LEVOFLOKSASIN tomchilar

Ko'zga tomizilgandan so'ng levofloksatsin ko'z yoshi pardasida yaxshi saqlanib qoladi. Bir martalik doza (1 tomchi) dan keyin ko'z yoshi suyuqligidagi levofloksatsin konsentratsiyasi tezda yuqori qiymatlarga yetadi va kamida 6 soat davomida ko'pchilik sezgir ko'z patogenlari uchun minimal ingibitsiya qiluvchi konsentratsiyadan (2 mkg/ml dan kam yoki teng) yuqori darajada ushlanib turadi. Sog'lom ko'ngillilarda o'tkazilgan tadqiqotlarda ko'rsatilishicha, mahalliy qo'llanilgandan 4 va 6 soat o'tgach o'lchangan ko'z yoshi pardasidagi levofloksatsinning o'rtacha konsentratsiyalari mos ravishda 17,0 mkg/ml va 6,6 mkg/ml ni tashkil qilgan. Olti nafar ko'ngillidan beshtasida tomizilgandan 4 soat o'tgach levofloksatsin konsentratsiyalari 2 mkg/ml va undan yuqorini tashkil qilgan. Olti nafar ko'ngillidan to'rttasida bu konsentratsiya tomizilgandan 6 soat o'tgach saqlanib qolgan. Qo'llanilgandan 1 soat o'tgach qon plazmasidagi levofloksatsinning o'rtacha konsentratsiyasi – 1-sutkada 0,86 ng/ml dan 2,05 ng/ml gacha. 2,25 ng/ml ga teng bo'lgan plazmadagi levofloksatsinning maksimal konsentratsiyasi preparatni ikki kun davomida har 2 soatda sutkada 8 martagacha qo'llagandan so'ng 4-sutkada aniqlangan. 15-kuni erishilgan levofloksatsinning maksimal konsentratsiyalari levofloksatsinning standart dozalari ichga qabul qilingandan so'ng qayd etiladigan konsentratsiyalardan 1000 martadan ko'proqqa past.

Levofloksatsin – bu ofloksatsin ratsemik dori substansiyasining L-izomeri. Ofloksatsinning antibakterial faolligi asosan L-izomerga tegishli. Ftorxinolonlar sinfiga mansub antibakterial preparat sifatida levofloksatsin DNK-girazani (topolizomeraza II) va topoizomeraza IV ni bloklaydi, DNK (dezoksiribonuklein kislotasi) o'ta spirallanishini va uzilishlari tikilishini buzadi, DNK sintezini bostiradi, sitoplazma, hujayra devori va membranalarida chuqur morfologik o'zgarishlarni keltirib chiqaradi.

