KEYVER tabletkalari 25mg N10

Klinik tadqiqotlar shuni ko'rsatdiki, deksketoprofen trometamoli preparat qo'llanilgandan 30 daqiqa o'tgach rivojlanadigan va 4-6 soat davom etadigan samarali og'riq qoldiruvchi ta'sir ko'rsatadi.
Deksketoprofen trometamoli oral qo'llanilgandan so'ng qon plazmasidagi maksimal kontsentratsiyaga (C max) o'rtacha 30 daqiqadan (15-60 daqiqa) so'ng erishiladi. Deksketoprofen trometamolining taqsimlanish va yarim chiqarilish davri mos ravishda 0,35 va 1,65 soatni tashkil qiladi. Plazma oqsillari bilan yuqori darajada bog'lanishi (99%) hisobiga deksketoprofen trometamolining o'rtacha taqsimlanish hajmi 0,25 l/kg dan kamni tashkil qiladi. Deksketoprofen trometamolining chiqarilishi asosan glyukuronizatsiya va keyinchalik buyraklar orqali chiqarilishi hisobiga sodir bo'ladi. Deksketoprofen trometamoli qo'llanilgandan so'ng siydikda faqat S - (+) - enantiomer aniqlanadi, bu esa inson organizmida uning R - (+) - enantiomerga inversiyasi yo'qligini isbotlaydi. Ko'p martalik dozalarning farmakokinetikasini o'rganishda shuni ko'rsatdiki, deksketoprofen trometamoli oxirgi marta qo'llanilgandan keyin biokiraolishlik egri chizig'i ostidagi maydon (BEM) qiymati uning bir martalik qo'llanilishidan keyingi qiymatdan yuqori bo'lmagan, bu esa preparatning to'planishi yo'qligini isbotlaydi. Deksketoprofen trometamoli ovqat bilan birga qo'llanilganda BEM qiymatlari o'zgarmaydi, ammo Cmax qiymati pasayadi, shuningdek so'rilish tezligi kamayadi (t max ortadi).

Deksketoprofen trometamol - bu propion kislotasi tuzi, analgetik, yallig'lanishga qarshi va isitmani tushiruvchi ta'sir ko'rsatadi va nosteroid yallig'lanishga qarshi vositalar (NYQV) sinfiga kiradi. Uning ta'sir mexanizmi siklooksigenazani susaytirish hisobiga prostaglandinlar sintezini kamaytirishga asoslangan. Xususan, araxidon kislotasining siklik endoperoksidlar PGG 2 va PGH 2 ga aylanishi tormozlanadi, ulardan prostaglandinlar PGE 1 , PGE 2 , PGF 2 a , PGD 2 , shuningdek prostasiklin PGI 2 va tromboksanlar Txa 2 va TXV 2 hosil bo'ladi. Bundan tashqari, prostaglandinlar sintezining susayishi kininlar kabi boshqa yallig'lanish mediatorlariga ta'sir qilishi mumkin, bu ham preparatning asosiy ta'siriga bilvosita ta'sir qilishi mumkin. Deksketoprofen trometamolning siklooksigenaza izofermentlari SOX-1 va SOX-2 ga susaytiruvchi ta'siri hayvonlar va odamlarda aniqlangan.

- Qon va limfa tizimi tomonidan: Juda kam hollarda: neytropeniya, trombotsitopeniya.
- Immun tizimi tomonidan: Kamdan-kam hollarda: Hiqildoq shishi; Juda kam hollarda: Anafilaktik reaksiyalar, shu jumladan anafilaktik shok.
- Moddalar almashinuvi tomonidan: Kamdan-kam hollarda: Ishtahaning yo'qolishi.
- Ruhiyat tomonidan: Ba'zan: Uyqusizlik, bezovtalik.
- Asab tizimi tomonidan: Ba'zan: Bosh og'rig'i, bosh aylanishi, uyquchanlik; Kamdan-kam hollarda: Paresteziyalar, sinkope.
- Ko'rish organlari tomonidan: Juda kam hollarda: Ko'rishning xiralashishi.
- Eshitish organlari va vestibulyar buzilishlar tomonidan: Ba'zan: Vertigo; Juda kam hollarda: Quloqlarda shovqin.
