишига ва ташхис қўйишни кечикишига олиб келиши мумкин.

Кислоталикни пасайтирувчи барча препаратлар каби, эзомепразол ҳам гипо- ва ахлоргидрия оқибатида В₁₂ витамини (цианокобаламин) нинг сўрилишини камайтиради.

Препаратни узоқ вақт давомида, айниқса бир йилдан ортиқ вақт давомида қабул қилаётган пациентлар шифокорнинг мунтазам назорати остида бўлишлари керак.

Помпезо Helicobacter pylori эрадикацияси учун буюрилганида, учламчи даволашнинг барча компонентлари учун ўзаро таъсир қилиш эҳтимоли ҳисобга олиниши керак. Кларитромицин CYP3A4 нинг кучли ингибитори ҳисобланади, шунинг учун CYP3A4 иштирокида метаболизмга учрайдиган бошқа препаратлар (масалан, цизаприд) ни қабул қилаётган пациентларга эрадикацион даволаш учун буюрилганида, кузатилиши мумкин бўлган қарши кўрсатмалар ва кларитромицинни ушбу дори воситалари билан ўзаро таъсирини ҳисобга олиш керак.

Ҳомиладорлик ва лактация даврида қўлланиши

Ҳайвонларда ўтказилган экспериментал тадқиқотларда эмбрион ёки ҳомилани ривожланишига бирон-бир бевосита ёки билвосита салбий таъсири аниқланмаган. Рацемик моддани юбориш ҳам ҳайвонларни ҳомиладорлик даврида, туғруқ даврида, шунингдек постнатал ривожланиш даврида бирор-бир салбий таъсир кўрсатмаган.

Эзомепразол билан ўтрказилган клиник тадқиқотлар йўқлиги сабабли, ҳомиладор аёлларга препаратни, она учун даволашдан кутиладиган фойда ҳомила учун кузатилиши мумкин бўлган ҳавфдан устун бўлган ҳолатдагина буюриш керак.

Эзомепразолни кўкрак сути билан ажралиб чиқиши юзасидан маълумотлар йўқ, шунинг учун Помпезо препаратини эмизиш вақтида буюриш мумкин эмас.

Педиатрияда қўлланиши

Препаратни 1 ёшгача бўлган болаларга, ГЭРКдан ташқари, бошқа кўрсатмалар бўйича 18 ёшгача бўлган болалар ва ўсмирларга қўллаш мумкин эмас.

Автотранспортни ҳайдаш ва механизмларни бошқариш қобилиятига таъсири

Препарат билан даволаниш вақтида бош айланиши, кўришни ноаниқлиги ва уйқучанлик кузатилиши мумкинлиги сабабли, автотранспорт ва бошқа механизмларни бошқаришда эҳтиёткорликка риоя қилиш керак.

Препарат болалар ололмайдиган жойда сақлансин ва яроқлилик муддати тугаганидан сўнг ишлатилмасин.

Помпезо вена ичига юбориш учун эритма қуйидаги ҳолатларни даволаш учун перорал қабул қилиш имкони бўлмаганида антисекретор даволаш учун кўрсатилган:

Катталарда:

•       Эзофагит ва/ёки рефлюкс касаллигининг яққол симптомлари бўлган пациентларда ГЭРК;

•       ностероид яллиғланишга қарши препаратлар (НЯҚП) қабул қилиш билан боғлиқ бўлган пептик ярани битиши;

•       ҳавф гуруҳига кирувчи пациентларда НЯҚП қабул қилиш билан боғлиқ бўлган пептик ярани олдини олиш;

•       эндоскопик гемостаздан кейин пептик ярадан қон кетишини қайталанишини олдини олиш учун қўлланади.

1-18 ёшдаги болаларда:

•       Эзофагит ва/ёки рефлюкс касаллигининг яққол симптомлари бўлган пациентларда ГЭРК ни даволаш учун қўлланади.

-      протон помпа ингибиторларига юқори сезувчанлик;

-      атазанавир ва нелфинавир билан бир вақтда қўллаш;

-      лактация даври;

-      1 ёшгача бўлган болалар;

-      ГЭРКдан ташқари, бошқа кўрсатмалар бўйича 18 ёшгача бўлган болалар ва ўсмирларда қўллаш мумкин эмас.

