BISEPTOL 4800,096/ML konsentrat 5ml N10

Preparat organizm to'qimalari va biologik suyuqliklariga tez kirib boradi.



Yaxshi taqsimlanadi. GEB, yo'ldosh to'sig'i orqali va ko'krak sutiga o'tadi. O'pka va siydikda plazmadagi miqdordan oshib ketadigan kontsentratsiyalarni hosil qiladi. Kamroq darajada bronxial sekret, qin ajralmalari, prostata bezi sekreti va to'qimalari, o'rta quloq suyuqligi, orqa miya suyuqligi, safro, suyaklar, so'lak, ko'z suyuqligi, ko'krak suti, interstitsial suyuqlikda to'planadi. Ikkala preparatning taqsimlanishi har xil: sulfametoksazol faqat hujayradan tashqari bo'shliqda, trimetoprim esa - ham hujayra ichida, ham hujayradan tashqari bo'shliqda taqsimlanadi. Plazma oqsillari bilan bog'lanishi – sulfametoksazolda 66%, trimetoprimda - 45%. Ikkala preparat ham jigarda metabolizmga uchraydi.



Sulfametoksazol ko'proq darajada metabolizmga uchraydi (atsetillangan hosilalar hosil bo'lishi bilan), metabolitlar mikroblarga qarshi faollikka ega emas.



Buyraklar orqali, ham filtratsiya, ham naychalar orqali faol sekretsiya yo'li bilan metabolitlar ko'rinishida (72 soat ichida 80%) va o'zgarmagan holda (20% sulfametoksazol, 50% trimetoprim) chiqariladi, siydikdagi ta'sir etuvchi moddalar kontsentratsiyasi qondagiga qaraganda ancha yuqori. Preparatning oz miqdori ichak orqali chiqariladi. Sulfametoksazolning T1/2 - 9-11 soat, trimetoprimniki - 10-12 soat, bolalarda - ancha kam va yoshga bog'liq: bir yoshgacha - 7-8 soat, 1-10 yosh - 5-6 soat. Keksalarda va buyrak funktsiyasi buzilgan bemorlarda T1/2 ortadi.

Biseptol odatda bemorlar tomonidan yaxshi o'zlashtiriladi. Biroq quyidagi effektlar qayd etilishi mumkin:

OIT tomonidan: anoreksiya, gastrit, abdominal og'riqlar, glossit, stomatit, xolestaz, jigar transaminazalari faolligining oshishi, gepatit, soxtamembranoz enterokolit, ko'ngil aynishi, qusish, diareya, jigar nekrozi.

MNS tomonidan: bosh og'riqlari va bosh aylanishlari. Alohida hollarda - aseptik meningit, depressiya, apatiya, tremor, periferik nevritlar.



Nafas olish tizimi tomonidan: bronxospazm, o'pka infiltratlari.

Qon yaratish a'zolari tomonidan: kam hollarda - neytropeniya, agranulotsitoz, megaloblast anemiya, leykopeniya, trombotsitopeniya, gipoprotrombinemiya.

Siydik chiqarish tizimi tomonidan: poliuriya, interstitsial nefrit, buyrak funktsiyasining buzilishi, kristalluriya, gematuriya, mochevina miqdorining oshishi, gipokreatininemiya, oliguriya va anuriya bilan toksik nefropatiya.

Suyak-mushak tizimi tomonidan: artralgiya, mialgiya.

Allergik reaksiyalar: teri toshmalari va qichishish, fotosensibilizatsiya, toshma, polimorf eritema, eksfoliativ dermatit, allergik miokardit, tana haroratining oshishi, Kvinke shishi, skleralarning qizarishi.

Mahalliy reaksiyalar: tromboflebit (venapunksiya joyida), yuborish joyida og'riqlilik

Boshqalar: gipoglikemiya

Pneumocystis carinii infeksiyasi munosabati bilan kotrimoksazol bilan davolangan OITS bo'lgan bemorlarda noxush ta'sirlar: teri toshmalari, tana haroratining ko'tarilishi, leykopeniya tez-tez kuzatiladi.



