MELOKSIKAM AVEKSIMA 0,0075 tabletkalari N20

Ichga qabul qilingandan so'ng me'da-ichak yo'lidan absorbsiya - 89%. Ovqat qabul qilish absorbsiyaga ta'sir qilmaydi. Plazmadagi konsentratsiya dozaga bog'liq. Cmax ga erishish vaqti - 5-6 soat. Muvozanat konsentratsiyasi 3-5 kun ichida hosil bo'ladi. Plazma oqsillari bilan bog'lanishi - 99%. Gistoematik to'siqlar orqali o'tadi, sinovial suyuqlikka kirib boradi. Sinovial suyuqlikdagi konsentratsiya - plazmadagi konsentratsiyaning 50%. Jigarda metabolizm - nofaol metabolitlargacha.

Ichak va buyraklar orqali (taxminan teng nisbatda), o'zgarmagan holda - sutkalik dozaning 5% (ichak orqali) chiqariladi. T1/2 - 20 soat. Plazma klirensi - o'rtacha 8 ml/daq (keksa yoshda pasayadi).

Og'riq qoldiruvchi Yallig'lanishga qarshi

Ovqat hazm qilish tizimi tomonidan: 1% dan ortiq - dispepsiya, shu jumladan ko‘ngil aynishi, qusish, abdominal og‘riqlar, qabziyat, meteorizm, diareya; 0,1-1% - «jigar» transaminazalari faolligining o‘tkinchi oshishi, giperbilirubinemiya, kekirish, ezofagit, gastroduodenal yara, me’da-ichak yo‘llaridan qon ketishi (shu jumladan yashirin), stomatit; 0,1% dan kam - me’da-ichak yo‘llari teshilishi, kolit, gepatit, gastrit.

Qon yaratish a’zolari tomonidan: 1% dan ortiq - anemiya; 0,1-1% - qon hujayraviy tarkibining o‘zgarishi, shu jumladan leykopeniya, trombotsitopeniya.

Teri qoplamalari tomonidan: 1% dan ortiq - qichishish, teri toshmasi; 0,1-1% - eshakemi; 0,1% dan kam - fotosensibilizatsiya, bullez toshmalar, ko‘p shaklli eritema, shu jumladan Stivens-Djonson sindromi, toksik epidermal nekroliz.

Nafas olish tizimi tomonidan: 0,1% dan kam - bronxospazm.

Asab tizimi tomonidan: 1% dan ortiq - bosh aylanishi, bosh og‘rig‘i; 0,1-1% - vertigo, quloqlarda shovqin, uyquchanlik; 0,1% dan kam - ongning chalkashishi, dezorientatsiya, hissiy labillik.

Yurak-qon tomir tizimi tomonidan: 1% dan ortiq - periferik shishlar; 0,1-1% - arterial bosimning oshishi, yurak urishini his qilish, yuz terisiga qon oqib kelishi («qizib ketish»).

Siydik chiqarish tizimi tomonidan: 0,1-1% - giperkreatininemiya va/yoki qon zardobida mochevina konsentratsiyasining oshishi; 0,1% dan kam - o‘tkir buyrak yetishmovchiligi; meloksikam qabul qilish bilan bog‘liqligi aniqlanmagan - interstitsial nefrit, albuminuriya, gematuriya.

Sezgi a’zolari tomonidan: 0,1% dan kam - kon’yunktivit, ko‘rishning buzilishi, shu jumladan ko‘rish noaniqligi.

Allergik reaksiyalar: 0,1% dan kam - angionevrotik shish, anafilaktoid/anafilaktik reaksiyalar.

Peptik yaralar yoki oshqozon-ichakdan qon ketish yuzaga kelganda, teri va shilliq qavatlar tomonidan nojo'ya ta'sirlar rivojlanganda preparatni bekor qilish kerak. Aylanib yuruvchi qon hajmi kamaygan va kalava filtratsiyasi pasaygan (degidratatsiya, surunkali yurak yetishmovchiligi, jigar tsirrozi, nefrotik sindrom, klinik yaqqol buyrak kasalliklari, diuretiklar qabul qilish, katta jarrohlik operatsiyalaridan keyingi suvsizlanish) bemorlarda klinik yaqqol surunkali buyrak yetishmovchiligi paydo bo'lishi mumkin, bu preparat bekor qilingandan keyin butunlay qaytuvchan (bunday bemorlarda davolash boshida sutkalik diurez va buyrak funktsiyasini monitoring qilish kerak). "Jigar" transaminazalari faolligi turg'un va sezilarli oshganda va jigar funktsiyasining boshqa ko'rsatkichlari o'zgarganda preparatni bekor qilish va jigar funktsiyalarini tekshirish kerak.

Nojo'ya ta'sirlar xavfi yuqori bo'lgan bemorlarda davolashni 7,5 mg dozadan boshlaydilar. Surunkali buyrak yetishmovchiligining terminal bosqichida dializda bo'lgan bemorlarda doza sutkada 7,5 mg dan oshmasligi kerak. Davolash davrida avtotransportni boshqarishda va diqqatni yuqori jamlashni hamda psixomotor reaktsiyalar tezligini talab qiluvchi boshqa potentsial xavfli faoliyat turlari bilan shug'ullanishda ehtiyotkorlikka rioya qilish zarur (bosh aylanishi va uyquchanlik paydo bo'lganda). Oshqozon-ichak trakti tomonidan noxush ko'rinishlar rivojlanishi xavfini kamaytirish uchun minimal samarali dozani maksimal darajada qisqa kurs bilan ishlatish kerak.



