IBUPROFEN 50,0 gel 5%
IBUPROFEN 50,0 gel 5% haqida qo'llanma
Farmakokinetikasi
Preparat faqat mahalliy qo'llash uchun ishlatiladi. Teriga surtilganda 24 soatdan keyin epidermis va dermada aniqlanadi va ichga qabul qilingandagi preparat konsentratsiyasining taxminan 5% ini tashkil qiladi. Terapevtik konsentratsiyaga mahalliy ravishda erishiladi, tizimli so'rilish sodir bo'lmaydi.
Farmakologik ta'siri
Og'riq qoldiruvchi Yallig'lanishga qarshi
Nojo'ya samaralari
O‘ta yuqori sezuvchanlik reaksiyalari: nospetsifik allergik reaksiyalar va anafilaktik reaksiyalar, nafas yo‘llari tomonidan reaksiyalar: astma (shu jumladan, uning kuchayishi), bronxospazm, hansirash, Kvinke shishi, gel surtilgan joyda teri reaksiyalari: eshakemi, toshma, teri giperemiyasi, achishish yoki sanchish hissi. Me'da-ichak yo‘llari tomonidan buzilishlar, tasodifan ichga qabul qilinganda: qorinda og‘riqlar, dispepsiya.
Uzoq vaqt qo‘llanilganda NYQPning tizimli nojo‘ya ta'sirlari rivojlanishi mumkin. Nojo‘ya ta'sirlar paydo bo‘lganda preparatni qabul qilishni to‘xtatish va shifokorga murojaat qilish kerak.
Maxsus ko‘rsatmalari
Preparat qo'llanilgandan so'ng qo'llarni yaxshilab yuvish kerak.
Gelni ko'zga va lablarga tushishidan saqlanish kerak. Gelni terining shikastlangan joylariga, shuningdek ko'z va lablar atrofiga surtish mumkin emas.
Okklyuzion (germetik) tibbiy bog'lam bilan birgalikda qo'llanilmasin.
Quyosh nurlarining davolash sohasiga haddan tashqari tushishidan saqlanish kerak.
Avtotransportni boshqarish va mexanizmlar bilan ishlash qobiliyatiga ta'siri
Ibuprofen gelini qo'llash yuqori diqqatni, harakatlar koordinatsiyasini, psixik va jismoniy (sh.j. transport haydovchilarida, mashinalarga xizmat ko'rsatuvchi shaxslarda) reaksiyalarning yuqori tezligini talab qiluvchi faoliyatga ta'sir ko'rsatmaydi.
Qo'llanilishi mumkin bo'lmagan holatlar
•ibuprofenga yoki preparatning boshqa komponentlariga, atsetilsalitsil kislotasi yoki boshqa NYaQVlarga gipersezuvchanlik;
•bronxial astma, burun va burun yondosh bo'shliqlari polipozining qaytalanishi va atsetilsalitsil kislotasi yoki boshqa NYaQVlarga toqat qilolmaslikning to'liq yoki to'liq bo'lmagan kombinatsiyasi (shu jumladan anamnezda);
•preparat suriladigan joyda teri qoplamalari butunligining buzilishi (shu jumladan, infeksiyalangan shilinishlar va yaralar, namlanuvchi dermatozlar, ekzema)
•12 yoshgacha bo'lgan bolalar;
•homiladorlik III trimestr.
Ehtiyotkorlik bilan
Yondosh jigar yoki buyrak, me'da-ichak trakti kasalliklarida; bronxial astma, eshakemi, rinit, burun bo'shlig'i shilliq qavati poliplarida, homiladorlik va emizish davrida preparat ehtiyotkorlik bilan qo'llaniladi.
Homiladorlik va emizish davrida qo'llanilishi
Homiladorlikda (I-II trimestrlar) va emizish davrida preparat ehtiyotkorlik bilan tayinlanadi. Homiladorlikning kechki muddatlarida (III trimestr) preparatni qo'llash mumkin emas.
Dori vositalarining o'zaro ta'siri
Ibuprofen preparatining gel shaklidagi dori vositalari bilan o'zaro ta'siri hozirgi vaqtga qadar ta'riflanmagan. Biroq, hatto sirtga qo'llanilganda ham ibuprofen tizimli ta'sir ko'rsatishi mumkin, demak, nazariy jihatdan, gelni boshqa NYQPV bilan bir vaqtda ishlatish nojo'ya hodisalarning kuchayishiga olib kelishi mumkin.
Dozirovkasi
Preparat kattalar va 12 yoshdan katta bolalarga buyuriladi.
4-10 sm preparat (50 - 125 mg ibuprofenga ekvivalent) zararlanish sohasi ustidagi teriga surtiladi va to'liq singib ketguncha ehtiyotkorlik bilan ishqalanadi. Takroriy qo'llash 4 soatdan keyin, 24 soat ichida 4 martadan ko'p bo'lmagan holda mumkin.
Agar simptomlar saqlanib qolsa yoki kuchaysa yoki 2 hafta qo'llagandan keyin yaxshilanish kuzatilmasa, davolashni to'xtatish va shifokorga murojaat qilish kerak.
qo'llash, davolashni to'xtatish va shifokorga murojaat qilish kerak.
Qo'llashdan keyin qo'llarni yaxshilab yuvish kerak.
Ko'rsatilgan dozadan oshirmaslik kerak.
Minimal samarali dozalarda minimal qisqa kurs bilan qo'llash kerak.Dozani oshirib yuborishSirtqi qo'llashda dozani oshirib yuborish ko'rinishlari aniqlanmagan.
Agar preparat tasodifan ichishga qabul qilingan bo'lsa, me'dani yuvish (faqat qabul qilingandan keyingi bir soat ichida), faollashtirilgan ko'mir, ishqoriy ichimlik, jadallashtirilgan diurez, simptomatik terapiya tavsiya etiladi.
IBUPROFEN 50,0 gel 5% o'xshash dorilari
IBUPROFEN 50,0 gel 5% xususiyatlari
Ibuprofen boshqa chiqarish shakllari
IBUPROFEN 50,0 gel 5% analoglari
