Mahsulotning ko'rinishi saytdagi rasmdan farq qilishi mumkin.

TAIKOLD S AROMATOM eritma so vkusom limona N10

Kategoriya:

- Og'riq qoldiruvchi

Ishlab chiqarilish joyi:

- Gruziya

Faol modda:

Парацетамол

ko'proq ko'rsatish

Qadoqda soni:

- 10

Ishlab chiqaruvchi:

- GM Pharmaceuticals Ltd, OOO

Vakil:

- GMP

ATX kodi:

- N02BE51

Barcha TAIKOLD dorilari

Noaniqliq haqida habar berish

O'zbekiston Respublikasi dorilar reestri ro'yxatidan o'tgan

O'xshash dorilar

FORSIL EKSPRESS kapsulalar 200mg N20 Узбекистан

24 000 s`om dan

PENTALGIN tabletkalari N24 ОАО «Фармстандарт-Лексредства» Rossiya

30 000 s`om dan

INFULGAN eritma 100ml 10mg/ml ООО “Юрия-Фарм” Ukraina

39 000 s`om dan

АЦЕТИЛСАЛИЦИЛОВАЯ КИСЛОТА таблетки 500мг N10

ASETILSALISILOVAYA KISLOTA tabletkalari 500mg N10 Ирбитский ХФЗ,ОАО Rossiya

1 500 s`om dan

Mahsulot haqida tafsilotlar

Saytda e'lon qilingan ma'lumotlar mutaxassislar uchun mo'ljallangan. O'zingizni-o'zingiz davolash bilan shug'ullanmang. Sog'lig'ingizga zarar bermaslik uchun mutaxassis bilan maslahatlashishga ishonch hosil qiling!

Tarkibi va ishlab chiqarilish shakli

Preparatning bir paketchasi quyidagilarni saqlaydi:

faol moddalar:

paratsetamol…………………………………500 mg

xlorfeniramin maleati…………………....2 mg

askorbin kislotasi (S vitamini)…… .......30 mg

yordamchi moddalar: suvsiz limon kislotasi, saxaroza, natriy sitrati, aspartam, limon aromatizatori.

Farmakologik ta'sir

Taʼsiri, uning tarkibiga kiruvchi komponentlarning xususiyatlari bilan bogʻliq boʻlgan majmuaviy preparat.

Paratsetamol yaqqol ogʻriq qoldiruvchi, isitmani tushiruvchi va kuchsiz yalligʻlanishga qarshi taʼsir koʻrsatadi. Taʼsir mexanizmi asosan gipotalamusdagi termoregulyatsiya markazida prostaglandinlar sintezini susaytirishi bilan bogʻliq.

Xlorfeniramin maleati – N1-gistamin retseptorlarining blokatori, allergiyaga qarshi taʼsir koʻrsatadi, nafas yoʻllarining yuqori boʻlimlari shilliq qavatining qon tomirlari oʻtkazuvchanligini kamaytiradi, koʻz yoshini oqishi, koʻz va burundagi qichishishni bartaraf etadi.

Askorbin kislotasi (S vitamini) grippda va boshqa oʻtkir respirator virusli infeksiyalar (OʻRVI) da S vitaminiga boʻlgan yuqori ehtiyoj oʻrnini qoplaydi, organizmning infeksiyalarga chidamliligini oshiradi.

Farmakokinetikasi

Paratsetamol ichga qabul qilinganida yaxshi va tez soʻriladi. Plazmadagi choʻqqi konsentratsiyasiga 30-90 minut oʻtgach erishiladi. Organizmning deyarli barcha toʻqimalariga kiradi, yoʻldosh orqali oson oʻtadi va koʻkrak suti bilan chiqariladi. Jigarda metabolizmga uchraydi, metabolitlari farmakologik faol emas, ammo toʻplanganida jigarni nekrozga olib kelishi mumkin. Asosan metabolitlari koʻrinishida buyrak orqali chiqariladi. Yarim chiqarilish davri 1,5 soatdan 3 soatgacha oʻzgarib turadi. Jigar funksiyasi buzilishida preparatning organizmdan chiqarilishi sekinlashadi, bu metabolitlarini organizmda toʻplanishiga yordam beradi.

Xlorfeniramin maleati ichga qabul qilinganida meʼda-ichak yoʻllaridan yaxshi soʻriladi. Oqsillar bilan bogʻlanishi - yuqori (72%). Biotransformatsiyasi jigarda, shuningdek buyrakda kechadi. Yarim chiqarilish davri - 14-25 soatni tashkil qiladi. Organizmdan buyrak orqali metabolitlari koʻrinishida chiqariladi.

