Levonil 5ml N5 in'ektsiya eritmasi

Har 5 ml quyidagilarni saqlaydi:

faol modda: levokarnitin – 1 g;

yordamchi moddalar: xlorid kislotasi – q.s., in'ektsiya uchun suv 5 ml gacha.

Preparat 5 ml dan qahrabo rangli sindirish chizig'i bo'lgan ampulada.

5 ampuladan polivinilxlorid plyonkali plastik kontur uyali o'ramga joylanadi. Bir plastik kontur uyali o'ram qo'llash bo'yicha yo'riqnomasi bilan birga karton qutili penalga joylanadi.

Vena ichiga yuborilgandan keyin 3 soatdan so'ng qondan deyarli to'liq chiqariladi. Jigar va miokardga oson o'tadi, skelet mushaklariga esa - sekinroq o'tadi. Buyraklar orqali asosan asil efirlari ko'rinishida chiqariladi (24 soat ichida 80% dan ortig'i chiqariladi).

Levonil – metabolik jarayonlarini muvofiqlashtiruvchi vosita. L-karnitin (V guruhi vitaminlariga yaqin bo'lgan tabiiy modda) moddalar almashinuvi jarayonlarida, tsitoplazmadan hujayra membranalari orqali mitoxondriyalarga, yog'kislotalarni o'tkazuvchisi sifatida ishtirok etadi, u erda bu kislotalar oksidlanadi (beta-oksidlanish) va katta miqdordagi metabolik energiyani (ATF shaklida) hosil qiladi. L-karnitin nerv to'qimalarini shikastlovchi omillar (gipoksiya, jarohat, intoksikasiya va boshqalar) ning ta'siriga nisbatan chidamligini oshiradi, ketokislotalarni hosil bo'lishini va anaerob glikolizni susaytiradi, laktatasidoz darajasini kamaytiradi. Preparat qonning ishqoriy zahirasini to'ldiradi, tserebral gemodinamikaning autoregulyasiyasini tiklanishiga va shikastlangan sohani qon bilan ta'minlanishini yaxshilanshiga yordam beradi, shikastlanish o'chog'ida reparativ jarayonlarni tezlashtiradi va anabolik ta'sir ko'rsatadi.

Allergik reaktsiyalar, mushaklarning zaifligi (uremiyasi bo'lgan pasientlarda) kuzatilishi mumkin. Tez yuborilganida (minutiga 80 tomchi va undan ortiq) vena bo'ylab yuborish tezligi pasaytirilganida o'tib ketuvchi og'riq paydo bo'lishi mumkin.

Preparatni insulin yoki har qanday peroral gipoglikemik preparatlarni qabul qilayotgan qandli diabeti bo'lgan pasientlarda buyurish glyukoza utilizasiyasini yahshilanishi tufayli, gipoglikemiyaga olib kelishi mumkin. Bunday sub'ektlarda gipoglikemik preparatlar bilan davolashni zudlik bilan muvofiqlashtirish talab qilingan bo'lsa, plazmada glyukoza darajasini muntazam nazorat qilish kerak.

Levokarnitinni peroral qabul qilish xavfsizligi va samaradorligi buyrak etishmovchiligi bo'lgan bemorlarda baholanmagan. Buyrak faoliyatini og'ir buzilishi yoki buyrak etishmovchiligining terminal bosqichidagi pasientlarda, dializda bo'lgan pasientlarda levokarnitinni surunkali peroral yuqori dozalarda qabul qilish odatda siydik bilan chiqariladigan potentsial zaxarli metabolitlar trimetiltriamin (TMA) va trimetilamin-N-oksid (TMAO) to'planishiga olib kelishi mumkin. Bunday holat levokarnitinni vena ichiga yuborilgandan keyin kuzatilmaydi.

Kattalarda va bolalarda birlamchi va ikkilamchi karnitin tanqisligini davolash uchun qo'llanadi.

Gemodializda bo'lgan bemorlarda ikkilamchi karnitin tanqisligi.

Uzoq vaqt gemodializda bo'lgan quyidagi holatlari:

1. Og'ir va turg'un mushak spazmlari va/yoki dializ vaqtida gipotenziya holatlari,

2. Hayot sifatiga kuchli salbiy ta'sir chaqiruvchi holdan toyish,

3. Skelet mushaklarni kuchsizlikki va/yoki miopatiya,

4. Kardiomiopatiya,

5. Uremiyada davolab bo'lmaydigan yoki eritropoetinning yuqori dozalarini talab qiluvchi anemiya,

6. To'yib ovqat emaslik oqibatida mushak massasini yo'qotishi bo'lgan pasientlarda gumon qilingan ikkilamchi karnitin tanqisligi qo'llanadi.   

Shaxsiy o'zlashtirolmaslik, homiladorlik, emizish davrida qo'llash mumkin emas (hozirgi vaqtda preparatni homiladorlikda va laktasiya davrida qo'llash mumkinligi va uni xavfsizligi to'g'risida ma'lumotlar yo'q).

Bu dori vositasini sedativ vositalari, trankvilizatorlar, antidepressantlar, neyroleptiklar, barbituratlar va alkogol bilan ehtiyotkorlik bilan qo'llash lozim. Bunday majmua bir o'zi alohida ishlatilarigan preparatlarning ta'siri tufayli kuchli sedativ samara (uyquchanlik) chaqirishi mumkin. Mao ingibitorlari bilan birga qo'llanmasligi lozim.

tiniq, rangsiz eritma

Preparatni vena ichiga tomchilab sekin yoki oqim bilan (2-3 minut davomida) yuboriladi.

Levokarnitinning dozasini oshirib yuborilishidagi uning toksikligi to'g'risida ma'lumotlar yo'q. Preparatning bilan dozasini oshirib yuborilishi tutib turuvchi davolash o'tkazish kerak.