EZOMERA poroshok 40mg N1
EZOMERA poroshok 40mg N1 qo'llanmasi
Farmakokinetikasi
So'rilishi va taqsimlanishi
Sog'lom ko'ngillilarda muvozanat holatida ko'rinadigan Vd tana vazniga taxminan 0,22 l/kg ni tashkil qiladi. Plazma oqsillari bilan bog'lanishi - 97%.
Metabolizmi va chiqarilishi
Ezomeprazol P450 sitoxromi tizimi izofermentlari ishtirokida to'liq metabolizmga uchraydi. Asosiy qismi o'ziga xos polimorf CYP2C19 izofermenti ishtirokida metabolizmga uchraydi, bunda ezomeprazolning gidroksillangan va desmetillangan metabolitlari hosil bo'ladi. Qolgan qismining metabolizmi CYP3A4 izofermenti tomonidan amalga oshiriladi; bunda plazmada aniqlanadigan asosiy metabolit - ezomeprazol sulfohosilasi hosil bo'ladi.
Quyida keltirilgan parametrlar, asosan, CYP2C19 izofermenti faolligi yuqori bo'lgan bemorlardagi farmakokinetika xususiyatini aks ettiradi.
Umumiy plazma klirensi preparat bir marta qabul qilingandan so'ng taxminan 17 l/soatni va ko'p marta qabul qilingandan so'ng 9 l/soatni tashkil qiladi. T1/2 preparat sutkada 1 marta takroriy qabul qilingandan so'ng 1,3 soatni tashkil qiladi. AUC takroriy yuborilganda ortadi. Bu o'sish doza va vaqtga bog'liq bo'lib, bu jigardan «birinchi o'tish»dagi metabolizmning pasayishi, shuningdek ezomeprazol va/yoki uning tarkibida sulfo bo'lgan metaboliti CYP2C19 izofermentini ingibitsiya qilishi tufayli yuzaga kelgan tizimli klirensning pasayishi natijasidir.
Har kuni sutkada 1 marta qo'llanilganda ezomeprazol qabullar orasidagi tanaffusda plazmadan to'liq chiqariladi. Kumulyatsiyaga moyillik qayd etilmagan.
40 mg dozada ezomeprazol takroriy v/i yuborilganda plazmadagi o'rtacha Cmax taxminan 13,6 mkmol/l ni tashkil qiladi. O'xshash dozalarda ichga qabul qilinganda plazmadagi Cmax o'rtacha 4,6 mkmol/l ni tashkil qiladi. Umumiy ekspozitsiya (taxminan 30% ga) ezomeprazol v/i yuborilganda, ichga qabul qilishga nisbatan biroz kamroq ortadi.
Ezomeprazol 40 mg, 80 mg va 120 mg dozalarda 30 daqiqa davomida v/i yuborilganda, keyinchalik 23,5 soat davomida 4 mg/soat yoki 8 mg/soat dozada v/i yuborilganda AUC ning yuborilgan dozaga chiziqli bog'liqligi ko'rsatilgan.
Ezomeprazolning asosiy metabolitlari me'dada xlorid kislotasi sekretsiyasiga ta'sir qilmaydi. Ichga qabul qilinganda preparat dozasining 80% gachasi metabolitlar ko'rinishida siydik bilan, qolgan qismi - axlat bilan chiqariladi. Siydikda 1% dan kamroq o'zgarmagan ezomeprazol aniqlanadi.
Nojo'ya samaralari
Quyida Ezomera preparatini v/i va peroral qo'llashda qayd etilgan nojo'ya effektlar keltirilgan.
Nojo'ya effektlar chastotasi quyidagi gradatsiya ko'rinishida keltirilgan: juda tez-tez (≥1/10), tez-tez (≥1/100, <1/10), tez-tez emas (≥1/1000, <1/100), kamdan-kam (≥1/10 000, <1/1000), juda kam (<1/10 000).
Teri va teri osti to'qimalari tomonidan: tez-tez - preparat yuborilgan joyda reaksiyalar; tez-tez emas - dermatit, qichishish, toshma, eshakemi; kamdan-kam - alopesiya, fotosensibilizatsiya; juda kam - ko'p shaklli eritema, Stivens-Jonson sindromi, toksik epidermal nekroliz.
Suyak-mushak tizimi tomonidan: kamdan-kam - artralgiya, mialgiya; juda kam - mushak holsizligi.