Askorbin kislotasi meʼda-ichak yoʻllaridan yaxshi soʻriladi, plazma oqsillari bilan bogʻlanishi 25% ni tashkil qiladi, organizm toʻqimalariga keng taqsimlanadi. Jigarda metabolizmga uchraydi, siydik bilan oʻzgarmagan holda oksalat shaklida chiqariladi. Haddan tashqari koʻp miqdorda qabul qilingan askorbin kislotasi oʻzgarmagan holda siydik bilan tez chiqariladi.

Nojo'ya samaralari

“Taikold s aromatom limona” jiddiy nojoʻya taʼsirlar chaqirmaydi. Ayrim hollarda ogʻizni qurishi, koʻngil aynishi, bosh aylanishi boʻlishi mumkin.

Allergik reaksiyalar (terida toshma, qichishish, eshakemi, angionevrotik shish), epigastral ogʻriq; anemiya, trombotsitopeniya; akkomodatsiya parezi, siydikni tutilishi, uyquchanlik. Katta dozalarda uzoq vaqt qoʻllanganda – gepatotoksik taʼsir, gemolitik anemiya, aplastik anemiya, metgemoglobinemiya, pansitopeniya; meʼda-ichak yoʻllarining eroziv-yarali shikastlanishlari, meʼda-ichak yoʻllaridan qon ketishlari; nefrotoksiklik (papillyar nekroz).

Maxsus shartlar

Preparat bilan davolash fonida 3 kundan ortiq davom etuvchi gipertermiyada va 5 kundan ortiq ogʻriq sindromida shifokorning maslahati talab etiladi.

Preparatni qabul qilish plazmada glyukoza va siydik kislotasining miqdorini aniqlashda laborator tekshiruvlarning koʻrsatkichlarini oʻzgartiradi.

Davolanish vaqtida periferik qon manzarasini va jigarning funksional holatini nazorat qilish lozim.

Davolanish davrida etanolni isteʼmol qilishdan (gepatotoksik taʼsir rivojlanishi mumkin), avtotransportni haydashdan va diqqatni yuqori jamlanishi xamda psixomotor reaksiyalarning tezligini talab etuvchi boshqa potensial xavfli faoliyat turlari bilan shugʻullanishdan saqlanish kerak.

Tugʻma giperbilirubinemiyalarda (Jilber, Dubin-Djonson va Rotor sindromlari), yopiq burchakli glaukomada, prostata bezi giperplaziyasida ehtiyotkorlik bilan qabul qilinadi.

“Taikold s aromatom limona” preparatini qoʻllaganda alkogol isteʼmol qilish, uxlatuvchi vositalar va trankvilizator qabul qilish mumkin emas.

Avtotransportni haydash va mexanizmlarni boshqarish qobiliyatiga taʼsiri

Davolanish vaqtida preparat uyquchanlik yoki tormozlanishni chaqirishi mumkin, shuning uchun avtomobilni boshqarish yoki yuqori diqqatni talab etuvchi boshqa faoliyat bilan shugʻullanish mumkin emas.

Qo'llanilishi

isitma, bosh ogʻrigʻi, oʻtkir rinit, burunning bitishi, aksirish, mushaklarda ogʻriq bilan kechuvchi gripp, infeksion-yalligʻlanish va shamollash kasalliklarini simptomatik davolashda qoʻllaniladi.

Qo'llanilishi mumkin bo'lmagan holatlar

- preparatning komponentlariga yuqori sezuvchanlik

- meʼda-ichak yoʻllarining eroziv-yarali shikastlanishlari (zoʻrayish fazasidagi),

- buyrak yetishmovchiligi,

- portal gipertenziya, alkogolizm,

- glyukoza-6-fosfatdegidrogenaza tanqisligi,

- bolalar (15 yoshgacha),

- homiladorlik va laktatsiya davrida qoʻllash mumkin emas.

Ehtiyotkorlik choralari

Koronar arteriyalarning yaqqol aterosklerozida, gipertireozda, qandli diabetning ogʻir shakllarida va ichki aʼzolarning ogʻir funksional buzilishlarida preparatni ehtiyotkorlik bilan ishlatish lozim.

Dori vositalarining o'zaro ta'siri

Preparatni MAO ingibitorlari, beta-adrenoblokatorlar bilan bir vaqtda ehtiyotkorlik bilan buyurish lozim.

Paratsetamol saqlovchi preparatlar bilan bir vaqtda qabul qilishdan saqlanish lozim.

