ASIKLOVIR SD tabletkalari 200mg N10

Virusga qarshi preparat, virus ko'payishini bloklaydi. 1 va 2 turdagi oddiy gerpes viruslariga, o'rab oluvchi temiratki va Epshteyn-Barr virusiga nisbatan yuqori faol. Tsitomegalovirusga nisbatan o'rtacha faol. Gerpesda yangi toshma elementlari hosil bo'lishining oldini oladi, keng tarqalgan toshmalar va asoratlar ehtimolini kamaytiradi, qatqaloqlar hosil bo'lishini tezlashtiradi, o'rab oluvchi gerpesning o'tkir bosqichida og'riqni kamaytiradi. Immunostimulyator ta'sir ko'rsatadi.

- Herpes simplex 1 yoki 2 turi chaqirgan teri va shilliq qavatlar infektsiyalarini davolashda kattalar va 2 yoshdan katta bolalarga – 200 mg dan sutkasiga 5 marta 5 kun davomida kunduzi 4 soatlik intervallar bilan va tunda 8 soatlik interval bilan (zarurat bo'lganda kurs uzaytirilishi mumkin). - Herpes simplex 1 yoki 2 turi chaqirgan infektsiyalar retsidivlarini oldini olish uchun va kasallik retsidivida – 200 mg dan sutkasiga 4 marta har 6 soatda. Profilaktik yuborish davomiyligi xavf davri davomiyligi bilan belgilanadi. - Varicella zoster chaqirgan infektsiyalarni davolashda kattalarga 800 mg dan sutkasiga 5 marta kunduzi har 4 soatda va tunda 8 soatlik interval bilan tayinlanadi. Davolash davomiyligi – 7 kun. Immunitetga ega bemorlarda suvchechakni davolashni toshma paydo bo'lganidan keyin 24 soat ichida boshlash kerak. - Immuniteti zaiflashgan bemorlarning holati og'ir bo'lganda (masalan, suyak iligi transplantatsiyasidan keyin) yoki ichakdan so'rilish buzilgan bemorlarda atsiklovirni vena ichiga qo'llash afzalroqdir. Bolalar. - Gerpetik infektsiyani davolash va immuniteti zaiflashgan 2 yosh va undan katta bolalarda gerpes profilaktikasida kattalar uchun tavsiya etilgan dozalarni qo'llash kerak. 2 yoshgacha bo'lgan bolalarga kattalar dozasining yarmi tayinlanishi kerak. - Suvchechakni davolash: 6 yosh va undan katta bolalar: atsiklovir 800 mg kuniga 4 marta, 2-5 yosh – 400 mg kuniga 4 marta, 2 yoshgacha – 200 mg kuniga 4 marta. Davolashni 5 kun davom ettirish kerak. Doza aniqroq bo'lishi mumkin – tana vazniga 20 mg/kg (lekin 800 mg dan ko'p emas) atsiklovir kuniga 4 marta. - Immunitetga ega bolalarda o'rab oluvchi gerpesni davolash natijalari to'g'risida ma'lumotlar yo'q. Keksa bemorlar. Keksa odamlarda buyrak funktsiyasi buzilishi ehtimolini hisobga olish kerak, shuning uchun dozani tegishli ravishda to'g'irlash kerak. Atsiklovirning yuqori peroral dozalarini qabul qilayotgan keksa bemorlarda adekvat gidratatsiya saqlanishi kerak. Buyrak yetishmovchiligida dozalash. - Oddiy gerpes chaqirgan infektsiyani davolashda buyrak funktsiyasining og'ir buzilishi (kreatinin klirensi 10 ml/daq dan kam) bo'lgan bemorlarda dozani to'g'irlash tavsiya etiladi: 200 mg atsiklovir, kuniga 2 marta, taxminan 12 soatlik interval bilan. - O'rab oluvchi gerpesni davolashda buyrak funktsiyasining og'ir buzilishi (kreatinin klirensi 10 ml/daq dan kam) bo'lgan bemorlar uchun dozani 800 mg atsiklovir, kuniga 2 marta, taxminan 12 soatlik interval bilan va buyrak funktsiyasining o'rtacha buzilishi (kreatinin klirensi 10-25 ml/daq oralig'ida) bo'lgan bemorlar uchun 800 mg atsiklovir har kuni 3 marta, taxminan 8 soatlik interval bilan to'g'irlash tavsiya etiladi. A'zolar ko'chirib o'tkazilganda profilaktik davolash 6 hafta davomida o'tkaziladi.