MELOKSIKAM 0,015 tabletkalari N10

Me'da-ichak yo'lidan yaxshi so'riladi, meloksikamning mutlaq biokiraolishligi — 89 %. Ovqat bilan bir vaqtda qabul qilish so'rilishni o'zgartirmaydi. Preparat ichga 7,5 va 15 mg dozalarda qo'llanilganda uning konsentratsiyalari dozalarga proporsionaldir. Muvozanat konsentratsiyasiga 3-5 kun ichida erishiladi. Preparat uzoq vaqt qo'llanilganda (1 yildan ortiq), konsentratsiyalar birinchi marta muvozanat holatiga erishilgandan keyin qayd etiladiganlarga o'xshash. Plazma oqsillari bilan bog'lanishi 99 % ni tashkil qiladi. Preparat kuniga bir marta qabul qilingandan so'ng maksimal va bazal konsentratsiyalar o'rtasidagi farqlar diapazoni nisbatan kichik va 7,5 mg doza ishlatilganda 0,4-1,0 mkg/ml ni, 15 mg doza ishlatilganda esa — 08-2,0 mkg/ml ni tashkil qiladi (mos ravishda Cmix va Cmax qiymatlari keltirilgan). Meloksikam gistoematik to'siqlar orqali o'tadi, sinovial suyuqlikdagi konsentratsiyasi preparatning plazmadagi maksimal konsentratsiyasining 50 %iga yetadi.

Jigarda deyarli to'liq metabolizmga uchrab, to'rtta farmakologik jihatdan nofaol hosilalarni hosil qiladi. Asosiy metabolit, 5’-karboksi-meloksikam (doza miqdorining 60 %), oraliq metabolit 5’-gidroksimetilmeloksikamning oksidlanishi yo'li bilan hosil bo'ladi, u ham ekskretsiya qilinadi, lekin kamroq darajada (doza miqdorining 9 %). In vitro tadqiqotlari shuni ko'rsatdiki, ushbu metabolik o'zgarishda CYP 2С9 muhim rol o'ynaydi, CYP 3А4 izofermenti qo'shimcha ahamiyatga ega. Boshqa ikkita metabolitning (mos ravishda preparat dozasi miqdorining 16 % va 4 % ini tashkil qiluvchi) hosil bo'lishida peroksidaza ishtirok etadi, uning faolligi, ehtimol, individual ravishda o'zgarib turadi. Axlat va siydik bilan teng darajada, asosan metabolitlar ko'rinishida chiqariladi. Axlat bilan o'zgarmagan holda sutkalik doza miqdorining 5 % dan kamrog'i chiqariladi, siydikda o'zgarmagan holda preparat faqat iz miqdorlarida aniqlanadi. Meloksikamning yarim chiqarilish davri (Т1/2) 15-20 soatni tashkil qiladi. Plazma klirensi o'rtacha 8 ml/daqiqani tashkil qiladi. Keksa yoshdagi shaxslarda preparat klirensi pasayadi. Taqsimlanish hajmi past va o'rtacha 11 l ni tashkil qiladi.

O'rtacha darajadagi jigar yoki buyrak yetishmovchiligi meloksikam farmakokinetikasiga sezilarli ta'sir ko'rsatmaydi.

Og'riq qoldiruvchi Yallig'lanishga qarshi

Ovqat hazm qilish tizimi tomonidan: 1% dan ortiq - dispepsiya, shu jumladan ko‘ngil aynishi, qusish, abdominal og‘riqlar, qabziyat, meteorizm, diareya; 0,1 - 1% - «jigar» transaminazalari faolligining o‘tkinchi oshishi, giperbilirubinemiya, kekirish, ezofagit, gastroduodenal yara, MITYdan qon ketishi (shu jumladan yashirin), stomatit; 0,1% dan kam - MITY teshilishi, kolit, gepatit, gastrit.

Qon yaratish a’zolari tomonidan: 1% dan ortiq - anemiya; 0,1 — 1% - qon formulasining o‘zgarishi, shu jumladan leykopeniya, trombotsitopeniya.