Dozani oshirib yuborilishi

Simptomlari: ong buzilishi, ko'ngil aynishi, qusish, epigastriyda og'riq, oshqozon-ichak traktidan qon ketish, o'tkir buyrak yetishmovchiligi, o'tkir jigar yetishmovchiligi, nafas to'xtashi, asistoliya.

Davolash: oshqozonni yuvish, faollashtirilgan ko'mir qabul qilish, simptomatik terapiya. Kuchaytirilgan diurez, siydikni ishqorlash, gemodializ meloksikamning plazma oqsillari bilan yuqori darajada bog'lanishi tufayli kam samara beradi. Spesifik antidot yo'q.

Gipersezuvchanlik (shu jumladan boshqa guruhdagi nosteroid yallig'lanishga qarshi preparatlarga), bronxial astma, burun va burun yondosh bo'shliqlarining qaytalanuvchi polipozi va atsetilsalitsil kislotasi yoki boshqa nosteroid yallig'lanishga qarshi preparatlarni o'zlashtira olmaslikning to'liq yoki to'liq bo'lmagan kombinatsiyasi (shu jumladan anamnezda); me'da va o'n ikki barmoqli ichak yarasi (zo'rayish fazasida), dializ qilinmaydigan bemorlarda surunkali buyrak yetishmovchiligi (kreatin klirensi 30 ml/min dan kam), faol oshqozon-ichakdan qon ketish; buyrak kasalliklarining zo'rayishi, og'ir jigar yetishmovchiligi yoki faol jigar kasalligi, aortokoronar shuntlash o'tkazilgandan keyingi holat, tasdiqlangan giperkaliemiya, ichakning yallig'lanish kasalliklari, bolalar yoshi (12 yoshgacha), homiladorlik, laktatsiya davri, laktaza yetishmovchiligi, laktozani o'zlashtira olmaslik, glyukoza-galaktoza malabsorbtsiyasi.

Ehtiyotkorlik bilan. Keksa yosh, yurak ishemik kasalligi, surunkali yurak yetishmovchiligi, serebrovaskulyar kasalliklar, dislipidemiya/giperlipidemiya, qandli diabet, periferik arteriyalar kasalliklari, chekish, surunkali buyrak yetishmovchiligi (kreatinin klirensi 30-60 ml/min), anamnezda oshqozon-ichak traktining yarali shikastlanishlari, H. pylori infektsiyasi mavjudligi, nosteroid yallig'lanishga qarshi preparatlarni uzoq muddat qo'llash, alkogolizm, og'ir somatik kasalliklar, peroral glyukokortikosteriodlarni (shu jumladan prednizolon), antikoagulyantlarni (shu jumladan varfarin), antiagregantlarni (shu jumladan klopidogrel), serotoninni qayta qamrab oluvchi selektiv ingibitorlarni (shu jumladan tsitalopram, fluoksetin, paroksetin, sertralin) bir vaqtda qabul qilish.

Homiladorlik va emizish davrida qo'llanilishi

Homiladorlikda, laktatsiya davrida mumkin emas.

Jigar funksiyasi buzilishlarida qo'llanilishi

Og'ir jigar yetishmovchiligi yoki faol jigar kasalligida mumkin emas.

Buyrak funksiyasi buzilishlarida qo'llanilishi

Dializ qilinmaydigan bemorlarda surunkali buyrak yetishmovchiligida (kreatin klirensi 30 ml/min dan kam), buyrak kasalliklarining zo'rayishida mumkin emas.

Ehtiyotkorlik bilan: surunkali buyrak yetishmovchiligi (kreatinin klirensi 30-60 ml/min).

Bolalarda qo'llanilishi

12 yoshgacha bo'lgan bolalarga mumkin emas.

Keksa bemorlarda qo'llanilishi

Keksa yoshda ehtiyotkorlik bilan qabul qilish kerak

Boshqa nosteroid yallig'lanishga qarshi preparatlar bilan bir vaqtda qabul qilinganda oshqozon-ichak trakti yarali shikastlanishlari va oshqozon-ichakdan qon ketish rivojlanish xavfi ortadi; litiy preparatlari bilan bir vaqtda qo'llanilganda plazmada litiy ionlari kontsentratsiyasini oshiradi; vitamin-mineral komplekslar, gipotenziv dori vositalari samaradorligini pasaytiradi; bevosita bo'lmagan antikoagulyantlar, tiklopidin, geparin, trombolitiklar qon ketish xavfini oshiradi; metotreksat mielodepressiv ta'sirni kuchaytiradi; diuretiklar buyrak funktsiyasi buzilishlari rivojlanish xavfini oshiradi; siklosporin nefrotoksik ta'sirni kuchaytiradi; kolestiramin chiqarilishni tezlashtiradi.

Mielotoksik dori vositalari preparatning gematotoksikligi namoyon bo'lishini kuchaytiradi.