AMBROKSOL OBNOVLENIE tabletkalari 300mg N20

So'rilishi. Ichga qabul qilingandan so'ng ambroksol me'da-ichak traktidan tez va deyarli to'liq so'riladi. Qon plazmasidagi maksimal kontsentratsiyaga (Сmах) 1-3 soatdan keyin erishiladi. Taqsimlanish hajmi 552 l ni tashkil qiladi. Ambroksolning peroral qabul qilingandagi mutlaq biologik kira olishligi jigardan "birlamchi o'tish" natijasida taxminan 1/3 ga kamayadi.

Taqsimlanishi. Qon plazmasi oqsillari bilan bog'lanishi - 80-90 %. Ambroksol yo'ldosh va gematoensefalik to'siqlar orqali o'tadi, ko'krak suti bilan ajralib chiqadi.

Metabolizmi. Ambroksol jigarda konyugatsiya yo'li bilan metabolizmga uchrab, farmakologik faol bo'lmagan metabolitlar hosil qiladi.

Chiqarilishi. Qon plazmasidan terminal yarim chiqarilish davri (Т1/2) 7-12 soatni tashkil qiladi. Ambroksol va uning metabolitlarining umumiy yarim chiqarilish davri taxminan 22 soatni tashkil qiladi. Umumiy klirens 660 ml/daq chegarasida. Buyraklar orqali chiqariladi: 90 % metabolitlar (dibromoantranil kislotasi, glyukuronidlar kabi) ko'rinishida, taxminan 10 % - o'zgarmagan holda. Buyrak funktsiyasining og'ir buzilishlarida (kreatinin klirensi 30 ml/daq dan kam) ambroksol metabolitlari to'planishi mumkin; og'ir jigar yetishmovchiligida ambroksol klirensi 20-40 % ga pasayadi.

Qon plazmasi oqsillari bilan bog'lanish darajasi yuqori bo'lganligi va sezilarli taqsimlanish hajmi, shuningdek to'qimalardan qonga sekin qayta taqsimlanishi tufayli, dializ yoki jadallashtirilgan diurez orqali ambroksolning samarali eliminatsiyasi dargumon.

Jahon sog'liqni saqlash tashkiloti (JSST) tavsiyalariga ko'ra nojo'ya ta'sirlar rivojlanish tezligi tasnifi:

juda tez-tez > 1/10; tez-tez > 1/100 dan 1/1000 dan 1/10000 dan
Allergik reaksiyalar:

uchrash tezligi noma'lum - o'ta yuqori sezuvchanlik reaksiyalari, anafilaktik reaksiyalar (shu jumladan anafilaktik shok), angionevrotik shish.

Ovqat hazm qilish tizimi tomonidan:

tez-tez - ko'ngil aynishi, og'iz bo'shlig'i yoki halqumda sezuvchanlikning pasayishi; tez-tez emas - dispepsiya, qusish, diareya, abdominal og'riq; kam hollarda - jig'ildon qaynashi, og'iz bo'shlig'i va halqum shilliq qavatining qurishi, qabziyat.

Nafas olish tizimi tomonidan:

kam hollarda - nafas yo'llari shilliq qavatining qurishi, rinoreya (burundan shilliq ajralishi).

Teri qoplamalari tomonidan:

kam hollarda - teri toshmasi, eshakemi; uchrash tezligi noma'lum - teri qichishishi, Stivens-Djonson sindromi (ko'p shaklli ekssudativ eritema), Layell sindromi (toksik epidermal nekroliz), o'tkir tarqalgan ekzantematoz pustulyoz.

Sezgi a'zolari tomonidan:

tez-tez emas - disgevziya (ta'm sezgilarining buzilishi).

Boshqalar:

kam hollarda - holsizlik, bosh og'rig'i, dizuriya (siydik chiqarishning buzilishi), gipertermiya, isitma.

Davolash vaqtida ko'p suyuqlik (sharbatlar, choy, suv) iste'mol qilish zarur, chunki bu preparatning mukolitik samarasini kuchaytiradi.

