ASIKLOVIR liofilizat 0,25g N1
ASIKLOVIR liofilizat 0,25g N1 o'xshash dorilari
ASIKLOVIR liofilizat 0,25g N1 qo'llanmasi
Kattalarda atsiklovir 2,5 mg/kg, 5 mg/kg va 10 mg/kg dozalarda 1 soatlik infuziyadan so'ng Css max mos ravishda 5,1 mkg/ml, 9,8 mkg/ml va 20,7 mkg/ml ni tashkil qiladi. 7 soatdan keyin Css min ko'rsatkichi mos ravishda 0,5 mkg/ml, 0,7 mkg/ml va 2,3 mkg/ml ni tashkil qiladi.
Yangi tug'ilgan chaqaloqlarda va 3 oylikkacha bo'lgan go'daklarda atsiklovir 10 mg/kg dozada bir soat davomida 8 soatlik oraliqlar bilan yuborilganda Css max 13,8 mkg/ml, Css min 2,3 mkg/ml ni tashkil qiladi.
Atsiklovir gematoensefalik va yo'ldosh to'siqlari orqali o'tadi. Serebrospinal suyuqlikdagi atsiklovir kontsentratsiyasi uning plazmadagi kontsentratsiyasining 50% ini tashkil qiladi. Ko'krak sutida aniqlanadi. Plazma oqsillari bilan arzimas darajada bog'lanadi (9-33%). Atsiklovirning asosiy metaboliti 9-karboksimetoksimetilguanin hisoblanadi.
Kattalarda atsiklovir vena ichiga yuborilgandan so'ng plazmadan yarim chiqarilish davri taxminan 2,9 soatni tashkil qiladi. Preparatning katta qismi buyraklar orqali o'zgarmagan holda va 9-karboksimetoksimetilguanin ko'rinishida (10-15%) chiqariladi. Atsiklovirning buyrak klirensi kreatinin klirensidan sezilarli darajada oshadi, bu preparatning kalavalar filtratsiyasi va naychalar sekretsiyasi yo'li bilan eliminatsiyasidan dalolat beradi. Keksa bemorlarda atsiklovirning yarim chiqarilish davri biroz ortadi.
Surunkali buyrak yetishmovchiligi bo'lgan bemorlarda atsiklovirning yarim chiqarilish davri 19,5 soatni, gemodializ holatida – 5,37 soatni tashkil qiladi (bunda plazmadagi kontsentratsiya boshlang'ich qiymatning 60% gacha kamayadi).
3 oylikkacha bo'lgan bolalarda preparat vena ichiga tomchilab 10 mg/kg dozada 1 soat davomida sutkada 3 marta yuborilganda yarim chiqarilish davri 3,8 soatga teng.
Preparat qo'llanilganda bosh og'rig'i, yuqori toliqish, qon zardobida bilirubin, mochevina va kreatinin miqdorining oshishi, jigar transaminazalari faolligining o'tkinchi oshishi, shishlar, limfoadenopatiya bo'lishi mumkin.
Ayrim hollarda nevrologik buzilishlar, uyquchanlik, ko'ngil aynishi, qusish, diareya, ichak sanchig'i qayd etilishi mumkin. Teri allergik reaksiyalari (preparat bekor qilingandan keyin tez o'tib ketadi), eshakemi, qichishish, isitma, kam hollarda - hansirash, angionevrotik shish, anafilaksiya, leykopeniya, trombotsitopeniya bo'lishi mumkin. Kam hollarda (odatda ekstravazatsiyada) yuborish joyida mahalliy yallig'lanish, flebit paydo bo'lishi mumkin.
Yuqori dozalarda kursli tomir ichiga yuborilganda buyrak yetishmovchiligi rivojlanishi mumkin.
Markaziy asab tizimi tomonidan nojo'ya ta'sirlar odatda qaytuvchan xarakterga ega, asosan preparat yuqori dozalarda yuborilganda, shuningdek buyrak yetishmovchiligi va OITS bo'lgan bemorlarda namoyon bo'ladi.
Homiladorlik va laktatsiyada atsiklovir faqat hayotiy ko'rsatmalar bo'yicha tayinlanadi; davolash davrida emizish to'xtatiladi.
Immunitet tanqisligi bo'lgan bemorlarda, ayniqsa ko'p marta takroriy davolash kurslari o'tkazilganda viruslarning atsiklovirga chidamliligi yuzaga kelishi mumkin.
Agar kasallik yengil shaklda kechsa, preparat bolalarga suvchechakda tayinlanmaydi. Immunitet ko'rsatkichlari normal bo'lgan bolalarda Herpes simplex virusi chaqirgan infeksiyalar retsidivlari profilaktikasi uchun va o'rab oluvchi gerpes virusi chaqirgan infeksiyalarni davolash uchun atsiklovirni qo'llash klinik ma'lumotlar yo'qligi sababli tavsiya etilmaydi.
Suyak ko'migi transplantatsiyasidan oldin 1 oy davomida atsiklovirni vena ichiga tayinlash va keyinchalik preparatni ichga qabul qilish o'lim ko'rsatkichining pasayishiga olib keladi.
