METROGIL eritma 100ml 5mg/ml

500 mg Metrogil 20 daqiqa davomida v/i yuborilganda qon zardobidagi preparat konsentratsiyasi bir soatdan keyin 35.2 mkg/ml ni, 4 soatdan keyin - 33.9 mkg/ml ni, 8 soatdan keyin – 25.7 mkg/ml ni tashkil qilgan. O't hosil bo'lishi normal bo'lganda v/i yuborilgandan so'ng safrodagi metronidazol konsentratsiyasi plazma konsentratsiyasidan sezilarli darajada oshishi mumkin. Organizmda metronidazolning taxminan 30-60% gidroksillanish, oksidlanish va glyukuronlanish yo'li bilan metabolizmga uchraydi. Asosiy metabolit (2-oksimetronidazol) ham protozoyga qarshi va mikroblarga qarshi ta'sir ko'rsatadi.

Т_{jigar funksiyasi normal bo'lganda - 8 soat (6 dan 12 soatgacha), jigarning alkogolli shikastlanishida - 18 soat (10 dan 29 soatgacha), yangi tug'ilgan chaqaloqlarda: homiladorlik muddati 28-30 hafta bo'lganda tug'ilganlarda - taxminan 75 soat, 32-35 hafta - 35 soat, 36-40 hafta - 25 soat. Buyraklar orqali 60-80% (20% o'zgarmagan holda), ichak orqali - 6-15% chiqariladi. Buyrak klirensi – 10.2 ml/daq. Buyrak funksiyasi buzilgan bemorlarda takroriy yuborilgandan so'ng qon zardobida metronidazol kumulyatsiyasi kuzatilishi mumkin (shuning uchun og'ir buyrak yetishmovchiligi bo'lgan bemorlarda qabul qilish tez-tezligini kamaytirish kerak). Metronidazol va asosiy metabolitlar gemodializda qondan tez chiqariladi (Т2.6 soatgacha qisqaradi). Peritoneal dializda arzimas miqdorlarda chiqariladi.}

Protozoyga qarshi va mikroblarga qarshi preparat, 5-nitroimidazol hosilasi. Ta'sir mexanizmi anaerob mikroorganizmlar va sodda jonivorlarning hujayra ichidagi transport oqsillari tomonidan metronidazolning 5-nitroguruhini biokimyoviy tiklanishidan iborat. Metronidazolning tiklangan 5-nitroguruhi mikroorganizmlar hujayrasi DNK si bilan o'zaro ta'sirlashib, ularning nuklein kislotalari sintezini ingibirlaydi, bu bakteriyalarning o'limiga olib keladi.

Trichomonas vaginalis, Entamoeba histolytica, Gardnerella vaginalis, Giardiai ntestinalis, Lamblia spp., shuningdek obligat anaeroblar Bacteroides spp. (shu jumladan Bacteroides fragilis, Bacteroides distasonis, Bacteroides ovatus, Bacteroides thetaiotaomicron, Bacteroides vulgatus), Fusobacterium spp., Veillonella spp., Prevolella spp. (Prevotella bivia, Prevotella buccae, Prevotella disiens) va ba'zi grammusbat mikroorganizmlar (Eubacterium spp., Clostridium spp., Peptococcus spp., Peptostreptococcus spp) ga nisbatan faol. Amoksitsillin bilan birgalikda Helicobacter pylori ga nisbatan faollik ko'rsatadi (amoksitsillin metronidazolga rezistentlik rivojlanishini bostiradi).

Metronidazolga aerob mikroorganizmlar va fakultativ anaeroblar sezgir emas, ammo aralash flora (aeroblar va anaeroblar) mavjudligida metronidazol oddiy aeroblarga qarshi samarali antibiotiklar bilan sinergik ta'sir ko'rsatadi. O'smalarning nurlanishga sezgirligini oshiradi, disulfiramsimon reaktsiyalarni keltirib chiqaradi, reparativ jarayonlarni rag'batlantiradi.

Ovqat hazm qilish tizimi tomonidan: diareya, ishtaha pasayishi, ko‘ngil aynishi, qusish, ichak sanchig‘i, qabziyatlar, og‘izda metall ta’mi, og‘iz qurishi, glossit, stomatit, pankreatit.

Asab tizimi tomonidan: bosh aylanishi, harakatlar koordinatsiyasi buzilishi, ataksiya, ongning chalkashishi, ta’sirchanlik, depressiya, yuqori qo‘zg‘aluvchanlik, holsizlik, uyqusizlik, bosh og‘rig‘i, tirishishlar, gallyutsinatsiyalar, periferik nevropatiya.

Allergik reaksiyalar: eshakemi, teri toshmasi, teri giperemiyasi, burun bitishi, isitma, artralgiyalar.

Siydik chiqarish tizimi tomonidan: dizuriya, sistit, poliuriya, siydik tuta olmaslik, kandidoz, siydikning qizil-jigarrang rangga bo‘yalishi.

