AMBROKSOL eritma 4ml 7,5mg/ml N10

Darhol ajralib chiquvchi ambroksolning barcha dori shakllari uchun kontsentratsiyalarning terapevtik intervalida dozaga chiziqli bog'liqlik bilan tez va deyarli to'liq so'rilish xosdir. Peroral qabul qilinganda plazmadagi maksimal kontsentratsiyaga (Сmах) 1-2,5 soatdan keyin erishiladi. Taqsimlanish hajmi 552 l ni tashkil qiladi. Kontsentratsiyalarning terapevtik intervalida plazma oqsillari bilan bog'lanishi taxminan 90 % ni tashkil qiladi.

Peroral qo'llanilganda ambroksolning qondan to'qimalarga o'tishi tez sodir bo'ladi. Preparat faol komponentining eng yuqori kontsentratsiyalari o'pkada kuzatiladi. Yuborilgan peroral dozaning taxminan 30 % jigardan birlamchi o'tish effektiga uchraydi. Odam jigar mikrosomalarida o'tkazilgan tadqiqotlar shuni ko'rsatdiki, CYP3A4 izofermenti ambroksolning dibromantranil kislotasigacha metabolizmi uchun javobgar bo'lgan asosiy izoforma hisoblanadi. Ambroksolning qolgan qismi jigarda, asosan, glyukuronidatsiya yo'li bilan va dibromantranil kislotasining (yuborilgan dozaning taxminan 10%) qisman parchalanishi, shuningdek oz miqdordagi qo'shimcha metabolitlar orqali metabolizmga uchraydi. Ambroksolning terminal yarim chiqarilish davri taxminan 10 soatni tashkil qiladi. Umumiy klirens 660 ml/daq chegarasida, buyrak klirensiga umumiy klirensning taxminan 8 % to'g'ri keladi. Radioaktiv nishon usuli yordamida hisoblanganki, preparatning bir martalik dozasi qabul qilingandan so'ng keyingi 5 kun ichida qabul qilingan dozaning taxminan 83 % siydik bilan ajralib chiqadi.

Yosh va jinsning ambroksol farmakokinetikasiga klinik ahamiyatga ega ta'siri aniqlanmagan, shuning uchun ushbu belgilar bo'yicha dozani tanlash uchun asoslar yo'q.

Oshqozon-ichak trakti tomonidan buzilishlar:

Tez-tez (1,0- 10,0 %) - ko'ngil aynishi, og'iz bo'shlig'i yoki halqumda sezuvchanlikning pasayishi; Tez-tez emas (0,1-1, %) - dispepsiya, qusish, diareya, abdominal og'riqlar, og'iz qurishi;

Kam hollarda (0,01 - 0,1 %) - tomoq qurishi.

Immun tizimi buzilishlari, teri va teri osti to'qimalari shikastlanishi:

Kam hollarda (0,01 - 0,1 %) - toshma, eshakemi; angionevrotik shish*, anafilaktik reaksiyalar (shu jumladan anafilaktik shok)*, qichishish*, o'ta yuqori sezuvchanlik*.

Asab tizimi tomonidan buzilishlar:

Tez-tez (1,0- 10,0 %) - disgevziya (ta'm sezgilarining buzilishi).

*ushbu nojo'ya reaksiyalar preparat keng qo'llanilganda kuzatilgan; 95 % ehtimollik bilan ushbu nojo'ya reaksiyalar chastotasi - tez-tez emas (0,1 - 1,0%), ammo undan past bo'lishi ham mumkin; aniq chastotani baholash qiyin, chunki ular klinik tadqiqotlar o'tkazishda qayd etilmagan.

Ambroksolni balg'am ko'chishini qiyinlashtiruvchi yo'talga qarshi preparatlar bilan bir vaqtda qabul qilish mumkin emas.

Eritma benzalkoniy xlorid konservantini saqlaydi, u ingalyatsiya qilinganda nafas yo'llari reaktivligi yuqori bo'lgan sezgir bemorlarda bronxlar spazmini chaqirishi mumkin.

