ARTOKSAN kapsulalar 20mg N10

Tenoksikam MITYdan tez va to'liq so'riladi, ovqat va antatsidlar qabul qilish so'rilish tezligini sekinlashtiradi, umumiy so'rilish darajasiga ta'sir qilmaydi. Smax ga 2 soatdan keyin erishiladi. Biokiraolishligi 100%. 20-40 mg bir marta oral qabul qilinganda plazmada 2-4 mg/l maksimal plazma kontsentratsiyalariga erishiladi. Taxminan 11 mg/l ga teng bo'lgan barqaror holat plazma kontsentratsiyalariga tenoksikamni 20 mg (kuniga bir marta) har kuni qabul qilgandan 10-12 kun o'tgach erishiladi.

Tenoksikam osteoartrit yoki revmatoid artrit bilan og'rigan bemorlarning sinovial suyuqligiga oson o'tadi. Jigarda nofaol metabolitlar hosil bo'lishi bilan transformatsiyaga uchraydi. Ulardan biri (5-gidroksipiridil) siydik bilan, qolganlari glyukuron kon'yugatlari ko'rinishida safro bilan chiqariladi. O'rtacha yarim chiqarilish davri 60-75 soat, plazma klirensi 0,1-0,25 l/soat. Qabul qilingan dozaning 2/3 qismi siydik bilan, 1/3 qismi - axlat bilan chiqariladi.

Artoksan - kuchli yallig'lanishga qarshi, og'riqsizlantiruvchi va o'rtacha isitmani tushiruvchi ta'sirga ega samarali nosteroid yallig'lanishga qarshi preparat (NYQP). Preparat xususiyatlari siklooksigenaza fermentining har ikkala izoformasini ingibirlash bilan bog'liq bo'lib, bu araxidon kislotasi metabolizmining buzilishiga va prostaglandinlar sintezi blokadasiga olib keladi.

Yallig'lanishga qarshi samara kapillarlar o'tkazuvchanligining kamayishi (ekssudatsiyani cheklaydi), lizosomal membranalar barqarorlashishi (to'qimalar shikastlanishini keltirib chiqaruvchi lizosoma fermentlari chiqishiga to'sqinlik qiladi), yallig'lanish mediatorlari (prostaglandinlar, gistamin, bradikinin, limfokinlar, komplement omillari) sintezi susayishi yoki inaktivatsiyasi bilan bog'liq. Yallig'lanish o'chog'ida erkin radikallar miqdorini kamaytiradi, xemotaksis va fagotsitozni susaytiradi. Yallig'lanishning proliferativ fazasini tormozlaydi, to'qimalarning yallig'lanishdan keyingi sklerozlanishini kamaytiradi; xondroprotektor ta'sir ko'rsatadi.

Preparat yallig'lanish o'chog'ida og'riq sezuvchanligini pasaytiradi va talamik og'riq markazlariga ta'sir qiladi, desensibilizatsiyalovchi ta'sirga ega (uzoq muddat qo'llanilganda). Revmatik kasalliklarda tinch holatda va harakatlanishda bo'g'imlardagi og'riqni kamaytiradi, ertalabki qotib qolish va bo'g'imlar shishini kamaytiradi, funktsiyalarni yaxshilaydi va bo'g'imlar harakatlari hajmini oshiradi.

Ovqat hazm qilish trakti tomonidan: dispepsiya (ko'ngil aynishi, qusish, jig'ildon qaynashi, diareya, meteorizm), qorinda og'riq va noqulaylik, stomatit, anoreksiya; yuqori dozalarda uzoq muddat qo'llanilganda - MIT eroziv-yarali shikastlanishlari.

Asab tizimi va sezgi organlari tomonidan: bosh og'rig'i, bosh aylanishi, depressiya, yuqori qo'zg'aluvchanlik.

Allergik reaksiyalar: eshakemi, qichishish, eritema, Stivens-Jonson va Layell sindromlari.

Boshqalar: buyrak faoliyatining buzilishi, plazmada kreatinin, mochevina azoti, bilirubin kontsentratsiyasi va jigar transaminazalari faolligining oshishi, qon ketish vaqtining uzayishi.

Keksalarni davolashda, diuretiklar, nefrotoksik preparatlar fonida, jarrohlik aralashuvlaridan keyin darhol ehtiyotkorlik bilan ishlatiladi. Jarrohlik aralashuvidan bir necha kun oldin Artoksanni bekor qilish kerak.

Uzoq muddatli davolash jarayonida jigar va buyrak funksiyasini, protrombin indeksini, qonda glyukozani nazorat qilish zarur. Davolash fonida eroziv-yarali shikastlanish yoki OIT dan qon ketishi rivojlanishi preparatni bekor qilishni va tegishli terapiyani tayinlashni talab qiladi.

Bolalarda qo'llash xavfsizligi aniqlanmagan.

Preparat homiladorlikda qo'llash uchun qarshi ko'rsatilgan. Laktatsiya davrida tayinlash zarurati tug'ilganda emizishni to'xtatish masalasini hal qilish kerak.

- tenoksikamga va boshqa NYQPlarga o‘ta yuqori sezuvchanlik;

- MITY eroziv-yarali shikastlanishlari;

- oshqozon-ichak qon ketishi;

- gastritning og‘ir kechishi;

- jigar va buyrak funksiyasining yaqqol buzilishlari;

- qandli diabet;

- arterial gipertenziya, yurak yetishmovchiligi, shishlar;

- homiladorlik, laktatsiya davri.

Artoksan litiy preparatlari samarasini (shu jumladan toksikligini), bilvosita antikoagulyantlar, peroral gipoglikemik vositalar (sulfanilmochil hosilalari) samarasini kuchaytiradi. Antatsidlar so'rilish tezligini pasaytiradi. Boshqa NYQV nojo'ya ko'rinishlar, ayniqsa MTY tomonidan rivojlanish xavfini oshiradi.

Mielotoksik dori vositalari gematotoksiklik namoyon bo'lishini kuchaytiradi.

Ichga, odatda 20 mg dan sutkasiga 1 marta bir vaqtda tayinlanadi.

O‘tkir podagrik artritda 40 mg dan sutkasiga 1 marta 2 kun davomida, keyin - 20 mg dan sutkasiga 1 marta 5 kun davomida tayinlanadi.