ASIKLOVIR krem 2g 5%
ASIKLOVIR krem 2g 5% haqida qo'llanma
Farmakokinetikasi
Sirtga qo'llanilganda shikastlanmagan teri orqali deyarli so'rilmaydi, qon va siydikda aniqlanmaydi. Shikastlangan teriga surtilganda so'rilishi o'rtacha.
Buyrak funktsiyasi normal bo'lgan bemorlarda qon zardobidagi kontsentratsiya 0,28 mkg/ml gachani, surunkali buyrak yetishmovchiligi bo'lgan bemorlarda - 0,78 mkg/ml gachani tashkil qiladi. Buyraklar orqali chiqariladi (sutkalik dozaning 9,4 % gacha).
Nojo'ya samaralari
Noxush reaksiyalar Jahon Sog'liqni Saqlash Tashkiloti (JSST) tasnifiga muvofiq, paydo bo'lish tezligiga qarab quyidagicha taqdim etilgan: juda tez-tez (≥ 1/10), tez-tez (≥ 1/100 dan
Teri qoplamalari tomonidan:
Tez-tez emas: krem surtilgandan keyin achishish hissi, vaqt o'tishi bilan o'tib ketadi, teri qurishi, qichishish, preparat surtilgan joyda sanchish, teri po'st tashlashi;
Kam hollarda: eritema, surtilgan joyda kontakt dermatit.
Immun tizimi tomonidan:
Juda kam hollarda: anafilaktik reaksiyalar, shu jumladan angionevrotik shish va urtikar toshmalar.
Agar yo'riqnomada ko'rsatilgan har qanday nojo'ya ta'sirlar kuchaysa yoki Siz yo'riqnomada ko'rsatilmagan boshqa nojo'ya ta'sirlarni sezsangiz, bu haqda shifokorga xabar bering.
Maxsus ko‘rsatmalari
Maksimal terapevtik samaraga erishish uchun preparatni infeksiya boshlangandan so'ng imkon qadar ertaroq (kasallikning birinchi belgilari: achishish, qichishish, sanchish, taranglik hissi va qizarishda) qo'llashni boshlash kerak.
Kremni og'iz bo'shlig'i, ko'z, burun va qin shilliq qavatlariga surtish tavsiya etilmaydi, chunki yaqqol mahalliy yallig'lanish rivojlanishi mumkin. Immunitet tanqisligi holatlari bo'lgan bemorlar har qanday yuqumli kasalliklarni davolashda shifokor tavsiyalariga amal qilishlari kerak.
Preparatning transport vositalarini va mexanizmlarni boshqarish qobiliyatiga ta'siri:
O'rganilmagan.
Qo'llanilishi mumkin bo'lmagan holatlar
Atsiklovirga va preparatning boshqa komponentlariga yuqori sezuvchanlik.
Ehtiyotkorlik bilan:
Homiladorlik, emizish davri.
Homiladorlik va laktatsiya:
Homiladorlikda va emizish davrida faqat ona uchun taxmin qilinadigan foyda homila va bola uchun potentsial xavfdan ustun bo'lgan holdagina qo'llaniladi.
Dori vositalarining o'zaro ta'siri
Tashqi qo'llanilganda boshqa dori vositalari bilan o'zaro ta'siri aniqlanmagan.
Dozirovkasi
Kattalarga. Preparat kuniga 5 marta (har 4 soatda) terining zararlangan va ular bilan chegaradosh sohalariga yupqa qatlam bilan surtiladi. Krem zararlangan sohalar qo'shimcha infektsiyalanishining oldini olish uchun paxtali tampon bilan yoki toza qo'llar bilan surtiladi. Davolashni kasallik rivojlanishining boshida, eng yaxshisi - prodromal davr mobaynida iloji boricha tezroq boshlash muhimdir.
Terapiyani pufakchalarda qobiq hosil bo'lguniga qadar yoki ular to'liq bitguniga qadar davom ettirish kerak.
Terapiya davomiyligi o'rtacha 5 kunni tashkil qiladi va 10 kundan oshmasligi kerak.Dozani oshirib yuborishSimptomlari: (tasodifan yutib yuborilganda): bosh og'rig'i, nevrologik buzilishlar, hansirash, ko'ngil aynishi, qusish, diareya, buyrak funktsiyasining buzilishi.
Davolash: hayotiy muhim funktsiyalarni ushlab turish, gemodializ.
ASIKLOVIR krem 2g 5% o'xshash dorilari
ASIKLOVIR krem 2g 5% xususiyatlari
Atsiklovir boshqa chiqarish shakllari
ASIKLOVIR krem 2g 5% analoglari