Rezistentlik rivojlanish mexanizmi
Levofloksatsinga rezistentlik, birinchi navbatda, ikkita asosiy mexanizm bo'yicha rivojlanishi mumkin, xususan: preparatning hujayra ichidagi kontsentratsiyasining pasayishi yoki preparat ta'sir nishonlaridagi o'zgarishlar. Nishonlarning o'zgarishi – ikkita bakterial ferment DNK-giraza va topoizomeraza IV – DNK-girazani (gyrA va gyrB) va topoizomeraza IV ni (parC va parE; Staphylococcus aureus da grlA va grlB) kodlovchi xromosoma genlaridagi mutatsiyalar natijasidir. Preparatga chidamlilik past hujayra ichidagi kontsentratsiya tufayli hujayra tashqi membranasining porin kanallari tizimining o'zgarishi natijasida rivojlanadi, bu esa ftorxinolonning grammanfiy bakteriyalarga kirishining kamayishiga olib keladi yoki efflyuks nasoslaridan. Efflyuks-vositachiligidagi chidamlilik pneumococci (PmrA), staphylococci (NorA), anaerob va grammanfiy bakteriyalarga nisbatan tasvirlangan. Xinolonlarga plazmid-vositachiligidagi chidamlilik (qnr geni asosida aniqlangan) Klebsiella pneumoniae va Escherichia coli ga nisbatan aniqlangan. Ftorxinolonlar o'rtasida kesishgan rezistentlik rivojlanishi mumkin. Yagona mutatsiyalar klinik chidamlilikka olib kelmasligi mumkin, ammo ko'plab mutatsiyalar ftorxinolonlar sinfiga kiruvchi barcha preparatlarga klinik chidamlilikni keltirib chiqaradi. O'zgarishlarga uchragan tashqi membrana porinlari va efflyuks tizimlari keng substrat o'ziga xosligiga ega bo'lishi mumkin, bu bir nechta antibakterial agentlar sinflariga ta'sir qiladi va ko'p rezistentlikka olib keladi.
Grammusbat aeroblar ̶ Enterococcus faecalis, Staphylococcus aureus (metitsillinga sezgir shtammlar), Staphylococcus epidermidis (metitsillinga sezgir shtammlar), Staphylococcus saprophyticus, Streptococcus pneumoniae (shu jumladan multirezistent shtammlar ̶ MDRSP), Streptococcus pyogenes; grammanfiy aeroblar ̶ Enterobacter cloacae, Escherichia сoli, Haemophilus influenzae, Haemophilus parainfluenzae, Klebsiella pneumoniae, Legionella pneumophila, Moraxella catarrhalis, Proteus mirabilis, Pseudomonas aeruginosa, Serratia marcescens va boshqa mikroorganizmlar ̶ Сhlamydia pneumoniae, Mycoplasma pneumoniae ga nisbatan in vitro samaradorligi aniqlangan va klinik tadqiqotlarda tasdiqlangan. Quyidagi mikroorganizmlarning ko'pchilik (≥90 %) shtammlariga nisbatan in vitro sharoitda levofloksatsinning minimal bostiruvchi kontsentratsiyalari (2 mkg/ml va undan kam) aniqlangan, ammo ushbu qo'zg'atuvchilar keltirib chiqargan infektsiyalarni davolashda levofloksatsinni klinik qo'llash samaradorligi va xavfsizligi adekvat va yaxshi nazorat qilingan tadqiqotlarda aniqlanmagan: grammusbat aeroblar ̶ Staphylococcus haemolyticus, Streptococcus (C/F guruhi), Streptococcus (G guruhi), Streptococcus agalactiae, Streptococcus milleri, Streptococcus viridans; grammanfiy aeroblar ̶ Acinetobacter lwoffii, Acinetobacter baumannii, Bordetella pertussis, Citrobacter (diversus) koseri, Citrobacter freundii, Enterobacter aerogenes, Enterobacter sakazakii, Klebsiella oxytoca, Morganella morganii, Pantoea (Enterobacter) agglomerans, Proteus vulgaris, Providencia rettgeri, Providencia stuartii, Pseudomonas fluorescens; grammusbat anaeroblar ̶ Clostridium perfringens.
