ARTOKSAN poroshok 20mg N3

So'rilishi

Absorbsiya tez va to'liq. Biokiraolishligi 100%. Qon plazmasidagi C_max 2 soatdan keyin qayd etiladi. Tenoksikamning o'ziga xos xususiyati ta'sirning uzoq davom etishi va uzoq T _{- 72 soat.}

Taqsimlanishi

Preparat 99% qon plazmasi oqsillari bilan bog'lanadi. Tenoksikam sinovial suyuqlikka yaxshi o'tadi. Gistagematik to'siqlar orqali oson o'tadi.

Metabolizmi

Jigarda gidroksillanish yo'li bilan metabollanib, 5-gidroksipiridil hosil qiladi.

Chiqarilishi

Tenoksikam oksikamning tienotiazin hosilasi bo'lib, NYQP hisoblanadi. Yallig'lanishga qarshi, analgetik va isitmani tushiruvchi ta'sirdan tashqari, preparat shuningdek trombositlar agregatsiyasiga to'sqinlik qiladi. Ta'sir mexanizmi asosida TsOG-1 va TsOG-2 izofermentlari faolligini susaytirish yotadi, buning natijasida yallig'lanish o'chog'ida, shuningdek organizmning boshqa to'qimalarida prostaglandinlar sintezi kamayadi. Bundan tashqari, tenoksikam yallig'lanish o'chog'ida leykotsitlar to'planishini kamaytiradi, inson tog'ayida proteoglikanaza va kollagenaza faolligini pasaytiradi.

Yallig'lanishga qarshi ta'sir terapiyaning birinchi haftasi oxiriga kelib rivojlanadi.

Nojo'ya ta'sirlar chastotasi toifalarini aniqlash (JSST tavsiyalariga muvofiq): juda tez-tez (>1/10); tez-tez (>1/100 dan <1/10 gacha); tez-tez emas (>1/1000 dan <1/100 gacha); kamdan-kam hollarda (>1/10 000 dan <1/1000 gacha); juda kam hollarda (<1/10 000), aniqlanmagan.

Ovqat hazm qilish tizimi tomonidan: juda tez-tez – dispepsiya (ko'ngil aynishi, qusish, jig'ildon qaynashi, diareya, meteorizm), NYQP-gastropatiya, abdominal og'riqlar, stomatit, anoreksiya, jigar faoliyatining buzilishi; kamdan-kam hollarda – MIT shilliq qavatining yaralanishi, qon ketishi (me'da-ichakdan, bachadondan, gemorroidal), ichak devorlarining perforatsiyasi.

Yurak-qon tomir tizimi tomonidan: kamdan-kam hollarda – yurak yetishmovchiligi, taxikardiya, AB oshishi.

MNT tomonidan: tez-tez – bosh aylanishi, bosh og'rig'i, uyquchanlik, depressiya, qo'zg'alish, eshitishning pasayishi, quloqlarda shovqin, ko'zning ta'sirlanishi, ko'rishning buzilishi.

Teri va teri osti kletchatkasi tomonidan: tez-tez – teri qichishishi, toshma, eshakemi va eritema; juda kam hollarda - fotodermatit, Stivens-Jonson sindromi, Layell sindromi.

Siydik chiqarish tizimi tomonidan: tez-tez – qonda mochevina azoti va kreatinin miqdorining oshishi.

Qon yaratish organlari tomonidan: tez-tez – agranulotsitoz, leykopeniya; kamdan-kam hollarda - anemiya, trombotsitopeniya, leykopeniya, pantsitopeniya.

Gepatobiliar tizim tomonidan: tez-tez – zardobda ALT, AST, GGT faolligining va bilirubin darajasining oshishi.

Laborator ko'rsatkichlar tomonidan: giperkreatininemiya, giperbilirubinemiya, mochevina azoti kontsentratsiyasining va jigar transaminazalari faolligining oshishi, qon ketish vaqtining uzayishi.

Boshqalar: davolash fonida ruhiy buzilishlar va moddalar almashinuvining buzilishi kuzatilishi mumkin.

Davolash vaqtida periferik qon manzarasini va jigar hamda buyrak funksional holatini, protrombin indeksini (bilvosita antikoagulyantlar qabul qilish fonida), qonda glyukoza konsentratsiyasini (gipoglikemik vositalar qo'llash fonida) nazorat qilish zarur.

17-ketosteroidlarni aniqlash zarurati tug'ilganda, preparatni tekshiruvdan 48 soat oldin bekor qilish kerak.

Qon ketish vaqti uzayishi mumkin, buni jarrohlik aralashuvlarida hisobga olish kerak.

