ZOVIRAKS krem 2g 5%

Рецептсиз.

Дори шакли: сиртга қўллаш учун 5% ли крем

Таркиби (битта ўрам, 2 г):

фаол модда - ацикловир 100 мг.

ёрдамчи моддалар – полоксамер 407, цетостеарил спирти, натрий лаурилсульфати, оқ юмшоқ парафин, суюқ парафин, диметикон 20, пропиленгликоль, арлацел 165, тозаланган сув.

Ацикловир вирусларга қарши дори воситаси бўлиб ҳисобланади. In vitro шароитларда ўтказилган экспериментал тадқиқотларда оддий герпес вируси (herpes simplex) нинг 1 ва 2 типларига қарши фаолликни намоён қилади. Хўжайин-хужайра (одам хужайралари) учун токсиклиги паст. Ацикловир герпес вируси билан инфекцияланган ҳужайрага тушганида, фосфат кислотасининг қолдиғини қўшилиши ва фаол шакли – ацикловир трифосфатга айланади. Ушбу жараённинг биринчи босқичи HSV – кодланган тимидикиназани мавжудлигига боғлиқ. Ацикловир трифосфат герпес специфик ДНК полимераза учун ингибитор ва субстрат сифатида таъсир қилиб, кейинчалик вирусдаги ДНК синтезини бартараф қилади, одатдаги ҳужайра жараёнларига таъсир қилмайди.

Сўрилиши

Фармакологик тадқиқотлар ацикловир кремини кўп марта маҳаллий қўллаганда тизимли сўрилиши минимал эканлигини намойиш қилган.

Сиртга қўллаш учун 5% ли крем. Препарат 2 г дан бураладиган қопқоқчаси бўлган алюмин тубада. Алюмин туба қўлланилишига доир йўриқномаси билан бирга картон қутига жойланади.

Ножўя реакциялар нохуш самараларни учраш тезлиги бўйича қуйидаги таснифлаш тизимига мувофиқ кўрсатилган: жуда тез тез ≥1/10, тез-тез ≥1/100 ва <1/10, тез-тез эмас ≥1/1000 ва <1/100, кам ҳолларда ≥1/10 000 ва <1/1000, жуда кам ҳолларда <1/10000.

Тери ва тери ости клечаткасини томонидан бузилишлар:

Тез-тез эмас

• Кремни суртилгандан кейин ўтиб кетувчи ачишиши ва санчиши.
• Терини қуриши ва қипиқланиши
• Қичишиш

Кам ҳолларда

• Эритема
• Суртилган соҳада контакт дерматит, кўп ҳолларда ацикловирга эмас, ёрдамчи моддаларга нисбатан кузатиладиган реакция билан боғлиқ бўлиши мумкин

Иммун тизими томонидан бузилишлар

Жуда кам ҳолларда

• Дарҳол типдаги ўта юқори сезувчанлик реакциялари, шу жумладан Квинке шиши.

Кремни фақат лаб ва юз териси герпесида қўллаш мумкин. Кремни оғиз бўшлиғи ва кўзнинг шиллиқ қаватига суртиш тавсия этилмайди, шунингдек генитал герпесни даволаш учун ишлатиш мумкин эмас.

Кўзга тўсатдан тушишидан сақлансин.

Лаб герпесининг белгилари яққол намоён бўлганида шифокор билан маслаҳатлашиш тавсия этилади.

Лаб герпеси (айниқса, очиқ жароҳатлар бўлганида) бўлган шахслар, инфекцияни бошқа одамларга юқишига йўл қўймаслиги учун эҳтиёткорлик қоидаларига қатъий риоя қилиши керак (масачлан препаратни суртишдан олдин ва кейин қўлларни ювиш, “Қўллаш усули ва дозалари” бўлимига қаранг).

Препарат контакт дерматит каби маҳаллий тери реакцияларини келтириб чиқариши мумкин бўлган цетил спирти, шунингдек терини таъсирланишини чақириши мумкин бўлган пропиленгликол сақлайди.

Зовиракс лаб ва юздаги Herpex simplex вируси томонидан чақирилган инфекцияни (қайталанувчи лабиал герпес) даволаш учун қўлланилади.

