ARTOKSAN tabletkalari 20mg N10

Tenoksikam me'da-ichak traktidan (MITY) tez va to'liq so'riladi, ovqat va antatsidlarni qabul qilish so'rilish tezligini sekinlashtiradi, umumiy so'rilish darajasiga ta'sir qilmaydi. Qon plazmasidagi maksimal kontsentratsiyaga 2 soatdan keyin erishiladi. Biologik kira olishligi 100%. Preparat 99% plazma oqsillari bilan bog'lanadi. Tenoksikamning o'ziga xos xususiyati ta'sirning uzoq davomiyligi va uzoq yarim chiqarilish davri - 72 soat hisoblanadi. Tenoksikam sinovial suyuqlikka yaxshi kiradi. Gistogematik to'siqlar orqali oson o'tadi. Jigarda faol bo'lmagan metabolitlar hosil bo'lishi bilan transformatsiyaga uchraydi. O'rtacha yarim chiqarilish davri 60-75 soatni tashkil qiladi. Ekskretsiya asosan siydik bilan va qisman safro bilan amalga oshiriladi.

Artoksan - kuchli yallig'lanishga qarshi, analgetik va o'rtacha isitmani tushiruvchi ta'sirga ega samarali nosteroid yallig'lanishga qarshi preparat (NYQV). Preparatning xususiyatlari tsiklooksigeneza fermentining har ikkala izoformasini ingibitsiya qilish bilan belgilanadi, bu arxidon kislotasi metabolizmining buzilishiga va prostaglandinlar sintezi blokadasiga olib keladi. Yallig'lanishga qarshi samara kapillyarlar o'tkazuvchanligini kamaytirish (ekssudatsiyani cheklaydi), lizosomal membranalarni barqarorlashtirish (to'qimalarni shikastlovchi lizosoma fermentlari chiqishiga to'sqinlik qiladi), yallig'lanish mediatorlari (prostaglandinlar, gistamin, bradikinin, limfokinlar, komplement omillari) sintezini susaytirish yoki inaktivatsiya qilish bilan bog'liq. Yallig'lanish o'chog'ida erkin radikallar miqdorini kamaytiradi, xemotaksis va fagotsitozni susaytiradi. Yallig'lanishning proliferativ fazasini tormozlaydi, to'qimalarning yallig'lanishdan keyingi sklerozlanishini kamaytiradi. Xondroprotektor ta'sir ko'rsatadi.
Preparat har qanday etiologiyali og'riq sindromini bartaraf etadi yoki intensivligini pasaytiradi, ertalabki qotib qolishni kamaytiradi, shikastlangan bo'g'imlar harakatchanligini oshiradi. Uzoq muddat qo'llanilganda desensibilizatsiya qiluvchi ta'sir ko'rsatadi. Tenoksikamning o'ziga xos xususiyati ta'sirining uzoq davom etishidir.

Oshqozon-ichak trakti tomonidan:
- dispepsiya (ko'ngil aynishi, qusish, jig'ildon qaynashi, diareya, meteorizm), qorinda og'riq va noqulaylik hissi, stomatit, anoreksiya;
- yuqori dozalarda uzoq vaqt qo'llanilganda - OIT ning eroziv-yarali shikastlanishlari.

Asab tizimi va sezgi a'zolari tomonidan:
- bosh og'rig'i, bosh aylanishi, depressiya, yuqori qo'zg'aluvchanlik.

Allergik reaksiyalar:
- eshakemi, qichishish, eritema, Stivens-Djonson va Layell sindromlari.

Boshqalar:
- buyrak funktsiyasining buzilishi, plazmada kreatinin, mochevina azoti, bilirubin kontsentratsiyasining va jigar transaminazalari faolligining oshishi, qon ketish vaqtining uzayishi.

Artoksan 65 yoshdan katta bemorlarga, shuningdek yengil va o'rta darajadagi buyrak va jigar funksiyalari buzilgan bemorlarga ehtiyotkorlik bilan tayinlanadi.
Rejali jarrohlik aralashuvlari kutayotgan bemorlarga Artoksanni tayinlash mumkin emas (rejadan tashqari jarrohlik aralashuvlari o'tkazilganda shifokorga Artoksan preparatini qabul qilayotganlik haqida xabar berish kerak).
Me'da-ichak trakti kasalliklari bo'lgan bemorlarga Artoksan preparatini ehtiyotkorlik bilan tayinlash kerak (bemor holatini nazorat qilish va ulserogen ta'sir rivojlanganda Artoksan preparatini bekor qilish kerak).
Davolash davrida yuqori diqqatni jamlash va psixomotor reaksiyalar tezligini talab qiluvchi potensial xavfli faoliyat turlari bilan shug'ullanishdan saqlanish kerak.

- preparat komponentlariga, atsetilsalitsil kislotasiga yoki boshqa NYQP larga yuqori sezuvchanlik;
- me'da-ichak traktining eroziv-yarali shikastlanishlari;
- me'da-ichakdan qon ketishi;
- og'ir kechuvchi gastrit;
- jigar va buyrak faoliyatining yaqqol buzilishlari;
- qandli diabet;
- arterial gipertenziya, yurak yetishmovchiligi, shishlar;
- homiladorlik, laktatsiya davri;
- 12 yoshgacha bo'lgan bolalar.

Artoksanni salitsilatlar guruhi preparatlari, shuningdek nosteroid yallig'lanishga qarshi vositalar va kortikosteroidlar bilan bir vaqtda tayinlamaydilar.
Artoksan birga qo'llanilganda bilvosita antikoagulyantlar va sulfonilmochevina hosilalari ta'sirini potentsiyalaydi. Probenetsid tenoksikam chiqarilishini potentsiyalashi mumkin. Tenoksikam bir vaqtda qo'llanilganda qon plazmasida yurak glikozidlari darajasini biroz pasaytiradi.
Artoksanni diuretik vositalar, shuningdek potentsial nefrotoksik preparatlar bilan bir vaqtda qo'llash mumkin emas.
Artoksanni serotonin retseptorlari antagonistlari va antiagregant vositalarni olayotgan bemorlarga tayinlamaslik kerak. Tenoksikam metotreksat va litiy plazma konsentratsiyalarini oshiradi.
Antatsid dori preparatlari tenoksikam so'rilishini kamaytiradi.
Tenoksikam xinolon antibiotiklari bilan birga qo'llanilganda tirishishlar rivojlanish xavfi oshishi qayd etiladi.

Artoksan ichga qabul qilinadi.
Preparat sutkasiga 1 marta 20 mg dozada bir vaqtda tayinlanadi.
O'tkir podagrik artritda 2 kun davomida sutkasiga 1 marta 40 mg, keyin 5 kun davomida sutkasiga 1 marta 20 mg dan tayinlanadi.