Asab tizimi tomonidan: tez-tez - bosh og'rig'i; tez-tez emas - bosh aylanishi, paresteziya, uyquchanlik; kamdan-kam - ta'mning buzilishi.
Ruhiy buzilishlar: tez-tez emas - uyqusizlik; kamdan-kam - depressiya, qo'zg'alish, adashish; juda kam - gallyutsinatsiyalar, tajovuzkor xulq-atvor.
OIT tomonidan: tez-tez - qorinda og'riq, qabziyat, diareya, meteorizm, ko'ngil aynishi/qusish; tez-tez emas - og'iz qurishi; kamdan-kam - stomatit, OIT kandidozi; juda kam - mikroskopik kolit (gistologik tasdiqlangan).
Jigar va o't yo'llari tomonidan: tez-tez emas - jigar fermentlari faolligining oshishi; kamdan-kam - gepatit (sariqlik bilan va usiz); juda kam - jigar yetishmovchiligi, jigar kasalliklari bo'lgan bemorlarda entsefalopatiya.
Jinsiy tizim va sut bezi tomonidan: juda kam - ginekomastiya.
Qon yaratish tizimi tomonidan: kamdan-kam - leykopeniya, trombotsitopeniya; juda kam - agranulotsitoz, pantsitopeniya.
Allergik reaksiyalar: kamdan-kam - yuqori sezuvchanlik reaksiyalari (masalan, isitma, angionevrotik shish, anafilaktik reaksiya/anafilaktik shok).
Nafas olish tizimi tomonidan: kamdan-kam - bronxospazm.
Siydik chiqarish tizimi tomonidan: juda kam - interstitsial nefrit.
Ko'rish organi tomonidan: kamdan-kam - noaniq ko'rish.
Moddalar almashinuvi tomonidan: kamdan-kam - giponatriyemiya; juda kam - gipermagniyemiya, og'ir gipomagniyemiya oqibatida gipokalsemiya, gipomagniyemiya oqibatida gipokaliyemiya.
Boshqalar: tez-tez emas - periferik shishlar; kamdan-kam - holsizlik, terlash.
Ezomeprazolni bolalar va o'smirlarda qo'llash xavfsizligi bo'yicha ma'lumotlar kattalardagi xavfsizlik profili bilan mos keladi.
Maxsus saqlash sharoitlari
Har qanday xavotirli simptomlar (masalan, tana vaznining sezilarli o'z-o'zidan yo'qolishi, tez-tez qusish, disfagiya, qon bilan qusish yoki melena kabi) mavjud bo'lganda, shuningdek me'da yarasi bo'lganda (yoki me'da yarasiga shubha qilinganda), xavfli o'sma mavjudligini istisno qilish kerak, chunki preparat bilan davolash simptomatikani silliqlashiga va tashxis qo'yishni kechiktirishiga olib kelishi mumkin.
Kamdan-kam hollarda omeprazolni uzoq vaqt qabul qilgan bemorlarda me'da tanasi shilliq qavati biopsiyalarini gistologik tekshirishda atrofik gastrit aniqlangan.
Ayrim kuzatuv tadqiqotlari shuni ko'rsatadiki, proton pompasi ingibitorlari bilan terapiya osteoporoz bilan bog'liq sinishlar xavfini biroz oshirishi mumkin, ammo boshqa shunga o'xshash tadqiqotlarda xavfning oshishi qayd etilmagan. Omeprazol va ezomeprazolning randomizatsiyalangan ikki marta ko'r nazoratli klinik tadqiqotlarida, shu jumladan ikkita uzoq muddatli terapiya (12 yildan ortiq) ochiq tadqiqotlarida, osteoporoz fonidagi sinishlar va proton pompasi ingibitorlarini qo'llash o'rtasidagi bog'liqlik tasdiqlanmagan. Garchi omeprazol/ezomeprazol qo'llashning osteoporoz fonidagi sinishlar bilan sababiy bog'liqligi aniqlanmagan bo'lsa-da, osteoporoz yoki uning fonida sinishlar rivojlanish xavfi bo'lgan bemorlar tegishli klinik kuzatuv ostida bo'lishlari kerak. Avtomobilni va murakkab mexanizmlarni boshqarish qobiliyatiga ta'siri
Ezomera preparati bilan terapiya vaqtida bosh aylanishi, ko'rishning xiralashishi va uyquchanlik kuzatilishi mumkinligi sababli, avtotransportni va boshqa mexanizmlarni boshqarishda ehtiyotkorlikka rioya qilish kerak.
