ASIKLOVIR AKRIXIN tabletkalari 200mg N20
ASIKLOVIR AKRIXIN tabletkalari 200mg N20 haqida qo'llanma
Farmakokinetikasi
Ichga qabul qilinganda biologik kira olishligi 15-30 % ni tashkil qiladi. Atsiklovir organizmning barcha organlari va to'qimalariga yaxshi kirib boradi; orqa miya suyuqligidagi kontsentratsiya - uning qon plazmasidagi kontsentratsiyasining 50 %. Gematoensefalik va yo'ldosh to'siqlari orqali o'tadi, ko'krak sutida to'planadi. Plazma oqsillari bilan bog'lanishi - 9-33 %.
Ichga sutkada 5 marta 200 mg qabul qilingandan so'ng qon plazmasidagi maksimal kontsentratsiya (Cmax) - 0,7 mkg/ml. Qon plazmasidagi maksimal kontsentratsiyaga erishish vaqti - 1,5 - 2 soat.
Jigarda farmakologik faol bo'lmagan metabolit - 9-karboksimetoksimetilguanin hosil bo'lishi bilan metabolizmga uchraydi. Ichga qabul qilinganda yarim chiqarilish davri (Т1/2) - 2-3 soat. Og'ir buyrak yetishmovchiligi bo'lgan bemorlarda Т1/2 - 20 soat, gemodializda - 5,7 soat (bunda plazmadagi atsiklovir kontsentratsiyasi boshlang'ich qiymatning 60 % gacha kamayadi).
Buyraklar orqali o'zgarmagan holda (taxminan 84%) va metabolit shaklida (taxminan 14 %) chiqariladi. 2 % dan kamrog'i me'da-ichak trakti orqali chiqariladi; iz miqdorlari nafas bilan chiqariladigan havoda aniqlanadi.
Nojo'ya samaralari
Ovqat hazm qilish tizimi tomonidan: ko'ngil aynishi, qusish, diareya, qorinda og'riqlar; kam hollarda - bilirubin miqdori va jigar fermentlari faolligining qaytuvchan oshishi.
Qon yaratish tizimi tomonidan: juda kam hollarda - anemiya, leykopeniya, trombotsitopeniya.
Siydik chiqarish tizimi tomonidan: kam hollarda - qonda mochevina va kreatinin miqdorining oshishi; juda kam hollarda - o'tkir buyrak yetishmovchiligi.
Markaziy asab tizimi tomonidan: bosh og'rig'i, holsizlik, bosh aylanishi, yuqori toliqish, ongning chalkashishi, gallyutsinatsiyalar, uyquchanlik, paresteziyalar, tirishishlar, diqqatni jamlashning pasayishi, ajitatsiya.
Allergik reaksiyalar: qichishish, toshma, Layell sindromi, eshakemi, ko'p shaklli ekssudativ eritema, shu jumladan Stivens-Djonson sindromi, angionevrotik shish, anafilaksiya.
Boshqalar: isitma, limfoadenopatiya, periferik shishlar, ko'rishning buzilishi, mialgiya, alopetsiya.
Maxsus ko‘rsatmalari
Preparatni qabul qilganda buyrak funksiyasini (qondagi mochevina va qon plazmasidagi kreatinin miqdorini) nazorat qilish kerak.
Preparatni qo'llashda yetarli miqdorda suyuqlik tushishini ta'minlash zarur.
Immuniteti pasaygan bemorlarni atsiklovir bilan uzoq muddatli yoki takroriy davolash uning ta'siriga sezgir bo'lmagan virus shtammlari paydo bo'lishiga olib kelishi mumkin. Atsiklovirga sezgir bo'lmagan ajratilgan virus shtammlarining ko'pchiligida virusli timidinkinazaning nisbiy yetishmovchiligi aniqlanadi; o'zgargan timidinkinaza yoki o'zgargan DNK-polimeraza bilan shtammlar ajratilgan. In vitro sharoitida atsiklovirning Herpes simplex virusining izolyatsiyalangan shtammlariga ta'siri kamroq sezgir shtammlar paydo bo'lishini chaqirishi mumkin.
Atsiklovir gerpesning jinsiy yo'l bilan yuqishini oldini olmaydi, shuning uchun davolash davrida, hatto klinik ko'rinishlar bo'lmasa ham jinsiy aloqalardan saqlanish zarur.
Preparatning transport vositalarini va mexanizmlarni boshqarish qobiliyatiga ta'siri:
Davolash davrida transport vositalarini boshqarishda va yuqori diqqatni jamlash hamda psixomotor reaksiyalar tezligini talab qiluvchi boshqa potensial xavfli faoliyat turlari bilan shug'ullanishda ehtiyot bo'lish kerak.
Qo'llanilishi mumkin bo'lmagan holatlar
Atsiklovirga, gantsiklovirga, valatsiklovirga yoki preparat komponentlariga yuqori sezuvchanlik, laktatsiya davri, 3 yoshgacha bo'lgan bolalar.
