MELOKSIKAM DS inyeksiya uchun eritma 1,5ml 10mg/ml N3

Ichga qabul qilinganda yoki rektal yuborilganda meloksikamning MITYdan so'rilishi 89% ni tashkil qiladi. Ovqat qabul qilish meloksikam so'rilishiga ta'sir qilmaydi.

Plazmadagi kontsentratsiya dozaga bog'liq. Plazma kontsentratsiyasi platosiga 3-5-kuni erishiladi. Uzoq muddat (1 yildan ortiq) qo'llanilganda, platoga chiqishda erishilgan darajaga nisbatan qon plazmasidagi kontsentratsiyaning oshishi sodir bo'lmaydi. Plazmada meloksikamning 99% oqsillar bilan kon'yugatsiyalangan holda bo'ladi. Kuniga 1 marta qabul qilinganda meloksikam kontsentratsiyasining o'zgarishi katta emas va 7,5 mg doza uchun 0,4-1 mkg/ml va 15 mg doza uchun 0,8-2 mkg/ml oraliqda bo'ladi.

Sinovial suyuqlikdagi meloksikam kontsentratsiyasi qon plazmasidagi kontsentratsiyaning 50% ni tashkil qiladi.

Meloksikam deyarli to'liq nofaol metabolitlargacha metabollanadi.

Meloksikamning T1/2 20 soatni tashkil qiladi. Plazma klirensi o'rtacha 8 ml/daq ni tashkil qiladi. Meloksikam buyraklar va ichak orqali taxminan teng nisbatda chiqariladi.

Yengil va o'rtacha og'irlikdagi jigar va buyrak yetishmovchiligi meloksikamning farmakokinetik parametrlariga sezilarli ta'sir ko'rsatmaydi.

NYAQV, TsOG-2 selektiv ingibitori. Oksikamlar sinfiga mansub, enol kislotasi hosilasi hisoblanadi. Yallig‘lanishga qarshi, og‘riq qoldiruvchi va isitma tushiruvchi ta’sir ko‘rsatadi. Ta’sir mexanizmi TsOG fermentativ faolligini bostirish natijasida prostaglandinlar biosintezining pasayishi bilan bog‘liq. Bunda meloksikam yallig‘lanish o‘chog‘ida prostaglandinlar sintezida ishtirok etuvchi TsOG-2 ga faolroq ta’sir qiladi, bu MITYu yuqori bo‘limlariga nojo‘ya ta’sir rivojlanishi xavfini kamaytiradi va TsOG-1 ga kam darajada ta’sir qiladi.

Shu bilan birga, meloksikam bo‘g‘im tog‘ayi xondrotsitlari tomonidan proteoglikan sinteziga ta’sir qilmaydi, kalamushlar va sichqonlarda spontan artroz rivojlanishiga ta’sir qilmaydi, bu uning xondroneytralligidan dalolat beradi.

Ovqat hazm qilish tizimi tomonidan:
- dispepsiya, ko'ngil aynishi, qusish, qorinda og'riqlar, qabziyat, ichak sanchig'i, diareya, ezofagit, stomatit; kamdan-kam hollarda - MIT eroziv-yarali shikastlanishlari.

MNT tomonidan:
- bosh aylanishi, bosh og'rig'i, quloqlarda shovqin.

Yurak-qon tomir tizimi tomonidan:
- AB oshishi, yurak urishini his qilish, shishlar, qizib ketishlar.

Siydik chiqarish tizimi tomonidan:
- buyrak faoliyati laborator ko'rsatkichlarining o'zgarishi.

Qon yaratish tizimi tomonidan:
- anemiya, leykopeniya, trombotsitopeniya.

Allergik reaksiyalar:
- bronxospazm, fotosensibilizatsiya, teri qichishishi, toshma, eshakemi.

Anamnezida OIT kasalliklari bo'lgan bemorlarda ehtiyotkorlik bilan qo'llaniladi.

- zo'rayish bosqichidagi me'da va o'n ikki barmoqli ichak yarasi kasalligi;
- jigar funksiyasining yaqqol buzilishlari;
- buyrak yetishmovchiligi (gemodializ o'tkazilmaganda);
- homiladorlik;
- 15 yoshgacha bo'lgan bolalar va o'smirlar;
- meloksikam va boshqa NYQP larga (shu jumladan salitsilatlarga) yuqori sezuvchanlik.

Bir vaqtda qo'llanilganda antigipertenziv preparatlar (beta-adrenoblokatorlar, APF ingibitorlari, vazodilatatorlar) samaradorligining pasayishi mumkin.

Antikoagulyantlar bilan bir vaqtda qo'llanilganda qon ketish rivojlanish xavfi ortadi.

Diuretiklar bilan bir vaqtda qo'llanilganda degidratatsiya holatidagi bemorlarda buyrak etishmovchiligi rivojlanish xavfi ortadi.

NYQV bilan bir vaqtda qo'llanilganda MTY yara shikastlanishlari va oshqozon-ichakdan qon ketish rivojlanish xavfi ortadi.

Litiy preparatlari bilan bir vaqtda qo'llanilganda qon plazmasida litiy kontsentratsiyasi oshadi.

Bir vaqtda qo'llanilganda kolestiramin meloksikam chiqarilishini tezlashtiradi.

Metotreksat bilan bir vaqtda qo'llanilganda mielodepressiv ta'sir kuchayishi mumkin; siklosporin bilan - siklosporinning nefrotoksik ta'siri kuchayishi mumkin.

Ichga 7,5-15 mg dan sutkasiga 1 marta. Maksimal sutkalik doza 15 mg ni tashkil qiladi.