Ambroksol ichga qabul qilish va ingalyatsiyalar uchun eritmasini kromoglitsiy kislotasi va ishqoriy eritmalar bilan aralashtirish tavsiya etilmaydi. Eritma pH qiymatining 6,3 dan yuqori ko'tarilishi ambroksol gidroxloridi cho'kma hosil bo'lishini yoki xiralashish paydo bo'lishini chaqirishi mumkin.

Giponatriyevik parhezga rioya qilayotgan bemorlar, preparat kattalar va 12 yoshdan katta bolalar uchun tavsiya etilgan sutkalik dozada (12 ml) 42,8 mg natriy saqlashini e'tiborga olishlari kerak.

Ambroksol xlorid kabi balg'am ko'chiruvchi preparatlarni tayinlash bilan vaqt bo'yicha mos kelgan Stivens-Djonson sindromi va Layell sindromi kabi terining og'ir shikastlanishlari haqida yagona xabarlar mavjud. Ko'pchilik hollarda ular asosiy kasallik og'irligi va/yoki yondosh terapiya bilan izohlanishi mumkin. Stivens-Djonson sindromi yoki Layell sindromi bo'lgan bemorlarda erta fazada harorat, badanda og'riq, rinit, yo'tal va tomoqda og'riq paydo bo'lishi mumkin. Simptomatik davolashda shamollashga qarshi vositalarni yanglish tayinlash mumkin. Teri va shilliq qavatlarning yangi shikastlanishlari paydo bo'lganda preparat bilan davolashni to'xtatish va darhol tibbiy yordamga murojaat qilish tavsiya etiladi.

Buyrak funksiyasi buzilishida preparatni faqat shifokor tavsiyasi bo'yicha qo'llash zarur.

Preparatning transport vositalarini va mexanizmlarni boshqarish qobiliyatiga ta'siri:

Preparatning transport vositalarini va mexanizmlarni boshqarish qobiliyatiga ta'siri holatlari aniqlanmagan. Preparatning transport vositalarini boshqarish va yuqori diqqatni jamlash hamda psixomotor reaksiyalar tezligini talab qiluvchi boshqa potensial xavfli faoliyat turlari bilan shug'ullanish qobiliyatiga ta'siri bo'yicha tadqiqotlar o'tkazilmagan.

Ambroksolga yoki preparatning boshqa komponentlariga yuqori sezuvchanlik, homiladorlik (I trimestr), laktatsiya davri.

Ehtiyotkorlik bilan:

Buyrak va/yoki jigar yetishmovchiligida, homiladorlik davrida (II-III trimestr).

Homiladorlik va laktatsiya:

Ambroksol platsentar to'siq orqali o'tadi. Klinik oldi tadqiqotlar homiladorlik, embrional/fetal, postnatal rivojlanish va tug'ruq faoliyatiga bevosita yoki bilvosita noxush ta'sirni aniqlamadi.

Homiladorlikning 28-haftasidan keyin ambroksolni qo'llashning keng klinik tajribasi preparatning homilaga salbiy ta'siri dalillarini aniqlamadi.

Shunga qaramay, homiladorlik vaqtida preparatdan foydalanishda odatiy ehtiyot choralariga rioya qilish kerak. Ayniqsa homiladorlikning I trimestrida preparatni qabul qilish tavsiya etilmaydi. Homiladorlikning II va III trimestrlarida preparatni qo'llash faqat ona uchun potentsial foyda homila uchun potentsial xavfdan ustun bo'lgan holdagina mumkin.

Ambroksol ona suti bilan ekskretsiya qilinishi mumkin. Ko'krak suti bilan oziqlanayotgan bolalarda noxush samaralar kuzatilmaganligiga qaramay, laktatsiya davrida Ambroksol ichish uchun eritma va ingalyatsiyalarni qo'llash tavsiya etilmaydi.

Ambroksolning klinik oldi tadqiqotlari fertillikka salbiy ta'sirni aniqlamadi.

Boshqa dori vositalari bilan klinik ahamiyatli, nomaqbul o'zaro ta'sirlar haqida xabar berilmagan.

Amoksitsillin, sefuroksim, eritromitsin bilan bir vaqtda qo'llanilganda, ambroksol ularning bronxial secretdagi konsentratsiyasini oshiradi.