- Yurak tomonidan: Ba'zan: Palpitatsiya; Juda kam hollarda: Taxikardiya.
- Tomir tizimi tomonidan: Ba'zan: Qizib ketishlar; Kamdan-kam hollarda: Arterial gipertenziya; Juda kam hollarda: Arterial gipotenziya.
- Nafas olish tizimi tomonidan: Kamdan-kam hollarda: Bradipnoe; Juda kam hollarda: Bronxospazm, hansirash.
- Ovqat hazm qilish trakti tomonidan: Tez-tez: Ko'ngil aynishi va/yoki qusish, qorinda og'riq, diareya, dispepsiya; Ba'zan: Gastrit, qabziyat, og'iz qurishi, meteorizm; Kamdan-kam hollarda: Yara kasalligi, yaradan qon ketishi yoki uning perforatsiyasi; Juda kam hollarda: Pankreatit.
- Jigar tomonidan: Kamdan-kam hollarda: Gepatit; Juda kam hollarda: Gepatotsellyulyar shikastlanishlar.
- Teri va teri osti kletchatkasi tomonidan: Ba'zan: Toshmalar; Kamdan-kam hollarda: Eshakemi, akne, ko'p terlash; Juda kam hollarda: Stivens-Jonson sindromi, Layell sindromi, qichishish, yuzning angionevrotik shishi, fotosensibilizatsiya
- Tayanch-harakat aparati tomonidan: Kamdan-kam hollarda: Belda og'riq.
- Siydik chiqarish tizimi tomonidan: Kamdan-kam hollarda: O'tkir buyrak yetishmovchiligi, poliuriya; Juda kam hollarda: Nefrit yoki nefrotik sindrom.
- Reproduktiv tizim tomonidan: Kamdan-kam hollarda: Hayz siklining buzilishi, prostata bezi faoliyatining buzilishi.
- Umumiy buzilishlar: Ba'zan: Toliqish, og'riq, asteniya, mushak rigidligi, lanjlik; Kamdan-kam hollarda: Periferik shish.
- Laborator ko'rsatkichlar: Kamdan-kam hollarda: Jigar faoliyati ko'rsatkichlarining og'ishi.
Ko'pincha ovqat hazm qilish trakti tomonidan nojo'ya reaksiyalar kuzatiladi. Shunday qilib, yara kasalligi, perforatsiya yoki qon ketishi, ba'zida o'lim bilan yakunlanishi mumkin, ayniqsa keksa yoshdagi bemorlarda rivojlanishi mumkin. Mavjud ma'lumotlarga ko'ra, preparatni qo'llash fonida ko'ngil aynishi, qusish, diareya, meteorizm, qabziyat, dispepsiya, qorinda og'riq, melena, qon aralash qusish, yarali stomatit, kolitning zo'rayishi, Kron kasalligi paydo bo'lishi mumkin. Kamroq hollarda gastrit kuzatiladi. Shuningdek NYQP qo'llash fonida shishlar, arterial gipertenziya, yurak yetishmovchiligi bo'lishi mumkin.
Boshqa NYQP qo'llanilganda bo'lgani kabi, asosan tizimli qizil yugurik yoki aralash kollagenoz bo'lgan bemorlarda yuzaga keladigan aseptik meningit va qon tomonidan reaksiyalar (purpura, gipoplastik va gemolitik anemiya, kamdan-kam hollarda - agranulotsitoz va suyak ko'migi giperplaziyasi) rivojlanishi mumkin.
Bullez reaksiyalar, shu jumladan Stivens - Jonson sindromi va toksik epidermal nekroliz (juda kam hollarda) bo'lishi mumkin.
Klinik tadqiqotlar natijalari va epidemiologik ma'lumotlarga ko'ra, ba'zi NYQPni, ayniqsa yuqori dozalarda va uzoq vaqt davomida qo'llash arteriyalar trombozi (masalan miokard infarkti yoki insult) oqibatida kelib chiqqan patologiya rivojlanishi xavfini biroz oshiradi.

Keyver ® anamnezida allergik reaksiyalari bo'lgan bemorlarga ehtiyotkorlik bilan qo'llansin.
