Fobos kapsuli 50mg N7

Bir kapsula quyidagilarni saqlaydi:

faol modda: flukonazol 50 mg, 150 mg va 200 mg;

yordamchi moddalar: laktoza monogidrata, makkajo'xori kraxmali, suvsiz kolloid, kremniy dioksidi, magniy stearati, natriy laurilsulfati;

bo'sh kapsula tarkibi:

(50 mg dozalash uchun): jelatin, patentlangan ko'k V (E131), xinolin sariq (E140),

temir (III) oksid qizil (E172), titan dioksidi (E171), temir (III) oksid sariq (E172).

(150 mg va 200 mg dozalash uchun): jelatin, titan dioksidi (E171).

7 ta kapsuladan (50 mg va 200 mg dozalar uchun) yoki 1 dona kapsula (150 dozalar uchun) polivinilxlorid/polivinilidenxlorid plyonkali va alyumin folgali o'ramda.

1 ta konturli o'ramda davlat va rus tillaridagi tibbiyotda qo'llanilishiga doir yo'riqnomasi bilan birga o'ram karton qutiga joylanadi.

Flukonazol zamburug'larga qarshi triazol vosita hisoblanadi. Asosiy ta'sir mexanizmi – zamburug'larda ergosterol biosintezining eng muhim bosqichi hisoblangan 14 - alfa-lanosterol demetillashuvi reaktsiyasining susaytirishi hisoblanadi. 14 - alfa-lanosterolning to'planishi zamburug'larning hujayra membranasi tarkibiga kiruvchi ergosterolning yo'qotilishiga olib keladi; bu jarayon flukonazolni zamburug'larga qarshi ta'siri asosida yotadi.

28 kun davomida 50 mg dozada flukonazolni qabul qilish erkaklarda testosteron darajasiga va fertil yoshdagi ayollarda steroidni kontsentrasiyasiga ta'sir qilmagan. Sutkasiga 200 mg dan 400 mg gacha dozada flukonazol sog'lom erkaklarda endogen steroidlarning darajasiga ta'sir etmagan.

  Flukonazolning farmakokinetik xususiyatlari tomir ichiga yuborilganda yoki ichga qabul qilgan bilan o'xshashdir.

So'rilishi

Me'da-ichak yo'lida yaxshi so'riladi (ovqat so'rilish tezligiga ta'sir etmaydi), Biokiraolishligi 90% ni tashkil qiladi. Och qoringa 150 mg doza ichga qabul qilinganga maksimal kontsentrasiyasiga (Smax) erishish vaqti 0,5-1,5 soatni tashkil qiladi. Muvozanatli kontsentrasiyaga davolashning 4-5 kunlarida erishadi.

Taqsimlanishi: oqsillar bilan bog'lanish darajasi 11-12%. Organizmning barcha suyuqliklariga yaxshi kirib boradi. Qin sekretidagi doimiy qiymatlarga ichga qabul qilgandan 8 soat o'tib erishiladi va kamida 24 soat shu darajada qoladi. Zamburug'li meningitda orqa miya suyukligida kontsentrasiyasi plazmadagi shunday kontsentrasiyaning 80% ni tashkil qiladi. Ter suyuqligida, epidermisda va terining muguz qatlamida zardobdagiga nisbatan yuqori kontsentrasiyani tashkil qiladi. Flukonazol CYP2C9 va CYP3A4 izofermentlarning selektiv ingibitori hisoblanadi, shuningdek u, CYP2C19 izofermentining ingibitori hamdr.

Organizmdan chiqarilishi: yarim chiqarilish davri (T1/2) – 30 soatga teng. Asosan buyraklar orqali, 80% o'zgarmagan holda chiqariladi. Flukonazol gemodializ orqali va oz miqdorda peritoneal dializ orqali chiqariladi.

Buyrak etishmovchiligida farmakokinetika: og'ir buyrak etishmovchiligi bo'lgan bemorlarda (SKF <20 ml / min) yarim chiqarilish davri 30 soatdan 98 soatgacha uzayadi, demak, dozani kamaytirish talab etilmaydi.

Tez-tez (≥1/100 dan ≤1/10 gacha):

- bosh og'rig'i, ko'ngil aynishi, qusish, qorinda og'riq, ich ketishi, ishqoriy fosfataza darajasi, aminotransferaz (Alt va ast) larning zardob darajasini ortishi.

