KETOPROFEN 0,05/ML eritma 2ml N10
KETOPROFEN 0,05/ML eritma 2ml N10 haqida qo'llanma
Farmakokinetikasi
Biokiraolishligi - 90 % dan ortiq. Plazma oqsillari bilan bog'lanishi - 99 %. Parenteral yuborilganda maksimal konsentratsiyaga erishish vaqti (TCmax) - 15-30 daqiqa. Sinovial suyuqlikda terapevtik konsentratsiya 6-8 soat saqlanib turadi. Gematoensefalik to'siq (GET) orqali sezilarli miqdorda o'tmaydi. Jigarda glyukuronlanish yo'li bilan deyarli to'liq metabolizmga uchraydi, jigar orqali "birinchi o'tish" effektiga ega. Asosan buyraklar orqali chiqariladi. To'planmaydi (kumulyatsiya bo'lmaydi).
Farmakologik ta'siri
Og'riq qoldiruvchi Yallig'lanishga qarshi
Nojo'ya samaralari
Ovqat hazm qilish tizimi tomonidan: NYQP-gastropatiya, qorinda og‘riq, dispepsiya (ko‘ngil aynishi, qusish, jig‘ildon qaynashi, meteorizm, ishtahaning pasayishi, diareya), stomatit, jigar funktsiyasining buzilishi; me'da-ichak yo‘llari shilliq qavatining yaralanishi, milkdan, me'da-ichakdan, gemorroidal qon ketishi; ta'm bilishning o‘zgarishi.
Nerv tizimi tomonidan: bosh og‘rig‘i, bosh aylanishi, uyqusizlik, qo‘zg‘alish, asabiylik, uyquchanlik, depressiya, asteniya, ongning chalkashishi yoki yo‘qolishi, unutuvchanlik, migren, periferik nevropatiya.
Sezgi a'zolari tomonidan: quloqlarda shovqin yoki jaranglash, ko‘rish o‘tkirligining xiralashishi, kon'yunktivit, ko‘z shilliq qavatining qurishi, ko‘zlarda og‘riq, kon'yunktiva giperemiyasi, eshitishning pasayishi, vertigo.
Yurak-qon tomir tizimi tomonidan: qon bosimining oshishi, taxikardiya.
Qon yaratish a'zolari tomonidan: agranulotsitoz, anemiya, gemolitik anemiya, trombositopeniya, leykopeniya.
Siydik chiqarish tizimi tomonidan: shish sindromi, tsistit, uretrit, buyrak funktsiyasining buzilishi, interstitsial nefrit, nefrotik sindrom, gematuriya.
Allergik reaksiyalar: teri toshmasi (sh.j. eritematoz, eshakemi), teri qichishishi, rinit, angionevrotik shish, bronxospazm, eksfoliativ dermatit, anafilaktik shok.
Boshqalar: ko‘p terlash, qon tupurish, burun qonashi, mialgiya, mushaklarning tortishishi, hansirash, chanqoq, fotosensibilizatsiya, yuqori dozalarda uzoq vaqt qo‘llanilganda - vaginal qon ketishi.
Maxsus ko‘rsatmalari
Davolash vaqtida periferik qon manzarasi va jigar hamda buyraklarning funktsional holatini nazorat qilish zarur.
17-ketosteroidlarni aniqlash zarurati bo'lganda preparatni tekshiruvdan 48 soat oldin bekor qilish kerak.
Ketoprofenni qabul qilish infektsion kasallik belgilarini niqoblashi mumkin.
Buyrak va jigar funktsiyasi buzilganda dozani kamaytirish va sinchkovlik bilan kuzatish zarur.
Oshqozon-ichak trakti tomonidan noxush ko'rinishlar rivojlanishi xavfini kamaytirish uchun minimal samarali dozani imkon qadar qisqa kurs bilan ishlatish kerak.