Qo'llanilishi mumkin bo'lmagan holatlar
Proton pompasi ingibitorlariga yuqori sezuvchanlik.
1 yoshgacha bo'lgan bolalar;
gastroezofageal reflyuks kasalligidan boshqa ko'rsatmalar bo'yicha 18 yoshgacha bo'lgan bolalar va o'smirlar;
atazanavir va nelfinavir bilan bir vaqtda qo'llash;
ezomeprazolga, almashinuvchi benzimidazollarga yoki preparatning boshqa ingredientlariga yuqori sezuvchanlik.
Og'ir darajadagi buyrak yetishmovchiligi bo'lgan bemorlarga preparatni ehtiyotkorlik bilan buyurish kerak.
Dori vositalarining o'zaro ta'siri
Dori vositalarining o'zaro ta'sirini o'rganish bo'yicha tadqiqotlar faqat kattalar ishtirokida o'tkazilgan.
Ezomeprazolning boshqa dori preparatlari farmakokinetikasiga ta'siri
Ezomeprazol va boshqa proton pompasi ingibitorlari bilan davolashda oshqozonda xlorid kislotasi sekretsiyasining pasayishi so'rilish mexanizmi muhit kislotaliligiga bog'liq bo'lgan boshqa preparatlar absorbsiyasining o'zgarishiga olib kelishi mumkin. Oshqozon shirasi kislotaliligini pasaytiruvchi boshqa preparatlardan foydalanishda bo'lgani kabi, ezomeprazol bilan davolash ketokonazol, itrakonazol va erlotinib so'rilishining pasayishiga, shuningdek digoksin kabi preparatlar so'rilishining oshishiga olib kelishi mumkin. Omeprazolni 20 mg dozada kuniga 1 marta va digoksinni birgalikda qabul qilish digoksinning biokiraolishligini 10% ga oshiradi (20% bemorlarda digoksinning biokiraolishligi 30% gacha oshgan).
Omeprazol ba'zi antiretrovirus preparatlar bilan o'zaro ta'sir qilishi ko'rsatilgan. Ushbu o'zaro ta'sir mexanizmlari va klinik ahamiyati har doim ham ma'lum emas. Omeprazol bilan terapiya fonida rN qiymatining oshishi antiretrovirus preparatlar so'rilishiga ta'sir qilishi mumkin. Shuningdek CYP2C19 izofermenti darajasida o'zaro ta'sir bo'lishi mumkin. Omeprazol va atazanavir hamda nelfinavir kabi ba'zi antiretrovirus preparatlar birgalikda tayinlanganda omeprazol bilan terapiya fonida ularning zardobdagi konsentratsiyasi pasayishi qayd etiladi. Shuning uchun ularni bir vaqtda qo'llash tavsiya etilmaydi. Omeprazolni (40 mg kuniga 1 marta) atazanavir 300 mg/ritonavir 100 mg bilan sog'lom ko'ngillilarda birgalikda qo'llash atazanavir biokiraolishligining sezilarli darajada kamayishiga olib kelgan (qon plazmasida AUC, Cmax va Cmin taxminan 75% ga kamaygan). Atazanavir dozasini 400 mg gacha oshirish omeprazolning atazanavir biokiraolishligiga ta'sirini kompensatsiya qilmagan.
Omeprazol va sakvinavir bir vaqtda tayinlanganda zardobda sakvinavir konsentratsiyasining oshishi qayd etilgan, ba'zi boshqa antiretrovirus preparatlar bilan qo'llanilganda ularning konsentratsiyasi o'zgarmagan. Omeprazol va ezomeprazolning o'xshash farmakokinetik va farmakodinamik xususiyatlarini hisobga olgan holda, ezomeprazolni atazanavir va nelfinavir kabi antiretrovirus preparatlar bilan birgalikda qo'llash tavsiya etilmaydi.
Ezomeprazol uning metabolizmida ishtirok etadigan asosiy izoferment - CYP2C19 ni ingibitsiya qiladi. Ezomeprazolni metabolizmida CYP2C19 izofermenti ishtirok etadigan boshqa preparatlar, masalan diazepam, tsitalopram, imipramin, klomipramin, fenitoin bilan birgalikda qo'llash qon plazmasida ushbu preparatlar konsentratsiyasining oshishiga olib kelishi va dozani kamaytirishni talab qilishi mumkin. Ezomeprazol 30 mg dozada va diazepam ichga birgalikda qabul qilinganda CYP2C19 substrati bo'lgan diazepam klirensi 45% ga pasayadi.