Tez-tezemas (≥1/1,000 dan ≤1/100 gacha): 

- uyqusizlik, uyquchanlik, tirishish, bosh aylanishi, paresteziya, mialgiya, charchoqlik, lanjlik, holsizlik, isitma

- dispepsiya, qabziyat, meteorizm, og'izni qurushi, ishtaha pasayishi, ta'm bilishni o'zgarishi

- xolestaz, sariqlik, bilirubin darajasining oshishi, anemiya

- qichishish, doridan toshma (shu jumladan, turg'un dorilarga xos toshma), toksidermiya, eshakemi, ko'p terlash.

Kam hollarda (≥1/10,000 dan ≤1/1,000 gacha):

- agranulositoz, leykopeniya, neytropeniya, trombositopeniya

- taxikardiya, yurak qorinchalari titrashi, QT intervalining uzayishi, tremor

- gepatotoksiklik, jumladan, o'lim bilan yakunlanuvchi holatlar, jigar etishmovchiligi, gepatosellyulyar nekroz, gepatit, gepatosellyulyar buzilishlar, gipertrigliseridemiya, giperxolesterinemiya, gipokaliemiya

- anafilaksiya, toksik epidermal nekroliz, Stivens-Djonson sindromi, o'tkir umumlashgan ekzantematoz pustulez, eksfoliativ dermatit, angionevrotik shish, yuzning shishi, alopesiya.

Uchrash tezligi noma'lum:

- eozinofiliyali doridan kelib chiqqan o'ta yuqori sezuvchanlik sindromi.

Kepaksimon temiratki, boshqa lokalizasiyali kriptokokkoz, chuqur endemik mikozlar (parakoktsidiomikoz, limfositozning teri shakli, sporotrixoz va gistoplazmoz): samaradorligi past, bu kasalliklarda qo'llash tavsiya etilmaydi. 

Buyrak tizimi: buyraklar funktsiyasi buzilganda, Fobos ehtiyotkorlik bilan tayinlanadi.

Gepatobiliar tizim: jigar funktsiyasi buzilgan pasientlarga ehtiyotkorlik bilan buyuriladi (jiddiy, jigar zaharlanishining xavfi tufayli hatto o'lim bilan tugashi mumkin). 

Yurak-qon-tomir tizimi: EKG da QT intervali, ayniqsa, yurakning organik kasalliklarida, elektrolit balansi buzilganda uzayishi mumkin, shu sababli kator preparatlarni (jumladan, galofantrinni) bir vaqtda qabul kilish mumkin emas. 

Dermatologik reaktsiyalar: og'ir eksfoliativ teri reaktsiyalari, ayniqsa, OITSga chalingan pasientlarda ro'y berishi mumkin. Kam holatlarda shuningdek, anafilaksiya rivojlangani to'g'risida ham xabar berilgan.

Terfenadin: terfenadin bilan birga qo'llaganda sinchkov nazorat qilish talab etiladi.

Homiladorlik va emizish davri

Qo'llash mumkin emas, chunki o'z-o'zidan abort va homila rivojida nuqsonlar xavfi ortadi, flukonazol ko'krak suti bilan ajraladi (kontsentrasiyasi qon plazmasidagi kontsentrasiyaga o'xshash). 

Dori vositasini transport vositasini yoki ehtimoliy xavli mexanizmlarni boshqarishga ta'siri

Bosh aylanishi yoki tomir tortishi yuzaga kelishi ehtimoli tufayli ehtiyotkorlikkka rioya qilish kerak.

Fobos kattalarda quyidagi kasalliklarda:

- kriptokokkli meningit;

- koktsidioidomikoz;

- invaziv kandidoz;

- shilliq qavatlar kandidozi, jumladan, orofaringeal kandidoz, qizilo'ngach kandidozi, kandiduriya va teri va shilliq qavatlarning surunkali kandidozi;

- og'iz bo'shlig'ining surunkali atrofik kandidozi (tish protezlarini taqib yurish bilan bog'liq);

- o'tkir yoki takrorlanuvchi qin kandidozi, kandidozli balanit (mahalliy davolashni qo'llab bo'lmaganda);

- dermatomikozlar, jumladan, oyoq kafti, tana, chov qismi dermatofitiyalari, kepaksimon (rang-barang) temiratki va tirnoqlar dermatofitiyasidagi (onixomikoz) terining kandidozli infektsiyalarini boshqa preparatlar bilan davolash imkoni bo'lmaganda qo'llaniladi.