Davolash davrida adekvat regidratatsion terapiya o'tkazish kerak, ayniqsa keksa bemorlarda va atsiklovirning yuqori dozalari qo'llanilganda. Buyrak yetishmovchiligi bo'lgan keksa bemorlarga preparatni pastroq dozalarda tayinlash zarur.
Preparat transport vositalarini va mashina uskunalarini boshqarish qobiliyatiga ta'sir qilmaydi.
Atsiklovirga yoki valatsiklovirga yuqori sezuvchanlik.
Homiladorlik va emizishda qo'llanilishi
Homiladorlikda atsiklovirni qo'llash faqat ona uchun taxmin qilinadigan foyda homila uchun potentsial xavfdan ustun bo'lgan hollarda mumkin.
Laktatsiya davrida atsiklovirni v/i qo'llash mumkin emas (ko'krak suti bilan ajralib chiqadi).
Hayvonlarda o'tkazilgan eksperimental tadqiqotlarda atsiklovir platsentar to'siq orqali o'tishi ko'rsatilgan.
Buyrak faoliyati buzilishlarida qo'llanilishi
Buyrak faoliyatining og'ir buzilishlarida qo'llash tavsiya etilmaydi.
Buyrak yetishmovchiligida dozalash tartibini tuzatish zarur.
Atsiklovirni qo'llashda atsiklovir kristallari cho'kmasi hosil bo'lishi oqibatida o'tkir buyrak yetishmovchiligi rivojlanishi mumkinligini hisobga olish kerak, bu ayniqsa tez v/i yuborilganda, nefrotoksik preparatlar bir vaqtda qo'llanilganda, buyrak faoliyati buzilgan bemorlarda va suv yuklamasi yetarli bo'lmaganda ehtimoli yuqori.
Atsiklovirni qo'llashda buyrak faoliyatini (qonda mochevina azoti va qon plazmasida kreatinin darajasini aniqlash) nazorat qilish kerak.
Probenetsid bir vaqtda qo'llanilganda atsiklovirning naychalar sekretsiyasini pasaytiradi va shu bilan qon plazmasida konsentratsiyasi va atsiklovir T1/2 ni oshiradi.
Atsiklovir nefrotoksik preparatlar bilan bir vaqtda qo'llanilganda nefrotoksik ta'sir rivojlanish xavfi ortadi (ayniqsa buyrak faoliyati buzilgan bemorlarda).
Immunostimulyatorlar bir vaqtda tayinlanganda atsiklovir samarasining kuchayishi qayd etiladi.
Eritmalar aralashtirilganda v/i yuborish uchun atsiklovirning ishqoriy reaksiyasini (pH 11) hisobga olish kerak.
Herpes simplex 1 va 2 turlari chaqirgan infektsiyalarda (gerpetik meningoentsefalitdan tashqari) vena ichiga 5 mg/kg dozada sutkasiga 3 marta 8 soatlik interval bilan yuboriladi.
Gerpetik meningoentsefalitda har 8 soatda 10 mg/kg dozada yuboriladi (agar buyrak funktsiyasi buzilmagan bo'lsa), davolashni kasallik paydo bo'lishi bilanoq iloji boricha tezroq boshlash kerak.
Herpes Simplex 1 va 2 turlari virusi chaqirgan infektsiyalar profilaktikasi uchun yaqqol immunitet tanqisligida, shu jumladan suyak iligi transplantatsiyasidan keyin, yoki ichakdan so'rilish buzilganda, vena ichiga 5 mg/kg dozada sutkasiga 3 marta 8 soatlik interval bilan tayinlanadi.
Varicella zoster chaqirgan infektsiyalarda vena ichiga 5 mg/kg dozada sutkasiga 3 marta 8 soatlik interval bilan yuboriladi. Immunitet tanqisligi bo'lgan bemorlarga dozalar har 8 soatda 10 mg/kg gacha oshiriladi (agar buyrak funktsiyasi buzilmagan bo'lsa). Davolashni toshma paydo bo'lishi bilanoq iloji boricha tezroq boshlash kerak.
Tsitomegalovirusli infektsiya profilaktikasi uchun preparat vena ichiga 500 mg/m2 dozada sutkasiga 3 marta (har 8 soatda), suyak iligi transplantatsiyasigacha 5 kun davomida va transplantatsiyadan keyin 30 kun davomida yuboriladi.
Yaqqol immunitet tanqisligida kompleks terapiya tarkibida kattalarga 1 oy davomida vena ichiga atsiklovir bilan terapiya kursi o'tkaziladi, keyinchalik atsiklovirni ichga qabul qilishga o'tiladi.
Kattalar uchun maksimal doza – 30 mg/kg/sut.
3 oylikdan 12 yoshgacha bo'lgan bolalarga odatda kattalar uchun dozaning yarmiga teng dozada qo'llaniladi (250 mg/m2 sutkasiga 3 marta, har 8 soatda).
Herpes simplex 1 va 2 turlari chaqirgan infektsiyalarni davolash uchun, shuningdek immunitet tanqisligi bo'lgan bolalarda Herpes simplex 1 va 2 turlari virusi chaqirgan infektsiyalar profilaktikasi maqsadida 250 mg/m2 dozada sutkasiga 3 marta (har 8 soatda) tayinlanadi.