Ezomeprazol 40 mg dozada va fenitoin epilepsiyasi bo'lgan bemorlarda ichga birgalikda qabul qilinganda plazmada fenitoinning qoldiq konsentratsiyasi 13% ga oshgan. Shu munosabat bilan ezomeprazol bilan davolash boshlanishida va u bekor qilinganda plazmada fenitoin konsentratsiyasini nazorat qilish tavsiya etiladi.
Omeprazolni 40 mg dozada kuniga 1 marta qo'llash vorikonazol (CYP2C19 izofermenti substrati) AUC va Cmax ning mos ravishda 15% va 41% ga oshishiga olib kelgan.
Ezomeprazol 40 mg dozada ichga qo'llanilganda varfarin qabul qilayotgan bemorlarda koagulyatsiya vaqti ruxsat etilgan me'yorlar doirasida qolgan. Biroq varfarin va ezomeprazol birgalikda qo'llanilganda XNN indeksining klinik ahamiyatli oshishi bo'yicha bir necha holatlar haqida xabar berilgan. Shu munosabat bilan ushbu preparatlarni birgalikda qo'llash boshlanishida va tugashida monitoring qilish tavsiya etiladi.
Tadqiqotlar natijalariga ko'ra klopidogrel (yuklama doza 300 mg va ushlab turuvchi doza 75 mg/sut) va ezomeprazol (40 mg/sut, ichga) o'rtasida farmakokinetik/farmakodinamik o'zaro ta'sir qayd etilgan, bu klopidogrel faol metaboliti ekspozitsiyasining o'rtacha 40% ga pasayishiga va trombotsitlarning ADF-induktsiyalangan aggregatsiyasining maksimal ingibitsiyasi o'rtacha 14% ga pasayishiga olib keladi.
Omeprazolni 40 mg dozada kuniga 1 marta qo'llash silostazol Cmax va AUC ning mos ravishda 18% va 26% ga oshishiga olib kelgan; silostazolning faol metabolitlaridan biri uchun oshish mos ravishda 29% va 69% ni tashkil etgan.
Sog'lom ko'ngillilarda ezomeprazol 40 mg dozada va sizapridni ichga birgalikda qabul qilish AUC qiymatini 32% ga oshirgan va sizaprid T1/2 ni 31% ga uzaytirgan, bunda plazmada sizaprid Cmax sezilarli darajada o'zgarmagan. Sizaprid bilan monoterapiyada QT intervalining biroz uzayishi qayd etilgan. Ezomeprazol qo'shilganda QT intervalining yanada uzayishi kuzatilmagan.
Ezomeprazol va takrolimus bir vaqtda qo'llanilganda qon zardobida takrolimus konsentratsiyasining oshishi qayd etilgan.
Ba'zi bemorlarda proton pompasi ingibitorlari bilan bir vaqtda qo'llanilganda metotreksat konsentratsiyasining oshishini qayd etishgan. Metotreksat yuqori dozalarda tayinlanganda ezomeprazolni vaqtincha bekor qilish imkoniyatini ko'rib chiqish lozim.
Ezomeprazol amoksitsillin va xinidin farmakokinetikasining klinik ahamiyatli o'zgarishlarini keltirib chiqarmasligi ko'rsatilgan.
Ezomeprazol yuqori dozalarda (80 mg keyinchalik 8 mg/soat dozada yuborish bilan) v/i qo'llanilganda boshqa dori vositalari bilan o'zaro ta'sirini o'rganish bo'yicha tadqiqotlar o'tkazilmagan. Dozalashning bunday tartibida ezomeprazol CYP2C19 substratlari farmakokinetikasiga yanada yaqqolroq ta'sir ko'rsatishi mumkin. Shuning uchun bemorlar ezomeprazol v/i yuborilishi vaqtida sinchkov tibbiy nazorat ostida bo'lishlari lozim.