Fobos kattalarda quyidagi kasalliklarni profilaktikasi uchun buyuriladi:

- kriptokokkli infektsiyaning qaytalanishi;

- OITS ga chalingandarda orofaringeal yoki qizilo'ngach kandidozining qaytalanishi;

- qin kandidozining qaytalash tezligini kamaytirish uchun;

- davomli neytropeniya bilan xastalangan pasentlarda kandidozni profilaktikasi uchun (o'zak hujayralari ko'chirib o'tkazilganidan so'ng kimyoterapiya olayotgan gemoblastozli pasientlar).

flukonazolga, boshqa azol birikmalarga va preparatni boshqa komponentlariga nisbatan o'ta yuqori sezuvchanlik

- Fobos preparatini sutkasiga 400 mg va yuqori dozada ko'p marta qo'llagandan so'ng bir vaqtning o'zida terfenadin qabul qilish

- QT interval uzaytiruvchi va CYP3A4 yordamida metabolizasyailanuvchi preparatlarni (tsizaprid, astemizol, pimozid, xinidin, amiodaron va eritromisin) bir vaqtda qo'llanishi 

- galaktozani nasliy o'zlashtira olmaslik, laktozaning etishmovchiligi yoki glyukoza-galaktozali malabsorbtsiyasi

- homiladorlik va emizish davri 

- bolalik va 18 yoshgacha o'smirlik davrida qo'llash mumkin emas.

Quyidagi dori preparatlari bilan bir vaqtda qo'llash mumkin emas

Amiodaron: amiodaron metabolizmi sekinlashadi, bu esa QT interval uzayishiga olib keladi.

Tsizaprid: plazmada tsizaprid kontsentrasiyasi ortadi, QT interval uzayadi.

Terfenadin astemizol, pimozid, xinidin: QTc interval uzayishi tufayli jiddiy aritmiya rivojlanishi mumkin.

Eritromisin: kardiotoksiklik xavfi ortadi (yurak to'xtab qolishi mumkin). 

Quyidagi dori preparatlari bilan qo'llash tavsiya etilmaydi

Galofantrin: kardiotoksiklik xavfi (QT interval uzayishi, yurak qorinchalarining titrashi) va natijada yurak to'xtashi sababli kutilmagan o'lim yuz berishi mumkin. 

Ehtiyot choralariga rioya etilishini va/yoki Fobos preparati dozasiga tuzatish kiritish talab qiladigan dori preparatlarini bir vaqtning o'zida qo'llanishi

Gidroxlorotiazid: flukonazolning plazmadagi kontsentrasiyasi 40 % ortadi.

Rifampisin: flukonazolning AUC 25% ga va yarim chiqarilish davri 20 % pasayadi, Fobos preparati dozasini oshirish talab etilishi mumkin. 

Flukonazolning boshqa dori vositalariga ta'siri

Flukonazol tsitoxrom P450 (CYP) 2C9 izofermentining kuchli ingibitori va CYP3A4 va CYP2C19 larning mu'tadil ingibitori hisoblanadi, flukonazolning ferment tizimlariga ta'siri uni qabul qilish to'xtatilgandan so'ng 4-5 kun mobaynida saqlanib qoladi. 

Alfentanil: yarim chiqarilish davri ortadi, dozaga tuzatish kiritish talab etiladi. 

Amitriptilin, nortriptilin: ta'siri kuchayadi, dozaga tuzatish kiritish talab etiladi. 

Amfoterisin B: ta'sirining o'zaro kuchayishi yoxud antagonizm ro'y berishi mumkin.

Antikoagulyantlar: varfarin qo'llanganda protrombin vaqti 12% ga uzayadi, qon ketishi mumkin, kon ivishini nazorat qilish (hamda varfarin dozasiga tuzatish kiritish) zarur bo'ladi. 

Qisqa ta'sir etuvchi benzodiazepinlar (midazolam, triazolam): psixomotor ta'sirlar rivojlanishi tufayli ularning kontsentrasiyasi sezilarli darajada ortadi, shu sababli ularning dozasini kamaytirish lozim.

Karbamazepin: karbamazepin metabolizmi susayadi va kontsentrasiyasi oshadi.

Kaltsiyli kanallarning blokatorlari: ularning tizimli ta'siri, toksik xavfi ortadi.