Teri qoplamalari tomonidan: 1% dan ortiq - qichishish, teri toshmasi; 0,1 — 1% eshakemi; 0,1% dan kam - fotosensibilizatsiya, bullez toshmalar, ko‘p shaklli eritema, shu jumladan Stivens-Djonson sindromi, toksik epidermal nekroliz.

Nafas olish tizimi tomonidan: 0,1% dan kam - bronxospazm.

Asab tizimi tomonidan: 1% dan ortiq - bosh aylanishi, bosh og‘rig‘i; 0,1 — 1% - vertigo, quloqlarda shovqin, uyquchanlik; 0,1% dan kam - ongning chalkashishi, dezorientatsiya, hissiy labillik.

Yurak-qon tomir tizimi tomonidan: 1% dan ortiq - periferik shishlar; 0,1 — 1% - AB oshishi, yurak urishi, yuz terisiga qon oqib kelishi («qizib ketish»).

Siydik chiqarish tizimi tomonidan: 0,1 — 1% - giperkreatininemiya va/yoki qon zardobida mochevina oshishi; 0,1% dan kam - o‘tkir buyrak yetishmovchiligi; meloksikam qabul qilish bilan bog‘liqligi aniqlanmagan — interstitsial nefrit, albuminuriya, gematuriya.

Sezgilar a’zolari tomonidan: 0,1% dan kam - kon’yunktivit, ko‘rishning buzilishi, shu jumladan ko‘rish noaniqligi.

Allergik reaksiyalar: 0,1% dan kam - angionevrotik shish, anafilaktoid/ anafilaktik reaksiyalar.

Anamnezida oshqozon yoki o'n ikki barmoqli ichak yara kasalligi bo'lgan bemorlarda, shuningdek antikoagulyant terapiyada bo'lgan bemorlarda preparatni qo'llashda ehtiyotkorlikka rioya qilish kerak. Bunday bemorlarda oshqozon-ichak traktining eroziv-yarali kasalliklari yuzaga kelishi xavfi yuqori.

Keksa yoshdagi bemorlar, qon aylanishi yetishmovchiligi ko'rinishlari bo'lgan surunkali yurak yetishmovchiligi bo'lgan bemorlar, jigar tsirrozi bo'lgan bemorlar, shuningdek jarrohlik aralashuvlari natijasida gipovolemiyasi bo'lgan bemorlarda preparatni qo'llashda ehtiyotkorlikka rioya qilish va buyrak funktsiyasi ko'rsatkichlarini nazorat qilish kerak.

Buyrak yetishmovchiligi bo'lgan bemorlarda, agar kreatinin klirensi 25 ml/daq dan ortiq bo'lsa, dozalash rejimini to'g'irlash talab etilmaydi.

Dializda bo'lgan bemorlarda preparat dozasi sutkada 7,5 mg dan oshmasligi kerak.

Siydik haydovchi vositalar va meloksikamni bir vaqtda qabul qilayotgan bemorlar yetarli miqdorda suyuqlik qabul qilishlari kerak.

Agar davolash jarayonida allergik reaktsiyalar (qichishish, teri toshmasi, eshakemi, fotosenzibilizatsiya) yuzaga kelsa, preparatni qabul qilishni to'xtatish va shifokorga murojaat qilish kerak.



Transport vositalarini boshqarish, mashina va mexanizmlarga xizmat ko'rsatish

Preparatni qo'llash bosh og'rig'i va bosh aylanishi, uyquchanlik ko'rinishidagi noxush samaralar yuzaga kelishini chaqirishi mumkin. Transport vositalarini boshqarishdan va diqqatni jamlashni talab qiluvchi mashina va mexanizmlarga xizmat ko'rsatishdan voz kechish kerak.