Dori preparatlarining Ezomera preparati farmakokinetikasiga ta'siri
Ezomeprazol metabolizmida CYP2C19 va CYP3A4 izofermentlari ishtirok etadi. Ezomeprazol va CYP3A4 izofermenti ingibitori klaritromitsinni (500 mg dan kuniga 2 marta) ichga birgalikda qabul qilish ezomeprazol uchun AUC qiymatining ikki barobar oshishiga olib keladi. Ezomeprazol va CYP3A4 va CYP2C19 izofermentlarining kombinatsiyalangan ingibitori, masalan, vorikonazolni birgalikda qo'llash ezomeprazol AUC qiymatining 2 barobardan ko'proq oshishiga olib kelishi mumkin. Odatda, bunday hollarda ezomeprazol dozasini to'g'irlash talab etilmaydi. Ezomeprazol dozasini to'g'irlash og'ir jigar funksiyasi buzilishi bo'lgan bemorlarda va u uzoq muddat qo'llanilganda talab etilishi mumkin.
CYP2C19 va CYP3A4 izofermentlarini induktsiyalovchi dori preparatlari, masalan rifampitsin va teshik dalachoy preparatlari ezomeprazol bilan birgalikda qo'llanilganda ezomeprazol metabolizmini tezlashtirish hisobiga qon plazmasida ezomeprazol konsentratsiyasining pasayishiga olib kelishi mumkin.
Preparatni eritish uchun faqat «V/i yuborish uchun eritmalarni tayyorlash va ishlatish qoidalari» bo'limida eslatib o'tilgan dori vositalaridan foydalanish lozim.
Dozirovkasi
Kattalar
Peroral terapiyani o'tkazish imkoni bo'lmaganda alternativa sifatida Ezomera preparatini sutkasiga 1 marta 20-40 mg dozada v/i yuborish tavsiya etilishi mumkin.
Ezofagit bilan kechuvchi GERK (Gastroezofageal reflyuks kasalligi) bo'lgan bemorlarda Ezomera preparatining tavsiya etilgan dozasi
sutkasiga 1 marta 40 mg ni tashkil qiladi.
GERK simptomlarini davolash uchun preparat sutkasiga 1 marta 20 mg dozada tayinlanadi.
NYQP (Nosteroid yallig'lanishga qarshi preparatlar) qabuli bilan bog'liq peptik yaralarni bitishi uchun xavf guruhiga kiruvchi bemorlarga Ezomera preparati sutkasiga 1 marta 20 mg dozada tavsiya etiladi.
NYQP qabuli bilan bog'liq peptik yaralar profilaktikasi uchun Ezomera preparatining tavsiya etilgan dozasi sutkasiga 1 marta.
Qoida tariqasida, Ezomera preparatini parenteral qo'llash davri qisqa, bemorni iloji boricha tezroq preparatni ichga qabul qilishga o'tkazish kerak.
Endoskopik gemostazdan keyin peptik yaradan qon ketishi qaytalanishini oldini olish maqsadida Ezomera preparati 30 daqiqa davomida 80 mg dozada v/i infuziya ko'rinishida, keyinchalik 3 sutka (72 soat) davomida soatiga 8 mg dozada Ezomera preparatining uzaytirilgan v/i infuziyasi tavsiya etiladi. Parenteral terapiya tugaganidan keyin kislota sekretsiyasini bostirish uchun antisekretor terapiya tavsiya etiladi (masalan, Ezomera 40 mg dan sutkasiga 1 marta 4 hafta davomida).
In'ektsiyalar va infuziyalar davomiyligi
V/i in'ektsiyalar
40 mg doza: Ezomera preparatining tayyorlangan eritmasi (5 ml, 8 mg/ml) kamida 3 daqiqa davomida v/i yuboriladi.
20 mg doza: Ezomera preparatining tayyorlangan eritmasining yarmi (2,5 ml, 8 mg/ml) kamida 3 daqiqa davomida v/i yuboriladi; eritmaning ishlatilmagan qoldiqlari yo'q qilinishi kerak.
V/i infuziyalar
40 mg doza: Ezomera preparatining tayyorlangan eritmasi 10-30 daqiqa davomida v/i infuziya ko'rinishida yuboriladi.
20 mg doza: Ezomera preparatining tayyorlangan eritmasining yarmi 10-30 daqiqa davomida v/i infuziya ko'rinishida yuboriladi. Eritmaning ishlatilmagan qoldiqlari yo'q qilinishi kerak.
80 mg doza: ezomeprazolning tayyorlangan eritmasi 30 daqiqa davomida v/i infuziya ko'rinishida yuboriladi.