Davolash davrida transport vositalarini boshqarishda va diqqatni yuqori jamlashni hamda psixomotor reaktsiyalar tezligini talab qiluvchi boshqa potentsial xavfli faoliyat turlari bilan shug'ullanishda ehtiyotkorlikka rioya qilish zarur
Qo'llanilishi mumkin bo'lmagan holatlar
Gipersezuvchanlik (shu jumladan boshqa NYaQVlarga), bronxial astma, burun polinozining qaytalanishi va burun yondosh bo'shliqlari va atsetilsalitsil kislotasi yoki boshqa NYaQVlarga toqat qilolmaslikning to'liq yoki to'liq bo'lmagan kombinatsiyasi (shu jumladan anamnezda), me'da va 12-barmoqli ichak yara kasalligi (zo'rayish), yarali kolit (zo'rayish), divertikulit, peptik yara, gemofiliya va qon ivishining boshqa buzilishlari, faol me'da-ichakdan qon ketishi; og'ir buyrak yetishmovchiligi (KK minutiga 30 ml dan kam), buyrakning progressiv kasalliklari, og'ir jigar yetishmovchiligi yoki faol jigar kasalligi, aortokoronar shuntlash o'tkazilgandan keyingi holat, tasdiqlangan giperkaliemiya, ichakning yallig'lanish kasalliklari, bolalar yoshi (18 yoshgacha), homiladorlik (III trimestr), laktatsiya davri.
Dori vositalarining o'zaro ta'siri
Tramadol eritmasi bilan farmatsevtik jihatdan nomutanosib. Urikozurik dori vositalari (DV) samaradorligini pasaytiradi, antikoagulyantlar, antiagregantlar, fibrinolitiklar, etanol ta'sirini, glyukokortikosteroidlar va mineralokortikosteroidlar, estrogenlarning nojo'ya ta'sirini kuchaytiradi; gipotenziv DV va diuretiklar samaradorligini pasaytiradi. Boshqa NYQPV, glyukokortikosteroidlar, etanol, kortikotropin bilan birgalikda qo'llash yaralar hosil bo'lishi va oshqozon-ichakdan qon ketish rivojlanishiga, buyrak funktsiyalari buzilishi rivojlanish xavfining oshishiga olib kelishi mumkin. Peroral antikoagulyantlar, geparin, trombolitiklar, antiagregantlar, tsefoperazon, tsefamandol va tsefotetan bilan bir vaqtda tayinlash qon ketish xavfini oshiradi. Insulin va peroral gipoglikemik DVlarning gipoglikemik ta'sirini oshiradi (dozani qayta hisoblash zarur). Plazmada verapamil va nifedipin, litiy (Li+) preparatlari, metotreksat kontsentratsiyasini oshiradi. Mielotoksik DVlar preparatning gematotoksikligi namoyon bo'lishini kuchaytiradi.
Dozirovkasi
Mushak ichiga (m/i) - 100 mg dan (1 ampula) kuniga 1-2 marta.
Vena ichiga (v/i) infuzion yuborish faqat stasionar sharoitida o'tkazilishi kerak.
Qisqa muddatli vena ichiga infuziya: 100-200 mg (1-2 ampula) 100 ml 0,9% natriy xlorid eritmasida eritiladi va 0,5-1 soat davomida yuboriladi; 8 soatdan keyin takroriy yuborish mumkin.
Uzoq muddatli vena ichiga infuziya: 100-200 mg (1-2 ampula) 500 ml infuzion eritmada (0,9% natriy xlorid eritmasi, Ringer eritmasi, 5% dekstroza eritmasi) eritiladi va 8 soat davomida yuboriladi; 8 soatdan keyin takroriy yuborish mumkin.
Yorug'likka sezgirligi tufayli ketoprofen infuzion eritmasi bo'lgan flakon yoki polietilen paketni to'q qog'oz yoki alyuminiy folga bilan o'rash kerak.
Maksimal sutkalik doza – 200 mg.
Ketoprofen markaziy ta'sir qiluvchi analgetiklar bilan kombinatsiyada qo'llanilishi mumkin; uni morfin bilan bitta flakonda aralashtirish mumkin.
Preparatni 2-3 kundan ortiq qabul qilmaslik kerak, zarurat bo'lganda - boshqa dori shakllarini qo'llash kerak.
KETOPROFEN 0,05/ML eritma 2ml N10 o'xshash dorilari
KETOPROFEN 0,05/ML eritma 2ml N10 xususiyatlari
Ketoprofen boshqa chiqarish shakllari
KETOPROFEN 0,05/ML eritma 2ml N10 analoglari