Har 2-3 kunda navbatdagi quyishdan bevosita oldin plazmada sulfametoksazol konsentratsiyasini aniqlash maqsadga muvofiq. Agar sulfametoksazol konsentratsiyasi 150 mkg/ml dan oshsa, davolash u 120 mkg/ml dan pastga tushguniga qadar to'xtatib turilishi kerak.



Uzoq muddatli davolashda periferik qonni, jigar va buyrak funksional holatini muntazam tekshirib turish kerak.



Keksa bemorlarga qo'shimcha ravishda foliy kislotasini (3-6 mg/sut) tayinlash tavsiya etiladi, bu preparatning mikroblarga qarshi faolligini jiddiy buzmaydi. Keksa yoshdagi bemorlarni yoki folatlar dastlabki yetishmovchiligiga shubha qilingan bemorlarni davolashda alohida ehtiyotkorlik namoyon qilinishi kerak.



Kristalluriya profilaktikasi uchun ajralayotgan siydikning yetarli hajmini tutib turish tavsiya etiladi.



Sulfanilamidlarning toksik va allergik asoratlari ehtimoli buyrakning filtratsion funksiyasi og'irlashganda sezilarli darajada ortadi.



Shuningdek davolash fonida ko'p miqdorda PABK saqlovchi oziq-ovqat mahsulotlarini - o'simliklarning yashil qismlari (gulkaram, ismaloq, dukkaklilar), sabzi, pomidorni iste'mol qilish maqsadga muvofiq emas.



Haddan tashqari quyosh va ultrabinafsha nurlanishidan saqlanish kerak.



Shtammlarning rezistentligi keng tarqalganligi sababli, A guruhi beta-gemolitik streptokokk chaqirgan tonzillitlar, faringitlarda qo'llash tavsiya etilmaydi.



Avtotransportni va mexanizmlarni boshqarish qobiliyatiga ta'siri



Preparat transport vositalarini boshqarish va harakatlanuvchi mexanizmlarga xizmat ko'rsatish qobiliyatiga ta'sir qilmaydi.

- foliy kislotasi tanqisligi fonidagi megaloblastik anemiya, aplastik anemiya, V12 tanqisligi anemiyasi, agranulotsitoz, leykopeniya;

- glyukoza-6-fosfatdegidrogenaza yetishmovchiligi;

- bolalarda giperbilirubinemiya;

- jigar va/yoki buyrak yetishmovchiligi kreatinin klirensi 15 ml/min dan kam);

- 6 yoshgacha bo‘lgan yosh (faqat m/o yuborish uchun);

- homiladorlik; - laktatsiya davri;

- sulfanilamidlar yoki trimetoprimga yuqori individual sezuvchanlik.

Preparatni chala tug‘ilgan chaqaloqlar, yangi tug‘ilgan chaqaloqlar va hayotining 2 oyigacha bo‘lgan go‘daklarga qo‘llash mumkin emas.

Folat kislota yetishmovchiligi, bronxial astma, qalqonsimon bez kasalliklari, jigar va buyrak faoliyati buzilishida ehtiyotkorlik bilan qo‘llaniladi.

Biseptol fenitoin, peroral gipoglikemik vositalar, varfarin hosilalari ta'sirini kuchaytiradi (protrombin vaqti uzayishi, qon ketish).

Keksa yoshdagi bemorlarda siydik haydovchi vositalar (xususan, tiazid diuretiklar) bilan kombinatsiyada trombotsitopeniya rivojlanish xavfi ortadi.

Siklosporin bilan bir vaqtda qo'llash qonda uning konsentratsiyasini kamaytiradi.

Preparatni tomir ichiga bikarbonatlar saqlovchi dori preparatlari va eritmalar bilan kombinatsiyada yubormaslik kerak.

Biseptol quyidagi preparatlar bilan farmatsevtik jihatdan mutanosib: v/i infuziya uchun dekstroza 5%, v/i infuziya uchun natriy xlorid 0.9%, v/i infuziya uchun 0.18% natriy xlorid va 4% dekstroza aralashmasi, 5% dekstrozadagi yoki fiziologik eritmadagi v/i infuziya uchun 6% dekstran 70, 5% dekstrozadagi yoki fiziologik eritmadagi v/i infuziya uchun 10% dekstran 40, in'ektsiya uchun Ringer eritmasi.