Sezgir mikroorganizmlar: aerob grammusbat mikroorganizmlar ̶ Corynebacterium diphtheriaе, Enterococcus spp., shu jumladan Enterococcus faecalis, Listeria monocytogenes, Staphylococcus spp. (koagulazomanfiy metitsillinga sezgir leykotoksin saqlovchi/o'rtacha sezgir shtammlar), shu jumladan Staphylococcus aureus (metitsillinga sezgir shtammlar), Staphylococcus epidermidis (metitsillinga sezgir shtammlar), C va G guruh Streptococcus spp., Streptococcus agalactiae, Streptococcus pneumoniae (penitsillinga sezgir/o'rtacha sezgir/rezistent shtammlar), Streptococcus pyogenes, viridans guruhi Streptococcus spp. (penitsillinga sezgir/rezistent shtammlar); aerob grammanfiy mikroorganizmlar ̶ Acinetobacter spp., shu jumladan Acinetobacter baumannii, Acinetobacillus actinomycetecomitans, Citrobacter freundii, Eikenella corrodens, Enterobacter spp., shu jumladan Enterobacter aerogenes, Enterobacter agglomerans, Enterobacter cloacae, Escherichia coli, Gardnerella vaginalis, Haemophilus ducreyi, Haemophilus influenzae (ampitsillinga sezgir/rezistent shtammlar), Haemophilus parainfluenzae, Helicobacter pylori, Klebsiella spp., shu jumladan Klebsiella oxytoca, Klebsiella pneumoniae, Moraxella catarrhalis (beta-laktamaza ishlab chiqaruvchi va ishlab chiqarmaydigan shtammlar), Morganella morganii, Neisseria gonorrhoeae (penitsillinaza ishlab chiqaruvchi va ishlab chiqarmaydigan shtammlar), Neisseria meningitidis, Pasteurella spp., shu jumladan Pasteurella canis, Pasteurella dagmatis, Pasteurella multocida, Proteus vulgaris, Providencia spp., shu jumladan Providencia rettgeri, Providencia stuartii, Pseudomonas spp., shu jumladan Pseudomonas aeruginosa, Serratia spp., shu jumladan Serratia marcescens, Salmonella spp.; anaerob mikroorganizmlar ̶ Bacteroides fragilis, Bifidobacterium spp., Clostridium perfringens, Fusobacterium spp., Peptostreptococcus spp., Propionibacterium spp., Veilonella spp.; boshqa mikroorganizmlar ̶ Bartonella spp., Chlamydia pneumoniae, Chlamydia psittaci, Chlamydia trachomatis, Legionella pneumophila, Legionella spp., Mycobacterium leprae, Mycobacterium tuberculosis, Mycoplasma hominis, Mycoplasma pneumoniae, Rickettsia spp., Ureaplasma urealyticum.
O'rtacha sezgir mikroorganizmlar (MBK 4 mg/l dan ortiq): aerob grammusbat mikroorganizmlar ̶ Corynebacterium urealyticum, Corynebacterium xerosis, Enterococcus faecium, Staphylococcus epidermidis (metitsillinga rezistent shtammlar), Staphylococcus haemolyticus (metitsillinga rezistent shtammlar); aerob grammanfiy mikroorganizmlar ̶ Burkhoideria cepacia, Campylobacter jejuni, Campylobacter coli; anaerob mikroorganizmlar ̶ Bacteroides thetaiotaomicron, Bacteroides vulgatus, Bacteroides ovatus, Prevotella spp., Porphyromonas spp.
Rezistent mikroorganizmlar (MBK 8 mg/ml dan ortiq): aerob grammusbat mikroorganizmlar ̶ Corynebacterium jeikeium, Staphylococcus aureus (metitsillinga rezistent shtammlar), boshqa Staphylococcus spp. (koagulazomanfiy metitsillinga rezistent shtammlar); aerob grammanfiy mikroorganizmlar ̶ Alcaligenes xylosoxidane; boshqa mikroorganizmlar ̶ Mycobacterium avium.