8 mg/soat doza: Ezomera preparatining tayyorlangan eritmasi 71,5 soat (8 mg/soat) davomida uzaytirilgan v/i infuziya ko'rinishida yuboriladi.
Bolalar va o'smirlar (1 yoshdan 18 yoshgacha)
Peroral terapiyani o'tkazish imkoni bo'lmaganda alternativa sifatida eroziv reflyuks-ezofagit va/yoki reflyuks kasalligining yaqqol simptomlari bo'lgan bemorlarda gastroezofageal reflyuks kasalligida Ezomera preparati GERK terapiyasi kursining bir qismi sifatida sutkasiga 1 marta parenteral yuboriladi (dozalash bo'yicha tavsiyalar jadvalda keltirilgan).
Qoida tariqasida, Ezomera preparatini parenteral qo'llash davrida bemorni iloji boricha tezroq preparatni ichga qabul qilishga o'tkazish kerak.
Bolalar va o'smirlar uchun Ezomera preparatini dozalash bo'yicha tavsiyalar
|
Yoshi |
Eroziv reflyuks-ezofagitni davolash |
GERKni simptomatik davolash |
|
1-11 yosh |
tana vazni <20 kg: 10 mg dan sutkasiga 1 marta |
10 mg dan sutkasiga 1 marta |
|
12-18 yosh |
40 mg dan sutkasiga 1 marta |
20 mg dan sutkasiga 1 marta |
V/i in'ektsiyalar
40 mg doza: Ezomera preparatining tayyorlangan eritmasi (5 ml, 8 mg/ml) kamida 3 daqiqa davomida v/i yuboriladi.
20 mg doza: Ezomera preparatining tayyorlangan eritmasining yarmi (2,5 ml, 8 mg/ml) kamida 3 daqiqa davomida v/i yuboriladi. Eritmaning ishlatilmagan qoldiqlari yo'q qilinishi kerak.
10 mg doza: Ezomera preparatining tayyorlangan eritmasining 1,25 ml qismi (8 mg/ml) kamida 3 daqiqa davomida v/i yuboriladi. Eritmaning ishlatilmagan qoldiqlari yo'q qilinishi kerak.
V/i infuziyalar
40 mg doza: Ezomera preparatining tayyorlangan eritmasi 10-30 daqiqa davomida v/i infuziya ko'rinishida yuboriladi.
20 mg doza: Ezomera preparatining tayyorlangan eritmasining yarmi 10-30 daqiqa davomida v/i infuziya ko'rinishida yuboriladi. Eritmaning ishlatilmagan qoldiqlari yo'q qilinishi kerak.
10 mg doza: Ezomera preparatining tayyorlangan eritmasining chorak qismi 10-30 daqiqa davomida v/i infuziya ko'rinishida yuboriladi. Eritmaning ishlatilmagan qoldiqlari yo'q qilinishi kerak.
Bemorlarning alohida guruhlari
Buyrak funktsiyasi buzilgan bemorlarda Ezomera preparati dozasini to'g'irlash talab etilmaydi. Og'ir darajadagi buyrak yetishmovchiligi bo'lgan bemorlarda Ezomera preparatini qo'llash bo'yicha tajriba cheklanganligi sababli, bunday bemorlarni davolashda ehtiyot bo'lish kerak.
GERKda jigar funktsiyasining engil va o'rtacha og'irlikdagi buzilishi bo'lgan bemorlarda preparat dozasini to'g'irlash talab etilmaydi. Jigar funktsiyasining og'ir buzilishi bo'lgan bemorlarda maksimal sutkalik doza 20 mg ni tashkil qiladi.
Peptik yaradan qon ketishida jigar funktsiyasining engil va o'rtacha og'irlikdagi buzilishi bo'lgan bemorlarda Ezomera preparati dozasini to'g'irlash talab etilmaydi. Jigar funktsiyasining og'ir buzilishi bo'lgan bemorlarga Ezomera preparatini yuborishning quyidagi rejimi tavsiya etiladi: 30 daqiqa davomida 80 mg v/i infuziya ko'rinishida, keyinchalik 71,5 soat davomida maksimal 4 mg/soat dozada uzaytirilgan v/i infuziya.
Keksa yoshdagi bemorlarda preparat dozasini to'g'irlash talab etilmaydi.