Эзомепразол билан даволаниш фонида меъда ширасининг кислоталигини пасайиши, сўрилиши кислоталик муҳитга боғлиқ бўлган препаратларнинг сўрилишини ўзгаришига олиб келиши мумкин.

Эзомепразол, антацидлар ва меъдада кислота секрециясини пасайтирувчи бошқа препаратлар каби, кетоконазол ва итраконазолнинг сўрилишини пасайишига олиб келиши мумкин. Омепразолни 20 мг дозада кунига 1 марта ва дигоксинни бирга қабул қилиш дигоксиннинг биокираолишлигини 10% га оширади (дигоксиннинг биокираолишлиги 20% пациентларда 30% га ошган).

Эзомепразол, унинг метаболизмида иштирок этувчи асосий фермент - CYP2C19 ни ингибиция қилади. Шунга мувофиқ, эзомепразолни метаболизмида CYP2C19 изоферменти иштирок этадиган бошқа препаратлар (масалан, диазепам, циталопрам, имипрамин, кломипрамин, фенитоин) билан бирга қўллаш, плазмада ушбу препаратларнинг концентрациясини ошишига олиб келиши мумкин, бу ўз навбатида дозани пасайтириш заруриятига олиб келади. Бу ҳолат Помпезо препарати “заруратга қараб” даволаш тартибида ишлатилганида айниқса яққол ифодаланган бўлади.

Тутқаноқ билан хасталанган беморларнинг плазмасида фенитоиннинг минимал концентрациялари, у 40 мг эзомепразол билан бирга қўлланганида 13% га ошган. Шу сабабли, эзомепразол билан даволаш бошланишида ва у бекор қилинганида плазмада фенитоиннинг концентрациясини назорат қилиш тавсия этилади.

Варфаринни 40 мг эзомепразол билан бирга қабул қилиш варфаринни узоқ муддат қабул қилаётган пациентларда коагуляция вақтини ўзгаришига олиб келмайди. Ушбу препаратларни бирга қўллашни бошлашда ва тугаганида пациентларни кузатиш тавсия этилади.

Цизапридни 40 мг эзомепразол билан бирга қўллаш цизаприднинг фармакокинетик кўрсаткичларини: AUC – 32% га ва ярим чиқарилиш даврини 31% га ошишига олиб келади, бироқ бунда плазмада цизаприднинг концентрацияси аҳамиятли даражада ўзгармаган. Цизаприд билан монотерапияда QT интервалини бироз ошиши, Помпезо препарати қўшилганида ошмаган.

Помпезо амоксициллин ва хинидиннинг фармакокинетикасини клиник аҳамиятли даражада ўзгартирмайди.

Эзомепразол ва напроксенни бирга қўллашни баҳолаш юзасидан ўтказилган тадқиқотда клиник аҳамиятли фармакокинетик ўзаро таъсири аниқланмаган.

Эзомепразолнинг метаболизмида CYP2C19 ва CYP3A4 изоферментлари иштирок этади. Эзомепразолни CYP3A4 ингибиция қиладиган кларитромицин (500 мг дан суткада икки марта) бирга қўллаш эзомепразолнинг AUC экспозициясини икки марта ошишига олиб келади. Эзомепразол ва CYP3A4 ҳамда CYP2C19 ни мажмуавий ингибитори, масалан вориконазолни бирга қўллаш эзомепразол учун AUC қийматини икки мартадан ортиқ ошишига олиб келиши мумкин. Бундай ҳолатларда эзомепразолнинг дозасига тузатиш киритиш талаб этилмайди. CYP2C19 ва CYP3A4изоферментларини ингибиция қилувчи, рифампицин ва далачой препаратлари каби дори препаратлари эзомепразол билан бирга қўлланганида эзомепразолнинг метаболизмини тезлашиши ҳисобига қон плазмасида эзомепразолнинг концентрациясини пасайишига олиб келиши мумкин.

Препарат 20-40 мг дозада суткада 1 марта парентерал буюрилади.

Рефлюкс-эзофагит бўлган пациентларга – 40 мг дозада суткада 1 марта буюрилади.

ГЭРК симптомларини даволаш учун – 20 мг дозада суткада 1 марта буюрилади.

НЯҚП қабул қилиш билан боғлиқ бўлган пептик яраларни битиши ва олдини олиш учун – 20 мг дозада суткада 1 марта буюрилади.