Иммун тизими сусайган пациентларда қўлланилиши

Иммун тизими сусайган пациентларда қўллаш тавсия этилмайди ва хар қандай инфекцияни даволаш юзасидан шифокор билан маслаҳатлашиш тавсия этилади.

Ацикловирга, валацикловирга, пропиленгликолга ёки Зовиракс кремининг ҳар қандай ёрдамчи моддаларига юқори сезувчанликда қўллаш мумкин эмас.

Бошқа дори воситалари билан клиник аҳамиятли ўзаро таъсирлар аниқланмаган.

Препарат фақат маҳаллий қўллаш учун мўлжалланган.

Катталар (шу жумладан кексалар):

Препаратни тунги вақтдан ташқари, кунига 5 марта (тахминан ҳар 4 соатда) суртиш тавсия этилади.

Препаратни иложи борича эртароқ, касалликнинг биринчи белгилари (продромал даврда ёки тери қизаришида) пайдо бўлганида қўлланган афзал. Бироқ, даволаш касалликнинг кечки босқичларида (папула ёки везикулани мавжудлиги) бошланиши ҳам мумкин. Даволаш давомийлиги камида 4 кунни ташкил этади. Даволаш давомийлиги – камида 4 кун. Шикастланган соҳани битиши кузатилмаганида даволаш 10 кунгача давом эттирилиши мумкин. Касалликнинг симптомлари 10 кундан ортиқ сақланиб турса, шифокорга мурожаат қилиш керак.

Пациентнинг ахволини ёмонлашишига йўл қўймаслик ва инфекцияни юқишини олдини олиш учун препаратни суртишдан олдин ва кейин қўлларни ювиш керак, терининг шикастланган соҳаларини сочиқ билан артиш ёки тегиш мумкин эмас.

Болаларда қўлланиши. 12 ёшгача бўлган болаларда ушбу дори воситасини қўллаш юзасидан адекват маълумотлар бўлмаганлиги сабабли, препаратни қўллаш тавсия этилмайди.

Буйрак/жигар етишмовчилиги бўлган пациентларда қўлланиши.

Ацикловир асосан буйраклар орқали чиқарилганлиги туфайли, маҳаллий қўлланилгандан кейин тизимли сўрилиши аҳамиятсиз. Шунинг учун буйрак ёки жигар етишмовчилиги бўлган пациентларда дозага тузатиш киритиш талаб этилмайди (“Фармакокинетикаси” бўлимига қаранг).

100 мг ацикловирдан иборат бўлган оғирлиги 2 г Зовиракс креми сақланган ўрамининг ичидаги барча крем маҳаллий қўлланганида ёки бехосдан ютиб юборилганида, минимал тизимли экспозицияси туфайли препаратнинг нохуш таъсирлари аниқланмаган.

Дозани ошириб юборилишига шубха туғилса, дархол тиббий ёрдамга мурожаат қилиш керак.

Ҳомиладорлик.

Фақат она учун кутилган фойда ҳомила учун потенциал ҳавфдан устун бўлган ҳоллардагина препаратни қўллаш мумкин. Аммо маҳаллий қўллагандан кейин ацикловирнинг тизимли экспозицияси жуда паст.

Ҳомиладорликнинг пострегистрацион реестрида ацикловир қўлланилганда, ацикловирни турли дори шаклларида қабул қилган аёлларда ҳомиладорликнинг якунлари ҳақидаги маълумотлар қайд этилган. Реестр маълумотларининг таҳлили умумий популяцияга нисбатан оналари ҳомиладорлик ватида ацикловирни қабул қилган болаларда туғма нуқсонлар сонини ошишини аниқламаган. Аниқланган туғма нуқсонлар, уларни юзага келишининг умумий сабабини тахмин қилиш имконини берувчи бир хиллик ёки қонунийлик билан фарқ қилмаган. Маҳаллий қўллагандан кейин ацикловирнинг тизимли экспозицияси жуда паст.

Эмизиш даври. Эмизиш даврида аёлларда ацикловирни қўллашнинг мавжуд чекланган маълумотлари, ацикловирни тизимли қўллаш учун дори шаклларида буюрилганда дори воситаси кўкрак сутига ўтишини намойиш этади. Аммо эмизикли бола қабул қиладиган доза паст бўлиши кутилади.