Ehtiyotkorlik bilan:
Homiladorlik, keksa yosh, degidratatsiya, buyrak yetishmovchiligi, nevrologik buzilishlar yoki tsitotoksik dori vositalarini qabul qilishga nevrologik reaktsiyalar (shu jumladan anamnezda).
Homiladorlik va laktatsiya:
Homiladorlik vaqtida qo'llash faqat ona uchun taxmin qilinadigan foyda homila uchun potentsial xavfdan ustun bo'lgan holdagina mumkin.
Laktatsiya davrida preparatni qo'llash zarurati tug'ilganda emizishni to'xtatish kerak.
Dori vositalarining o'zaro ta'siri
Probenetsid bilan bir vaqtda qo'llanilganda atsiklovirning o'rtacha yarim chiqarilish davri oshadi va klirensi pasayadi.
Nefrotoksik preparatlar bilan bir vaqtda qo'llanilganda buyrak funktsiyalari buzilishlari rivojlanish xavfi oshadi.
Dozirovkasi
Herpes simplex 1 va 2 turlari virusi chaqirgan teri va shilliq qavatlar infektsiyalarini davolashda
Kattalarga - 200 mg dan sutkasiga 5 marta (uyg'oq paytda har 4 soatda, tungi uyqudan tashqari) 5 kun davomida, genital gerpesni davolash uchun - 10 kun, zarurat bo'lganda davolash davomiyligi uzaytirilishi mumkin. .
Yaqqol immunitet tanqisligida, shu jumladan OIV-infektsiyasining kengaytirilgan klinik manzarasida (shu jumladan OIV-infektsiyasining erta klinik ko'rinishlari va OITS bosqichi), suyak iligi implantatsiyasidan keyin kompleks terapiya tarkibida 400 mg dan sutkasiga 5 marta tayinlanadi.
Immunitet statusi normal bo'lgan bemorlarda Herpes simplex 1 va 2 turlari virusi chaqirgan infektsiyalar retsidivlari profilaktikasi uchun
Kattalarga - 200 mg dan sutkasiga 4 marta har 6 soatda, kurs davomiyligi 6 dan 12 oygacha.
Immunitet tanqisligi bo'lgan bemorlarda Herpes simplex 1 va 2 turlari virusi chaqirgan infektsiyalar profilaktikasi uchun
Kattalarga - 200 mg dan sutkasiga 4 marta har 6 soatda, maksimal doza - infektsiya og'irligiga qarab sutkasiga 5 marta 400 mg gacha.
O'rab oluvchi temiratkini davolashda - 800 mg dan sutkasiga 5 marta (uyg'oq paytda har 4 soatda, tungi uyqudan tashqari) 7-10 kun davomida.
3 yoshdan katta bolalarga preparat kattalar uchun dozada tayinlanadi. Suvchechakni davolash: kattalar va 6 yoshdan katta bolalarga - 800 mg dan sutkasiga 4 marta; 3-6 yoshli bolalarga - 400 mg dan sutkasiga 4 marta. Dozani aniqroq qilib 20 mg/kg hisobidan aniqlash mumkin. Davolash kursi - 5 kun.
Buyrak funktsiyasi buzilgan bemorlarda kreatinin klirensi kattaligi va infektsiya turiga qarab dozalar va dozalash rejimini to'g'irlash zarur. Herpes simplex chaqirgan infektsiyani davolash uchun kreatinin klirensi 10 ml/daq dan kam bo'lganda preparatning sutkalik dozasini 400 mg gacha kamaytirish kerak, uni 2 qabulga bo'lib (ular orasidagi intervallar kamida 12 soat, ya'ni 200 mg dan sutkasiga 2 marta).
Varicella zoster chaqirgan infektsiyalarni davolashda va yaqqol immunitet tanqisligi bo'lgan bemorlarning ushlab turuvchi terapiyasida - kreatinin klirensi 10-25 ml/daq bo'lgan bemorlarga preparat 800 mg dan sutkasiga 3 marta 8 soatlik interval bilan, kreatinin klirensi 10 ml/daq dan kam bo'lganda - 800 mg dan sutkasiga 2 marta 12 soatlik interval bilan tayinlanadi.Dozani oshirib yuborishSimptomlari: ajitatsiya, koma, tirishishlar, letargiya. Agar uning kontsentratsiyasi buyrak naychalaridagi eruvchanligidan oshsa (2,5 mg/ml), buyrak naychalarida atsiklovir pretsipitatsiyasi bo'lishi mumkin.
Davolash: simptomatik.
Hajm/og'irlik
ASIKLOVIR AKRIXIN tabletkalari 200mg N20 o'xshash dorilari
Atsiklovir boshqa chiqarish shakllari
ASIKLOVIR AKRIXIN tabletkalari 200mg N20 analoglari