Preparatni boshqa NYQP lar, shu jumladan siklooksigenaza-2 ingibitorlari bilan bir vaqtda qo'llashdan saqlanish kerak. Preparatning noxush ko'rinishlarini simptomlarni bartaraf etish uchun zarur bo'lgan eng qisqa vaqt oralig'ida minimal samarali dozalarni qo'llash orqali minimallashtirish mumkin. NYQP sinfi preparatlari qo'llanilganda ovqat hazm qilish traktida perforatsiya va qon ketishi bilan yoki ularsiz (hatto o'lim bilan yakunlanuvchi) peptik yaralar rivojlanishi mumkin. Ushbu noxush ko'rinishlar davolashning har qanday davrida ogohlantiruvchi simptomlar bilan ham, ularsiz ham, anamnezida ovqat hazm qilish trakti tomonidan og'ir buzilishlar mavjudligidan qat'i nazar paydo bo'lishi mumkin. Agar deksketoprofen qo'llanilganda oshqozon-ichakdan qon ketishi yoki yara rivojlansa, preparatni darhol to'xtatish kerak.
Yuqorida aytib o'tilgan noxush ko'rinishlar rivojlanishi xavfi NYQP dozasi oshishiga mutanosib ravishda, shuningdek anamnezida oshqozon yoki o'n ikki barmoqli ichak yarasi bo'lgan bemorlarda va keksa yoshdagi shaxslarda ortadi. Preparat qo'llanilishi vaqtida shifokor oshqozon-ichakdan qon ketishlari paydo bo'lishi ehtimolini hisobga olgan holda bemorlar holatini sinchkovlik bilan kuzatishi kerak. Deksketoprofen trometamolni qo'llashni boshlashdan oldin bemor anamnezida ezofagit, gastrit va / yoki yara kasalligi mavjud bo'lganda, boshqa NYQP lar bilan bo'lgani kabi, ushbu kasalliklar remissiya bosqichida ekanligiga ishonch hosil qilish kerak. Ovqat hazm qilish trakti patologiyasi simptomlari bo'lgan va anamnezida ovqat hazm qilish trakti kasalliklari bo'lgan bemorlarga ovqat hazm qilish trakti tomonidan ehtimoliy buzilishlarni, ayniqsa qon ketishini aniqlash uchun nazorat zarur.
Ovqat hazm qilish trakti tomonidan noxush nojo'ya reaksiyalar rivojlanishi xavfini kamaytirish uchun shifokor ovqat hazm qilish trakti shilliq qavatiga himoya ta'siri ko'rsatuvchi dori vositalarini (mizoprostol, proton nasosi ingibitorlari) tayinlashi mumkin. Bu shuningdek atsetilsalitsil kislotasining past dozalarini yoki ovqat hazm qilish tizimi tomonidan asoratlar rivojlanishi xavfini oshiruvchi boshqa vositalarni yo'ldosh tayinlashga muhtoj bemorlarga ham tegishli. Bemorlarga qorin sohasida qandaydir noqulaylik (birinchi navbatda - oshqozon-ichakdan qon ketishlari) paydo bo'lganda, ayniqsa davolash boshida, ular shifokorga xabar berishlari kerakligi haqida ma'lumot berish kerak.
Deksketoprofen qonda mochevina azoti, kreatinin, AST va ALT darajasini oshirishi mumkin. AST va ALT darajasi sezilarli oshganda preparatni qo'llashni to'xtatish kerak.
Prostaglandinlarning boshqa ingibitorlari kabi deksketoprofen trometamol buyrak tomonidan nojo'ya reaksiyalarni chaqirishi mumkin, ular glomerulonefrit, interstitsial nefrit, papillyar nekroz, nefrotik sindrom va o'tkir buyrak yetishmovchiligiga olib kelishi mumkin.
Deksketoprofen infeksion kasalliklar simptomlarini niqoblashi mumkin.
Buyrak va / yoki jigar funksiyasi buzilgan, arterial gipertenziyasi, yurak yetishmovchiligi bo'lgan bemorlarga preparatni ehtiyotkorlik bilan tayinlash kerak, chunki ularda NYQP qo'llash buyrak funksiyasi yomonlashishini, organizmda suyuqlik ushlanib qolishini, shishlar paydo bo'lishini chaqirishi mumkin.