Mahalliy reaksiyalar: tromboflebit (in’eksiya joyida og‘riq, giperemiya yoki shish).

Boshqalar: neytropeniya, leykopeniya, EKGda T tishchasining tekislanishi.

Davolash davrida alkogol qabul qilish mumkin emas (disulfiramsimon reaktsiyalar rivojlanishi mumkin: abdominal spazmatik xarakterdagi og'riq, ko'ngil aynishi, qusish, bosh og'rig'i, yuzga qonning to'satdan quyilishi).

Amoksitsillin bilan kombinatsiyada 18 yoshdan kichik bemorlarda qo'llash tavsiya etilmaydi.

Uzoq muddatli terapiyada qon manzarasini nazorat qilish zarur.

Leykopeniyada davolashni davom ettirish imkoniyati infektsion jarayon rivojlanishi xavfiga bog'liq.

Ataksiya, bosh aylanishi va bemorlar nevrologik statusining har qanday boshqa yomonlashuvi paydo bo'lishi davolashni to'xtatishni talab qiladi.

Treponemalarni immobilizatsiya qilishi va Nelson testining soxta musbat natijasiga olib kelishi mumkin.

Siydikni to'q rangga bo'yaydi.

• MNS organik shikastlanishlari (shu jumladan epilepsiya);
• jigar yetishmovchiligi (katta dozalar tayinlanganda);
• qon kasalliklari;
• homiladorlik (I trimestr);
• laktatsiya davri;
• metronidazolga yoki boshqa nitroimidazol hosilalariga yuqori sezuvchanlik.

Ehtiyotkorlik bilan - buyrak yetishmovchiligi.

Metrogil^® v/i yuborish uchun eritmani boshqa dori preparatlari bilan aralashtirish tavsiya etilmaydi.

Bevosita bo'lmagan antikoagulyantlar ta'sirini kuchaytiradi, bu protrombin hosil bo'lish vaqtining oshishiga olib keladi.

Disulfiramga o'xshab etanolni ko'tara olmaslikni chaqiradi. Disulfiram bilan bir vaqtda qo'llash turli nevrologik simptomlar rivojlanishiga olib kelishi mumkin (tayinlash orasidagi oraliq - kamida 2 hafta).

Simetidin metronidazol metabolizmini bostiradi, bu uning qon zardobidagi kontsentratsiyasi oshishiga va nojo'ya hodisalar rivojlanish xavfi oshishiga olib kelishi mumkin.

Jigarda mikrosomal oksidlanish fermentlarini rag'batlantiruvchi dori vositalarini (fenobarbital, fenitoin) bir vaqtda tayinlash metronidazol eliminatsiyasini tezlashtirishi mumkin, natijada uning plazmadagi kontsentratsiyasi pasayadi.

Litiy preparatlari bilan bir vaqtda qabul qilinganda oxirgisining plazmadagi kontsentratsiyasi oshishi va intoksikatsiya simptomlari rivojlanishi mumkin.

Nodepolyarizatsiyalovchi miorelaksantlar (vekuroniy bromid) bilan kombinatsiya qilish tavsiya etilmaydi.

Sulfanilamidlar metronidazolning mikroblarga qarshi ta'sirini kuchaytiradi.

V/i preparatni yuborish infeksiyalarning og'ir kechishida, shuningdek preparatni ichga qabul qilish imkoni bo'lmaganda ko'rsatilgan.

Kattalar va 12 yoshdan oshgan bolalarga - boshlang'ich dozada 0,5-1 g v/i tomchilab (infuziyalar davomiyligi - 30-40 daqiqa), so'ngra - har 8 soatda 500 mg dan 5 ml/min tezlikda. Yaxshi o'zlashtirilganda dastlabki 2-3 infuziyadan so'ng oqim bilan yuborishga o'tiladi. Davolash kursi - 7 kun. Zarurat bo'lganda v/i yuborish uzoqroq vaqt davomida davom ettiriladi. Maksimal sutkalik doza - 4 g. Ko'rsatmalarga ko'ra ichga tutib turuvchi qabulga 400 mg dan sutkasiga 3 marta o'tiladi.

12 yoshgacha bo'lgan bolalarga xuddi shu sxema bo'yicha bir martalik dozada – 7,5 mg/kg tayinlanadi.

Yiringli-septik kasalliklarda odatda 1 davolash kursi o'tkaziladi.

Profilaktika maqsadida kattalar va 12 yoshdan oshgan bolalarga operatsiyadan oldin, operatsiya kuni va ertasi kuni v/i tomchilab 0,5-1 g dan – 1,5 g/sut (har 8 soatda 500 mg dan) tayinlanadi. 1-2 kundan keyin ichga tutib turuvchi terapiyaga o'tiladi.

Surunkali buyrak yetishmovchiligi va KK 30 ml/min dan kam bo'lgan va/yoki jigar yetishmovchiligi bo'lgan bemorlarga maksimal sutkalik doza - 1 g dan ko'p emas, qabul qilish chastotasi - 2 marta/sut.