Tselekoksib: tselekoksibning Cmax oshadi, dozani 2 marta kamaytirish zarur. 

Tsiklofosfamid: qon zardobida bilirubin va kreatinin darajasi ortadi. 

Fentanil: fentanil chiqarilishi sekinlashadi, bu esa nafas olishni qiyinlashtirishi mumkin.

Gidroksimetilglutaril-koferment A-reduktaza (GMG-KoA-reduktaza) ingibitorlari: atorvastatin, simvastatin bir paytda qo'llangan holatda kreatinkinaza darajasi oshadi, bu esa miopatiya va rabdomioliz rivojlanishining xavfi ortishidan dalolat beradi.

Immunodepressantlar (Tsiklosporin, everolimus, sirolimus va takrolimus va boshkalar

Tsiklosporin: flukonazol Tsiklosporin kontsentrasisini oshiradi. 

Everolimus, sirolimus, takrolimus: ularni kontsentrasiyasi ortishi mumkin, dozaga tuzatish kiritish talab etilishi mumkin.

Lozartan: lozartan metabolizmi susayadi, qon bosimini nazorat qilish zarur. 

Metadon: kon zardobida metadon kontsentrasiyasini oshiradi. 

Nosteroid yallig'lanishga qarshi vositalar: ularning tizimli ta'siri kuchayadi.

Fenitoin: fenitoinning jigar metabolizmi susayadi, yuqori tokisiklik xavfi. 

Prednizolon: flukonazol va prednizolon bilan uzoq muddat davolashda buyrak usti bezi funktsiyasini nazorat qilish zarur bo'ladi (buyrak usti etishmovchigini rivojlanish xavfi).

Rifabutin: uveit rivojlanib, rifabutin darajasini oshishi.

Sakvinavir: metabolizmini susayishi, dozaga tuzatish kiritish talab etilishi mumkin. 

Sulfonilmochevina: chiqarilishi sekinlashadi, qondagi glyukoza darajasini nazorat qilish talab etiladi. 

Teofillin: teofillin klirens pasayadi, toksik ta'sir xavfi. 

Azitromisin: farmakokinetik ta'siri aniqlanmagan.

Alkaloid Barvink darajasining oshish ehtimoli, neyrotoksiklik xavfi.

Vorikonazol, zidovudin: ularning kontsentrasiyasi oshadi, monitoring qilish zarur. 

Peroral kontratseptvlar: flukonazolning gormonlar darajasiga ta'siri qayd etilmagan.

Ivakaftor: ivakaftorning dozasi kuniga bir marta 150 mg gacha kamaytirish kerak.

Tofasitinib: uning ta'siri ortadi.

2-ulchamdagi, bir tekis, qattiq, to'q-yashil rangli, bir jinsli, oq kukun to'ldirilgan jelatin kapsulalar. (50 mg dozalash uchun).

1-ulchamdagi, bir tekis, qattiq, oq rangli, bir jinsli, oq kukun to'ldirilgan jelatin kapsulalar. (150 mg dozalash uchun).

0-ulchamdagi, bir tekis, qattiq, oq rangli, bir jinsli, oqdan deyarli oq ranggacha kukun to'ldirilgan jelatin kapsulalar (200 mg dozalash uchun)

Fobos preparati kattalarda qo'llanadi. Kapsulalarni ovqatdan qat'i nazar (butunligicha) ichga qabul qilinadi. Davolash muddatining etarli bo'lmasligi kasallikni qaytalashiga sabab bo'lishi mumkin.

Kattalar

Kriptokokkoz:

Kriptokokkli meningitni davolash - yuklama doza: 1-chi kunda 400 mg. 

Keyingi kunlarda: kuniga 200-400 mg dan.

Davolash davomiyligi: odatda 6 - 8 hafta. Hayotga xavf soluvchi kasalliklarda sutkalik dozani 800 mg gacha oshirish mumkin

Kriptokokkli meningitni qaytalash xavfi bo'lganda tutib turuvchi davolash - kuniga 200 mg dan. 

Davolash davomiyligi: davomli, sutkalik doza 200 mg.

Koktsidioido-mikoz - kuniga 200 - 400 mg dan.

Davolash davomiyligi: pasientning holatiga qarab, 11-24 oy, meningitni davolash uchun kuniga 800 mg gacha dozalar buyurilishi mumkin.