Deksketoprofenni diuretiklar olayotgan va gipovolemiyaga moyil bo'lgan bemorlarga qo'llashda ehtiyot bo'lish kerak, chunki preparatning nefrotoksik ta'siri xavfi mavjud. Anamnezida yurak kasalliklari, ayniqsa yurak yetishmovchiligi epizodlari bo'lgan bemorlarga preparatni tayinlashda alohida ehtiyotkorlik talab etiladi, chunki deksketoprofen kasallik kechishining zo'rayishini chaqirishi mumkin. Keksa yoshdagi bemorlar ularda buyrak, yurak-qon tomir tizimi va jigar funksiyasi buzilishi rivojlanishiga ko'proq moyil bo'ladilar.
Juda kam hollarda teri reaksiyalari (ba'zilari o'lim bilan yakunlanuvchi), shu jumladan eksfoliativ dermatit, Stivens - Djonson sindromi va toksik epidermal nekroliz haqida xabar berilgan. Ko'pincha nojo'ya reaksiyalar davolash boshida rivojlanadi; ko'pchilik hollarda - davolashning birinchi oyida. Teri toshmasi, shilliq qavatlar shikastlanishi yoki o'ta yuqori sezuvchanlikning boshqa ko'rinishlari birinchi paydo bo'lganda preparatni darhol bekor qilish kerak.
Homiladorlikni rejalashtirayotgan ayollar preparatni faqat o'ta zarur hollarda, eng qisqa davr mobaynida minimal mumkin bo'lgan dozalarni qo'llagan holda qo'llashlari mumkin. Bu homilador bo'la olmayotgan yoki reproduktiv funksiya tekshiruvidan o'tayotgan ayollarga tegishli. Deksketoprofenni homiladorlikning I va II trimestrida, agar zarurat bo'lmasa, qo'llamaslik kerak.
Yodda tutish kerakki, NYQP qo'llanilganda (bu deksketoprofenga ham tegishli), ayniqsa yuqori dozalarda va uzoq muddatli davolashda, arterial tromboembolik asoratlar (masalan miokard infarkti, insult) rivojlanish xavfi biroz oshadi.
Nazorat qilib bo'lmaydigan arterial gipertenziya, dekompensatsiyalangan yurak yetishmovchiligi, manifest yurak ishemik kasalligi, obliteratsiyalovchi endarteriit, serebrovaskulyar buzilishlari bo'lgan bemorlarga deksketoprofenni faqat kutilayotgan foyda va bunday terapiyaning ehtimoliy xavfi nisbatini sinchkovlik bilan baholagandan keyin tayinlash kerak. Xuddi shu tamoyil bo'yicha yurak-qon tomir kasalliklari paydo bo'lishi xavf omillari, masalan giperlipidemiya, arterial gipertenziya, qandli diabeti bo'lgan bemorlarga va agar bemor chekadigan bo'lsa deksketoprofen bilan uzoq muddatli terapiyani tayinlash maqsadga muvofiqligini baholash kerak.
Deksketoprofen qo'llanilganda bosh aylanishi va yuqori toliqish bo'lishi mumkin, bu avtotransportni boshqarish va mexanizmlar bilan ishlash qobiliyatiga ta'sir qilishi mumkin.

- Deksketoprofenga, har qanday boshqa NYQP ga yoki preparatning yordamchi moddalariga yuqori sezuvchanlik.
- O‘xshash ta'sir mexanizmiga ega moddalar, masalan atsetilsalitsil kislotasi va boshqa NYQP bronxial astma xurujlari, bronxospazm, o‘tkir rinit chaqiradigan yoki burunda poliplar, eshakemi yoki angionevrotik shish rivojlanishiga olib keladigan bemorlarga qo‘llash.
- Yara kasalligining faol fazasi / ovqat hazm qilish traktida qon ketish yoki ularning mavjudligiga shubha, anamnezda yara kasalligi/ovqat hazm qilish traktida qon ketishining retsidivlanuvchi kechishi (kamida 2 tasdiqlangan yara yoki qon ketish holatlari), shuningdek surunkali dispepsiya.