Ambroksolni balg'am ko'chishini qiyinlashtiruvchi yo'talga qarshi preparatlar bilan bir vaqtda qabul qilish mumkin emas.

Balg'am to'planishi mumkinligi sababli, yo'tal refleksi susaygan yoki mukotsiliar transport buzilgan bemorlar ambroksolni ehtiyotkorlik bilan qabul qilishlari kerak.

Ambroksolni qabul qilayotgan bemorlarga nafas gimnastikasini bajarishni tavsiya etmaslik kerak; kasallik og'ir kechayotgan bemorlarda suyultirilgan balg'am aspiratsiyasini bajarish lozim.

Bronxial astmasi bo'lgan bemorlarda ambroksol yo'talni kuchaytirishi mumkin.

Terining og'ir shikastlanishlari - Stivens-Djonson sindromi yoki Layell sindromi bo'lgan bemorlarda erta fazada harorat, badanda og'riq, rinit, yo'tal va tomoq yallig'lanishi paydo bo'lishi mumkin. Simptomatik davolashda ambroksol kabi mukolitik vositalarni yanglish tayinlash mumkin. Stivens-Djonson sindromi va Layell sindromi aniqlanishi preparat tayinlanishi bilan vaqt bo'yicha mos kelganligi haqida yagona xabarlar mavjud; biroq preparatni qabul qilish bilan sabab-oqibat bog'liqligi yo'q. Yuqorida sanab o'tilgan sindromlar rivojlanganda davolashni to'xtatish va darhol tibbiy yordamga murojaat qilish tavsiya etiladi.

Buyrak funksiyasi buzilishida preparatni faqat shifokor tavsiyasi bo'yicha qo'llash zarur.

Qandli diabeti bo'lgan bemorlar uchun ko'rsatma: 1 tabletka 0,01 dan kam non birligini saqlaydi.

Preparatning transport vositalarini va mexanizmlarni boshqarish qobiliyatiga ta'siri:

Preparatning transport vositalarini va mexanizmlarni boshqarish qobiliyatiga ta'siri holatlari aniqlanmagan. Preparatning transport vositalarini boshqarish va yuqori diqqatni jamlash hamda psixomotor reaksiyalar tezligini talab qiluvchi boshqa potensial xavfli faoliyat turlari bilan shug'ullanish qobiliyatiga ta'siri bo'yicha tadqiqotlar o'tkazilmagan.

Preparat komponentlariga yuqori sezuvchanlik, irsiy galaktoza o'zlashtiraolmaslik, laktaza yetishmovchiligi yoki glyukoza va galaktoza malabsorbtsiyasi sindromi, homiladorlikning I trimestri va emizish davri, 6 yoshgacha bo'lgan bolalar.

Ehtiyotkorlik bilan:

Bronxlar motorikasining buzilishi va shilliq sekretsiyasining kuchayishi (masalan, birlamchi kiprikchalar diskineziyasi kam uchraydigan sindromi); buyrak yetishmovchiligi va/yoki og'ir jigar yetishmovchiligi; me'da va o'n ikki barmoqli ichak yara kasalligi, shu jumladan anamnezda; homiladorlikning II-III trimestrlari.

Homiladorlik va laktatsiya:

Homiladorlikning I trimestrida va emizish davrida preparatni qo'llash mumkin emas. Homiladorlikning II-III trimestrlarida preparatni qo'llash faqat davolashdan foyda va mumkin bo'lgan xavflar nisbati sinchkovlik bilan baholangandan keyin mumkin.

Ambroksol yo'talga qarshi preparatlar bilan bir vaqtda qo'llanilganda yo'tal refleksi bostirilishi natijasida balg'am ko'chishi qiyinlashishi mumkin.

Amoksitsillin, sefuroksim, eritromitsin, doksitsiklin bilan bir vaqtda qo'llanilganda ambroksol ularning bronxial secretdagi konsentratsiyasini oshiradi.