Invaziv kandidoz - yuklama doza: 1-chi kunda 800 mg. Keyingi kunlarda: kuniga 400 mg dan. 

Davolash davomiyligi: kandidemiyada terapiyaning tavsiya qilingan davomiyligi – kandidemiyaning belgi va alomatlari yo'qolishi, qon ekilganda birinchi salbiy natija olingandan so'ng 2 hafta davomida.

Shilliq qavatlar kandidozini davolash:

Orofaringeal kandidoz - yuklama doza: 1-chi kunda 200 mg -400 mg. Keyingi kunlarda har kuni 100 - 200 mg dan. 

Davolash davomiyligi: 7 kundan 21 kungacha (og'iz-xalqum kandidozi chekinguncha). Immuniteti susaygan pasientlarda yanada uzoq.

Qizilo'ngach kandidozi - yuklama doza: 1-chi kunda 200 - 400 mg. Keyingi kunlarda: kuniga 100 - 200 mg dan.

Davolash davomiyligi: 14 kundan 30 kungacha (qizilo'ngach kandidozi chekinguncha).

Kandiduriya - kuniga 200 - 400 mg dan. 

Davolash davomiyligi: 7 kundan 21 kungacha.

Surunkali atrofik kandidoz - kuniga 50 mg. 

Davolash davomiyligi: 14 kun. 

Teri va shilliq qavatlarning surunkali kandidozi - kuniga 50 -100 mg dan.

Davolash davomiyligi: 28 kungacha. Davolashning davomiyligi kasallikning og'irligiga bog'liq.

OITSga chalingan pasientlarda shilliq qavatlar kandidozi qaytalashini oldini olish: 

Orofaringeal kandidoz - kuniga 100 -200 mg dan yoki haftasiga 3 marta 200 mg dan. 

Davolash davomiyligi: surunkali immunitet tanqisligida davolash davomiyligini davolovchi shifokor belgilaydi.

Qizilo'ngach kandidozi - kuniga 100 -200 mg dan yoki haftasiga 3 marta 200 mg dan. 

Davolash davomiyligi: surunkali immunitet tanqisligida davolash davomiyligini davolovchi shifokor belgilaydi.

Jinsiy a'zolar kandidozi:

O'tkir qin kandidozi. Kandidozli balanit - 150 mg. 

Davolash davomiyligi: bir martalik doza. 

Qaytalovchi qin kandidozni davolash va profilaktika qilish (yilda 4 va ko'prok marta qaytalaganda) - har uchinchi kunda 150 mg dan, jami 3 doza (1, 4 va 7 kunlar), so'ng haftasiga bir marta 150 mg dan tutib-turuvchi doza. 

Davolash davomiyligi: ichish davomiyligi: 6 oy.

Dermatomikoz: 

Oyoq kafti (atlet kafti), silliq teri, chov qismi dermatomikoz. Kandidozli infektsiya - haftasiga bir marta 150 mg dan yoki kuniga bir marta 50 mg dan.

Davolash davomiyligi: 2 haftadan 4 haftagacha, atlet oyoq kaftini davolash uchun 6 haftagacha vaqt talab etilishi mumkin.

Kepaksimon (rang-barang) temiratki - haftasiga bir marta 300-400 mg dan. Davolash davomiligi 1-3 hafta.

yoki kuniga bir marta 50 mg dan, 2 haftadan 4 haftagacha.

Tirnoqlar dermatomikozi (onixomikoz) - haftasiga bir marta 150 mg dan. 

Davolash davomiyligi: kasallangan tirnoq o'rniga to'liq sog'lomi o'sib chiqquncha davolashni davom ettirish kerak (odatda 3-6 oy, oyoq tirnoqlari uchun 6-12 oy talab etiladi). 

Davomli neytropeniyali pasientlarda kandidozli infektsiyalarning oldini olish - 200 - 400 mg. 

Davolash davomiyligi: davolashni taxmin qilinadigan neytropeniyadan bir necha kun avval boshlab, 7 kun davomida davom ettirish kerak (ularning miqdori 1 mm3 ga 1000 hujayragacha etguncha).

Keksa yoshdagi pasientlar:

Dozalash buyrak funktsiyasiga qarab muvofiqlash kerak ("buyrak etishmovchiligi" bo'limiga qarang).