Arterial gipertenziyasi va yurak yetishmovchiligi bo'lgan bemorlarda diuretiklar bilan tayinlanganda organizmda natriy va suv ushlanib qolishi mumkinligini hisobga olish kerak.

Nazorat qilib bo'lmaydigan arterial gipertenziyasi, surunkali yurak yetishmovchiligi, periferik arteriyalar kasalliklari, tasdiqlangan YUK va/yoki serebrovaskulyar kasalliklari bo'lgan bemorlar preparatni shifokor nazorati ostida qabul qilishlari kerak.

Anamnezida buyrak kasalliklari mavjudligi interstitsial nefrit, papillyar nekroz va nefrotik sindrom rivojlanishiga olib kelishi mumkin.

Noxush effektlar preparatning minimal samarali dozasini imkon qadar qisqa kurs bilan qo'llash orqali minimallashtirilishi mumkin.

Fertillikka salbiy ta'siri munosabati bilan, homilador bo'lishni xohlaydigan ayollarga preparatni qabul qilish tavsiya etilmaydi. Bepushtligi bo'lgan (shu jumladan tekshiruvdan o'tayotgan) bemor ayollarda preparatni bekor qilish tavsiya etiladi.

Tizimli qizil yuguruk va biriktiruvchi to'qimaning aralash kasalligi bo'lgan bemorlarda aseptik meningit rivojlanish xavfi ortadi.

Transport vositalarini va mexanizmlarni boshqarish qobiliyatiga ta'siri

Davolash davrida ruhiy va harakat reaksiyalari tezligi pasayishi mumkin, shuning uchun transportni haydash va diqqatni yuqori jamlash va psixomotor reaksiyalar tezligini talab qiluvchi boshqa potensial xavfli faoliyat turlari bilan shug'ullanishdan saqlanish zarur.

• faol moddaga yoki preparatning yordamchi komponentlariga yuqori sezuvchanlik; atsetilsalitsil kislotasi, ibuprofen va boshqa NYQPlarga kesishgan sezuvchanlik ehtimoli mavjud;
• oshqozon va o‘n ikki barmoqli ichak eroziv-yarali shikastlanishlari zo‘rayish bosqichida;
• oshqozon-ichak qon ketishi (sh.j. anamnezda);
• ichakning yallig‘lanish kasalliklari: Kron kasalligi yoki yarali kolit zo‘rayish bosqichida;
• og‘ir buyrak yetishmovchiligi (KK 30 ml/min dan kam);
• kuchayib boruvchi buyrak kasalligi;
• og‘ir jigar yetishmovchiligi;
• bronxial astma, burun va burun yondosh bo‘shliqlari retsidivlanuvchi polipozi va ASK ni yoki boshqa NYQPlarni o‘zlashtira olmaslikning to‘liq yoki to‘liq bo‘lmagan birgalikda kelishi (sh.j. anamnezda);
• qon ivish tizimi kasalliklarining tasdiqlangan tashxisi;
• dekompensatsiyalangan yurak yetishmovchiligi;
• koronar arteriyalarni shuntlash o‘tkazishdagi perioperatsion og‘riqlarni davolash;
• homiladorlik;
• emizish davri;
• 18 yoshgacha.

Ehtiyotkorlik bilan: oshqozon va o‘n ikki barmoqli ichak yara kasalligi, yarali kolit va Kron kasalligi zo‘rayishdan tashqari holatda, anamnezda jigar kasalliklari, jigar porfiriyasi, surunkali buyrak yetishmovchiligi (KK 30-60 ml/min), surunkali yurak yetishmovchiligi, arterial gipertenziya, AQH ning sezilarli pasayishi (sh.j. jarrohlik aralashuvidan keyin), keksa yoshdagi bemorlar (65 yoshdan katta) (sh.j. diuretiklar olayotgan, holsizlangan va tana vazni past bo‘lgan bemorlar), bronxial astma, YIK, serebrovaskulyar kasalliklar, dislipidemiya/giperlipidemiya, qandli diabet, periferik arteriyalar kasalliklari, chekish, Helicobacter pylori infeksiyasi mavjudligi, NYQP lardan uzoq muddat foydalanish, alkogolizm, og‘ir somatik kasalliklar, autoimmun kasalliklar (tizimli qizil yuguruk va biriktiruvchi to‘qimaning aralash kasalligi), GKS (sh.j. prednizolon), antikoagulyantlar (sh.j. varfarin), antiagregantlar (sh.j. atsetilsalitsil kislotasi, klopidogrel), serotoninni qayta qamrab oluvchi selektiv ingibitorlarni (sh.j. tsitalopram, fluoksetin, paroksetin, sertralin) bir vaqtda qabul qilish.