Bolalarda suvchechakni davolash uchun 250 mg/m2 dozada sutkasiga 3 marta (har 8 soatda) qo'llaniladi.
Immunitet tanqisligi bo'lgan bolalarda suvchechakni davolash va gerpetik meniigoentsefalitni davolash uchun vena ichiga yuborish uchun tavsiya etilgan doza 500 mg/m2 sutkasiga 3 marta (har 8 soatda) ni tashkil qiladi, agar buyrak funktsiyasi buzilmagan bo'lsa.
2 yosh va undan katta bolalarda tsitomegalovirusli infektsiya profilaktikasi uchun kattalar uchun bo'lgani kabi dozalar tavsiya etiladi (500 mg/m2 sutkasiga 3 marta, har 8 soatda, suyak iligi transplantatsiyasigacha 5 kun davomida va transplantatsiyadan keyin 30 kun davomida).
Preparat dozalari kreatinin klirensi qiymatlariga muvofiq belgilanadi: kreatinin klirensi 25-50 ml/daq bo'lganda 5-10 mg/kg yoki 500 mg/m2 dan sutkasiga 2 marta (har 12 soatda), kreatinin klirensi 10-25 ml/daq bo'lganda 5-10 mg/kg yoki 500 mg/m2 dan sutkasiga 1 marta, kreatinin klirensi 10 ml/daq dan kam bo'lganda 2,5-5 mg/kg yoki 250 mg/m2 dan sutkasiga 1 marta tayinlanadi, gemodializ yoki uzluksiz ambulator peritoneal dializ o'tkazish sharti bilan.
Davolash kursi davomiyligi bemorning holati va o'tkazilayotgan terapiyaga javobga bog'liq. Preparat vena ichiga odatda 5 – 7 kun davomida yuboriladi. Gerpetik meningoentsefalitda davolash kursi davomiyligi odatda 10 kunni tashkil qiladi.
Vena ichiga yuborish uchun infuzion eritmani tayyorlash va yuborish qoidalari
Vena ichiga yuborish uchun 0,25 g saqlovchi 1 flakon tarkibi 10 ml in'ektsiya uchun steril suvda yoki steril 0,9% li natriy xlorid eritmasida eritiladi. Eritmani in'ektsiya ko'rinishida sekin (bir soat davomida) yuborish yoki tomchilab qo'llash mumkin, buning uchun olingan eritma (1 ml da 25 mg) qo'shimcha ravishda 40 ml erituvchida suyultiriladi (olingan eritmaning umumiy hajmi 50 ml, 1 ml da 5 mg saqlaydi).
Vena ichiga yuborish uchun 0,5 g saqlovchi 1 flakon tarkibi 20 ml in'ektsiya uchun steril suvda yoki steril 0,9% li natriy xlorid eritmasida eritiladi. Eritmani in'ektsiya ko'rinishida sekin (bir soat davomida) yuborish yoki tomchilab qo'llash mumkin, buning uchun olingan eritma (1 ml da 25 mg) qo'shimcha ravishda 80 ml erituvchida suyultiriladi (olingan eritmaning umumiy hajmi 100 ml, 1 ml da 5 mg saqlaydi).
Vena ichiga yuborish uchun 1,0 g saqlovchi 1 flakon tarkibi 40 ml in'ektsiya uchun steril suvda yoki steril 0,9% li natriy xlorid eritmasida eritiladi. Eritmani in'ektsiya ko'rinishida sekin (bir soat davomida) yuborish yoki tomchilab qo'llash mumkin, buning uchun olingan eritma (1 ml da 25 mg) qo'shimcha ravishda 160 ml erituvchida suyultiriladi (olingan eritmaning umumiy hajmi 200 ml, 1 ml da 5 mg saqlaydi).
Preparat kristallarining to'liq erishiga erishish kerak. Yangi tayyorlangan eritmalarni qo'llash kerak.
Kattalarga atsiklovir 500 mg gacha dozalarda qo'llanilganda preparatni kamida 100 ml suyuqlik hajmida yuborish kerak. Preparatni yuqori dozalarda (500 mg dan 1000 mg gacha) yuborish zarur bo'lganda yuboriladigan suyuqlik hajmini oshirish kerak.
Vena ichiga yuborish preparat dozasidan qat'i nazar sekin, tomchilab, 1 soat davomida amalga oshiriladi. Preparatni uzatishni boshqariladigan in'ektsion nasos yordamida yuborish mumkin.
Vena ichiga yuborish uchun tayyorlangan eritma 15-25°S haroratda 12 soatdan ko'p bo'lmagan muddatda saqlanishi kerak. Suyultirishda, yuborishda yoki saqlashda loyqalanish, kristallanish sodir bo'lsa, eritmani qo'llash istisno qilinadi.
Xususiyatlar ASIKLOVIR liofilizat 0,25g N1
Atsiklovir boshqa chiqarish shakllari
ASIKLOVIR liofilizat 0,25g N1 analoglari