- Anamnezda NYQP qabul qilish bilan bog‘liq ovqat hazm qilish traktida qon ketish yoki teshilishlar.
- Ovqat hazm qilish traktida qon ketish, faol fazadagi boshqa qon ketishlar yoki yuqori qonash.
- Kron kasalligi yoki nomaxsus yarali kolit.
- Anamnezda bronxial astma.
- Og‘ir yurak yetishmovchiligi.
- O‘rta yoki og‘ir buyrak funksiyasi buzilishi (kreatinin klirensi <50 ml / min).
- Og‘ir jigar funksiyasi buzilishi (Chayld - Pyu shkalasi bo‘yicha 10-15 ball).
- Gemorragik diatiz yoki boshqa qon ivish buzilishlari.

Quyidagi dori vositalarining o'zaro ta'sirlari umuman NYQV sinfi preparatlarini tavsiflaydi.
Keyver В® preparati bilan qo'llash uchun tavsiya etilmaydigan kombinatsiyalar:
- Boshqa NYQV, shu jumladan yuqori dozalarda salitsilatlar (3 g / sut dan ortiq): sinergik ta'sir hisobiga peptik yaralar paydo bo'lish xavfi ortadi.
- Geparin va bilvosita ta'sir etuvchi antikoagulyantlar (masalan varfarin): antikoagulyantlar ta'siri kuchayadi, bu qon ketish vaqtining oshishiga olib kelishi mumkin agar bunday kombinatsiyadan qochish imkoni bo'lmasa, bemorning holatini laboratoriya ko'rsatkichlarini tegishli nazorat qilgan holda diqqat bilan kuzatish kerak.
- Kortikosteroidlar: ovqat hazm qilish traktida peptik yaralar va qon ketishlar paydo bo'lish xavfi ortadi.
- Litiy preparatlari qonda litiy darajasi uning buyraklar orqali chiqarilishi kamayishi hisobiga toksik qiymatlargacha oshadi.
- Metotreksat yuqori dozalarda (haftasiga 15 mg va undan ortiq) qo'llanilganda: metotreksatning buyraklar orqali chiqarilishi kamayishi hisobiga uning qondagi darajasi oshadi, bu qon tizimiga toksik ta'sirga olib keladi.
- Gidantoin va sulfanilamidlar: ushbu moddalar toksikligi.
Keyver В® preparati bilan ehtiyotkorlik bilan qo'llashni talab qiluvchi kombinatsiyalar:
- Diuretiklar, APF ingibitorlari, aminoglikozidlar guruhi antibiotiklari va angiotenzin II retseptorlari antagonistlari. Deksketoprofen diuretiklar va boshqa antigipertenziv vositalar ta'sirini susaytiradi. Buyrak funktsiyasi buzilgan ba'zi bemorlarda (masalan, suvsizlanganda yoki buyrak funktsiyasi buzilgan keksa yoshdagi bemorlarda) siklooksigenaza ta'sirini bostiruvchi vositalar APF ingibitorlari, angiotenzin II retseptorlari antagonistlari va aminoglikozidlar guruhi antibiotiklari bilan bir vaqtda qo'llanilganda holat yomonlashishi mumkin. Qoida tariqasida, bu yomonlashuv qaytuvchan xarakterga ega. Deksketoprofenni har qanday diuretik vosita bilan bir vaqtda qo'llaganda bemor adekvat gidratatsiyalanganligiga ishonch hosil qilish kerak, davolash vaqtida esa buyrak funktsiyasini nazorat qilish kerak.
- Metotreksat kichik dozalarda (haftasiga 15 mg dan kam) qo'llanilganda: uning buyraklar orqali chiqarilishi kamayishi hisobiga qon tizimiga toksik ta'sirning oshishi mumkin; bunday kombinatsiyani qo'llash zarurati tug'ilganda, ayniqsa buyrak funktsiyasining hatto arzimas pasayishi mavjud bo'lganda, shuningdek keksa yoshdagi bemorlarda qon manzarasini har hafta nazorat qilish kerak.
- Pentoksifillin qon ketishlar rivojlanish xavfi ortadi, shuning uchun bemorni kuzatish va qon ketish vaqtini nazorat qilish kerak.