Tenoksikam albumin bilan yuqori darajada bog'lanishi bilan tavsiflanadi va barcha NYQV kabi varfarin va boshqa antikoagulyantlarning antikoagulyant samarasini kuchaytirishi mumkin. Artoksan qo'llanilishining boshlang'ich bosqichlarida antikoagulyantlar va ichish uchun gipoglikemik preparatlar bilan birga qo'llanilganda qon ko'rsatkichlarini nazorat qilish tavsiya etiladi.

Digoksin bilan mumkin bo'lgan o'zaro ta'sir qayd etilmagan.

Boshqa NYQV qo'llanilganda bo'lgani kabi, nefrotoksiklik rivojlanish xavfi ortishi munosabati bilan preparatni siklosporin bilan bir vaqtda ehtiyotkorlik bilan qo'llash tavsiya etiladi.

Xinolonlar bilan birga qo'llash tirishishlar rivojlanish xavfini oshirishi mumkin.

Salitsilatlar tenoksikamni albumin bilan bog'lanishdan siqib chiqarishi va mos ravishda preparat klirensi va taqsimlanish hajmini oshirishi mumkin. Salitsilatlar yoki ikki va undan ortiq NYQVni bir vaqtda qo'llashdan qochish kerak (MTY tomonidan asoratlar xavfi ortishi).

NYQV litiy chiqarilishini kamaytirishi haqida ma'lumotlar mavjud. Shu munosabat bilan litiy bilan terapiya olayotgan bemorlarda qonda litiy kontsentratsiyasini tez-tez nazorat qilish kerak.

NYQV organizmda natriy, kaliy va suyuqlik ushlanib qolishini keltirib chiqarishi, natriyuretik diuretiklar ta'sirini buzishi mumkin. Buni SYE va arterial gipertenziyasi bo'lgan bemorlarda shunday diuretiklar bilan birga qo'llashda yodda tutish kerak.

NYQVni metotreksat bilan birga ehtiyotkorlik bilan qo'llash tavsiya etiladi, NYQV metotreksat chiqarilishini kamaytiradi va uning toksikligini oshirishi mumkin.

NYQVni mifepriston qo'llanilgandan keyin 8-12 soat davomida qo'llash kerak emas, chunki uning samarasini kamaytirishi mumkin.

Kortikosteroidlar bilan birga qo'llanilganda oshqozon-ichakdan qon ketish rivojlanish xavfi ortishini hisobga olish kerak.

Urikozurik dori vositalari samaradorligini pasaytiradi, antikoagulyantlar, fibrinolitiklar ta'sirini, mineralokortikoidlar va glyukokortikoidlar, estrogenlarning nojo'ya ta'sirlarini kuchaytiradi; gipotenziv dori vositalari va diuretiklar samaradorligini pasaytiradi.

Jigarda mikrosomal oksidlanish induktorlari (fenitoin, etanol, barbituratlar, rifampitsin, fenilbutazon, tritsiklik antidepressantlar) gidroksillangan faol metabolitlar ishlab chiqarilishini oshiradi.

Antiagregantlar va serotoninni qayta qamrab olinishining selektiv ingibitorlari bilan birga qo'llash oshqozon-ichakdan qon ketish rivojlanish xavfini oshiradi.

Yurak glikozidlari NYQV bilan birga qabul qilinganda yurak etishmovchiligini kuchaytirishi, kalava filtratsiyasi tezligini pasaytirishi va yurak glikozidlarining plazma kontsentratsiyasini oshirishi mumkin.

Tenoksikam simetidin bilan qo'llanilganda o'zaro ta'sir aniqlanmagan.

Tenoksikam va penitsillamin yoki parenteral oltin preparatlari bilan davolashda klinik ahamiyatli o'zaro ta'sir aniqlanmagan.

NYQV takrolimus bilan birga qo'llanilganda nefrotoksiklik xavfi ortadi.

NYQV zidovudin bilan qo'llanilganda gematologik toksiklik xavfi ortadi.

M/i yoki v/i yuborish uchun.

M/i yoki v/i yuborish qisqa muddatli (1-2 kun) davolash uchun sutkasiga 1 marta 20 mg dozada qo‘llaniladi. Keyingi terapiya zarurati bo‘lganda tenoksikamning peroral dori shakllariga o‘tiladi.

Inyeksiya uchun eritma bevosita ishlatishdan oldin flakon tarkibini ilova qilingan erituvchida eritish orqali tayyorlanadi. Tayyorlangandan keyin igna almashtiriladi.

M/i inyeksiyalar chuqur qilinadi.

V/i yuborish davomiyligi kamida 15 soniyani tashkil qilishi kerak.