Одатда, вена ичига юбориш шакли билан даволаш даври давомли эмас, пациентни имкон борича тезроқ препаратни перорал қабул қилиш шаклига ўтказиш керак.

Пептик ярадан қон кетишини қайталанишини олдини олиш учун

Эндоскопик гемостаздан кейин эзомепразолни 80 мг дозада вена ичига инфузия кўринишида 30 минут давомида юбориш, кейинчалик эзомепразолни соатига 8 мг дозада 3 сутка (72 соат) давомида вена ичга узайтирилган инфузия ҳолида юбориш тавсия этилади. Парентерал даволаш тугаганидан сўнг кислота секрециясини сусайтириш учун антисекретор даволаш (масалан, эзомепразол 40 мг суткада 1 марта 4 ҳафта давомида қабул қилиш) тавсия этилади.

Инъекциялар

40 мг дозаси: 5 мл тайёрланган эзомепразол эритмаси (8 мг/мл) вена ичига камида 3 минут давомида юборилади.

20 мг дозаси: 2,5 мл тайёрланган эзомепразол эритмаси (8 мг/мл) вена ичига камида 3 минут давомида юборилади. Ишлатилмаган эритманинг қолдиғи утилизация қилиниши керак.

Инфузиялар

40 мг дозаси: тайёрланган эзомепразол эритмаси вена ичига инфузия кўринишида 10-30 минут давомида юборилади.

20 мг дозаси: тайёрланган эзомепразол эритмасининг ярми вена ичига инфузия кўринишида 10-30 минут давомида юборилади. Ишлатилмаган эритманинг қолдиғи утилизация қилиниши керак.

80 мг дозаси: тайёрланган эзомепразол эритмаси вена ичига инфузия кўринишида 30 минут давомида юборилади.

Соатига 8 мг юбориладиган дозаси: эзомепразолнинг тайёрланган эритмаси 71,5 соат (соатига 8 мг) давомида вена ичига узайтирилган инфузия кўринишида юборилади. Тайёрланган эритмани сақлаш шароити ва яроқлилик муддати “Эритмани тайёрлаш”га қаранг.

Буйрак функциясини бузилиши: буйрак функциясини бузилиши бўлган пациентларда Помпезо препаратининг дозасига тузатиш киритиш талаб этилмайди. Оғир даражадаги буйрак етишмовчилиги бўлган пациентларда препаратни қўллаш тажрибаси чекланганлиги сабабли, бундай пациентларни даволашда эҳтиёткорликка риоя қилиш керак.

Жигар функциясини бузилиши:

ГЭРК: жигар функциясини енгил ва ўртача оғирлик даражада бузилиши бўлган пациентларда Помпезо препаратининг дозасига тузатиш киритиш талаб этилмайди. Жигар функциясини оғир даражада бузилиши бўлган пациентларда максимал суткалик доза 20 мг ташкил этади.

Пептик ярадан қон кетиши: жигар функциясини енгил ва ўртача даражада бузилиши бўлган пациентларда Помпезо препаратининг дозасига тузатиш киритиш талаб этилмайди.

Жигар функциясини оғир даражада бузилиши бўлган пациентларда Помпезо препаратини қуйидаги юбориш усули тавсия этилади: 80 мг дозаси 30 минут давомида вена ичига инфузия кўринишида юборилади, кейинчалик соатига 4 мг максимал дозада 71,5 соат давомида вена ичига узайтирилган инфузия кўринишида юборилади.

Кекса ёшдаги пациентлар: кекса ёшдаги пациентларда Помпезо препаратининг дозасига тузатиш киритиш талаб этилмайди.

1-18 ёшдаги болалар ва ўсмирлар:

Инъекциялар

40 мг дозаси: 5 мл тайёрланган эзомепразол эритмаси (8 мг/мл) вена ичига камида 3 минут давомида юборилади.

20 мг дозаси: 2,5 мл тайёрланган эзомепразол эритмаси (8 мг/мл) вена ичига камида 3 минут давомида юборилади. Ишлатилмаган эритманинг қолдиғи утилизация қилиниши керак.

10 мг дозаси: 1,25 мл тайёрланган эзомепразол эритмаси (8 мг/мл) вена ичига камида 3 минут давомида юборилади. Ишлатилмаган эритманинг қолдиғи утилизация қилиниши керак.

Инфузиялар

40 мг дозаси: тайёрланган эзомепразол эритмаси вена ичига инфузия кўринишида 10-30 минут давомида юборилади.

