ZUMM-25 analoglari

Kuzatilishi mumkin boʻlgan nojoʻya taʼsirlar ularning kelib chiqishiga qarab quyidagi tarzda keltirilgan.

Tez-tez paydo boʻladigan nojoʻya taʼsirlar:

Koʻngil aynishi va/yoki qusish, meʼdada ogʻriq, diareya, ovqat hazm qilishda muammolar (dispepsiya).

Baʼzi hollarda paydo boʻladigan nojoʻya taʼsirlar:

Bosh aylanish hissi (vertigo), bosh aylanishi, uyquchanlik, uyquning buzilishi, jizzakilik, bosh ogʻrigʻi, yurak urishini his qilish, qon oqib kelish hissi, meʼda tomonidan buzilishlar, qabziyat, ogʻizni qurishi, meteorizm, teri toshmasi, ogʻriq, qizib ketish hissi va etni uvishishi, umumiy holatni yomonlashishi (holsizlik).

Kam hollarda paydo boʻladigan nojoʻya taʼsirlar:

Peptik yara, teshilgan yara yoki qonli qusish yoki qora rangli axlat koʻrinishida namoyon boʻlishi mumkin boʻlgan qon ketishi, xushdan ketish, arterial bosimni oshishi, nafas olish tez-tezligini pasayishi, suyuqlikni organizimda tutilishi va periferik shishlar (masalan kaftlarni shishi), ishtahani yoʻqolishi (anoreksiya), yot jisim hissi, qichimali toshma, akne, koʻp terlash, belda ogʻriq, tez-tez siyish, xayz siklini buzilishi, prostata bezi tomonidan buzilishlar, qon tahlili oʻtkazilganda jigar koʻrsatkichlarini ogʻishi, buyrak funksiyasini buzilishi (oʻtkir buyrak yetishmovchiligi).

Juda kam hollarda paydo boʻladigan nojoʻya taʼsirlar:

Anafilaktik reaksiyalar (yuqori sezuvchanlik reaksiyalari hatto shokkacha), teri, ogʻiz, koʻz va jinsiy ahzolarning shilliq qavatlarida bitmaydigan yaralar (Stivens-Djonson va Layell sindromi), yuz yoki lablar va tomoqni shishi (angionevrotik shish), nafas yoʻllarini torayishi natijasidagi nafas olishini qiyinlashishi (bronxospazm), xansirash, yurakni tez-tez urishi, arterial bosimini pasayishi, meʼda osti bezini yalligʻlanishi, jigar hujayralarini shikastlanishi (gepatit), koʻrishni xiralashishi, quloqlarda shovqin, terini yuqori sezuvchanligi, yorugʻlikka sezgirlik, qichishish, buyrak tomonidan buzilishlari. Leykotsitlar miqdorini pasayishi (neytropeniya), qonda trombotsitlar miqdorini pasayishi (trombotsitopeniya).

Agar davolanishning boshida meʼda-ichak yoʻllari tomonidan nojoʻya taʼsirlar paydo boʻlsa (masalan qorinda ogʻriq, jigʻildon qaynashi yoki qon ketishi), agar Sizda avval yalligʻlanishga qarshi vositalarni uzoq muddat qabul qilganda ushbu simptomlar kuzatilgan boʻlsa va asosan Siz keksa yoshli boʻlsangiz nojoʻya taʼsirlar paydo boʻlsa darhol shifokorga xabar bering.

Teri toshmasi, shilliq qavatning boshqa har qanday shikastlanishlari (masalan ogʻiz boʻshligʻida) yoki allergiya belgilari paydo boʻlsa preparatni qabul qilishni darhol toʻxtatish lozim.

Nosteroid yalligʻlanishga qarshi vositalarni qoʻllash davrida mavjud boʻlgan maʼlumotlar boʻyicha suyuqlikni organizmda tutilishi oqibatida shishlar paydo boʻlishi (ayniqsa oyoqlarda), arterial bosimni oshishi va yurak yetishmovchiligi kuzatilishi mumkin.   

Zumm-25 preparatiga oʻxshash vositalar, yurak xurujlarini (miokard infarkti) yoki insultning xavfini bir necha marta oshirishi mumkin.

Biriktiruvchi toʻqima tomonidan oʻzgarishlar bilan kechadigan tizimli qizil yugurik yoki immun tizimining buzilishlari bilan kasallangan patsiyentlarda, yalligʻlanishga qarshi vositalarni qoʻllash fonida, kam hollarda isitma, bosh ogʻrigʻi va boʻyinni taranglik hissi kuzatilishi mumkin.  

Har qanday nojoʻya taʼsirlar paydo boʻlsa, bu haqda davolovchi shifokor yoki farmatsevtga xabar bering. Bu preparatni ushbu tibbiyotda qoʻllanilishiga doir yoʻriqnomasida keltirilmagan har qanday nojoʻya taʼsirlarga ham taaluqli.