preparatning biron-bir komponentiga yuqori sezuvchanlik;

atsetilsalitsil kislotasi yoki boshqa NYQP qabul qilgandan keyin bronxoobstruksiya, rinit, eshakemi xuruji haqida anamnestik ma'lumotlar (atsetilsalitsil kislotasini o'zlashtira olmaslikning to'liq yoki to'liq bo'lmagan sindromi — rinosinusit, eshakemi, burun shilliq qavati poliplari, astma (bronxial));

oshqozon yoki 12-barmoqli ichak shilliq qavatining eroziv-yarali o'zgarishlari, faol oshqozon-ichakdan qon ketish;

ichakning yallig'lanish kasalliklari (nospesifik yarali kolit, Kron kasalligi);

serebrovaskulyar qon ketish yoki boshqa qon ketishlar;

aortokoronar shuntlash o'tkazilgandan keyingi davrda mumkin emas;

dekompensatsiyalangan yurak yetishmovchiligi;

yaqqol jigar yetishmovchiligi yoki faol jigar kasalligi;

dializ qilinmaydigan bemorlarda yaqqol buyrak yetishmovchiligi (kreatinin klirensi 30 ml/min dan kam), buyrak kasalliklarining zo'rayishi, shu jumladan tasdiqlangan giperkaliemiya;

homiladorlik, ko'krak suti bilan emizish davri;

15 yoshgacha bo'lgan bolalar.



Ehtiyotkorlik bilan:

Yurak ishemik kasalligi, serebrovaskulyar kasalliklar, surunkali yurak yetishmovchiligi (SYuE), dislipidemiya/giperlipidemiya, qandli diabet, periferik arteriyalar kasalliklari, chekish, kreatinin klirensi 60 ml/min dan kam.

M IT yarali shikastlanishi rivojlanishi haqida anamnestik ma'lumotlar, Helicobacter pylori infektsiyasi mavjudligi, keksa yosh, NYQPlarni uzoq vaqt qo'llash, alkogolni tez-tez iste'mol qilish, og'ir somatik kasalliklar, quyidagi preparatlar bilan yo'ldosh terapiya:

antikoagulyantlar (masalan, varfarin);

antiagregantlar (masalan, atsetilsalitsil kislotasi, klopidogrel);

peroral glyukokortikosteroidlar (masalan, prednizolon);

serotoninni qayta qamrab oluvchi selektiv ingibitorlar (masalan, tsitalopram, fluoksetin, paroksetin, sertralin).

M IT tomonidan noxush hodisalar rivojlanish xavfini kamaytirish uchun minimal samarali dozani minimal darajada qisqa kurs bilan qo'llash kerak.

Boshqa nosteroid yallig'lanishga qarshi vositalar (shuningdek atsetilsalitsil kislotasi) bilan bir vaqtda qo'llanilganda OIT eroziv-yarali shikastlanishlari va qon ketishlar yuzaga kelish xavfi ortadi;

Gipotenziv preparatlar bilan bir vaqtda qo'llanilganda oxirgilarining ta'siri samaradorligi pasayishi mumkin;

Litiy preparatlari bilan bir vaqtda qo'llanilganda litiy kumulyatsiyasi rivojlanishi va uning toksik ta'siri oshishi mumkin (qonda litiy kontsentratsiyasini nazorat qilish tavsiya etiladi);

Metotreksat bilan bir vaqtda qo'llanilganda oxirgisining qon yaratish tizimiga nojo'ya ta'siri kuchayadi (anemiya va leykopeniya yuzaga kelish xavfi, umumiy qon tahlilini vaqti-vaqti bilan o'tkazish ko'rsatilgan);

Diuretiklar va siklosporin bilan bir vaqtda qo'llanilganda buyrak yetishmovchiligi rivojlanish xavfi ortadi;

Bachadon ichi kontratseptiv vositalari bilan bir vaqtda qo'llanilganda oxirgilarining ta'siri samaradorligi pasayishi mumkin;

Antikoagulyantlar (geparin, tiklopidin, varfarin), shuningdek trombolitik preparatlar (streptokinaza, fibrinolizin) bilan bir vaqtda qo'llanilganda qon ketishlar rivojlanish xavfi ortadi (qon ivish ko'rsatkichlarini vaqti-vaqti bilan nazorat qilish zarur);

Kolestiramin bilan bir vaqtda qo'llanilganda preparatning organizmdan chiqarilishi tezlashadi;

Serotoninni qayta qamrab olish selektiv ingibitorlari bilan bir vaqtda qo'llanilganda oshqozon-ichakdan qon ketishlar rivojlanish xavfi ortadi.