- Zidovudin: NYQV qo'llanilgandan bir hafta o'tgach zidovudinning eritropoezga toksik ta'siri (retikulotsitlarga toksik ta'sir) oshishi xavfi mavjud, og'ir anemiya rivojlanishigacha, shuning uchun NYQV bilan terapiya boshlangandan keyin birinchi 1-2 hafta ichida retikulotsitlar sonini hisoblagan holda qon tahlilini o'tkazish kerak.
- Sulfonilmochil hosilalari: NYQV sulfonilmochil preparatlarining gipoglikemik ta'sirini ularni qon oqsillari bilan bog'lanishdan siqib chiqarish hisobiga kuchaytirishi mumkin.
Keyver В® preparati bilan qo'llashda e'tibor talab qiluvchi kombinatsiyalar:
- Beta-adrenoblokatorlar: prostaglandinlar sintezi bostirilishi hisobiga ularning antigipertenziv ta'siri pasayishi mumkin.
- Siklosporin va takrolimus: NYQVning prostaglandinlar sinteziga ta'siri hisobiga ushbu preparatlarning buyraklarga toksik ta'sirining kuchayishi; bunday kombinatsiya qo'llanilganda buyrak funktsiyasini muntazam nazorat qilish kerak.
- Trombolitik preparatlar: qon ketish xavfi yuqori.
- Trombotsitlar agregatsiyasi ingibitorlari va serotoninni qayta qamrab olinishining selektiv ingibitorlari: ovqat hazm qilish traktida peptik yaralar va qon ketishlar rivojlanish xavfi yuqori.
- Probenetsid: deksketoprofenning real kanalchalar sekretsiyasi va glyukuronlanish darajasi pasayishi hisobiga uning qon plazmasidagi kontsentratsiyasining oshishi; bunday holda deksketoprofen dozasini to'g'irlash kerak.
- Yurak glikozidlari: ularning qon plazmasidagi kontsentratsiyasi oshishi mumkin.
- Mifepriston: prostaglandinlar sintezi kamayishi hisobiga uning samaradorligining pasayishi, shuning uchun NYQVni mifepriston qo'llanilgandan keyin 8-12 sutka davomida qo'llash kerak emas.
- Xinolonlar: yuqori dozalarda NYQV bilan birgalikda qo'llash tirishishlar rivojlanish xavfini oshiradi.

Kattalarga. Og‘riq turi va intensivligiga qarab tavsiya etilgan doza har 4-6 soatda 12,5 mg (qobiq bilan qoplangan ½ tabletka) yoki har 8:00 da 25 mg (qobiq bilan qoplangan 1 tabletka) ni tashkil qiladi. Sutkalik doza 75 mg dan oshmasligi kerak. Nojo‘ya hodisalarni simptomlarni bartaraf etish uchun zarur bo‘lgan eng qisqa vaqt oralig‘ida minimal samarali dozalarni qo‘llash orqali minimallashtirish mumkin. Keyver ® uzoq muddatli terapiya uchun mo‘ljallanmagan, davolash simptomlar mavjud bo‘lguncha davom etadi. Ovqat bilan bir vaqtda qabul qilish faol moddaning so‘rilish tezligini pasaytiradi, shuning uchun preparatni ovqatdan kamida 30 daqiqa oldin qabul qilish tavsiya etiladi.
Keksa yoshdagi bemorlarga. Davolashni past dozalardan boshlash tavsiya etiladi. Sutkalik doza 50 mg ni tashkil qiladi. Preparat yaxshi o‘zlashtirilganda dozani odatdagigacha oshirish mumkin.
Jigar funksiyasi yengil va o‘rtacha darajada buzilganda. Davolashni minimal tavsiya etilgan dozadan va shifokorning qat’iy nazorati ostida boshlash kerak. Sutkalik doza 50 mg ni tashkil qiladi.
Buyrak funksiyasi yengil darajada buzilganda. Buyrak funksiyasi yengil darajada buzilgan (kreatinin klirensi 50-80 ml / daq) bemorlar uchun boshlang‘ich sutkalik dozani 50 mg gacha kamaytirish kerak.