Buyrak etishmovchiligi: Fobos preparatini ko'p marta qo'llash zarur bo'lganda boshlang'ich 50-400 mg doza tanlanadi. Davomli qo'llaganda dozani kreatinin klirensi bo'yicha dozaga tuzatish kiritishimkoni bor (>50 – dozaning 100%, ≤50 va dializsiz – dozaning 50%, muntazam dializ o'tkazilganda – har bir dializ muolajasidan so'ng tavsiya etilgan dozaning 100%). 

Jigar etishmovchiligi: Fobos preparati ehtiyotkorlik bilan qo'llanadi, chunki ushbu toifadagi pasientlarning flyukanazoldan foydalanish to'g'risidagi ma'lumot etarli emas.

Bolalar

Bolalardagi maksimal 400 mg sutkalik doza oshmasligi kerak.

Kattalarda kabi infektsiyalar bo'lganida, davolash davomiyligi klinik va mikologik javobga bog'liq. Fobos sutkada 1 marta qo'llaniladi.

Buyraklar funktsiyasi buzilgan bolalar uchun, preparatning dozasi "buyrak etishmovchiligi" bo'limiga qarang. Buyrak etishmovchiligi bo'lgan bolalarda flyukanazol farmakokinetikasi o'rganilmagan ("muddatida tug'ilgan chaqaloqlar" uchun, buyrak etilmagan yoki (yaxshi rivojlanmagan) "muddatida tug'ilgan chaqaloqlar" bo'limiga qarang).

Yangi tug'ilgan chaqaloqlar, endi yuradigan bolalar va bolalar (28 kundan 11 yoshgacha):

* Shilliq pardalar kandidozlari: boshlang'ich doza - 6mg/kg.

Samarani bir maromda tutib turuvchi doza sutkasiga – 3 mg/kg (boshlang'ich dozani muvozanat kontsentrasiyasiga tezroq erishish uchun 1 - kunda qo'llash mumkin).

*Invaziv kandidozlar; Kriptokokkli meningit: sutkada 6-12 mg/kg (kasallikni og'irlik darajasiga qarab).

* Rivojlanish xavfi yuqori bo'lgan bolalarda kriptokokkal meningitning takrorlanishini oldini olish uchun tutib turuvchi doza sutkada: 6 mg/kg (kasallikni og'irlik darajasiga qarab).

*Immunitet tanqisligi bo'lgan pasientlarda kandidozni profilaktikasi uchun: sutkada 3-12 mg/kg (ta'sir qilingan neytropeniya darajasi va davomiyligiga qarab (kattalar uchun dozalarga karang))

O'smirlar (12 dan 17 yoshgacha):

Tana vazni va jinsiy rivojlanishga bog'liq ravishda shifokor qaysi dozani (kattalar yoki bolalar uchun) pasient uchun maqbulini baxolashi kerak. Klinik ma'lumotlarga ko'ra, bolalarda, flyukonazolni klirensi kattalarnikiga qaraganda ancha yuqori. Katta yoshdagi 100, 200 va 400 mg dozalarda va bolalarda 3, 6 va 12 mg/kg dozalarda solishtirma sistema ta'siriga erishishga olib keladi.

Muddatida tug'ilgan chaqaloqlar (0 dan 27 kungacha):

Yangi tug'ilgan chaqaloqlarda flyukonazol asta-sekin chiqaraladi.

To'liq muddatli chaqaloqlar uchun dozalarni qo'llashda farmakokinetik ma'lumotlar kam:

Muddatida tug'ilgan chaqaloqlar (0 dan 14 kungacha): yangi tug'ilgan chaqaloqlar, yurish boshlagan bolalar va bolalar xar 72 soatda bolalar uchun mg/kg da bir xil doza.

Tavsiyalar: xar 72 soatda maksimal 12 mg/kg dozani oshirmang.

Muddatida tug'ilgan chaqaloqlar (5 dan 27 kungacha): yangi tug'ilgan chaqaloqlar, yurish boshlagan bolalar va bolalar xar 48 soatda bolalar uchun mg/kg miqdorida bir xil doza.

Tavsiyalar: xar 48 soatda maksimal 12 mg/kg dozani oshirmang.

Simptomlar: galyusinasiyalar, paranoiidal xulq.

Davolash: me'dani yuvish, jadal siydik haydash, simptomatik davo. Davomiyligi 3 soat bo'lgan gemodializ muolajasi plazmadagi kontsentrasiyasini taxminan 50%ga pasaytiradi.