Levofloksatsinning in vitro faolligi ofloksatsinga qaraganda Enterobacteriaceae, Pseudomonas aeruginosa va grammusbat mikroorganizmlarga nisbatan taxminan 2 baravar yuqori.
Ko'rish organlarining xlamidiyali kasalliklarini davolashda levofloksatsinni qo'llashda yondosh terapiya o'tkazish talab etiladi.
Mikroorganizmlarning levofloksatsinga sezgirlik darajasi sezilarli geografik farqlarga ega bo'lishi mumkin.
0,5% li ko'z tomchilaridan foydalanganda erishiladigan levofloksatsinning maksimal kontsentratsiyasi sezgir mikroorganizmlar uchun minimal ingibirlash kontsentratsiyasi (MIK) qiymatidan 100 baravar oshadi.

Immun tizimi tomonidan buzilishlar:
- Kam hollarda (>1/10000, <1/1000): tizimli allergik reaksiyalar, shu jumladan teri toshmasi.
- Juda kam hollarda (<1/10000): anafilaktik shok.

Nerv tizimi tomonidan buzilishlar:
- Tez-tez emas (>1/1000, <1/100): bosh og‘rig‘i.

Ko‘rish a'zosi tomonidan buzilishlar:
- Tez-tez (>1/100, <1/10): ko‘zda achishish, ko‘rishning pasayishi, kon'yunktiva bo‘shlig‘ida ipsimon shilliq ajralmalar.
- Tez-tez emas (>1/1000, <1/100): xemoz, kon'yunktival in'ektsiya, papillyar
kon'yunktivit, qovoqlar shishi, qovoqlar eritemasi, ko‘zda noqulaylik, ko‘zda qichishish, ko‘zda og‘riq, «quruq» ko‘z sindromi, yorug‘likdan qo‘rqish.

Nafas olish organlari, ko‘krak qafasi va ko‘ks oralig‘i tomonidan buzilishlar:
- Tez-tez emas (>1/1000, <1/100): rinit.
- Juda kam hollarda (<1/10000): hiqildoq shishi.

Preparatni subkonyunktival va ko'zning old kamerasiga yuborish mumkin emas.
Preparatni gidrofil (yumshoq) kontakt linzalarni taqib yurish vaqtida qo'llamaslik kerak, chunki unda benzalkoniy xlorid konservanti mavjud bo'lib, u kontakt linzalar tomonidan so'rilishi va ko'z to'qimalariga noxush ta'sir ko'rsatishi, shuningdek kontakt linzalar rangini o'zgarishini chaqirishi mumkin.
Tomizgich uchi va eritmaning ifloslanishini oldini olish uchun tomizishda qovoqlar va ko'z atrofi to'qimalariga tegmaslik kerak.
Levofloksatsin bilan uzoq muddat davolaganda (boshqa antibiotiklar kabi) sezgir bo'lmagan mikroorganizmlar, shu jumladan zamburug'li floraning ortiqcha o'sishi mumkin. Kasallik kechishi yomonlashganda yoki levofloksatsin qo'llanilganda yaxshilanish bo'lmaganda, levofloksatsin bilan terapiyani bekor qilish va biomikroskopiya va flyuorestsein testini o'z ichiga olgan kengaytirilgan oftalmologik tekshiruv o'tkazish bilan boshqa guruh antibakterial preparatlari bilan terapiyaga o'tish zarur.
Levofloksatsinni shox parda yaralarini davolashda qo'llash samaradorligi va xavfsizligi to'g'risida ma'lumotlar yo'q. Klinik tadqiqotlar davomida shox parda pretsipitatlari hosil bo'lishi qayd etilmagan.
Preparat transport vositalarini, mexanizmlarni boshqarish qobiliyatiga sezilarli ta'sir ko'rsatmaydi. Bevosita tomizilgandan so'ng ko'rishning vaqtinchalik xiralashishi mumkin. Ko'rish idroki tiniqligi tiklanmaguncha transport vositalarini boshqarish va yuqori diqqatni hamda psixomotor reaktsiyalar tezligini talab qiluvchi boshqa potentsial xavfli faoliyat turlari bilan shug'ullanish tavsiya etilmaydi.

Levofloksatsinga yoki dori vositasining har qanday komponentiga, shuningdek boshqa xinolonlarga yuqori sezuvchanlik.

Preparatning o'zaro ta'siri bo'yicha maxsus tadqiqotlar o'tkazilmagan. Ko'zga mahalliy qo'llanilgandan keyin plazmadagi levofloksatsinning maksimal kontsentratsiyasi ichga standart dozalar qabul qilingandan keyin kamida 1000 baravar past bo'lganligi sababli, tizimli qo'llash uchun xos bo'lgan boshqa dori vositalari bilan o'zaro ta'sir, katta ehtimol bilan, klinik ahamiyatga ega emas.

Mahalliy, zararlangan ko'zga. Davolash kursi davomiyligi holatning og'irligi, uning klinik va bakteriologik xususiyatlari bilan belgilanadi. Terapiya kursining o'rtacha davomiyligi 5 kunni tashkil qiladi.
Birinchi 2 sutka davomida uyg'oqlik davrida zararlangan ko'z(lar)ga 1-2 tomchidan har ikki soatda sutkasiga 8 martagacha, so'ngra 3-kundan 5-kungacha sutkasiga 4 marta.
Bir nechta dori preparatlarini qo'llashda ularni tomizish orasidagi interval kamida 15 daqiqani tashkil qilishi kerak.