V/i yuborish uchun eritmalarni tayyorlash va ishlatish qoidalari
Tayyorlangan eritmaning degradatsiyasi asosan rH qiymatiga bog'liq, shu sababli preparatni eritish uchun faqat v/i yuborish uchun 0,9% li natriy xlorid eritmasidan foydalanish kerak.
Tayyorlangan eritmani boshqa dori vositalari bilan aralashtirish yoki birgalikda yuborish mumkin emas.
Qo'llashdan oldin eritmani vizual ravishda ko'zga ko'rinadigan mexanik aralashmalar yo'qligi va rangi o'zgarmaganligiga baho berish kerak. Faqat tiniq eritmadan foydalanish mumkin.
Tayyorlangan eritmani tayyorlangandan so'ng darhol yuborish tavsiya etiladi (mikrobiologik nuqtai nazardan).
Tayyorlangan eritmani 12 soat davomida ishlatish kerak. 30°C dan yuqori bo'lmagan haroratda saqlansin.
Eritmaning ishlatilmagan qoldiqlari mahalliy talablarga muvofiq yo'q qilinishi kerak.
V/i in'ektsiyalar uchun eritma (8 mg/ml) 40 mg Ezomera preparati flakoniga v/i yuborish uchun 5 ml 0,9% li natriy xlorid eritmasini qo'shish orqali tayyorlanadi. Ezomera preparatining suyultirilgan eritmasi rangsizdan och sariq ranggacha bo'lgan tiniq suyuqlikdan iborat.
40 mg v/i infuziyalar uchun eritma 40 mg Ezomera preparati bo'lgan bitta flakon tarkibini v/i yuborish uchun 100 ml 0,9% li natriy xlorid eritmasida eritish orqali tayyorlanadi.
80 mg v/i infuziyalar uchun eritma 40 mg Ezomera preparati bo'lgan 2 ta flakon tarkibini v/i yuborish uchun 100 ml 0,9% li natriy xlorid eritmasida eritish orqali tayyorlanadi.
Infuziya uchun Ezomera preparatining suyultirilgan eritmasi rangsizdan och sariq ranggacha bo'lgan tiniq suyuqlikdan iborat.
Hajm/og'irlik
EZOMERA poroshok 40mg N1 xususiyatlari
Ezomera boshqa chiqarish shakllari
EZOMERA poroshok 40mg N1 narxlari va Toshkentdagi dorixonalardagi mavjudligi
{
"data": {
"id": 127904,
"stores_apteka_id": 329685,
"slug": "ezomera-poroshok-dlya-prigotovleniya-rastvora-dlya-inektsiy-40-mg-n1",
"stores_apteka_slug": "ezomera-por-d-in-40mg-10ml-1",
"name": "EZOMERA poroshok 40mg N1",
"brand_name": "EZOMERA",
"image": "uploads/iblock/2ea/6ac0136yqe8w8yxnow2xqa78lhmpmfi4.webp",
"atx_code": "A02BC05",
"drug_form_id": 4,
"over_the_counter": false,
"prescription_type": "unknown",
"availability": "available",
"reviews_count": 0,
"reviews_rating": 0,
"has_pickup": true,
"has_delivery": true,
"manufacturer": null,
"manufacturer_plain": "Scott-Edil Pharmacia Limited",
"representative": {
"id": 132809,
"slug": "farmalife",
"name": "Farmalife"
},
"representative_plain": null,
"distributor": null,
"distributor_plain": null,
"is_manufacturer_advertiser": false,
"is_representative_advertiser": true,
"is_dietary_supplement": false,
"is_medical_device": false,
"category": {
"id": 1077,
"slug": "preparaty-ot-narusheniya-kislotnosti",
"name": "Kislotalikning buzilishi",
"external_link_title": "Gastroenterolog maslahati",
"external_link": "https://med24.uz/uz/doctors/gastroenterolog"
},
"drug_group": {
"id": 136888,
"slug": "ezomera",
"name": "Ezomera"
},
"is_purchasable": true,
"country": {
"id": 3,
"slug": "indiya",
"name": "Hindiston"
},
"active_ingredients": [
{
"id": 9730,
"slug": "ezomeprazol",
"name": "Ezomeprazol"
}
],
"tags": [
{
"id": 129489,
"slug": "dlya-zheludka",
"name": "Oshqozon uchun"
}
]
}
}
EZOMERA poroshok 40mg N1 haqida savollar
EZOMERA poroshok 40mg N1 haqida fikr-mulohazalar
Ishlab chiqaruvchining dorilari