Paratsetamol (preparat tarkibiga kiruvchi) jigar fermentlarini faollashtiruvchi dori vositalar (baʼzi uxlatuvchi va tirishishga qarshi vositalar, rifampitsin, etanol) bilan bir vaqtda qoʻllanganida, paratsetamolning gepatotoksik taʼsiri kuchayadi.

Dozirovkasi

Bir paketcha ichidagisini stakanga solinadi va uni issiq suv bilan toʻldirib, toʻliq erigunicha aralashtiriladi.

Kattalarga: 1 paketchadan har 4-6 soatda buyuriladi, ammo 24 soat davomida 4 paketchadan ortiq qabul qilish mumkin emas. Preparatni qabul qilish davomiyligi 5 kundan koʻp emas.

Shamollash kasalliklarini davolashda preparatni kasallikning birinchi belgilari paydo boʻlganidan keyin, iloji boricha ertaroq qoʻllagan yaxshi.

Dozani oshirib yuborilishi

Kattalarda preparatning tarkibida 10-15 g paratsetamol qabul qilinganda toksik taʼsiri kuzatilishi mumkin.

Simptomlari: (paratsetamol bilan bogʻliq) teri qoplamalarini oqarishi, ishtahani pasayishi, koʻngil aynishi, qusish, gepatonekroz (intoksikatsiya oqibatidagi nekroz yaqqolligi dozani oshirib yuborilishiga bevosita bogʻliq), protrombin vaqtini uzayishi bilan “jigar” transaminazalari faolligini oshishi (qabul qilgandan keyin 12-48 soatdan keyin); jigarni shikastlanishining toʻliq klinik manzarasi 1-6 kundan keyin namoyon boʻladi. Kam hollarda: jigar yetishmovchiligi yashin tezligida rivojlanadi va buyrak yetishmovchiligi (tubulyar nekroz) bilan asoratlanishi mumkin.

Davolash: dozani oshirib yuborilishining birinchi 6 soat – meʼdani yuvish, SH-guruhi donatorlarini va glutation sintezi oʻtmishdoshlari – metioninni dozani oshirib yuborilgandan 8-9 soatdan keyin va N-atsetilsisteinni 12 soatdan keyin yuborish. Qoʻshimcha terapevtik choralarni (metioninni yuborishni, vena ichiga (v/v) N-atsetilsisteinni yuborishni davom ettirish) koʻrish zarurati qondagi paratsetamolning konsentratsiyasi, shuningdek qabul qilingandan keyin oʻtgan vaqtga qarab belgilanadi.

Homiladorlik va laktatsiya davrida qullanishi

Preparatni homiladorlik va laktatsiya davrida qoʻllash tavsiya etilmaydi.

Fikr qoldirish

Matnni kiriting

Ismingiz

Fikr-mulohazangiz moderator tekshiruvidan so'ng nashr etiladi

Mahsulot bo'yicha savolingiz bormi?

Savol qoldirish

Mulohazalar

TAIKOLD S AROMATOM eritma so vkusom limona N10 dori vositasi O'zbekiston dori vositalari reestrida ro'yxatdan o'tganmi?

Ha, preparat O'zbekiston dori vositalari reestrida ro'yxatdan o'tgan.

TAIKOLD S AROMATOM eritma so vkusom limona N10 dori vositasi ishlab chiqaruvchisi kim va u qaysi davlatda ishlab chiqarilgan?

TAIKOLD S AROMATOM eritma so vkusom limona N10 dori vositasi GM Pharmaceuticals Ltd, OOO tomonidan Gruziya mamlakatida ishlab chiqarilgan.

TAIKOLD S AROMATOM eritma so vkusom limona N10 dori vositasi resept bo’yicha sotiladimi?

TAIKOLD S AROMATOM eritma so vkusom limona N10 dori vositasi resept bo'yicha sotiladigan dori

Analoglar

PARDIFEN Kids suspenziyasi 100 ml 100 mg+162,5 mg / 5 ml

Ishlab chiqarilish joyi: Hindiston
Faol modda: Парацетамол ko'proq ko'rsatish
Ishlab chiqaruvchi: Vegapharm Life Sciences Pvt. Ltd., Индия, произведено: Lark Laboratories (India)
Vakil: VEGAPHARM

Barcha PARDIFEN dorilari

Narh: 32 500 so'mdan Batafsil

BOLBURG LAYT suspenziya 120mg/5ml 60ml N1

Ishlab chiqarilish joyi: Hindiston
Faol modda: Парацетамол ko'proq ko'rsatish
Ishlab chiqaruvchi: Rhydburg LLP, Индия произведено: Rhydburg Pharmaceuticals Ltd
Vakil: Rhydburg