20 мг дозаси: тайёрланган эзомепразол эритмасининг ярми вена ичига инфузия кўринишида 10-30 минут давомида юборилади. Ишлатилмаган эритманинг қолдиғи утилизация қилиниши керак.

10 мг дозаси: тайёрланган эзомепразол эритмасининг чорак қисми вена ичига инфузия кўринишида 10-30 минут давомида юборилади. Ишлатилмаган эритманинг қолдиғи утилизация қилиниши керак.

Эритмани тайёрлаш

Тайёрланган эритманинг деградацияси асосан рН қийматига боғлиқ, шу сабабли препаратни эритиш учун фақат вена ичига юбориш учун 0,9% ли натрий хлориди эритмаси ишлатилиши керак. Тайёрланган эритма бошқа дори воситалари билан аралаштирилиши ёки юборилиши мумкин эмас. Эритмани қўллашдан олдин эритмада кўзга кўринадиган механик аралашмалар йўқлигини ва рангини ўзгармаганлигини аниқлаш мақсадида визуал текшириш керак. Фақат тиниқ эритма ишлатилиши мумкин. Тайёрланган эритмани эритилган заҳоти юбориш (микробиологик нуқтаи назаридан) юбориш тавсия этилади. Тайёрланган эритмани 12 соат давомида ишлатиш керак. 25^оС дан юқори бўлмаган ҳароратда сақлансин. 20 мг эзомепразол буюрилганида тайёрланган эритманинг ярми юборилади. Ишлатилмаган эритманинг қолдиғи утилизация қилиниши керак.

40 мг инъекция

Инъекция учун эритма (8 мг/мл) 40 мг эзомепразол флаконига 5 мл 0,9% ли вена ичига юбориш учун натрий хлориди эритмасини қўшиш йўли билан тайёрланади.

40 мг инфузия

Инфузион эритма тайёрлаш учун 40 мг эзомепразолнинг битта флакони ичидагиси 100 мл 0,9% ли вена ичига юбориш учун натрий хлориди эритмасида эритиш йўли билан тайёрланади.

80 мг инфузия

Инфузион эритма тайёрлаш учун 40 мг эзомепразолнинг иккита флакони ичидагиси 100 мл 0,9% ли вена ичига юбориш учун натрий хлориди эритмасида эритиш йўли билан тайёрланади.

Тайёрланган эзомепразол эритмаси тиниқ рангсиз ёки оч сариқ рангли эритма бўлади.

Препарат вена ичига юборилганида унинг дозасини ошириб юборилиши юзасидан маълумотлар кам. Эзомепразол 280 мг дозада ичга қабул қилинганида умумий ҳолсизлик ва меъда-ичак йўллари томонидан кўринишлар кузатилган. Помпезо 80 мг дозада ичга бир марта қабул қилиш ёки 308 мг эзомепразолни вена ичига 24 соат давомида юбориш бирор-бир салбий оқибатларни чақирмаган.

Специфик антидоти номаълум. Зарурат бўлганида симптоматик ва самарани тутиб турувчи даволаш ўтказилади. Диализни самараси кам, чунки эзомепразол плазма оқсиллари билан боғланади.

Препаратни 1 ёшгача бўлган болаларга, ГЭРКдан ташқари, бошқа кўрсатмалар бўйича 18 ёшгача бўлган болалар ва ўсмирларга қўллаш мумкин эмас.

Ҳайвонларда ўтказилган экспериментал тадқиқотларда эмбрион ёки ҳомилани ривожланишига бирон-бир бевосита ёки билвосита салбий таъсири аниқланмаган. Рацемик моддани юбориш ҳам ҳайвонларни ҳомиладорлик даврида, туғруқ даврида, шунингдек постнатал ривожланиш даврида бирор-бир салбий таъсир кўрсатмаган.

Эзомепразол билан ўтрказилган клиник тадқиқотлар йўқлиги сабабли, ҳомиладор аёлларга препаратни, она учун даволашдан кутиладиган фойда ҳомила учун кузатилиши мумкин бўлган ҳавфдан устун бўлган ҳолатдагина буюриш керак.

Эзомепразолни кўкрак сути билан ажралиб чиқиши юзасидан маълумотлар йўқ, шунинг учун Помпезо препаратини эмизиш вақтида буюриш мумкин эмас.