LORATADIN 0,01 tabletkalari N30

So'rilishi: me'da-ichak yo'lidan tez so'riladi. Loratadinning qon plazmasidagi maksimal konsentratsiyasiga erishish vaqti - 1,3 soat, uning faol metaboliti dezloratadinniki esa - 2,5 soat. Ovqat qabul qilish loratadin va dezloratadinning maksimal konsentratsiyasiga erishish vaqtini taxminan 1 soatga oshiradi. Loratadin va dezloratadinning maksimal konsentratsiyasi ovqat qabul qilishga bog'liq emas. Maksimal konsentratsiya keksa bemorlarda, surunkali buyrak yetishmovchiligi yoki jigarning alkogolli shikastlanishi bo'lgan bemorlarda ortadi.

Taqsimlanishi: plazma oqsillari bilan bog'lanishi - 97 %. Loratadin va metabolitning plazmadagi muvozanat konsentratsiyalariga yuborishning beshinchi kunida erishiladi.

Gematoensefalik to'siq orqali o'tmaydi.

Metabolizmi: jigarda sitoxrom P450 3A4 izofermenti va kamroq darajada sitoxrom P450 2D6 izofermenti vositasida dezloratadingacha metabolizmga uchraydi.

Chiqarilishi: buyraklar va safro bilan chiqariladi. Loratadinning yarim chiqarilish davri 3 dan 20 soatgacha (o'rtacha 8,4 soat), dezloratadinniki esa - 8,8 dan 92 soatgacha (o'rtacha 28 soat); keksa bemorlarda mos ravishda 6,7 dan 37 soatgacha (o'rtacha 18,2 soat) va 11 dan 39 soatgacha (o'rtacha 17,5 soat) tashkil qiladi. Yarim chiqarilish davri jigarning alkogolli shikastlanishida (kasallikning og'irligiga qarab) ortadi va surunkali buyrak yetishmovchiligi mavjud bo'lganda o'zgarmaydi.

Gemodializ o'tkazish loratadin va uning faol metabolitining farmakokinetikasiga ta'sir qilmaydi.

Allergik reaksiyalar: kattalarda - teri toshmasi, anafilaksiya.

Markaziy nerv tizimi tomonidan: kattalarda - bosh og‘rig‘i, toliqish, uyquchanlik, uyqusizlik, bosh aylanishi; bolalarda - bosh og‘rig‘i, asabiylik, sedativ ta'sir.

Teri qoplamalari tomonidan: kattalarda - alopesiya.

Ovqat hazm qilish tizimi tomonidan: kattalarda - ko‘ngil aynishi, gastrit, og‘iz qurishi, jigar funktsiyasining buzilishi, ishtahaning oshishi.

Yurak-qon tomir tizimi tomonidan: kattalarda - yurak urishi, taxikardiya.

Agar yo‘riqnomada ko‘rsatilgan har qanday nojo‘ya ta'sirlar kuchaysa yoki Siz yo‘riqnomada ko‘rsatilmagan har qanday boshqa nojo‘ya ta'sirlarni sezsangiz, bu haqda shifokorga xabar bering.

Teri allergik sinamalarini o'tkazishdan kamida ikki sutka oldin preparat qabul qilishni to'xtatish kerak, chunki Loratadin ularning natijalariga ta'sir qilishi mumkin.

Transport vositalarini va mexanizmlarni boshqarish qobiliyatiga ta'siri:

Davolash vaqtida uyquchanlik paydo bo'lishi xavfi tufayli transport vositalarini boshqarishda va diqqatni yuqori jamlashni hamda psixomotor reaktsiyalar tezligini talab qiluvchi boshqa potentsial xavfli faoliyat turlari bilan shug'ullanishda ehtiyotkorlikka rioya qilish kerak.

- Loratadinni yoki preparatning har qanday boshqa komponentini o'zlashtira olmaslik yoki unga yuqori sezuvchanlik;

- laktatsiya davri (ko'krak suti bilan emizish);

- 3 yoshgacha bo'lgan bolalar;

- laktaza yetishmovchiligi, laktozani o'zlashtira olmaslik, glyukoza-galaktoza malabsorbtsiyasi.

Ehtiyotkorlik bilan:

- Og'ir jigar funksiyasi buzilishlari;

- homiladorlik.

Agar Sizda sanab o'tilgan kasalliklardan biri bo'lsa, preparatni qabul qilishdan oldin albatta shifokor bilan maslahatlashing.

Homiladorlik va laktatsiya:

Homiladorlikda preparatni qo'llash faqat ona uchun kutilayotgan foyda homila uchun potentsial xavfdan yuqori bo'lgan holdagina mümkin.

Loratadin ko'krak suti bilan ajralib chiqadi, shuning uchun laktatsiya davrida preparatni tayinlashda, ko'krak suti bilan emizishni to'xtatish masalasini hal qilish kerak.

Ovqat qabul qilish preparat samaradorligiga ta'sir qilmaydi.

Loratadin alkogolning markaziy asab tizimiga ta'sirini kuchaytirmaydi.

Preparat ketokonazol, eritromitsin yoki simetidin bilan birga qabul qilinganda plazmada loratadin va uning metaboliti kontsentratsiyasining oshishi qayd etiladi.